صباح الخير علينا🌸🖤

وعلى ضحكتنا الحلوة🌸 وعلى عيوننـا الجميلة الما حصـل إتقال إنها جميلة بس نحنا عارفنها جميلة✨🌸 صباح الخير لقلوبنا اللي بجد نضيفة🌸🖤صباح الخير لإصرارنا ولصبرنا وللحظ السيئ الما راضي يطاوعنا🌸🖤صباح الخير للحب الجوانا وللخير الجوانا✨🌸صباح الخير للجزء الكبير المهمش فينا🌸🖤وصباح الخير على كل حاجة فينا✨🌸🖤


#saam 💫

_ بتحكي قالت بعد مشكلة طويلة عريضة بينهم جاها .
و قال ليها :
طيب ممكن تخليني أقيف جمبك اسي ..💙
قلت ليه :
طيب و المشاكل و الخلافات اللي بينا .. 💔
قال ليها : إنتي كويسة .. !
قلت ليه : لا 💔
قال ليها : بعد ما إنتي تبقي طيبه يبقى نتعاتب .. 💙
.
" كان دائماََ يحاول أن يجعلني سعيدة ، لا يحب أن يرى الكسر في عيناي ، يغرقني بعباراته التى لا يفهمها غيرنا ، كان من ذاك النوع النادر من الأشخاص الذي يرافقك دربك ، رغُم التعب رغم الخلاف سيظل هو كتفي الصلب إلىٰ الأبد "

فاللهم حلالاً يشبه كل أمانينا .. 💜

#saam 💫

#الي_احدهم

#انانيه_فيگ...... ✋😍💝
هي عايزاك گل اليوم ، عايزه‍ رساله‍ گل نص ساعة ، عايزه‍ تسمع تفاصيل يومگ الممله ، هي عايزه‍ گدا ..
الأنثى گدا ، احگي ليها قابلت منو ، شربت شنو ، اتصل عليگ منو ماعايزاگ تجي تتصل عليها (نص الليل) وبس عشان تسمع منها گلمتين حلوات..!
ياخي أزعجها وريها اي شي حتي ولو بايخ ، رسل ليها رسالة نصية موش ماسنجر ، ولا واتس نق ليها في رأسها دا وگرر ليها انگ مستعد تخلي اي شي حسسها انها اهم شي في حياتگ وانها اول اولوياتگ ، اوعدها انگ ح تخلي اي شي عشانها وتجيها لو گانت مصدعة ، هي عايزه‍ گلامگ الگتير دا بتفرح بيهو بتنوم وتصحي عليهو 😍
ازعجها خلي حضورگ طاغي اعمل گرگبة ، هي بتحبگ كدا حوالينها
تعال جنب جامعتها ، اشغلها ، اجبرها تجيگ تفطروا سوا ، اشتري ليها شوگلاته ، جيب ليها علاقة مفاتيح ، نظارة ، بس ما تخليگ صاني گدا😕
هي عايزه‍ حبگ وشخصگ يملو عليها يومها ، هي عايزه‍ تلفونها دا گله حاجاتگ انت ، صورگ تسجيلاتگ حتى عصبيتگ ، هي عايزه تحس انگ حقها بگل شي✋😍
، اديها ذگريات تملا يومها ، شاغلها ، عاگسها ، بگيها ، سگتها ، أمشو مع بعض ، اشتروا حلاوه قطن ، اگلها حاجة حاره‍ لما تبگي ليگ ، منتظر شنو انت ، وبالمناسبة الحاجات دي گلها ممگن تعملها وانت لسه محتفظ بشخصيتگ ما بتقلل منگ حاجه✋
هي انثى ، والأنثى طفله عايزه‍ تختار راجل يسعدها يدللها ، فرصها محدوده‍ في مجتمع صعب ، اختارت تگون معاگ في مجتمع مابسمح ليها تگون مع نفسها ✋
امسگ فيها قوي ، ماتديها فرصة تنشغل بغيرگ ✋

#saam 💫

✨وقال ليها...💛

"رغم عنادك و كل أغلاطك البتعملي فيها عشان تغيظيني بس برضو ما ح اسيبك!..
منو القال ليك الحبيب بفتر من وجع الحب..أصلو الحب طبعو الوجع و أصلي انا طبعي أرجاكي لمن تفتري ح تلقيني قاعد مستنيك انا عندي غيرك أتعذب عشانو و لا اصلا الحياه أدتني فرصه أفكر بغيرك عشان أنساك!!
يا حبيبتي روقي و أهدي مش لو قلتي ما عايزاك أنتي لو كسرتي قلبي ميه مره انا برضو عايزك و راجيك و ح أرجاك""

#saam 💫

ثم وصَفَها قائِلاً :

" قد تراها امرأةً عاديةً ، جمالها خفي ، لا يراهُ أي أحد ، هكذا سترَها الله ، لكي لا يحظى بقلبها إلا ذو حظٍ عظيم♥️🌸✨
🙈

