ثُم السلام علىٰ الذين كُلما لما ذبلت ملامحنا ، أعادوها بـ كلمةٍ لطيفة 💛🌸

طيب #تاسيتي دا اسم قديم من اسماء السودان تاء يعني ارض وسيتي يعني سمر #ارض السمر وفي مؤرخين بقولو انو معناها #ارض الاقواس بس الاول هو الراجح

‏من العيب أن ترغب في أن تكون غيرك ولا ترى وجهك وجمالك الخاص.
~
جلال الدين الرومي🎻💜✨

يبحثون عن اللون الاحمر🙄للاحتفال بعيد الحب وبلادهم غارقه به...💔💔

اليوم العالمي لسرطان الأطفال🎈
في حب كل طفل جميل اتخيرو السرطان من بين الناس ورافقو💜
في حب كل مُكافِح ومُكافحه💜
نقرأ سوره الفاتحه كلنا سبعه مرات ونقول اللهم رب الناس اذهب البأس وأشف أنت الشافي لا شفاء إلا شفائك شفاء لا يقادره سقم اللهم اني اعوذ بك من شر ما تجد وتحاذر بنيه الشفاء لمُكافِحته 💜
ولكل الاطفال💜

#يوميات_مُكافِحه
اليوم حيجي اخوي بعد طول غياب ما عايزاهو يعرف انو عندي التهاب حقول ليهو انو بس تعبت وودوني المستشفى

(بعد ٣ايام )
عاين نحنا عارفين انو اختك دي عزيزه عليك شديد بس نحنا ما قلنا ليك الا عشان عارفينك بقيت عاقل وفاهم بس عايزينك تكتم الكلام دا لحد ما نسفرها .. ابسطوها وخليكم قراب منها ..

بعد يوم
:اخوي الناس ديل مالم ملو البيت كدا
:عشان انا جيت
:طيب ليه بيبكو
:ديل هبل ساي يااخ ما تشتغلي بيهم ارح نلعب ولا نخش المطبخ نعمل حاجه ناكلها انا جعان
:اي ارح ناكل واتذكرت اني عامله ليك التحليه البتحبها
:(انا حتماسك كييف 💔💔) ارح يلا
(بعد ثواني)
انا ..........
يتبع

#يوميات_مُكافِحه
:انا مرضي دا خطير يا اخوي ؟
:لا لا يااخ حااجه عاديه بتحصل لاي زول
:انا ما قادره افهم ليه بيسلمو لي وبيقولو الله يشفيك والدمووع ماليه عيونهم
:حبيبتي قلت ليكي ديل هبل ساي مكبرين الموضوع
:هههه بالجد
(سرحانه )
:ي بت مالك انتي
:مافي شي مستنيه المويه تغلي
:طيب تمام
:اخوي انا عايزاك تجاوبني بكل صراحه
:اهاا بدينا نلعب صراحه وحركات (بحاول اتظارف على شان اخفي اثار الخوف الفيني )
:اها هاتي سؤالك
:اخوي انا حشوفك تاني ؟
(قيامتي قامت لساني فقد لغتو )
:ك ك كيف كدا اكييد يااخ وحنعيد سوا اصلا العيد قرب واجازتي طويله

(اتمنيت انو كل الاسئله تجيني الا السؤال دا )
: .......

يتبع

#يوميات_مُكافِحه
:انتا عارف قصدي انا قاصده يمكن اموت ؟
:لا لا ياااخ بعييد الشر يااخ ليه تقولي كدا كلها هينه
:ولما تمشو هناك حتحومو وحتنبسطو وتشوفو الدكتور يكتب ليكم ادويه تشيليها وتجي
:ان شااء الله
:يا بت المويه دي غلت
:هي صحح نسيتها
:فالحه
:نسيتني ليها
:ما قلت ليكي اتونسي معاي
:حقار 😒
اليوم ال٥ والاخير
:اخوي امشي نوم انتا ليك ٣ ايام ما نايم
..... يتبع

