جذاب اليحب عيونك بكدي !❤
-

خذني يمك
بعد ما ظل كل عذر لا تعتذر
ليل عُمري وعُمرك مخلص بعد ما بي صبر
خل نلمّ احلامنا ونحفظ صورهن
گبل لا ياخذهن بدربه الفجر
وخل نلمّ الباقيات سنيني وسنينك
نسويهن عُمر وهنّ ميكفن عُمر
ونبدي من جِدة وجديد
بواهس سنين الصغر ولو وازانه الكبر .
-

يالمعدل يگلهن بيك يلمامش شعر يكفيك.
-

وانه ما حسبالي راح الگاك تضحك
والربيع مطرز ثيابك فخاتي
انه ميت من أجيتك انه مدري شلون
بالگوة وصلت لباب بيتك.
-

أملتني وصدگت روحي
وقريت أشعاري يمّك
وعشگتني وسولفت للناس حُبّك
وضيعتني ووصفت للناس دربك
رجفة أوتار العود بيد الخايفين أرجف عليك.
-

يالمعدل يگلهن بيك يلمامش شعر يكفيك.❤
-

‏امس مامش وطن بس انت وعيونك.
-

چنت من كلشي اشتكيلك حتى مني !
ومن كسرتي ولوعتي وشوغات ليلَك
من فزيز الاه والكلشي ودخيلك
وچنت كل ما مر هوى عذيبي ارتجيلَك
شغير اطباعك يحيلي ؟
-

يا ملاذي وغيرتي ولذة شبابي.
-

‏وشنهو ظني الچنت أتانيهن جزني
لا لگيت شويه منهن ولا لگيت شوية مني
ضايع وكل الوجوه استغربتني.
-

أثاري الوطن هاي الهلا البعيونك .
-

اليسمعني من أسولف گال چنه فلان
چا غير المحب ثلثينه ع المحبوب .
-

شنو عذرك
درت وجهك گبل لا تطلَع النَجمات
و آنا و گلبي هم ننساك ،
موشّ گبور خاطر نحتفظ بـ المات
_