Corpus callosum :
حُزمة مِن الخلايا العصبيّة التي تربُط بينَ نصفيّ دماغِك 💛

صورة مُقرَّبة تُظهِر شكل عَين الإنسان واندماج الأنسِجة بِبعضها البَعض ..

سُبحان الله !💛✨

الدماغ والنُخاع الشوكي والأوعية مِن الرأس للرقبة والاتصال العصبي للعينَين .

- على مُستوى الكَون أنتَ أعظم تُحفة فنيّة يُمكنُكَ تَخيُّلها 💛!

‏" فإنكَ بأعيننا ".‏-
وهل بعد هذه المواساة قلق؟♥️

فلما صاحوا: "الله أكبر" ارتعش قلب مارية، وسألت الراهب: ماذا يقولون ..؟
قال: إن هذه كلمة يدخلون بها صلاتهم، كأنما يخاطبون بها الزمن أنهم الساعة في وقت ليس منه ولا من دنياهم، وكأنهم يعلنون أنهم بين يدي من هو أكبر من الوجود؛ فإذا أعلنوا انصرافهم عن الوقت ونزاع الوقت وشهوات الوقت، فذلك هو دخولهم في الصلاة؛ كأنهم يمحون الدنيا من النفس ساعة أو بعض ساعة؛ ومحوها من أنفسهم هو ارتفاعهم بأنفسهم عليها؛ انظري، ألا تريْنَ هذه الكلمة قد سحرتهم سحرًا فهم لا يلتفتون في صلاتهم إلى شيء؛ وقد شملتهم السكينة، ورجعوا غير من كانوا، وخشعوا خشوع أعظم الفلاسفة في تأملهم ..! ♥️

~ من كتاب وحي القلم ~الرافعي

لكنّه هو
هو مَن تتبدل معه هموم العُمر لمسرّات
هو رفيقُ الأيّام وجدارٌ أتكئُ عليه من تعب الدُنيا
هو فقَط
صديقُ الرّوحِ وحبيبُها..♥️

في كل محادثة بيننا كنت ألحظ ذلك،، آخر المكالمة كبدايتها، و آخر العبارات كأولها.

لا صابني عبر الحديث ملل و لا أحسست بأن هذا القدر كافياً أبداً.

#Jasmeen_Ali
♥

-قبل فترة صحبتي سألتني وقالت لي يا شذى لو قلت ليك الفترة دي أنا م كويسة وحالتي النفسية تعبانة اول حاجة ح تعمليها شنو؟
-قلت ليها :
م ح اقول ليك ح اعمل أي حاجة عشان تكوني كويسة بس ح أعمل حاجة واحدة اني ح اعيش معاك الفترة دي لحدي ما تتحسني.

-المحادثة الفي الإسكرين دي وأول م صحبتي قالت لي أنا م كويسة قبل ما أقول ليها مالك قلت ليها "أعفي لي عشان الفترة الأخيرة دي بقيت مقصرة في حقك"
في الحقيقة كلنا مقصرين في حق بعض وكلنا سيئين في التواصل وكلنا مضغوطين مع هموم الحياة بس برضو لازم نتفقد بعض بين كل فترة والتانية.

-في فيلم ما كان في صديقتين قريبات من بعض شديد لدرجة إنهم ساكنين في نفس البيت!
واحدة منهم ظهر ليها كانسر والطبيب كلمها إنها ح تموت قريب وإنها لازم تبدأ العلاج بأسرع وقت...
فكرت إنها تبعد من صحبتها عشان تحاول تكرها ولمن تموت م تتألم عليها كتير...
بدأت تعمل في حركات وتنفعل في صحبتها في أقل شيء بس عشان تصل لهدفها وصحبتها تكرها...
في يوم صحبتها كانت بتنظف في الغرفة وأثناء ما هي بتنظف لقت ليها ورقة مرمية جنب دولاب صحبتها فتحتها ولقتها روشتة قلبها نهائي ما كان مطمئن صورت الروشتة ورسلتها لطبيب الطبيب قال ليها صاحب الروشتة مصاب بالكانسر وحالياً بتعالج وح يموت قريب،
البت إنفعلت وقعدت تبكي لمن جاءت صحبتها دار حوار بينهم:
-لماذا لم تخبريني؟
-ماذا سوف تستفيدي إذا أخبرتك إنني مريضة وسوف أموت في أي لحظة؟
- إذن لماذا نحن صديقتان، سوف أحارب معك هذا المرض اللعين ح تنتصري.
وفعلاً حاربت معاها المرض ولمن وصلت لمرحلة تحلق شعرها حلقته معاها شعرها!
لحدي ما إنتصرت على المرض
في ختام الفيلم كاتبين جملة
"نحن ضعفاء من دون أصدقائنا"