#يوميات_مُكافِحه
:ليك ٣ ايام ما نايم
:لا لا يااخ قاعد انووم بس نومي ملخطبه ساي
: طيب تمام
: جاي معاي المطار الليله ؟
:اي كييف يااخ
:😢انا سمعت امي وابوي قالو ما حنسوق زول معانا وانا عايزاكم تجو معاي
:لا لا ما تخافي انا جااي جاي
(السفر على المطار قرب )
(ابوي وامي ماسكيني )
:اسمعنا
:ايوه
:عايزينكم تقعدو وتتصورو صوره للذكرى وانتا عارف اختك ما بتتصور شوف ليك اي فكره واعملها بدون ما تحس اختك انووفي شي
:طيب الله يسهلها
(انا بقيت شاايل هم وسرحاان كيف اجيب ليها الفهم )
:اخوي ارح نتصور
:😳دا شنو دا .. ارح طوالي
""ماا صدقتا""
ونحنا بنتصور التفتت علي
:اها ما اقنعتهم ؟
:ما كلمتهم والله
:عاين ما شرط كلكم بس انتا تعال معاي عليك الله
:لو ابو يسوقوني بجي بعربيه صحبي ما مشكله
:ياا جماعه انتو ليه ما عايزين تسوقو زول
:اخوانك الصغار ما عارفين شي ما عايزينهم يعرفو قبل اختك
: طيب حتكلمو اختي متين ؟
:لحد ما نصل ونستقر حنخش المستشفى ونوريها حبه حبه ولو سقناكم المطار حتتخرب الشغله كلها
:طيب واخواني حيوريهم منو ؟
......يتبع

#يوميات_مُكافِحه
:اخوانك حتوريهم انتا او حتصبر لحد ما نوريهم نحنا
:طيب اسمعوني سوقوني وبوعدكم مافي شي حيظهر
:طيب تمام
(جات لحظه السفر والناس ديل جهزو )
العربيه كلها صانه
فجأه :حنمشي مصر 😍( محاولات استلطاف اختي الي بان عليها الخوف )
انا جيت ناطي :ياااخ قالو مصر دي جميله المره الجايه سوقوني معاكم
(اختي ما اشتغلت بينا )
لحد ما وصلنا المطار ..
بدت تاخذ وتدي في الكلام
:اخوي انا حرجع متين ؟
:قريب ان شااء الله حتجي تعيدي عندنا
:اخوي انا عارفاك ما بتكذب علي
:اي حبيبتي اكذب ليه
:يعني حقعد ٢٠ يوم بس
:اي ان شااء الله
(نفسيا تعبت انا من الاسئله )
:اسمعيني ارح نشوف لينا حاجه ناكلها
:نفسي في دونات
:طيب ارح الدونات علي وموكا كمان 😍
....يتبع

#يوميات_مُكافِحه
(نزلنا تحت ونحنا قاعدين ناكل ونتونس سمعنا الاعلان الاول لرحلتها )
:ارحكاكي عشان البوابات حتفتح
(سرحاانه وباين عليها متعبره)
:هوي ارح قومي
:طيب
(ونحنا طالعين فوق )
:ارح نتصور
**برضو سرحانه
:حبيبتي احكي لي في شنو
:انا مرضي دا خطير ؟!
:لا لا ياااخ كلها حاجه عاديه صدقيني
:اخوي انا ليه كل ما اسألك بتتكركب
:هههه ما قاعد اتكركب دي انتي اليوم كلو سرحانه
(موعد الطياره يعني حيخشو )
""بتكلم مع نفسي
انا اسي اسلم عليهم من بعيد لانو يمكن اجوط الشغله ..... هوي لا يمكن اندم .... انا بعمل في شنو لييه ما قادر افكر
(فجأه وانا سرحان لقيت اختي قدامي والدمووع ماليه عيونها وامي بتعاين لينا من بعيد عايزه تشوف حتصرف كيف انا قدرت اتماسك )
:ياا اختي ما تخافي حتجي تعيدي معانا وحننبسط وكل حاجه حتكون بخير لييه الزعل ولييه الدمووع يااخ ما حلوه في عيونك بس انتي خليكي قويه وانتبهي لنفسك ولامي وابوي
:طييب وانتا انتبه لنفسك ولاخواني
:ان ششااء الله
-------------------يتبع

