كانت حينَ تُحِبُ أحداً
تمنحهُ كلَّ الطمأنينةِ
وكأنها تنثرُ ما فقدتهُ للعالم ♥️✨

لقاءٌ واحد كان يكفي لأعلم أن الحظ ابتسم لي بعد عبوسٍ طال.
لكن الغريب ! على عكس الشعور المفترض عن اللقاء الأول من دهشةٍ وارتباك .. شعرتُ أني مشتاقٌ إليك
.. وكأن كُلي كان ينظرك
.. عرفتك وكنت زي شوفتك قبُل ألقاك 💙.
#محمد_عبدالرحمن

ألا تجعل حياتي خالية مِن أمي، لأنها البيت بالنسبة لي، هي العائلة التي أسمع عنها، هي الدفء، هي الباب الذي أعرف وجهه جيدًا وأدخله من غير خوف..💜✨

" ومّا قَضيْتَ لِّي منْ أمرٍ فاجعلْ في عاقبَتِه رُشداً " 💙

‏كلما راودني القلق يوما، تذكرت أنني كنت بوجه واحد، أنني عبرت الطريق دون أن أنحني أو أتوقف، وأنني كتبت لكل الذين أُحبّهم.. أني أحبهم..🌼✨

" ‏هكذا يُضيء المُخ عند تقبيل مَن نُحب "

هذهِ أوّل صورة في العالَم تمّ الحُصول عليها مِن التصوير بالرنين المغناطيسي RMI، والتي تُظهِر الرابطة بينَ الأُم والطفل 🖤

الصورة مأخوذة مِن عالِمة الأعصاب "ريبيكا ساكس"، مِن معهد ماساتشوستس للتكنولوجيا

"لا تأخذهُ سِنةٌ ولا نوم "
عن رعايتنا، عن رعاية أحلامنا، عن الضّجة المُختبئة في حجرات قُلوبنا، عن أمورنا المُؤرقة وعن أيّامنا الثّقيلة. ♥️🔥

‏الإحساس الأجمل في العالم أن يكون المرء مطمئنًا لا أكثر، لا يشعر بالخوف أو الريبة، لا تعتليه الشكوك أو الضيقة، لا يخوض معاركًا مع عقله كل ليلة، مطمئنٌ فحسب، فاللهم طمأنينة القلب والنفس..🚶‍♀✨

جل الأماني أن نطمئن ♥️🌻

‏جرّب ولو لمرةٍ واحدة أن تنظر إليها عن كثب، قبل أن تفكر أن تؤذيها بالكلام، ملامحها هشةٌ للغاية..✨

يقول نابوليون هيل: "الذي أحب من قلبه لا يمكنه أن يكون خاسرًا حقيقيًا"
مقصده هنا أن تجربة الحب حتى و لو كانت "فاشلة" فإنها - إن استعملت بطريقة صحيحة - ستكون مصدر إلهام و يمكن استخدامها كقوة إبداعية كبرى، فالكثير من أصحاب الإنجازات التاريخية في جميع المجالات كان الحب حافزهم.

‏يعتني الله بنا جيداً بعد أن نقضي يوم طويل لوحدنا ونحن نحاول النجاة..💜

#لاتعطي_أبداً_قلبكِ_كُلَّه••❤

💕من المعروف والبديهِي إن مشاعِر الحُب غالباً ما بتستَأذن ، وإنّو شعور بيجتاحَك كُلَّك كدا فجأة .. شعُور مُش ممكن تدارِيه ، كل حاجة فِيك لمَّا تحِب بتفضحَك ، كل جزء منَّك بيبقى عشرَة صوابع بتشير تجاه من تحِب ، تفاصيل مليانة زخَم لا يُمكن أختصرهَا بِشوية بوست..
بس بَقَدِّر الشخص اللي بيحترِم الشعور ده سواءً طالِع منه أو مُوجَّه إليه ، الشخص اللي بيقدِّس قلبه وبيتعامَل معاه كأثمن ما يملِك ، الشخص اللي فاهِم إنِّ الشعور دا أنقَى وأصفَى من كُلَّ المشاهِد المُبتذلة المُكرِّرة في الشوارِع والكافيهات والسِينما الصفراء ، وبالتالِي بيحمِي نفسه وبيحمِي الحوالِيه من كل الجوطَة الممكن يخلِّفها الشعور دا ، آه هو شعور نبيِل بس مُشاغِب برضُه..
حتتصرَّف كيف ، إنتَ وأخلاقياتَك وعقليتَك ونضجَك

