‏"لَعَلَّكَ ثباتٌ لغيركَ
‏وأنتَ لا تدري
‏فلعل عيناً تَرْمُقُكَ
‏وأنت لا تدري
‏ولعل قلباً يَتَقَوَّى بكَ
‏وأنتَ لا تدري
‏فثباتك ليس لك وحدك
‏بل قد يتعدى أثره إلى غيرك
‏فاثبُتْ"♥️

أعظم ما قيل في الإنتماء :
‏"أشعُر أنكِ كُلُّ رِفاقي".

‏حدث كل هذا ونحن لسنا أعداء..ماذا لو كنا أعداء إذا؟!

فيما يخص الاطفال..

♥️♥️♥️

الحب في ذاته مبرر كافي و مافي مبرر غير الحب ..

الذكاء العاطفي هبه كبيره وُهبت لبعض الناس ، المدهش انها عند بعض الاطفال كبيره و متأصله

بتخليك تؤمن حقا انه الحب بيجي بالفطره و الكره متعوب عليه ..

في الحوار الجاي ح احكي قصص عن بعض الاطفال اللي اتفوقو على انفسهم و على الكبار بي كل تأكيد في تأصيل الحب ، التعبير عنه و الاحساس اللا متناهي بالآخر و مشاعره ..

ياسين ود راويه بت خالتي ، عمره اربعه سنين في كي جي ، حاجه صغيره كده و شعره مفلفل ، تحس انك عايز تبلعه ، بعدين بيكتل قلبك بالابتسامه

بيصرف لي اي زول بيتعصر عليه ، i love u

محنك المدرسه كلها بال i love u دي

امه في السنه الفاتت اتشاكلت مع المدير و مع مشرفه البص لانها بتنزل اخوانه في طرف مجمع السكن و بترفض توصلم لحد باب البيت ، عشان ما تخلي البص

و المشرفه قدر ما اتناقشو معاها بالرضا بالشكل حلفت ما تتنازل و زادت عناد

ياسين لما نزل المدرسه ، بقا يقعد جنبها و يصرف ليها ال i love u دي ، مشاعر صادقه منه ، ولا عارف شكله ولا فاهم يعني شنو خلاف

بدون سابق مقدمات بقت المشرفه السغيله العنيده اللي لا سمعت كلام المدير لا شكل بت خالتي

بقت توصل ياسين و اخوانه لحد باب البيت و تدق الباب كمان!!

يعني ياسين بي كلمات حب بسيطه نجح فيما فشل فيه امه و ابوه زاتم ..

** بالحب وحده يحيا الانسان

♥️♥️♥️

نور بت ايناس بت عمر ود خالتي برضو ، طفله ذكيه ذكاء ما عادي و حساسه جدا

لما امها مشت المدرسه في حفله نهايه العام في ام طفل قالت ليها انا عايزه اسلم على نور و ابوسها و اشكرك

ايناس قالت ليها اتفضلي لكن ليه ؟!

قالت ليها عشان نور بتلعب مع علي ولدي ..

ايناس قالت ليها عادي ما كل الاطفال بيلعبو مع بعض

ام الطفل قالت ليها لا علي عنده توحد و الاطفال بيتجنبوه و ما بيلعبو معاه

نور بس اللي بتصر تلعب معاه مع انه ماف زول وجهها و بتنادي باقي الشفع يلعبو معاهم

و بتاكل معاه و بتقعد جنبه حتى لو باقي الشفع ما جوهم ..

شكرا لي نور لانها ما حسسته انه مختلف او ما طبيعي و كانت طبيعيه و ودوده جدا معاه ..

** تخيل لو نحن الكبار بنعاين لي بعض بالموده دي رغم اختلافاتنا ..

♥️♥️♥️

بشر ود رحاب و عبدالرحمن اصحابي .. صحبه في الفصل امه و ابوه انفصلو و هم في صف رابع و مقرر عليهم سوره الطلاق

لما لاحظ انه صحبه بيتضايق كل ما الاستاذه تقعد تقول الطلاق الطلاق و تشرح حسب المقرر

قاليها يا استاذه ادينا اي سوره غير السوره دي ، لما زرزرتو ، قاليها عشان صاحبنا نفسيته سيئه و نحن ما عايزينه يتضرر اكتر !