#يوميات_مُكافِحه
(اتصورنا وركبو الطياره والطياره اقلعت عديل )
:امي انا اسي مرضي دا مستاهل اسافر بيهو كدا ؟
:عايني اوريك نحنا جيين ليه ؟
:اي ياااخ
*ابوي ما قادر يتكلم
:طيب هو قالو لينا سرطان بس ما عارفين عنو شي تاني عايزين نشوف باقي تفاصيلة هنا
( ملامحها اختفت من الصدمه ما عرفت تبكي ولا تضحك ولا تعمل شنو بقت سرحاانه لحد ما فجأه بدت تبكي شديد وسككت )
:امي يعني انا عندي سرطان
:اي ي بتي
:الحمد لله على كل حال
*ابوي طبعا لسى مصدوم
(في حته تانيه انا وصلت البيت )
:هوي انتا مالك بتتلفت في البيت زي المجنون كدا في شنو
:مافي شي بس اشتقت ليهو
:انتا سكران ساي
حسيت انو لازم اكلم اخواني بكره وفعلا بكريتو لميتهم ووريتهم
*بعد كم يوم كدا صادف يوم العيد
:انا عايز اتصل على اختي
* اخواني جو ناطين خليتهم يتكلمو معاها اول ولما جا دوري
:الو (انا سمعتها ب نبره تعبانه جسمي نمل )
:اااا اخبارك
: الحمد لله وانتا اخبارك
:الحمد لله بس مشتاق ليكم
*هنا حسيت بيها انهارت الحمد لله قدرت اتماسك انا
:اخوي يعني تاني كل الاعياد حتكون كدا ؟
:لا لا ان شااء الله كل حاجه حتعدي وحنرجع نعيد سوا
:ان شااء الله

****لحد اللحظه دي مستمره في العلاج سنه ونص ما اتلاقينا في اي عيد
تُرِكت حتى يتحسن الحال متمسكين بخيوط الامل لعل الله يحدث بعد ذالك امراً .. اللهم رب النااس اذهب البأس واشفِ انت الشافي ❤️
Sh
كل الود ❤️

#يوميات_مُكافِحه
لقيت لي تحت عائله صغير كدا قدام الباب قاعدين حالتهم شويه صعبه كدا ام واب وطفلين صغاار في عمر سنه وسنتين تقريبا المهم وانا ماري من جنبهم سمعت البت بتقول عايز شبس وابوها شغال يغير الموضوع حسيت انو متأزم حبه .. شغال حارس في العماره القاعدين فيها .. قمت مشيت الدكان خميت ليهم شيبس وحلويات و انا راجع لقيت بتاع كنافه شلت للام والاب و عصاير ووديتا ليهم لما اديتا ليهم ياااخ شفففت فررحه في عيون الشفع جمييله شديييد 😍😍😍 وبقو يدعو دعوات حللوه كدا الشافع الصغير شال ليهو شيبس من الكيس مداهو لي 😂🖤 فتحتو ليهو بقى ياكل وحده ويديني وحده 😂🖤 خليتهم وطلعت فوق قبل افتح البب بتاع الشقه سمعت صوت كلام المهم بقيت ما قادر افتح .. وقفت شويه الصوت راح .. فتحت الباب لقيت ....