-في الحقيقة في أصحاب معينين بنقول ليهم الحقيقة وانو نحن م كويسين، أول ما نفتح الشات بنرسل إيموشن بدل على البكاء قلب مكسور أي حاجة بتدل على إننا م كويسين، أول ما نلاقيهم بنحضنهم ونبكي، بنحكي ليهم عن كل التفاصيل.

-ما أي زول بقدر يعرفك إنك م كويس في أصحاب معينين عندهم خاصية ينتبهوا لي حاجة متغيرة فيك من خلال طريقة كلامك، صوتك، هدوءك البعم فجأة، أو حتى صمتك المتواصل، رفضك للأكل، في ناس معينة مختصين في الحاجات دي وبتعرف إنك م كويس من نبرة صوتك.
- السؤال بتاع انت كويس/ة المقصد الحقيقي منه هو إتزانك أو صحتك النفسية كويسة؟
عندي صحبتي لم ألاقيها بتسألني وبتقول كيف صحتك النفسية وتاني بتدرج في الأسئلة...
لأنها عارفة انو أي شخص هو معرض للإرهاق النفسي وعدم الإتزان النفسي وكل الحالات النفسية.

أخيراً :
-إن المرء أمام لحظة واحدة حنونة وحقيقية مع أشخاص آمنين وقلباً يحبه بصدق تتلاشى من ذاكرته كل الأوقات القاسية التى مرّ بها،
أتمنى أن يدوم علينا شعور الأمان للأبد، ألا نتخبط في الطرق حائرين، أن تظل الطمأنينة تُداعب أجفاننا ولا يعرف الخوف لقلوبنا طريق.

-أرجو أن يدوم أملي في الأصدقاء أن نبقى هكذا إلى الأبد، وجوهاً مختلفة بقلب واحد، ألا يزوق أحدنا الخيبة من الأخر، وأن نظل رفاق دون أن يعرف الفراق طريقاً إلينا، وألا يرى أحدنا لحظة تحولنا لأغراب ونحن لا نملك القوة لإرجاع بعضنا.

-يكفيني لها حباً أنها الوحيدة من تركت لحصوني رفاهية الإنهيار أمامها، وحدها رأتني مُتعرية من حزني، ووحدتها من رأت الجانب الهش مني، تالله لن أبالغ لو أجرت عنها وصفاً أن لطف الأرض صُب بقلبها❤️.

#شذى_عبدالرحيم

‏وإنِه ليعز علي أن تظلُّنا سماء واحده ولا نلتقي...✨

" كيف أُخْفي الذي قد بات يَسْكُنني
‏ والْعيْنُ مُبْدِيَةٌ والْقَلْبُ مُعْتَرِف ؟!"♥️✨

كم خسر الذين لم تتحدث إليهم ولو بحرف، كم فقد من لم تلتقيهم صدفة، كم فات الذين مضى عمرهم و لم يتكئوا يوما ليسمعوا منك قصة يومك، أي خسارة لحقت بحال الذين لم تناديهم يوما و أنت تبتسم.
ابتلاءات الناس عظيمة ،، عياذا بالله من عمر بلاك ♥..
#Jasmeen_Ali
♥

‏"لَعَلَّكَ ثباتٌ لغيركَ
‏وأنتَ لا تدري
‏فلعل عيناً تَرْمُقُكَ
‏وأنت لا تدري
‏ولعل قلباً يَتَقَوَّى بكَ
‏وأنتَ لا تدري
‏فثباتك ليس لك وحدك
‏بل قد يتعدى أثره إلى غيرك
‏فاثبُتْ"♥️

أعظم ما قيل في الإنتماء :
‏"أشعُر أنكِ كُلُّ رِفاقي".

