‏يعتبر من اقوى صفاتي اني بنقل شخص من زون الحب الشديد لشخص غريب في لحظة اول ما احس أن خد ما يكفي من الفرص.

‏حين ترغب بالمحافظة على شخص امنحه "الأمان" لاشيء يُعادل طمأنينة الواثق من مكانه..❤️✨

15.7.2022
1:42 P.M
"نحنُ أحياءٌ وللحُلم بقيَّة."💜✨

‏"كان يدفعني وجود أمي إلى مواصلة الركض، حتى ولو فقدت السيطرة على أقدامي من شدة التعب، تستمر الرغبة الملحّة بإكمال الطريق، إنها قوة أن تشعر بالمحبة في كل الأحوال."

عموماً كدا .. ‏الحياة ما ساهلة ، ولا مُرضية ، ولا عادلة لي حد رغباتنا
‏لكن ياهاا حربنا الوحيدة ..
‏الحرب البنخوض فيها كمية من المعارك والتحديات على امل يجي يوم و نقول "وصلنا لمن احبطونا " !
‏وما شرط ننتصر فيها كلها ..
‏بس ع الاقل ما نخسر نفسنا ، ولا نخسر معاركنا و تحدياتنا المهمة !
‏ولو ما كان في هزيمة ابداً ما حيكون في نجاح 💜✨

- في حاجات ما ينفع الانسان يطلبها.. يعني ما ح ينفع تقول لزول :

- ليه ما سألت من ..!؟

- طيب انت ليه ما بترد علي ؟!

- انت متذكرني ؟!

- قاصد الإهمال ولا انت ما مهتم بي ؟!

" الحاجة الوحيدة البحس عيب أعاتب عليها " عدم وجود وقت لي في حياة انسان " "

" عشان انا مؤمنة كل الإيمان لو انا في بال انسان ح يجي يسأل مني "

" لو امري بهمو ح يحاول يعرف حالي .. و لو انا حاجة كبيرة ما ح يخليني اسأل نفسي هو انا عملت حاجة تبعدو ؟! "

" ما تصدق عاتب الإهمال، المهتم بيك بعرف طريقك "

" رقصت احلامي حولك، و نسيت أن الحلم قصير "

"عشمي تكون غلطان او غافل، بس انت قاصد الإهمال "

" جنب الانسان الصح ما ح تحس ابداً انك تقيل "❤️

#ابتسام_عمر

"وعهْدُ الودِّ محفوظٌ"

يعيش الإنسان بصبره لا بقوته..✨

"كنْتُ أفهم استحالته،
وأمشي له بقلبٍ كامل."

" القبول بخليك احسن انسان في عيون البِحبك"

- ارتبطوا بناس متقبلة ملامحكم، متقبلين انكم ما في كل الأحوال رهيبين و حتى و الدنيا مبهدلاكم هم شايفين انكم احسن ناس..!

- ارتبط بإنسان ما يقلل منك، من احلامك او من حكاويك البسيطة، انسان عارف انك عادي لكن هو شايفك بكل الناس..!

- الخيانة في اي علاقة بتجي من عدم القناعة و القبول، عشان لو الانسان ما مقتنع بيك ح يخونك مع الف غيرك و ما ح يحس انو كفاية ..!

- من الغباء انك تربط حياتك بإنسان جاهل، يصرح ليك في اشد اوقاتك بسوء ملامحك او قلة اهتمامك بيهو او قلتك انت كإنسان..!

- الحياة فيها ناس داعمة، ناس كويسة، عالم يستاهلوا تديهم قلبك بدل المرة الف و ما تعيش مرة ندمان ..!

" عمري ما ندمت عليك و ما ح ندم " !

