قال:شفتها بالصدفه في شارع بيتنا،كانت لابسه توبها ونعال البيتورجولها غبششهه وتوبها مكرفس ،كنا ماشين في نفس الاتجاه هي قدامي وانا وراها ،وصلت البقاله الانا زاتي كنت قاصدها بتاع البقاله كان مشغول وقفت وهي ساكته جيت وقفت قالت ليهو دايرة "فول ،وزيت"سلمت على بتاع البقاله وقلت ليهو ي باشا كيفك تمام ناولني سيجارة بالله ،ناولني السيجاره فجأة سمعتها قالت ليهو انا منتظراك على فكره،قال ليها جداا دقايق بس،ولعت سيجارتي ونفختها في وقفتي ديك اظنها اتضايقت غطت انفها بي توبها م ركزت معاها كتير قلت لبتاع البقاله ناولني اسكراتش زين بالله ولسسه انا بنفخ في سجارتي ،برضو ناولني ليهو وهي لسسه واقفه غيرت ملامح وشها و اتحركت من مكانها ومشت وقفت جمب قدرة الفول منتظره،شلت رصيدي وبقيت ماشي وانزل في الاسكراتش و ماشي على اقل من مهلتي جات ماشه فينيشفتها دخلت البيت المقاصدنا بس على حسب انو نحن جداد في الحي م كنت عارف شي في الحيواتكررت شوفتي ليها تلاته مرات والبت عجبتني ودخلت مزااجي شديد حالي حال اي ولد بشوف ليهو بت عجبتو بتمنى يحنك معاها حتى لو كلام سااي المهم يرضى غرورو ودا الحصل معاي، طبعا م كنت بقدر اوقفها ولا اتكلم معاها ولا اي شي ع حسب شخصيتي التقيله م كنت بقدراعمل كدة بس بقيت افكر في طريقه ممكن تعرفني بيها على طول بقيت احنك مع الحاجه واقول ليهاي حجه م تقعدو في البيت كدة اطلعو على اهل الحي واتعرفو على الجيران ،وطبقت الكلام ده على اخواتيبرضو لغاايه م اقنعتهم بالحاجه دي وخليتهم يدخلو عليهم وشويه شويه اخواتي شبه صاحبوها وكدة حسيت نفسي ماشي صح بس هي زاتها لوشافتني في الشارع م بترفع عينها بتعاين لي،واكتر حركه استفزتني فيها يوم لاقيتها الصباح وهي طالعه الجامعه وقفت ليها على اساس تجي تركب اوصلها اتخطتني، مشيت قدامها نزلت قزاز العربيه قلت ليها سلام عليكم؟؟كأنيبأذن في مالطه حيرتني بقيت اسأل روحي هل هي بكماء ولا مالها يعني؟كل مرهه كانت بتجذبني ليها اكتر واكتر ،او انا الكنت بنجذب ليها بشكل تلقائيمقوله"الكلب بحب خناقو دي كانت بتمثلني جداا"بالرغم من انو الحاصلمعاي دا م كان حب لأنو غيرها انا كنت بعرف بنات بعدد سبيبات راسها يعني ابدا م واقف عليها بس زي م قولته ليكم دخلت مزاجي وخلاصعشان اصل ليها الموضوع اخد مني 10شهور واكتر ،ع حسب انو اخواتي صاحبوها بقت تجي بيتنا وهم يمشو ليها وكدا , هنا لقيت فرصتي فيها وبقيت اتكلم معاها شويه شويهواحيانا بقيت اتعمد اطلع بدري عشان الاقيها واوصلها معاي في شاارعي حتى لو م شارعي بغيرو عشانها هي،شويه شويه بديت اتقرب منها واموري شبه ظبطت وحنكت معاها كانت بريئه شديد بالرغم من عنادها في البدايه بس لما اتعرفته عليها وقربت منها لقيتها طفله عديييل، لما خلاص ضمنت انيحنكتها وعلقتها بي وأرضيت غروري بيها بقيت .......... يتبع#تعديل_1بقيت