"إنّ الله إذا أراد أن يجمع بين قلبين سيجمع بينهما ولو كان بينهما مداد السماوات والأرض.… " ♥️🎵

رحِم اللَّه من أعان أخاه على صلاح آخرته .. 🌸

ﺛﻢ ﻳﺰﻭﻝ ﻛﻞ ﺷﻲﺀ ﻇﻨﻨﺎﻩ ﺑﺠﻬﻠﻨﺎ ﺑﺎﻕٍ، ﻭﻧُﻔﺎﺭِﻕ ﻭﻧُﻔﺎﺭَﻕ، ﺛﻢ ﻳَﻤُﺮ ﻛﻞ ﺍﻟﺬﻱ ﻣﺮّ، ﻭﺗﺒﻘﻰ ﺁﺛﺎﺭﻩ ﻋﺎﻟﻘﺔ ﺑﻴﻦ ﺿﻠﻮﻋﻨﺎ، ﻭﻳﺒﻘﻰ ﺍﻟﻠﻪ ﻓﻲ ﻛﻞ ﺣﻴﻦ ﺟﺎﺑﺮ ﺍﻟﺨﻮﺍﻃﺮ .. ♥✨

اغمضتها كي لا تفيض فأمطرت🍃🚶

لكي لا يقولو جاع طائر في القيادة 💜✨🌸

وعن جمال الناس دي ياخ😭😭😭❤️❤️❤️❤️

نحن كتجمع الطلاب السودانيين الجامعيين نطالب بفترة إنتقالية مدتها شهرين قبل فتح الجامعات لكي نوفق فيها أوضاعنا ونبحث فيها عن شيتاتنا وأقلامنا ونتذكر نحن في أي جامعة وأي كلية وأي سمستر وأي تخصص 😹🐸🐸
خاصة للناس النازلين امتحانات بكلووو

منو معاي🙆‍♂

حرفيا 😂😂😂😂😂💔❤️

مبروك مبروك مبروك

مبروك لأي زول ما طلع موكب وشال (علم السودان) يوم سقوط البشير وطلع القيادة يحتفل .. كنت وين لما الناس الناس الكانت بتشيل (علم السودان) بيتم محاكمتها وقتياً بالسجن والغرامة

مبروك لأي زول ما طلع موكب و بعتبر الثورة بقت ( برنامج تافه) بالنسبة ليهو ماشي القيادة وجاي من القيادة .. كنت وين لما الناس كانت بتنضرب رصاص في السوق العربي وتعتقل وتندق دق العيش

مبروك لأي زول ما طلع موكب وشال (علم السودان) تاني يوم سقوط ابن عوف ومشى يحتفل في القيادة بالسقوط التاني .. كنت وين لما مات واستشهد عبدالعظيم ببسالة وشجاعة.

مبروك لأي زول ما طلع موكب وبجاهر الآن بانو ماشي القيادة .. وقبل الثورة كان بفضل يمشي شغلو أو يكون قاعد في بيتو .. كنت وين لما مات الشهيد بابكر عبدالحميد

مبروك لأي زول ما طلع موكب .. و هسه مستعجل وجاري جرى على القيادة .. كنت وين لما الناس كانت بتجري من التاتشرات في شوارع الأحياء لأنها طلعت موكب وتظاهرة

مبروك لأي زول ما طلع موكب وشايل تلفونو السمح شديد وبصور لايفات القيادة بدون خوف .. كنت وين لما الناس بتخلي تلفوناتها (الما سمحة) في البيت وبتشيل ريبيكا عشان التواصل بس وعشان طالعة موكب وعارفة انها ممكن تعتقل .

مبروك لأي زول ما طلع موكب وطالع مع أفراد اسرتو ماشي القيادة يحتفل ويهجج وينبسط .. كنت وين لما الواحد كان بقول لامو : ( اديني رضاك قدامي نضال) ويطلع على الموكب لانو عارف انو ممكن يموت وما يرجع يشوفها.

مبروك لأي زول ما طلع موكب وشايل آيفونو الخطير وبتصور سيلفهات مدهشة وحلوة في كل أقسام وأماكن القيادة .. كنت وين لما الناس كانت بتوثق لحظات استشهاد الشهداء العظيمة من وراء حجاب وهي بتبكي.

مبروك لأي زول ما طلع موكب .. وماشي القيادة عشان يشاغل ويغازل ويخلط البنات ويرضى غرورو الذكوري .. كنت وين لما البنات كانن بيتم التحرش بيهن عياناً بياناً جهاراً نهاراً من قبل كلاب الأمن والمخدرات في المواكب التظاهرات

مبروك لأي زول ما طلع موكب وحالياً في القيادة بشكل يومي شايل ليهو قارورة ويرشرش في وجوه البنات خفة وظرافة .. كنت وين لما البنات كانت بتصاب بإغماءات البمبان في شوارع القصر والسيد عبدالرحمن بالسوق العربي .