يتبع...
ومعليش ع الانقطااع وان شااء الله بنزل كل يوم لحد ما تنتهي 🖤كونو بخير

#يوميات_مُكافِحه
انتهت المكالمه وفيها كميية الم 💔
*يووم ورا يووم والعيد الاول عدا و الاجازه كانت عباره عن طبخ على النار الهاديه اتصال من مصر
:ااااا .. الو
:هلا كيف الحال
:اختتي 😍😍
:ياداب عرفتني ولا شنو
(صوتها كان متغير من ارهاق الكيماوي)
:اااااا لا لا بس استغربتا
:اها كيف اجازتك
: نص ونص بس فاقدك
:كان نفسي اقعد معاك بس ..💔💔💔💔
:لا لا ما تشيلي هم بجيكي انا وننبسط سوا
** كنت متردد اسألها منها عامله كيف بس اتشجعت فجأه
:اها عامله كيف في مصر وكيف الدنيا معاك
:حقول شنو غير الحمد لله اسي بتكلم معاك وانا في الجرعه
:الحمد لله الله يشفيك ويعافيك وترجعي لينا بالسلامه
(مشت المكالمه على كدا لحد بعد ايام الناس ديل اخبارهم قطعت )
*مقلقين ومافي اي خبر عنهم ..........

يتبع .....

#يوميات_مُكافِحه
*مقلقين ومافي اي خبر عنهم فجأه جانتي اتصال
:الو سلام عليكم
:وعليكم السلام ابوي كيفك
:ااتمام الحمد لله اخبارك انتا واخوانك الصغار عاملين كيف
:بخير الحمد لله اها انتو الكيف وكيف اختي
:ضارب ليك عشان اقول ليك تتكلم معاها اختك تعباانه نفسيا وراقده في المستشفى حالتها حرجه شديد
جسسمي نمممل
:طيب اديني ليها (اتكلمنا مسافه كدا وانا ما عارف اقول شنو بقيت طاشي )
"اخواني الصغار جو"
:اخوي بتتكلم مع منو
:ااااااا ما ما مااا مع زول ماسك التلفون ساي
:طيب مقلق كدا مالك
:ااااااااا(مرة عمي جات ساقت الشفع وقفلت الباب )
"سرحت وبقيت اتخيل اسوء شي ممكن يحصل لا لا دا كاابووس "
فتحت عيوني ومشيت الحرم صليت ودعيت ليها رجعت البيت
:اخوي انتا ليه بتتهرب مننا ؟ وليه ما بتتكلم مع اختنا قدامنا
:هه ما حصل اتهربت منكم يااخ
معقوله
:اخوي طيب اختي اسي هي حتموت ؟
:ما تقولو كدا يااخ حتبقى بخير 😠
:اااااااااا ان شااء الله
:اي ادعو ليها وبطلو الغباء البتعملو فيهو دا
: ان شااء الله
بعد كم يوم كدا جا اتصال ونفس الرقم الي هو رقم مصري رديييت مهجووم
:الووو...
:........... يتبع

#يوميات_مُكافِحه
:الووو...
:سلام عليكم
:ابوي كيفك .. طمني عن اختي كيفها
:بخير الحمد لله طلعت من المستشفى اسي
:دااك كان شنو
:دي مضاعفات الكيماوي اسي بخير هاك اتكلم معاها
:الوو اختي 😍😍
:اخوي انا تعبتا زهجتا عايزه ارجع بينكم
:اااااا حترجعي ان شااء الله يااخ كلها كم يوم وترجعي
:ان شااء الله انتا جاي متين ؟
انا اتذكرت الزفت الاسمها جامعه 💔 واقرب اجازه بعد فتره بعيده حبه
:قريب ان شااء الله بس ارجع السودان واشوف الجامعه الحاصل فيها
:عليك الله 😍😍
:اي ان شااء الله (وقلبي واجعني اني بغشها)
***عدت الايام ورجعت السودان واخدتا اسبوع جاني اتصال من مصر
:اخوووي 😍 الجامعه كييف دقيقه قبل كل شي جاي متين
:هههه مالك هاجمتيني كدا .. جاي قريب ان شااء الله لسى ما نزلو التقويم (اقرب اجازه بعد ٣ شهور)
:تمام راجيااك ما تسحب علي 😍
:جاي جاي جهزي لي سرير ههههههه🖤
:حياك لو ما شالتك مصر بيشيلك خالو مافيني حيل اشيلك انا هههه
****كلام كتير والمكالمه انتهت ع كدا
*مر كم شهر وانا بصبر فيها لحد ما جاني اتصال من السعوديه
:الوووو....