‏حدث كل هذا ونحن لسنا أعداء..ماذا لو كنا أعداء إذا؟!

فيما يخص الاطفال..

♥️♥️♥️

الحب في ذاته مبرر كافي و مافي مبرر غير الحب ..

الذكاء العاطفي هبه كبيره وُهبت لبعض الناس ، المدهش انها عند بعض الاطفال كبيره و متأصله

بتخليك تؤمن حقا انه الحب بيجي بالفطره و الكره متعوب عليه ..

في الحوار الجاي ح احكي قصص عن بعض الاطفال اللي اتفوقو على انفسهم و على الكبار بي كل تأكيد في تأصيل الحب ، التعبير عنه و الاحساس اللا متناهي بالآخر و مشاعره ..

ياسين ود راويه بت خالتي ، عمره اربعه سنين في كي جي ، حاجه صغيره كده و شعره مفلفل ، تحس انك عايز تبلعه ، بعدين بيكتل قلبك بالابتسامه

بيصرف لي اي زول بيتعصر عليه ، i love u

محنك المدرسه كلها بال i love u دي

امه في السنه الفاتت اتشاكلت مع المدير و مع مشرفه البص لانها بتنزل اخوانه في طرف مجمع السكن و بترفض توصلم لحد باب البيت ، عشان ما تخلي البص

و المشرفه قدر ما اتناقشو معاها بالرضا بالشكل حلفت ما تتنازل و زادت عناد

ياسين لما نزل المدرسه ، بقا يقعد جنبها و يصرف ليها ال i love u دي ، مشاعر صادقه منه ، ولا عارف شكله ولا فاهم يعني شنو خلاف

بدون سابق مقدمات بقت المشرفه السغيله العنيده اللي لا سمعت كلام المدير لا شكل بت خالتي

بقت توصل ياسين و اخوانه لحد باب البيت و تدق الباب كمان!!

يعني ياسين بي كلمات حب بسيطه نجح فيما فشل فيه امه و ابوه زاتم ..

** بالحب وحده يحيا الانسان

♥️♥️♥️

نور بت ايناس بت عمر ود خالتي برضو ، طفله ذكيه ذكاء ما عادي و حساسه جدا

لما امها مشت المدرسه في حفله نهايه العام في ام طفل قالت ليها انا عايزه اسلم على نور و ابوسها و اشكرك

ايناس قالت ليها اتفضلي لكن ليه ؟!

قالت ليها عشان نور بتلعب مع علي ولدي ..

ايناس قالت ليها عادي ما كل الاطفال بيلعبو مع بعض

ام الطفل قالت ليها لا علي عنده توحد و الاطفال بيتجنبوه و ما بيلعبو معاه

نور بس اللي بتصر تلعب معاه مع انه ماف زول وجهها و بتنادي باقي الشفع يلعبو معاهم

و بتاكل معاه و بتقعد جنبه حتى لو باقي الشفع ما جوهم ..

شكرا لي نور لانها ما حسسته انه مختلف او ما طبيعي و كانت طبيعيه و ودوده جدا معاه ..

** تخيل لو نحن الكبار بنعاين لي بعض بالموده دي رغم اختلافاتنا ..

♥️♥️♥️

بشر ود رحاب و عبدالرحمن اصحابي .. صحبه في الفصل امه و ابوه انفصلو و هم في صف رابع و مقرر عليهم سوره الطلاق

لما لاحظ انه صحبه بيتضايق كل ما الاستاذه تقعد تقول الطلاق الطلاق و تشرح حسب المقرر

قاليها يا استاذه ادينا اي سوره غير السوره دي ، لما زرزرتو ، قاليها عشان صاحبنا نفسيته سيئه و نحن ما عايزينه يتضرر اكتر !