الاستاذه ما قدرت تعالج الموضوع ، و لانهم ما قدرو يتعاملو معاه . ما نجحو في الامتحان

صحيح هو ما نجح في مقرر الدين لكنه نجح اخلاقيا و جاب ميه من ميه في الاحساس بالآخر

حاجع فشلت حتى اداره المدرسه تعرف تتعامل معاها

لما امه قالت ليه ما تزعل عشان انت رسبت و انت زول شاطر ، قاليها انا مبسوط عشان وقفت مع صحبي و لو اتكرر الموقف تاني بقيف معاه

**هل بنعرف نقيف مع بعض كده ، حتى لو نخسر سوا لكن نكون رابحين بعض و منتصرين لي مواقفنا

♥️♥️♥️

اخر طفل ..

كريم ود صفيه صحبتي ، ولدها الكبير و عايش معا اخوانه من اب تاني و شايل همهم معاها

لما جو الامارات عشان يزورو حبوبته خاله امه الله يرحمها في المستشفى حزن على مرض حبوبته شديد ، خصوصا انها ما انجبت و ما كان معاها زول غير اولاد اخواتا

لما قررو يبترو رجلها ، و امه شرحت ليه ، اتألم شديد

لما رجعنا البيت لقى شبشب حبوبته جنب الباب

قال ليها يا ماما يعني حبوبه ما حتلبس الشبشب ده تاني ؟! و بكا بكا شديد خلاص

بالليل جاها في الاوضه و قاليها يا ماما انا عايز اقوليك كلام

انت يا ماما لازم تعرسي و يكون معاك زول

لما قالت ليه يا كرومي انتو خلاص معاي اولادي و رجالي

قاليها نحن ما بنخليك لكن الظروف ممكن تجبرنا نمشي

انت محتاجه لي رفيق يكون معاك

U need a man to be with u , u need a companion

انا لو ما حاضره الكلام ده ، اقول كذب ولا خيال

ماف طفل بيعرف يقول الكلام ده !

قدر كريم يحس بي اهميه الرفيق لي اكتر زول بيحبه و من حبه ما استاثر بيها لي نفسه و قال تقعد معانا و بس ، بل حب ليها السعاده

**تخيل لو بنفضل سعاده بعض علينا و على انانيتنا

على اي حال ديل اطفال في كتار من الاطفال التانيين بيشبهوهم لانهم على الفطره

بي بساطه لسه الدنيا ما وسختم

ما بيعرفو غيره ولا انانيه ولا مصلحه ولا كره

ما بيعرفه غير الحب

و الحب في ذاته مبرر كافي و مافي مبرر غير الحب

♥️♥️♥️

#سلمى_المصباح

الثاني نوفمبر ٢٠١٩

‏أعود اليك ببساطة اللجوء الى الاماكن التي اعتدت الجلوس فيها حزينًا حتى ألِفْتُها.

يحدث أن يولد المرء ويرحل، وقد عاش حياته كاملةً في القشور، دون أن يحيط أو يضع يده على معنى حقيقي واحد في الحياة.
من الثراء أن تشعر ولو لمرة واحدة بمعنى الحب كاملاً مكملاً بصرف النظر عن المآل. أن تقول ولو لمرة واحدة؛ أنك الآن تعلم كيف تبدو هيئة السعادة والسكينة. أن تعيش حزناً صادقاً غير مصطنع، وتتحسس نجاحاً خالصاً غير مغشوش، أو أن تملك إجابة حاضرة للوجود، كلما تكالبت عليك أسئلة العدم.
كثيرون أنهوا مشروع الحياة والثقوب تملاُ روحهم. عبثاً يحاولون سدها بالترف دون جدوى. ولم يعلموا أن الهوة لا يردمُها ادعاء، وعورة المعنى لا يسترها ورق الشجر.
كن ثرياً بالحقائق ثم اعلم؛ أن المعاني هي ثمار الحياة، وما عداها حشائش 💙.
#محمد_عبدالرحمن

‏رحم الله محمود درويش حين قال:
الصباح الذي لا تسمع فيه "صباح الخير" ممن تُحب، يبقى ليلًا حتى إشعارٍ آخر.♥️

حصل دعيتِ ربنا ب : ( وَاخْلُفْ عَلَيَّ كُلَّ غَائِبَةٍ لِي بِخَيْرٍ).