#saam 💫

هي ما حبتك عشان #تكسرها🙂

حبّتك عشان لما تحس بالضعف تلقاك ساندها🙇🏼‍♀💙
ما حبتك عشان تجرحها وتزعلها💔
حبتك عشان كل ما تحس بالضيق تلقاك واقف جمبها♥
حبتك✨ عشان كل ما تخاف تتذكر إنك جمبها ويجيها إحساس الأمان♥
حبتك✨ عشان كل ما تحس بي نفسها ضايعه وبدون سند تميل عليك وانت تسندها♥
حبتك عشان تبقى ليها أخو وأب وسند ومصدر أمان بالنسبه ليها♥
عشان لما تضعف تاخذ قوتها منك♥

#saam 💫

أمّا عنه♥✨ فهوو نقي كزهر ابيض🚶🏻‍♀💙 مُبهج كالمطر بعد الجفاف 🐾🌸✨ ، نادر لا يشبه أحد 💕✨ قلبي مُرتبط به 🌸💗✨ ؛
• فهو أشد أشيائي جمالاً 💜✨ أحتفِظ به في قلبي ك السر 😴
احفظه بعينك التي لا تنام يارب🙇‍♀️💙 { اللهم هو وما دون ذالك هين ❤✨ }


#saam 💫

قِيل " لي ذات يوم " انت انسانآ سعيد جدآ فهل لكَ ان تخبرنا"ماسر"سعادتك"??!

ادرت ضهري وقلت هل هناك انسانآ ميت يعاني من الم الحياة" وكيف للاموات ان يعيشوا بالم او احزان",ثم مضيت متبسآ وماغير شفتاي متحركة للابتسام في وجوة العابرين",!!!🙂✨


#saam 💫

..وفي نص #شكلتهم سكتت مسافةه وقالت ليهو خلاص..
نحن ما ح #ننفع_لبعض..!
قال ليها ليةه؟
قالت ليهو المشاكل بينا #كترت💔وانت دايماً #مشغول..💔و وصلنا #لنقطةه_ما_منها_رجعةه..واحسن من نخسر #إحترامنا_لبعض..كل واحد فينا يمشي من #طريق..
قال ليها:-
دا أخر كلام عندڪ؟
"إتصدمت من برودو.."
قالت ليهو :-ايوه
قال ليها :طيب..
وتييت #الخط قطع
جدعت التلفون ودموعها #نزلت💔إفتكرت ..زي كل مره ح يرن عليها #ويصالحها وح يغلط كلامها ..بس يبدو هو فعلياً شايف انو م نافعين لبعض
عدت تلاتةه ساعات والمغرب جا وفات باب بيتهم خبط أمها قالت ليها ..أفتحي الباب يا بت م سامعةه؟
هي كانت راقده في غرفتها وحاطةه وشها ع المخده #ودموعها م عايزه تقيف💔قامت بتثاقل..لبست #الشحاطةه..وجرت #توب_امها لبستو افتكرت دا #ابوها ..او وحده من جاراتهم 💔.. #عيونها_كانت_متورمةه من البكاء غسلت وشها واتجهت ع الباب..
فتحتو وم عايزه ترفع راسها عشان م تُسأل ماالا..💔
سمعت صوت بقول:-
مهما المشاكل بينا كترت ح نحلها سوا💜
ومهما انشغلت فالنهايةه ... #برجع_ليڪ💜..
ومهما وصلنا لنقطةه م منها رجعةه ح نبدأ سطر جديد💜
ومهما اختلفنا طريقنا واحد وانا منڪ وفيڪ وم ح امشي بعيد..💜
رفعت راسها ..اي ياهو زولا💜.. #دموعها_نزلت_والابتسامةه_ظهرت_والوجنةه_المحفوره_بانت💜..وقبل م ترد قال ليها أبوي واخوي فالعربيةه لو ابوڪ موجود عايزين نقابلوا..انا لاحظت #نقتڪ كترت و عايز #ألمڪ_علي💜
❤❤❤❤

#saam 💫

نحنا ما عايزين زول منبهر بينا
عايزين زول يكون عارف إننا عولاق
لمن نكون قاعدين معاهو نبكي عادي و نضحك و نهظر بدون خجل أو حواجز بينا
زول عارف قصة فشلنا و تناقضاتنا و بشاعة دواخلنا و قادر انو يطيب خاطرنا
زول يحكي لينا عن مشاكلو العامة و الشخصيه من غير أي أقنعه أو خوف من انو ينزل من البرج العالي دا
ما عايزين زول رهيب عايزين زول عادي يبقي حياتنا رهيبه
ما سمحه العلاقات الفيها تصنع و كماليات🌸

#saam 💫

أنا مُمتنة جداََ لأي زول بقول كلمة حلوة ، مُمتنة لكل الناس البحسسو الواحد إنه يستاهل يتحب ، مُمتنة لأي زول براضى غيرو ومابهون عليهو زعل القدامو ، الكلمة الحلوة والمعاملة الطيبة بتفرق معانا جداً وأثرها بفضل جوانا ومابننساهو للأبد والله💙..