اعمل ليها حركات يعني في بداية علاقتي بيها كان عادي اليوم كلو اتكلم معاها اهتمام بادق التفاصيل وكدا , بس اول م ضمنتها خلاص بقيت عادي يوم كامل م اتكلم معاها،عادي ممكن ترسل لي واشوف مسجها م ارد عليها،عادي اشوفها في الشارع واتجاوزها واعمل نفسي م شايفها مع انو في بدايه العلاقه اليوم كلو كنت بكون واقف في الشارع عشان المحها،الوضع اتغييير شديييد وهي كانت حسساااسه شديييد والغريبه كانت اي كلمه اقولهاليها بتسمعها،اي عذر اديها ليهو بتصدقو وبتقبلو ،كانت بتثق فيني لدرجة كدا حتى لو شافتني بعيونهابعمل غلط بتكذب عيونها،وعادي تتصل الساعه3صباحا تلقى رقمى مشغول اقول ليها مع صحبي وتصدق مع انو اساسا م بكون صحبي ولا ااي شي وفي فترة كدة اهملتها شدييييد لدرجة انو كانت بتتصل علي وهي بتبكي عشان تعرف مالي متغير معاها كنت بكتفيبي جملة "ماف شي،مشغول بس م اكتر"،كنت دايما بخت الحق بتاع اغلاطيفي العلاقة دي عليها وانو هي نكدية وحساسه زيادة عن اللزوم وبسطبعا حالي حال زول كان شي داخل مزاجو ولقاهو وخلاص لهفتو ليهو اتلاشت وضمنو في حياتو والموضوع خلص وتقريبا دا حال تلات ارباعنا نحن الأولاد ،لغااااية م في يوم صحيت الساعه 10جهزت نفسي كالعادة طالع الدوام جاتني منها مكالمه م رديت عليها،تاني اتصلت برضو م رديت طلعت بعربيتي اتفاجأ بيها لابسه لبس الجامعة وواقفة قدام بابهم كأنها منتظراني وتلفونها في يدها يعني لسسسه كانت بتتصل،اشرت ليها وقفت مساااافة وهي بتعاين لي،اتقدمت بالعربية شويه واتصلت عليها عشان تجي وبالفعل جات ،كانت متردده تركب،قلت ليها اركبي, شكلها كانت بتبكي ،في قلبي قلت دراما من الصباح كدا فعلا الواحد بجيب البلاوي لنفسو بنفسو ..........
بعد ركبت قلت ليها كيفك؟قالت لي الحمدلله وانت؟قلت ليها بخير م عندي عوجه سكتت مسساافه وهي مشبكه يديها وبتضغط على صوابعها بعدها قالتلي بصوت مبحوح "ممكن اخد من وقتك 10دقايق؟قلت ليها جداا خيير،قالت لي انا م عارفه انت اتغيرت كدة ليييه ولا الغيرك شنووو بس المفروض حتى لو في سبب وانت شفت فيني حاجه غلط مفروض تجي تصارحني،لكن كونك تتغير كدة م حل ابدا،قلت ليها ي بت الناس م شايف فيك اي شي غلط والله عدااك العيب انتي،قالت لي طيب معناها اسباب تصرفاتك دي انتة زهجت مني صح؟اهو قضيت وقتكك معاي وخلاص،عايز افتح خشمي اتكلم ،قاطعتني وقالت"انا بفهم م غبيه على فكره بس علشان بحبك كنت بكذب نفسي وبكذب الشايفاهو قدامي علشان م اخسرك , بس في نفس الوقت انت بتعمل كل حاجه عشان تخليني اخسرك مع انو كان ممكن تقولها لي على بلاطه من غير الحركات دي،عاارف انت م اول زول اخسرو،لأنو انا خسرت امي وابوي ربنا يرحمهم ودا سبب رئيسي يخليني مجهزه نفسي لأي نوع من انواع الخسارات دي , بس اول مرة استصغر نفسي وانا بخسسسر زول يمكن علشان اول زول اثق فيهو واديهو الأمان،واول زول اتعلق بيهو اكتر من اني احبو ،اول زول حسيت انو اصح زول حاليا في حياتي،تتذكر لما في يوم قلت لي "نحن لما نحب بنبقى قدر كلمة حب دي وبنبقى باكر وامبارح للقلبنا دارها بجد؟"