مبروك لاي زول ما طلع موكب وحفظ ليهو هتاف هتافين ومشي القيادة محمول على الأعناق عامل فيها مناضل وثوري وكادر جامعي سابق ومخضرم .. كنت وين لما الناس كانت بتشيل أصحابها وناس ما بتعرفها أساساً لأنها انضربت رصاص وأصيبت وما معروفة ميتة ولا حية.

مبروك لأي زول ما طلع مواكب .. وعندو وسيلة ترحيل حالياً شغالة العربي القيادة ومكتوب فيها عبارات ثورية بالبخاخات الملونة .. كنت وين لما العربي كان بكون فاضي ما فيهو إلا كلاب الأمن والمتظاهرين في مواجهات غير عادلة.

مبروك لأي زول ما طلع موكب .. وحالياً بببت في القيادة كل يوم مستمتع بالنصر المزيف .. كنت وين لما الناس كانت بتبيت في زنزانات العسس ومعتقلات الأمن .

مبروك لأي زول ما طلع موكب .. وفي القيادة تلقاهو طالع في أبعد نقطة وابعد مكان شايل علم كبييييييير .. كنت وين لما الناس كانت بتُطارد في سطوح مباني السوق العربي العالية وتحاصر لأكثر من ساعات بكل مشاعر الخوف والتوتر

مبروك لإي زول ما طلع موكب .. وحالياً بمارس في كرم مزيف .. كنت وين لما الناس بتقفل بيوتها في وجه المتظاهرين المطاردين من قبل عشرة تاتشرات .

مبروك لأي زول ما طلع موكب .. وهسه في شارع النيل بتبهابل وبتظارف وبفحط .. براڨو يا خطير .. كنت وين لما الناس بيتم دهسها بالتاتشرات مع سبق الإصرار والترصد.

مبروك لأي زول ما طلع موكب .. وحالياً متبني الهتافات التافهة والخاوية من المحتوى .. كنت وين لما الناس كانت بتهتف (حرية سلام وعدالة والثورة خيار الشعب) و (كل البلد دارفور يا عنصري ومغرور)

مبروك لأي زول ما طلع موكب .. وحالياً بتثير حماستو وهاشميتو زغرودة البنات في القيادة وهااااااك يا شبال .. كنت وين لما المواكب كانت بتبدأ بزغرودة حلوة آخر الصف .. وبعديها لا بتشوف لا بتسمع .. سيل من القنابل المسيلة للدموع (البمبان) وسيل من القنابل الصوتية .

مبروك لأي زول ما طلع موكب .. وحالياً فتر وتعب من المساسقة والمبيت في القيادة .. كنت وين لما الناس بتبيت في زنزانات متر في متر لشهور وشهور .

مبروك لأي زول ما طلع موكب .. وحالياً كلَّ وملَّ من مطالب التجمع وقال تجمع المهنيين الآن لا يمثلني .. كنت وين لما قيادة التجمع كانت قدام في أول موكب من مواكب الخرطوم موكب 25 ديسمبر المجيد

مبروك لأي زول ما طلع موكب .. وحالياً بقول التجمع زودها شدييييد ولا يمثلني .. كنت وين لما قيادات التجمع دي تم إعتقال زهرة شبابها (الأصم) في أول مؤتمر وقعد في المعتقل ٣ شهور كاملة

مبروك لأي زول ما طلع موكب .. عايز الحياة الطبيعية ترجع وينفض الاعتصام عشان عاوز يكمل (الجامعة) وعشان عايز يعرس (كنداكة) .. كنت وين لما تم قتل الشهيد (محجوب) لانو دافع عن أخوات

و البنات وكان بيحلم بانو يبقى (طبيب) ويعرس (كنداكة)

مبروك لأي زول ما طلع موكب .. وجا احتفل (مرتين) بسقوط (حكومتين) و افتكر انها مسألة وخلصت .. ثورة وانتهت .. وناسي أو تناسى المطالب المن أجلها طلع من طلع .. عريانة ترجف القناص

مبروك لأي زول ما طلع موكب .. وفضل يقيق في صف بنزين وبطول .. صف عيش مذلول .. صف كاش مجهول .. كنت وين لما الناس كانت بتعتقل ويوقفوها على الحيط لأنها طلعت عشانك وعشان مطالبك بهتاف (تسقط حكومة الجوع).

مبروك لأي زول ما طلع موكب .. وعايش في امان وسلام .. كنت وين لما تم إعتقال (ولسه) اولاد دارفور من الدروشاب واتهامهم بأنهم (خلية إرهابية) وتم ممارسة أبشع أساليب التنكيل فيهم وبهم لإنهم طالبوا بحياة كريمة .. حياة زي حياتك أو أقل .. سلام وبس.