💕حتلقِي في حياتِك أيادي كتيرَة بتحاوِل تهبِش قلبك -عمداً أو بدون قصد- حيكون فِيهم اللي بيلمِّح ويزيد ويعيد في الكلام حالات،رسايل،نظَرَات..كلو ، حيكون فيهم اللي بحاول طول الوقت يثبت ليك إنو مجرَّد صديق أو زميل أو سند عابِر أو أيَّ تسميَة تحبِيها .. بس من تحِت تحِت بيعمل كُل حاجة ممكن تخليك تتعلّقي بيه .. بيزرَع نفسُو جواك ببُطء دايرِك تحبِيه ، حتلقِي كمان المُستعِد يعترِف ويهتَم ويقول كلام حلو ليل نهَار ، والمستعِد يخوض معاكِ علاقَة زي ما تحبِي وتهوِي..
بإشارَة منِّك ، بموافقَة بسيطَة بس ، بتنَازُل طفيف ..حتقدرِي تفتحي الباب لأيِّ يد .. بس الحيدخُل بالباب دا حيكون أتقَل من يد ، حتدخُل حاجات كتِيرة عمرهَا ما حتطلَع منّك تاني ولو بعد مليون سنة ضوئيَة
عندنَا كم قلِب نحن عشان نخلِيه مهزلَة للغاشِي وللماشي..
طب وبعدين!

💕بقُول ليكِ الكلام دا وأنا ما مُنزَّهة عن الحُب
الحب دا ما بِجلِّي زول فينا حرفياً ، بس ردُود فعلنَا بتختلِف بإختلاف أطباعنا والطريقَة الإتربينَا عليها ومبادئنَا وتركيبة شخصيتنَا وأخلاقنَا و......إيييك قائمَة طويلة عريضَة
أينعَم كل تجربة ليها ظروفهَا البتحكُمها وبتغيّر نتايجها ومعطياتهَا ، بس خلينا نتفِق .. قلبِك الجُواك دا غالِي
وحياة ربِنا غالي جداً جداً ، وما ينفع يستسلم إلا بين يدين بتحترمه فعلاً وبتقدِّره وبتصُونه وبتحمِيه وبتخاف ربنَا فيه ، وطبعاً بتحبُّه

💕ما تدخلِي في أيِّ علاقة لأنِّك عايزة تجرِّبي وبس ، ما تدخلِي في أيِّ علاقة لأنك فارغة عاطفياً ومحتاجة إهتمام ، محتاجة تتشافِي إنك جميلَة ومرغوبة ، محتاجة تحسّي بإنو معترَف بيك كأنثى في مجتمَع الرِّجال .. ما تدخُلِي علاقة لمجرَّد الإحتياج وبس ، وما تدخلِّي علاقَة عشَان صاحباتِك كُلهم مُرَّبطِين وأمورهُم ماشة زي العسَل.. آخر رسايل ، آخر مكالمات ، آخر هدايا ، آخر طلعَات ، آخر.....
ما تدخلِي في أيِّ علاقة عشان تثبتي أيّ حاجة أو تغطي أي فكرة أو فراغ أو تَصوِّر أو لأيِّ سبب..
ما تدخُلِي في أيِّ علاقة أصلاً!!
العلاقَات أسمى من دا كُلُو ، من كتُر ما إستخدمنَا الكِلمة دي في غير مكانها لمن معناها إتلوَّث وبقى مُبتزَل جداً

💕صدِّقينِي القصص العبرَت للنور ، الإنتِ مبهورة بيها جداً ، لا تسوى ذرة مقابِل القصص الإنتهى بيها الطريق في ظلام ووجَع ، كأنك بتقارِن بين نسبتيِن بُعاد جداً زي من 1 : ∞
يعني مقابِل كُل قِصة بتكمِّل في عدد لا نهائي من القصص المبتورَة واللي للأسَف إنتهَت من نص الطرِيق
ماف إتنين بيجوا يحكُوا قصتهم للعالم ويقولوا نحنَ فشلنَا ، نحن ما كمّلنا ، نحن إنتهينَا ، لكَ أن تتخيِّل كمية القصص المدفونة ، كمية الخواطِر المكسورة في العالم دا بدون ما يحسّ بيها حد!
نحن فعلاً شايفِين جِهَة واحدة بَس من الطرِيق ، ومع كل بداية قِصة كل إتنين بكونوا مقتنعين جداً إنو دا الجانب الوحِيد الحيصلو ليهو ، بس طبعاً البيحصَل.....