شكلو انا م الزوله القلبك دارها بجد بس جاوبني لييييهه م اتأكدت من مشاعرك في البداية قبل م تدخل حياتي وتقنعني بيك ؟ ليييه كنت بتتصنع كل التصرفات ديك وعشان شنو؟كنت بتثبت لي نفسكك انو انت راجل كدا؟طيب اسأل نفسك لما تعلق بيك بت وتكسرهاا هل دي تعتبر رجولة ؟م حاسي انو ارهقت نفسك زيادة عن اللزوم وانت بتحاول تصلني ؟بس يلا ي سيدي ابشرك انت كسبت وارضيت هرموناتك الذكورية وكسرتني والدليل على كدة انو انا واقفه من الساعه 7في الشارع ومفوته محاضرتي ومنتظراك علشان اقول ليك الكلام دة وببكي علشان تشفق علي
مبرووك عليك يلااا وانا بقولها ليك بنفسي
احترت وانا بسمعها قدر م حاولت امنع كلامها يصل ضميري م قدرت كان بنزل على قلبي زي اللهيب،بكلامها دا هي م استفذت غروري بس لأ خلتني اعيييد حساباتي في رجولتي كمان،بقيت بفتش على مبرر جواي انصف بيهو نفسي م لقيت ابدااا لأنو انا من البدايه كنت فعلا برضي جيناتي الذكوريه وكنت داخل في علاقه انا على ثقة اني حأغسسسل يدي منها بس م حسبت حساب ردة فعل الطرف التاني لأني ابدا م حاولت اخت نفسي مكانها...بكت مسااااافه بعدها مسحت دموعهاوقالت لي ماشي ي سيدي مش العلاقة الانت بتحاول تنهيها بالطناش والتصرفات دي كلها ؟؟اعتبرها من اللحظهه دي خلصت كأنو م كنا خالص وم تجتهد وانت بتحاول توزعني زي م بتقولو بي لغتكم ،بس ممكن طلب؟المرة الجاية لما تجي ترتبط وتدخل في علاقه ادخلها بقناعة وانت متأكد من مشاعرك , م تعمل الطرف التاني دة حقل تجارب تثبت بيهو اي فهم في راسك،اضاافه لي كدة ي ريييييييييت ي ريييييييت م تعلق وترااااهن على قلب واحدة امها،او ابوها،او امها وابوها متوووفيييبن عارف لييييه؟لأنو بكل بساااطه انت حتطلع كسباان بعدها قالت لي نزلني لو سمحت ، فضلت ماشي وانا سااكت لغاااية م وصلتها جامعتها بعدها اتحركت وانا م شايف قدامي ،اول مرة اصل فيها لمرحلة اني احتقر نفسي بجد ،فضلت لافي في الشوارع م عارف نفسي ماشي وين وفي اي شارع ولا حاسي بنفسي سايق كيف اساسا،قعدت شهرر وانا بفكر في العملتو وبراجع نفسي،الشهر دا بالنسبة لي كان كأنو شهر عقاب لروحي م عارف هل انا حرمت نفسي من كل حاجه بحبها ولا نفسي هي الاتسدت من كل حاجه بس كنت قاافل على روحي شديد وم طايق فيها زول حتى ناس بيتناوبعد حسابات طويلة مع نفسي في يوم لقيت نفسي ماسك تلفوني وبتصل عليها،م كانت بترد واساسا داالشي المتوقع منها ،بعد يومين جربت اني اتصل عليها من رقم غريب بالفعل ردت ،اول م سمعت صوتها اتراجعت !!! كنت خاايف ومتوتر من ردة فعلها ونبرة صوتها الحتكلمني بيها والانا م متعود عليها اتوكلت وقلت ليها"الوو؟؟