#يوميات_مُكافِحه
:الوووو....
:يا هلا
:هلا خالي كيفك
:تمام الحمد لله اخبارك انتا
:بخير الحمد لله
:اها اجازتك قالو قربت مش
:اي قربت ان شااء الله
:زي كم كدا ؟
:بعد اسبوعين ليه
:خلاص جهز نفسك عشان حتمشي مصر لاختك
:جددد 😍😍 قدااام ي اخال
:ونحنا ما حنوريها ماشي متين عشان تكون مفاجأه كدا
:تماام التمام
****الموعد جا اخذت العنوان من خالي و جهزت هديتي و مشيت ع المطار مبسووط للنهايه
وصلت البيت فتحو الباب اختي كانت قااعده في الصاله متنشنه و الجو برد ملفوفه بي بطانيتها وراقده قدام التلفزيون وقفت وبقيت بعاين ليها التفتت علي وما قدرت تستوعب رجعت تعاين للتلفزيون فجأه التفت تاني وقامت جااريه علي وهي بتبكي 😭
:اخووووووي اشتقتا لييك شديييد
:ياااخ ما قدري والله
:نورت مصر كلها والله (وهي بتبكي)
:خليكي من النور والضلام والكهربا انتي بتبكي ليه
:ما عارفه بس اشتقت لييك شدييد
:طيب هندا انا جييت في داعي لعيونك الحلوه تدمع (مسحت دموعها)
*وقعدنا ونسيت انو عمتي كانت معاها وخالي ما سلمت عليهم 😂
***قعدتا جنبها وبقت تحكي وتحكي حسيت انو اي طاقه سلبيه جواها ماتت .. تحكي وتضحك بعد شويه كانت عايزه تقلع الطاقيه اللابساها واتحسست 💔 حست بالعقده كدا .......
يتبع

#يوميات_مُكافِحه
حست بالعقده كدا قمت حاولت استظرف معاها
:ما عايزه تكشفي لينا عن البطيخه الجميله 😍😂
:هههه خلاص انا حقلع الطاقيه
:اي ياااخ انا زاتي سخنتا خلي انتي
:ههههه رايك شنو
:رهييييبه 😂
**بقينا نتونس لحد ما جا موعد النوم خشيت غرفتي جبت هديتها وجيت قبل تخش غرفتها .. مسكتها من كتفها التفتت والدمووع ملت الحته 😂 ..بعد ايام
:هوي بكره انا ماشه العياده بدري امشي نوم
:ي زوله عيادتك دي لو الساعه ٢ بمشي
:عامل فيها نشيط حتمشي تزززهج هناك
:ازهج انا لاكن ما تزهجي انتي
:ههههه مجنون
*صحينا الصبااح وجهزنا ومشينا العياده اتضاربت على حااجاات .. جماال مصر و العياده الكلها اطفال 💔💔 كانسر اهلكهم بطني وجعتني ..
المهم ركبت الدربات وبقينا نتونس كنت شايل معاي لابتوب وحضرنا افلام .. وشايلين معانا فيشار ابيض وزعنا على شفع العياده كلها عملناهو فرحه عييد 😍
بعد ٣ جرعات ..بعد الجرعه ب ٧ ايام قامت المضاعفات
(مضااعفات الكيماوي كعبه ممكن تقتلك ) ورحلتي بعد اسبوع وهي رحلتها قبلي بيومين والمضاعفات عشان تروح اقل شي في ١٠ ايام .. ومحتاجه مبلغ كبير للاتأمين .. ونحنا صرفنا كل الموجود للتذاكر باقي دولارات ومحلات الصرافه ما بتفتح يوم جمعه .. المهم نزلت تحت عايز اشم هوا لقيت .......
يتبع