مبروك لأي زول ما طلع موكب .. وشايف انو الحكومة الجديدة دي كويسة .. ونفض الاعتصام ونرجع بيوتنا وناسي أو تناسى انو ذات الحكومة دي كتلت شباب باهيين وزينييين لأنهم طلعوا مطالبين بحقوق كريمة ومتساوية للجميع فكيف نرجع وحقهم لسه ما رجع

مافي مبروك ومافي تهنئة للباقين ومافي أي كلام ✌✌

#اعتصام_القيادة_العامة

‏- دي تعليمَات
- مُخالِف سعادتك.

عندما تكون المبادئ فوق المناصب و الرُتب.
لن ننسى يا نقيب ⁦ 🇸🇩⁦❤️⁩

#YaGeen_A_Ahmad

وبكيت عليك حرقه حشايا يازول مشي وخلانا في وجع الفراق وبكيت عليك لابيني بينك معرفه بس الصفه انك شهيد كان ايه حصل شان نيلنا يصبح لونو دم والقلب يعصرفي الالم دخل الحزن جوه العظم وبكيت مالو البكا اصبح رفيق في كل صباح الحال يضيق شمس الفرح لابد تعود ارواحكم النور في طريق وبكيت عليك لابيني بينك ذكريات لاكنت بعرف ليك اسم بس شفت ثغرك مبتسم لابيني بينك معرفه بس الصفه انك شهيد

المدرسه المفتوحه لأبطال الشوارع بمقر الاعتصام تواصل نشاطاتها

الناس دي جميلة بشكل 🙂❤️

اتخيل تمشي ضيف عند نااس وانتو طالعين يقولو ليكم "يخواانا الشااي"
البسكتني شنو تاني؟😹😹😹
منو زيي😂✋

عزيزي المحلس العسكري زي ما انت مستاء من قيام الثوار بدور العساكر في تفتيش الناس واقامة المتاريس نحن مستاءين من قيام المجلس العسكري بدور المدنيين في الحكم فااا شنو سيب وانا اسيب

و زي م قالو ...
الحشاش يملا شبكتو 🚶‍♂🚶‍♂

بعدين اولادنا حيدعوا انوا المقالة في الامتحان تجي فترة حكم ابن عوف
😂😂😂😂😂😂💔

شكراً للثوررة الخلتني اعشق السياسة 💜💜💜💜💜💜

امتحان التاريخ بعد 40 سنه👇👇 😁.

جمهورية السودان
. وزارة التربية والتعليم
. إمتحانات الشهادة السودانية الثانوية
للعام 2060
. المادة ( التاريخ. )

السؤال الأول:ـ

عرف كل مما ياتي
١/الكيزان. ........................................................

٢/ المشروع الحضاري ..................................................

٣/القطط السمان .......................................................

السؤال الثاني: ـ
أذكر إثنين من الآتي

مقولات مشهوره للبشير.
١/.................... ٢/.......................

شهداء ثورة 19 ديسمبر.
١/.....................٢/.......................

مقومات الثورة (الســودان في عهد البشير).
١/.....................٢/.........................

السؤال الثالث: ـ

ضع علامه (√) امام الاجابه الصحيحه وعلامة (×) امام الخطأ

1/هل يمكن للطلبه طلوع السقالة ؟ ( )
2/صاحب مقوله " مش كدا يا وداد " هو علي عثمان ؟ ( )
3/هل كتائب الظل هي عبارة عن منقبات. ؟ ( )
4/ من احدى اسباب الثوره رغد المعيشه. ( )
5/ زوجة الرئيس المخلوع الفاسده هي وداد بابكر. ( )

السؤال الثالث:ـ
تحدث بإختصار

1/صلاح قوش وطقاشتة ____________________________________
____________________________________
____________________________________

2/ كسر سن البشير وسببها
______________________________________
______________________________________
______________________________________

3/ التهام نمل السكر ل 50 طن سكر باحدى المحليات
______________________________________
______________________________________
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

السؤال الرابع

ضع دائر حول حرف الإجابة الصحيحة

ا/أكثر رئيس في عهده نهبت ثروات السودان؟

1/ البشير
2/ عمر البشير
3 عمر حسن احمد البشير
4/ كل ما ذكر صحيح

ب/منبع إنطلاق شرارة الثورة
1/ نيالا
2/ بورتسودان
3/عطبره
4/ سنار

ج/ كم حكم عوض بن عوف السودان؟
1/ شهر
2/ يوم واحد
3/سنه
4/عشره ايام

السؤال الخامس

أكتب مقالاً قصيرًا. عن الآتي
١_ الجداد الإكتروني
ـــــــــــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــــــ

٢_ مقولة بوخة المرقه للصادق المهدي
ـــــــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــــــــــــ

٣_ نظرية ( رب رب رب)
ــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــ

السؤال السادس: ـ

أكتب مقالاً طويلاً مفصلا عن احد العناوين الآتيه

1/تجمع المهنيين السودانيين
2/ كتائب الظل المكونه من الانكشاريه
3/ليلة سقوط الحكم الكيزان

. ✍🏻 ؛ والله الموفق

متتتتتت❤️😂😂😂😂😂