#ابتسام_عمر

انا بطبعي ممكن ادي الزول المعاي دا كل السمح العندي والجواي وافضل ادي و ادي و ادي بكل الحب الفي الدنيا💜
حتى لو ما اديت ع الاقل بكون نعم الصاحب القادر يشيل معاك ويمشي الطريق معاك خطوة خطوة💜
فبالتي بتوقع منك ع الاقل انه م يجي يوم وتخليني اشك في صدق شوية اللحظات الحلوة العشناها مع بعض
م يجي يوم واكون بسببك ما قادرة اثق في زول تاني او اقرب عليه✨
ما يجي يوم واحس بخيبة أمل فيك واندم على الفترة القضيتها معاك✨
فبالله يا تكونو اصحاب كويسين وعارفين يعني شنو صحبة يا لفو مننا ومن حياتنا✨

#بيحكى
المظلة اللونها بيجي دي استراحه بتاعت عياده نساء وتوليد قدام محل شغلي طوالي والبوكس الواقف جمبها ده نزلوا منها اتنين راجل ومره والمره شكلها عندها مقابله مع الدكتور 😎😎😎 المره قبل ماتنزل جا فتح ليها الباب وانا بعاين اتخيلت انوا اموا ولا مره كبيره فتح الباب ونزلت طلعت واحده صغيره في عمر الشباب ماهو نحنا سودانين اصلا مابتوقع حركه زي دي ونادر انها تحصل وقبل ماتنزل مسكها من يدها ونزلت وصلح ليها التوب في راسها ودخلوا العياده وهو مارق وداخل يجيب في العلاجات اخد ليهو زي ربع ساعه ماشفتوا
تاني جا مارق قعد في الاستراحه ومشيت عليهوا ووضحت ليهوا اني شايفوا من قبيل جاري بالروشتات وقلت ليهوا ربنا يحلها بالسلامه زوجتك شكلوا اول مولود ليكم صح قال لي دي مازوجتي دي اختي !!!!!

وجا علي بالي السؤال البجي علي بال كل سوداني
اخو يجي مع اختو حامل العياده بتاعت النساء والتوليد
وقلت ليهوا معليش سؤال بايخ زوجها وين؟ قعد يضحك قال لي زوجها موجود بس علاقتي حلوه مع اخواتي اتصلت علي اختي وقالت لي عندها مقابله مع الدكتور وعاوزاني اوديها لاني كنت مسافر وطولنا من بعض واخدت الاذن من زوجها اني اوديها خايب صح؟؟

قلت ليهوا ابدا والله ماك خايب وزين ماعملت انوا علاقتك مع اخواتك تكون بالشكل دي وماعيب ياابن عمي يكون بينكم علاقه زي دي انت واخواتك لي درجه تتصل ليك تتمشي معاها عياده النساء والتوليد !!!!!

اخد ليهوا سكته كده قال لي انت عارف ياابن عمي خيابه الراجل بتبدا من وين؟ ؟ قلت ليهو لا
قال لي من تبدا تتعولق وتتبايخ وتظهر رجالتك علي اخواتك
ومع بنات الناس اطيب مخاليق ربنا وتشيل ناس بره في راسك وناس البيت داقي بيهم الارض
شوووف انا راجل علي اي زول الا اخواتي ديل خط احمر عديل ولا خجلان لي من زول اي محل امشي معاهم واي شي عاوزنوا انا اجيبوا ليهم وبعمل البقدر عليهوا
بس حكايه انو اختك حاجه بتجل شايلها بره راسي نهاي
ومن قمت كده وهسي اختي الجيت معاها دي لو دايره روحي بديها ليها
ها جنه ها انا بدون اخواتي ولا شي ولا البقول ليك غير كده كضب عليك ماتشوف الخلق دي جت جايطه فوقهن مابنبقي بلاهن الاخوات
وانا من جيت من الغربه مانزلت مع اولادي نزلت في البيت الكبير اخواتي جت منتظراتني عشان جاي ودقيت لي امل الاولاده تنتظرني معاهن
واول من دخلت البيت قبل امي واولادي اخواتي سلمت زين وخلصت سلامي وتاني سلمت علي باقي الناس
يا ابن عمي اقولك شنو ولا شنو كدي خلها بالبركه وان بقي عندك اخوات ابقي عليهم عـشره ماتشتغل بحديث الناس والبصلح ويقيف مع اخواتوا مو كاسر كاسر الجاري ورا ارضاء الحريم الماهن هيلوا

ابقوا لي اخواتكم 10 ♥️✋

همام موسى

‏فكرة ان الواحد رافض انه يدخل في حاجه لمجرد خوفه من تكرار حدث معين او استرجاع ذكريات سيئة مر بيها فكرة متعبه و محيرة و بتخلي الواحد مش مرتاح في أي حاجه بيعملها.