الدعاء دا صحيح عن الرسول عليه الصلاة والسلام، معناه انك تسألي ربنا يعوض عليك كل شي كل شي حرفيا "غاب " عن حياتك ،،، يعني لو تمنيت رزق ، صحبة ، محبة ، زواج ، راحة ، حتى رزق السكن و البيت أو أي شي نفسك فيه و غاب عنك فدا طلب من الله انه يعوضك ليه بالخير و فُسر بأنه شامل لطلب التعويض و تفويض الله باختيار الخير اللي يعوضك كل ما
غاب عنك ♡ ..

الدعاء رقيق من جوامع كلم الحبيب المصطفى نصه كامل :
" اللَّهُمَ قَنِّعْنِي بِمَا رَزَقْتَنِي، وَبَارِكْ لي فِيهِ، وَاخْلُفْ عَلَيَّ كُلَّ غَائِبَةٍ لِي بِخَيْرٍ "
#Jasmeen_Ali
📌🥀

م بتجرح أحساسو الجميل والريدة يا حنين كده ♥️✨

.. ولبعدَ حينٍ يفتحُ الفتاحُ 💙.

‏اللهُم حقّق لي ما اُريد فأنت تعلم السِر و ما يخفى، اللهُم فوضتك أمري ُكله فجمّله خيرًا بما شِئت، واجعلني يارب ممن نظرت إليه فرحمته، وسمعت دُعائه فأجبته♥️✨

‏من اصعب التحديات الممكن تلاقيك في حياتك انك تكون تائه ، ما بين ولاتنسوا الفضل بينكم وبين اعتزل ما يؤذيك.

كل مايرجوه المرء في نهاية المطاف، أن لا يأتي يوم يعلم به أن مابذل رُوحه من أجله، كان سرابًا

‏أن تكون كافيا لشخص ما..كافيا دون أي محاولات‏..✨💜

كنتُ دومًا ..

انظرُ لأولئك الذينَ يَدعونَ الله بحُب
عندَ قسوة الحياةِ و لينِها

لا تشعُرُ بحاجزٍ يمنعُهُم أو ثقل لسان .. !

قابلتُ شيخًا يعرجُ نحو السّبعينَ من عمره
يدعو الله بكلماتٍ سريعةٍ أحتاجُ ضعف وقته
حتى أنهي النطق بها.. أو أكثر

شعرتُ بجمرة الحُبّ في قلبه لا تنطفئ، أنزلَ يديهِ واتّكأ على حائطٍ يشبه عُمرَه.. سألته وأنا التائقُ لأن ألينَ قلبًا و أُحسِن قولًا، أنْ علّمني الدّعاءَ.. فإنّي يا عمُّ هَـشٌّ مُمتلئ

قال هامسًا ..
• يا بُنيّ.. إن هذّبتَ القلبَ منك، سجد لله قبل الجبين، تَعَلّم الحُبّ.. و تَذَوّق الدُّعاءَ طَعمًا يشرَحُ صدرك.

كأنّي سرحتُ لحظةً.. و ردَّدتُ قولَ أحدِ العارفين "فَرّغ قلبك من غيره ثُمَّ ادعه بأيِّ الأسماءِ يُجبك"

رجعتُ إليه يختم قوله.. أما آنَ لروحك أن تستقيمَ حتّى تصِل.. ؟
- بلى يا عمّ.. إنّي أئنُّ لذاك ~

• يا فتى من سَجَدَ وَجَد.♥️

#تمكين

طروني ليك انا كنت قايل أصلي م بطراك تاني
كنت فاكر طول فراقك يمحو ريدك من زماني
إلا تاري البينا لسة م نسيتو ولا نساني
فجاءة اتذكرتو ريدنا والزمان الكان معاكا
والمشاوير والأماني والفرح ساعات لقاكا
حتى قلبي القال نساكا مالو زي الما نساكا ؟!♥️✨

!♥️✨

صباح الخير لصانعات الرجال💛🌼✨

كل سنه ونحن فاقعين مرارتكم ..

ولو مهتم كان عرفتا
وتصبح على خير
وتمام
وكويس
ولا لا مافي حاجه
وانا كمان
😈😂♥️

ما ضاقت الدنيا وأنتَ بجانبي
‏أيضيقُ بالكون الفسيح فضاءُ؟🤍

‏بارك لنا في العمر والحب والصحبة، في الأرض الطيبة، خضرتها ومائها وظلها وفرح ألوانها، في البهجة، بارك لنا في فجر السماء، وفجر البدايات، وفجر الروح ، واصرفنا عن العتمة، بارك لنا في الثبات، في الصدق، في الطمأنينة في الطريق، في المضي، في الرفقة، امين🌼