💕أحفظِي قلبِك لودّ الحلال الواضِح العدِيل ، البعزِّك ويخاف فِيك ربنَا ويقدِّر مكانتِك ويشوفِك غالية وبت كِرام ، البشوفك أكبَر من نزوَة عابَرة أو حب مؤقت أو مشاعر طائشَة ، البجي يقوليك يا فلانَه أنا والله دايرِيك وشارِيك على سُنة الله رسُوله وأدينِي رقم أبوك
خلي البلمِّح يلمِّح لمن يِرجَل ، وخلِّي البلِف ويدور يحوم في دوامتُو للأبد ، وخلِي العامِل فيها شِفِت يطُق راسو بالحيطَة ، وخلِي المُراهِن علِي قلبِك يخسَر الرِهان ، وخلِّي الدِّاير يقضِي وقِت للدايرة تقضِي وقِت ، وخلِّي الداير يتسلَّى يشوف ليه موضوع غيرِك ، وخلِّي الداير يلعَب يمشِي الميدَان ، دا ما مكانِك

💕الخايفِك تطيرِي من يدُّو ، يقدَر يحجزِك من أهلِك لغاية ما يجهَز .. حتطيرِي فعلاً لو فِضِل ماسِك يدِّك ومُباريك كدا من كافتيريا للتانيَة بدون ما يعمل خطوة جادّة

الخايف تطلعِي أيَّ كلام ، داير يفهمِك أول ويشوف لو مناسبِين لبعَض أو لا .. يقدَر يخطبِك لفترة كافيَة ممكن تتعرَّفوا فيها علي بعض تحتَ النُور.. هي الخطُوبة مش عشان كدا؟ ، حتطلعي أيَّ كلام فعلاً لمن تدِيه حق ما ليهُ ، لمن تسمَحي ليهُ يتجاوز حدُودِك
وحتى الحجز والخطوبة ما كرِت تصريح لأيِّ تصرُّف ما ياهُو ، ليهم ظوابِط وحدود.. لأنكم لسه خارج برّ الأمان
ما دايرة أذكّرِك قدُر شنو إنتِ عزيزة علي ربنا وعلي أهلِك ، وبالتالي مفترض عالأقل تكون نفسِك عزيزَة عليك
ما تقبلِي إلا براجِل ، لمن تِنجرِّي للغلَط ما بسايرِك ، هو أول واحد بيقول ليك لا ، كدا ما صَاح.

💕#مشهَد_آخير
مسلسل الإختيار :
- طَب يُوسِف ليه ضيعتِ مِنِنا كُلِّ ده ، يعني إنتَ لمَّا بتحِبنِي أوي كِدا ما كُنتِ تقُولِّي!
- أقولِّك إزاي ، أقولِّك إزاي وأنا مُش ضامِن نبقى مع بَعض ، كِلمة بحبِّك دي عزِيزَة ، إلتزَام.. مَينفعشِ تتقال عالفاضِي كده

- عنوان البُوست جُملَة للكاتِبة سيلڤيا بلاث
#مريم_الشيخ❤

ولقد ذكرتُك بالدُّعاء في سَجْدَتي
حتى نَسيتُ بأننـي المَهْمُومُ.♥️🌻

‏"كيف المعيشة في مكان تعلم أنه يأكل منك جزءًا كل يوم؟"

‏متى ماعرف المرء قيمة ذاته الحقيقية، أصبح قادراً على التجاوز..🌼✨

ننجو بأشياء بسيطة جدا💜✨

‏وإني أُحبه، حتى لو كانت كل هذه الأمور التي تحدث بيننا تخبرني بأن أتوقف عن ذلك...💜✨

أحبكِ الآن
والعالم ينهار ، والمُحاضرات تتراكم فوق رأسي ، وطُلاب الدفعة يشتمون بعضهم البعض ، والطقس لا يُحتمَل ، والكهرباء مقطوعة ، والأرض مع الفيروس تلفظنا
أحبكِ الآن
وأنا لا أملكُ حتى سبباً واحداً
أتقبَّل فيه شيئاً عداكِ♥️

‏أقف في مكاني طويلاً من أجلك، أراعي انشغالك في حياة تأخذك مني، أقدّر أن لك ظروفًا تُنهك قلبك، و أشاهدك وأنت تصرف اهتمامك في كل اتجاه بعيدًا عني، أراقب كل هذا و أصمت من أجلك فقط، ويطول هذا الصمت الذي يخفي كثير من ألم الانتظار والشوق..🚶‍♀✨