"قد يدفعك شخص واحد أن تُحبّ مدينة، ثم حيّ، ثم شارع، ثم أصحاب الدكاكين الموجودة فيه، ثم الجيران، ثم بيته، ثم والديه، ثم لونه، ثم قهوته، ثم المشي لمسافات طويلة، ثم التفاصيل الصغيرة، شخصٌ واحد فقط قادرٌ على جعلك حيّ بكل ما تملكه كلمة حيّ من حياةٍ مخزونة".

يمه الصحاب طاقات أمان مزروعه في جوف الوجع بملوك فرح بتوسدوك طول الطريق ويشيلوو عنك كل ترح لا يوم بكلوو ولا بملو ولا في يوم بقولو كفانا ارح باقين عشان كل الجروح تتعافي ويصبح ماف جرح ..
قاعدين عشان ضحكت عيونك وانو قلبك كيف صبح يمه الصحاب عز الوجع ضحكاتهم بس ترد الفرح يمه الصحاب ضحكة في نص الحزن يمه الصحاب عزةة و ركايزالصحاب يا يمه فرحة في عز الوجع يمه الصحاب ضحكة في نص الحزن🌼💛✨

لازم نتقبل نهايات العلاقات في حياتنا حتى لو كانت ضد رغبتنا ..!

-كان لي صحبة جميلة جداً، عفوية جداً، ابتسامتها جميلة جداً، و هي جميلة، بتحب انسان لدرجة انو اذاهو ليها كانت شايفاهو صفة و ح تتغير، و فضلت تحبه و يأذيها، تحبه و يأذيها .. لحد ما جات انفصلت عنو بسبب انو ما رد على رسالة ليها لحدث مهم ..

- و من هنا بدات المعناة ..

- ا اننا نحرق خططنا رسمناها سوا فكرة مستحيلة لإنسان كان بحب..!

- ٢ اننا نتجاوز و نبدا حياتنا من جديد مع ناس جديدة فكرة مستحيلة لإنسان كان بحب ..!

- اتخيل انك تعيش علاقة لسنوات و فجأة في نص الطريق تسأل نفسك ! هو انا في مكاني الصحيح ؟! هل دا الانسان اليستاهل اصخي عشانو ؟ اتعب لتعبه ؟ اشيل همه ؟! اتقاسم معاهو المُر ؟!

- الصدمة لمن تلقى جوابك لنفسك " لا " انا كنت غلطان ..!

- لا !

= ايوا لا

- و الاسوأ لمن تكمل عشان خايف تبدأ من جديد ! تكمل في حاجة ضد رغبتك، تواصل في اقناع نفسك انو العشرة ما حتهون و انو البينا اكبر من رغبة و اننا لبعض للابد..!

- لازم نعرف انو في علاقات دخلنا فيها عشان تكون دروس، عشناها عشان نتعلم، و عرفنا ناس مهدوا لينا طريق اختيار الشخص الصحيح ..!

- ح تصادف في يوم من الايام انسان يقدر يسعدك، يشيل همك، ابقى دموعك غالية عليهو، و يومها مستحيل تهون تاني ..!

" و لمن تحس انك مستحيل تهون= كمل انت في المكان الصحيح " ❤️

#ابتسام_عمر

‏ست قارات، بسبعة مليارات من الناس، لم يتمكنوا من ملء فراغ خلفه غياب احدهم..

‏رق شيء ما في صدري بعد أن تذكرتك فجأة في منتصف يومٍ قاسٍ، و أنا على وشك إعلان رفضي للعالم تذكرت أنك مازلت فيه و رضيت عنه مجددا🙇‍♀💜✨

.