سكتت مساااافه بعدها قالت لي اهلين،قلت ليها كيفك؟قالت لي الحمدلله بخيير"بنبرة جفا" قلت ليها ممكن نتلاقى واخد من وقتك 5دقايق؟قالت لي ليييه عندك باقي حنك نسيت تحنك معاي بيهو؟؟سكت مساافه بعدها قلت ليها لما نتلاقى نتافهم ممكن؟قفلت في وشي، رجعت ليها م ردت ............. على طول اتصلت على امي في نفس اللحظه اتكلمت معاها مسااافه , جيت المساء لقيتهم ماف استحميت ولبست لي على الله واتصلت علي اختي، وعلي طول مشيت على بابهم ،دقيت الباب واول مرة اصل بيتهم وادق بابهم طبعا فتح لي عمها الباب دخلت وسلمت عليهم لقيت امي واخواتي وعمها وعمتها كلهم قاعدين وهي زاتها قاعدة معاهم حتى اتخلعت وملامح وشها اتغيرت لما شافتني،ولما جيت اسلم عليها سحبت يدها بسرعة واتجاوزتني،بدينا نتونس انا وعمها عن روتين الحياة والشغل والكلام دا
مبرووك عليك يلااا وانا بقولها ليك بنفسي
احترت وانا بسمعها قدر م حاولت امنع كلامها يصل ضميري م قدرت كان بنزل على قلبي زي اللهيب،بكلامها دا هي م استفذت غروري بس لأ خلتني اعيييد حساباتي في رجولتي كمان،بقيت بفتش على مبرر جواي انصف بيهو نفسي م لقيت ابدااا لأنو انا من البدايه كنت فعلا برضي جيناتي الذكوريه وكنت داخل في علاقه انا على ثقة اني حأغسسسل يدي منها بس م حسبت حساب ردة فعل الطرف التاني لأني ابدا م حاولت اخت نفسي مكانها...بكت مسااااافه بعدها مسحت دموعهاوقالت لي ماشي ي سيدي مش العلاقة الانت بتحاول تنهيها بالطناش والتصرفات دي كلها ؟؟اعتبرها من اللحظهه دي خلصت كأنو م كنا خالص وم تجتهد وانت بتحاول توزعني زي م بتقولو بي لغتكم ،بس ممكن طلب؟المرة الجاية لما تجي ترتبط وتدخل في علاقه ادخلها بقناعة وانت متأكد من مشاعرك , م تعمل الطرف التاني دة حقل تجارب تثبت بيهو اي فهم في راسك،اضاافه لي كدة ي ريييييييييت ي ريييييييت م تعلق وترااااهن على قلب واحدة امها،او ابوها،او امها وابوها متوووفيييبن عارف لييييه؟لأنو بكل بساااطه انت حتطلع كسباان بعدها قالت لي نزلني لو سمحت ، فضلت ماشي وانا سااكت لغاااية م وصلتها جامعتها بعدها اتحركت وانا م شايف قدامي ،اول مرة اصل فيها لمرحلة اني احتقر نفسي بجد ،فضلت لافي في الشوارع م عارف نفسي ماشي وين وفي اي شارع ولا حاسي بنفسي سايق كيف اساسا،قعدت شهرر وانا بفكر في العملتو وبراجع نفسي،الشهر دا بالنسبة لي كان كأنو شهر عقاب لروحي م عارف هل انا حرمت نفسي من كل حاجه بحبها ولا نفسي هي الاتسدت من كل حاجه بس كنت قاافل على روحي شديد وم طايق فيها زول حتى ناس بيتناوبعد حسابات طويلة مع نفسي في يوم لقيت نفسي ماسك تلفوني وبتصل عليها،م كانت بترد واساسا داالشي المتوقع منها ،بعد يومين جربت اني اتصل عليها من رقم غريب بالفعل ردت ،اول م سمعت صوتها اتراجعت !!! كنت خاايف ومتوتر من ردة فعلها ونبرة صوتها الحتكلمني بيها والانا م متعود عليها اتوكلت وقلت ليها"الوو؟؟