#saam 💫

على فكرة في ناس بتحبك ، ومعجبه فيك بكل صورك ، بتخطط عشان تسعد قلبك ، ناس محورها متمركز عليك ، في ناس بتراقبك من بعيد وشغلها تطيب وجعك ، و تديم بسمتك ، محتفظين بكل صورك و كلامك و أسلوبك ، بحبوك فوق الحب حب ، بيسعوا بكل الطرق يدخلوا الفرحة لقلبك ، حاسين بيك ، في ناس بجد بتحبك
🖤✨

#saam 💫

وما في أحلى من گونگ تحب زول شديد وتراقب تفاصيلوو المملة زاتو 💜✨
وما في أحلى من الصداقة البتجي بعد الكره والحقد ديگ💜✨
ومافي أحلى من النگد والمقالب البنعملها في أصحابنا💜✨
وما في أحلى من المفاجآءت البتخليگ ما تسيطر على دموگ💜✨
ومافي أحلى من الدموع البتنزل لمن تگون مشتاق لزول شديد 💜✨
وما في أحلى من المراسلات بالورق في الحصه💜✨

#saam 💫

حاربو الظروف😴 عشانن تبقو سووا وم تترگھا نھائي💔🌸.4-
ما تشك فيها اطلاقآ 🙁الشك نهاية العلاقة خليك واثق فيها ثقة مفرطه😊💙🌼.

#saam 💫

حاول دايما تسندها وتسمعها🙂💙 وخليگ معاها حنين وأقيف معاها في المره ابقا ليها سند 💜✨

#saam 💫

قالت: و أحيانًا أثناء محادثتنا "أتدلّل" و أدّعي الزعل حتى تصبح الرسائل غير كافية ولا يجد سبيلاً لإرضائي بها ..
إلى أن يتوقَّف عن الكتابة و هنا تبدأ ضربات قلبي بالتسارع ثم ... يتصل ❤
و عندها ابتسم منتصرة كَ موسيقار حصَل على نغمته الأخيرة و تغنّى بها
و بعدها ... صوته و على قلبي السَّلام ❤

احناا ويينن من ديل😄😄😄💔

#saam 💫

"أحياناً الغلط بوصلك للطريق الصح، والناس الغلط بتعرفك قيمة الناس الصح، والإختيارات الغلط بتخليك واعي أكتر لما تختار بالمرة الي بعدها، والأهداف الغلط بتوصلك للأهداف الجوهرية، والضربة الي بتألمك بتصحيك، والضعف بخليك أكتر صلابة، والتشتت بخليك تتمسك بنفسك أكتر، الظلام بخليك تشوف النور البعيد الي ما كنت منتبه الو، والكسر بعرفك طعم تكون قريب من ربنا، والوحدة بتعرفك قيمة نفسك..
أحيانا أكتر الأشياء الي ممكن تأذينا هي الأشياء الي بتنقذنا، والأشياء الي بنفكرها نهايتنا بتكون بالحقيقة هي البداية😊♥️.

#saam 💫

ايامنا المرة دي محتاجة صبر وثقة في ربنا🖤صدقني حيجي يوم ونلقى حياتنا بي شكل تاني 🖤🌸افراحنا حتفوت احزاننا حنصحى يوم ونلقى التعب راح ، حنلقى احلامنا اتحققت بعد تعب وصبر
حتتمحي كل اوجاعنا وننسى الفات كلو 🖤🌸حننسي الناس الخذلتنا والناس الخلتنا في نص الطريق 😊🎶
"صبرا جميل"

#saam 💫

بحب علاقات الصداقة اللي بتكون بين اتنين مختلفين في طباعهم ظاهريا،طرف عاقل وهادي،والتاني مجنون وهو دايما اللي بياخد بإيد لكل حاجة جديدة عليه.كأنهم بكملوا بعض...هو التشابه بكون موجود بس في القيم المابتظهر من برة كأنه ارواحهم بتعزف على نفس الموجةرغم الاختلاف الظاهري،بس الاندماج والتوافق مابينهم
بيكون مساحتهم الامنة في زحمة الدنيا..والله كفاية انو تحس انو في انسان بحبك ومتقبلك وانت على حقيقتك من دون "مقابل".💛

#saam 💫

فكرةُ أن يَسعَى أحدهُم من أجلِك، أن يحاولَ جاهدًا مُساعدتك، فكرةٌ دافئةٌ جدًا، أسألُ اللهَ أن يُبقي فِي حَياتنا الطَّيِّبين، الذينَ يُهَوِّنُونَ علينا مَشَقَّةَ الطَّرِيق.💜🌸😴

#saam 💫

الفرحه دايما ناقصه 🙂
بنضحك ف العزاء ، ومرات بنبكي ف الافراح ، الأحلام لما كانت بتبرق في عيونا ما بتحقق ولما ننساها يتجي ، الحاجات المنتظرنها طويل بتجي بعد ما نسينها ....لما بنفكر نطلع م بيبقى ف قروش 🙂💔
ولما بتجي القروش م ببقى ف نفس ل الطلعة معظم الحاجات بتحصل في وقت غير وقتها ومع ناس غير ناسها والبكون راجينو كتير بجينا بس بعد م بكون بهت ولونو اتغير وصبرنا نفد 🙃

#saam 💫