الاستاذه ما قدرت تعالج الموضوع ، و لانهم ما قدرو يتعاملو معاه . ما نجحو في الامتحان

صحيح هو ما نجح في مقرر الدين لكنه نجح اخلاقيا و جاب ميه من ميه في الاحساس بالآخر

حاجع فشلت حتى اداره المدرسه تعرف تتعامل معاها

لما امه قالت ليه ما تزعل عشان انت رسبت و انت زول شاطر ، قاليها انا مبسوط عشان وقفت مع صحبي و لو اتكرر الموقف تاني بقيف معاه

**هل بنعرف نقيف مع بعض كده ، حتى لو نخسر سوا لكن نكون رابحين بعض و منتصرين لي مواقفنا

♥️♥️♥️

اخر طفل ..

كريم ود صفيه صحبتي ، ولدها الكبير و عايش معا اخوانه من اب تاني و شايل همهم معاها

لما جو الامارات عشان يزورو حبوبته خاله امه الله يرحمها في المستشفى حزن على مرض حبوبته شديد ، خصوصا انها ما انجبت و ما كان معاها زول غير اولاد اخواتا

لما قررو يبترو رجلها ، و امه شرحت ليه ، اتألم شديد

لما رجعنا البيت لقى شبشب حبوبته جنب الباب

قال ليها يا ماما يعني حبوبه ما حتلبس الشبشب ده تاني ؟! و بكا بكا شديد خلاص

بالليل جاها في الاوضه و قاليها يا ماما انا عايز اقوليك كلام

انت يا ماما لازم تعرسي و يكون معاك زول

لما قالت ليه يا كرومي انتو خلاص معاي اولادي و رجالي

قاليها نحن ما بنخليك لكن الظروف ممكن تجبرنا نمشي

انت محتاجه لي رفيق يكون معاك

U need a man to be with u , u need a companion

انا لو ما حاضره الكلام ده ، اقول كذب ولا خيال

ماف طفل بيعرف يقول الكلام ده !

قدر كريم يحس بي اهميه الرفيق لي اكتر زول بيحبه و من حبه ما استاثر بيها لي نفسه و قال تقعد معانا و بس ، بل حب ليها السعاده

**تخيل لو بنفضل سعاده بعض علينا و على انانيتنا

على اي حال ديل اطفال في كتار من الاطفال التانيين بيشبهوهم لانهم على الفطره

بي بساطه لسه الدنيا ما وسختم

ما بيعرفو غيره ولا انانيه ولا مصلحه ولا كره

ما بيعرفه غير الحب

و الحب في ذاته مبرر كافي و مافي مبرر غير الحب

♥️♥️♥️

#سلمى_المصباح

الثاني نوفمبر ٢٠١٩

‏أعود اليك ببساطة اللجوء الى الاماكن التي اعتدت الجلوس فيها حزينًا حتى ألِفْتُها.

يحدث أن يولد المرء ويرحل، وقد عاش حياته كاملةً في القشور، دون أن يحيط أو يضع يده على معنى حقيقي واحد في الحياة.
من الثراء أن تشعر ولو لمرة واحدة بمعنى الحب كاملاً مكملاً بصرف النظر عن المآل. أن تقول ولو لمرة واحدة؛ أنك الآن تعلم كيف تبدو هيئة السعادة والسكينة. أن تعيش حزناً صادقاً غير مصطنع، وتتحسس نجاحاً خالصاً غير مغشوش، أو أن تملك إجابة حاضرة للوجود، كلما تكالبت عليك أسئلة العدم.
كثيرون أنهوا مشروع الحياة والثقوب تملاُ روحهم. عبثاً يحاولون سدها بالترف دون جدوى. ولم يعلموا أن الهوة لا يردمُها ادعاء، وعورة المعنى لا يسترها ورق الشجر.
كن ثرياً بالحقائق ثم اعلم؛ أن المعاني هي ثمار الحياة، وما عداها حشائش 💙.
#محمد_عبدالرحمن

‏رحم الله محمود درويش حين قال:
الصباح الذي لا تسمع فيه "صباح الخير" ممن تُحب، يبقى ليلًا حتى إشعارٍ آخر.♥️