سكتت مساااافه بعدها قالت لي اهلين،قلت ليها كيفك؟قالت لي الحمدلله بخيير"بنبرة جفا" قلت ليها ممكن نتلاقى واخد من وقتك 5دقايق؟قالت لي ليييه عندك باقي حنك نسيت تحنك معاي بيهو؟؟سكت مساافه بعدها قلت ليها لما نتلاقى نتافهم ممكن؟قفلت في وشي، رجعت ليها م ردت ............. على طول اتصلت على امي في نفس اللحظه اتكلمت معاها مسااافه , جيت المساء لقيتهم ماف استحميت ولبست لي على الله واتصلت علي اختي، وعلي طول مشيت على بابهم ،دقيت الباب واول مرة اصل بيتهم وادق بابهم طبعا فتح لي عمها الباب دخلت وسلمت عليهم لقيت امي واخواتي وعمها وعمتها كلهم قاعدين وهي زاتها قاعدة معاهم حتى اتخلعت وملامح وشها اتغيرت لما شافتني،ولما جيت اسلم عليها سحبت يدها بسرعة واتجاوزتني،بدينا نتونس انا وعمها عن روتين الحياة والشغل والكلام دا
وكل مرة ارفع عيني القاها تعاين لي واول م المحها تتجاوزني لما الموضوع كتر ولقت نظراتي ليها كترت استأذنت وطلعت ،انا سلفا عارف انها بتحبني وعارف انو انا نفسها الطالع ونازل وم ح تقدر تتجاوزني حتى لو حاولت , بعدها امي قالت لي اها ي ولدي قلت لي عايز تجي هنا وجيت سابقاك كمان م قلت لي في شنووو؟ لعبت بي صوابعي مسااافة ومسحت جبهتي من العرق بعدها قلت ليهو ي عمي والله اسف لأنو م نبهناكم وجينا بدون سابق إنذار بس صراحه انا جاااي اتقدم لي بتكم رفأ إذا م عندكم مانع يشرفني اكون نسيبكم،حصلت حالة من الصمت امي وعمتها وعمها واخواتي الإتنين فضلو ساكتين،بقيت ابرر ليهم عارف انو الموضوع حصل بسرعه وحتى امي واخواتي مبهورين بس اتمنى توافقولي عليها وان شاءالله بعد ربنا ح اكتب ليها الخير فيني وفي حياتها بإذن اللهامي بعد مساافة قالت لي نحن مبهورين لأنو كنا بنحنسك للعرس دا تحنيس م كنت رااضي ي ولدي قلت ليها م كنت لاقي الصح واسي لقيت اصح صحيح كمان دي كل القصة ,عمها قال لي ابششششر ي زول نحن زاتنا م عندنا مانع المشكله كانت في انو هي رفضت وبششششدة كمان , م قالت لي زولبس اتصلت علي انا وشاكلتني كيف اعمل كدا واختها في موقف زي دا واتفجرت فيني تقريبا كل حاجه كانت جواها قالتها ابدا م زعلت ولا اتضايقت لانو دا حقها ،وبعد خلصت نوبة الغضب اللي هي فيها قلت ليها اهلك وافقو وبكيفك او لا انا اخدتموافقة اهلك وخلصنااا، قالت لي ديل م اهلي انا م عندي اهل،انا اهلي متوفييين افهم متوفييييين،من غير م احس لقيت نفسي بقول ليها "انا اهلك"في اللحظة دي هي سكتت وانا فضلت اتكلم واعتذر،بالأنا عملتو دا خسرت جزء كبييير من ثقتها فيني بس الحمدلله قدرت ارجعها تدريجيا يوم م لبستها الدبلة وعيني في عينها وهي بتتجاوز نظراتي ليها قدام الناس،ويوم م فتحت الإسبيكر وسمعتها وانا بقول لعمها"قبلت زواج ابنتك"ولحظة م لقيت دموعي جارية وانا شايفها وهي واقفه قدامي بفستانها،وقبضة يدها في كتفي ونحن بنرقص في نص الحفلةكأنها خايفه انو افلت منها مره تانيه، وضحكتي لحظة م جينا للجرتكك وانا بحنس فيها م ترش علي لبن كتيربعدين وشوفتي ليها وهي بتشرب الكباية كلها كأنها بتتغابى علشان م ترشني هنا انا عرفت انو انا راهنت علي سعادة .. وقربي منها دا م هو الا انا بستنشق عطرها بس م اكتر...في نص كل الحجات دي انا عرفت انو الرجوله م ليها علاقه بالشفتنه ,والشفتنه م انك تلعب بي قلب بت وتعلقها بيك وتضمن وجودها في حياتك وبعدها تبعد ،وم كل البتشوفهاعينك تراهن عليها انت وجيناتك الذكوريه وتعمل البطلع معاك عشان تصلها وبس،وحتى لو فكرت تعمل كدا مع اي بت وتقضي وقت وخلاص صدقني لو دخلت البت الصح في حياتك حتكملك وحتنور طريقك الانت مطشش منو، حتى لو كنت ساذج وناقص رجوله , بيها هي وعشانها لا شعوريا انت حتسترجل ،ولو انت راجل بالجد بشكل تلقائي حتلقى الماعندها اهل انت بتبقى اهلها،والما عندها ابو حتحس انو انت ابوها،وأمنت انو الحاجه البنجوطها نحن برتبها ربنا براهو،واسي بحمد ربنا صباح ومساء انو ترتيب حياتي بقى معاها وبيها وي ريييت كل مرة حياتي تجووط بسببها علشان حتى وهي جايطه , معاها هي الجوطه حبابها الف،انا راهنت على مزاجي الدخل فيها وطلعت خسران بيها هي , بس خساره م بتتقارن بألف ربح ،خلتني اصل لمرحلة انو اندم على انو كل بت في يوم لعبت بمشاعرها م كانت هيف حاولو راهنو علي البتحبوهم بالجدواطلعو كسبانين رهانكم بيهم هم وابقو باكر وامبارح للقلوبكم رادتهم ،كتييير مننا بكونو حواليهم اصححح ناس في حياتهم و ممكن يغيرو فيهم كتييير بس ببعدوهم منهم بسبب تصرفاتهم الطفوليه وحماقاتهم الساذجه وتفكيرهم اللا عقلاني،حاولو ركزو ودققوو حواليكم صدقوني حتلقوهم منتظرين اشارة منكم بس زي م حصل معاي انا راهنت بيها وعليها مع نفسي وفي كل الأحوال طلعتهه كسبانهاااااا ...😍
Forwarded from ⓔⓘⓕⓕⓔⓛ ❤️ (سعديه عبدالملك ُ )
This media is not supported in your browser
VIEW IN TELEGRAM
متحمسين😹😹😹😹💔💦
يا ليْتنَا كُلمَا اشتقنَا لرؤيتِهم يحقّقُ اللهُ شيئاً من أمانيـنَا ❤️
↓˓❁⸀ء
الجميع يستحق أنْ يشعُر بأشياء جيّدة،
قل لأخيك أنّهُ نُور عينيك ،
و لصديقك أنّهُ جُزئك الأيسر،
قل للرائعين أنّهم رائعين ،
وقُل لمن تُحبهم أنّك تُحبّهم ..
لن تدوم الأيام، فقط عِشها بود و نقاء
الجميع يستحق أنْ يشعُر بأشياء جيّدة،
قل لأخيك أنّهُ نُور عينيك ،
و لصديقك أنّهُ جُزئك الأيسر،
قل للرائعين أنّهم رائعين ،
وقُل لمن تُحبهم أنّك تُحبّهم ..
لن تدوم الأيام، فقط عِشها بود و نقاء
لي 💜💜
كن واثقا بأن الذي تريده سيحدث اذا كتبه الله لك
فقط اذا كتبه الله لك✌️
الفشل مجرد لوحة مكتوب عليها
“اتجاهك خاطئ توجّه لناحية آخرى ”
ولكن البعض يقرأها “توقف”
“اتجاهك خاطئ توجّه لناحية آخرى ”
ولكن البعض يقرأها “توقف”