#Биласизми

Шахсни ўзини ўзи ўлдириш даражасига етказганлик учун жиноий жавобгарлик мавжуд

Шахсни қўрқитиш, унга раҳмсиз муомала қилиш ёки унинг шаъни ва қадр-қимматини муттасил равишда камситиш натижасида уни ўзини ўзи ўлдириш ёки бунга суиқасд қилиш даражасига етказиш 7 йилгача озодликдан маҳрум қилиш билан жазоланади.

✅ Ўша ҳаракатлар:
👉 моддий томондан ёки бошқа жиҳатлардан айбдорга қарам бўлган шахсга нисбатан;
👉 вояга етмаган шахсга ёки ҳомиладорлиги айбдорга аён бўлган аёлга нисбатан;
👉 бир гуруҳ шахслар томонидан олдиндан тил бириктириб;
👉 телекоммуникация тармоқлари, Интернет тармоғидан фойдаланиб содир этилган бўлса, 10 йилгача озодликдан маҳрум қилиш билан жазоланади.

✅ Каналга обуна бўлинг 👉 @gulobod_tongi_gazetasi

Самарқанд туманида ағдарилиб кетган юк машинаси бўйича маълумот берилди

Кеча, 2 октябрь куни соат 14:45 ларда Самарқанд тумани ҳудудидан ўтувчи Олмаота-Тошкент-Термиз М-37 автомобиль йўлининг 1097 километрида ҳаракатланиб келаётган "Зил" русумли транспорт воситаси орқа ғилдирагининг бир қисми синиб кетган.
Натижада машинанинг устида юк сабабли транспорт воситаси йўл четига ағдарилиб кетган.
ЙТҲ натижасида ҳеч ким тан жароҳати олмаган.
Вилоят ИИБ ЙҲХБ ходимлари томонидан махсус кўтарма кран олиб келиниб, транспорт воситасига ёрдам кўрсатилган.
Самарқанд вилояти ИИБ ЙҲХБ яна бир бор барча ҳайдовчиларни йўлларда ҳаракат хавфсизлиги қоидаларига риоя қилишга чақиради.

✅ Каналга обуна бўлинг 👉 @gulobod_tongi_gazetasi

​​Божхона органларида экспорт ёки импорт қилинган товарларга доир божхона статистикасини олиш имконияти жорий қилинди

Давлат божхона қўмитаси ташқи иқтисодий фаолият иштирокчилари учун 2020 йил 1 октябрдан эътиборан навбатдаги интерактив маълумотни жорий қилди.
Эндиликда ташқи иқтисодий фаолият иштирокчилари божхона органларига мурожаат қилмасдан туриб, импорт ва экспорт қилинаётган асосий товарларнинг божхона статистикаси тўғрисидаги маълумотларни реал вақт режимида интернет тармоғи орқали олишлари мумкин.
Мазкур янгилик Ўзбекистон Республикаси Президентининг 2020 йил 5 июндаги “Божхона маъмурчилигини ислоҳ этиш ва Ўзбекистон Республикаси давлат божхона хизмати органлари фаолиятини такомиллаштириш тўғрисида” (https://lex.uz/docs/4844615)ПФ-6005-сон Фармони билан тасдиқланган 2020–2023 йилларда божхона маъмуриятчилигини ислоҳ қилиш ва Ўзбекистон Республикаси давлат божхона хизмати органлари фаолияти самарадорлигини ошириш Концепциясини амалга ошириш бўйича “Йўл харитаси” ижроси доирасида йўлга қўйилди.
✅Интерактив маълумотлар ўз ичига экспорт ва импорт қилинган товарлар тўғрисидаги ҳамда ҳудудларнинг экспорт ва импорт салоҳияти тўғрисидаги статистик маълумотларни қамраб олади.
✅Экспорт ва импорт қилинган товарлар Ташқи иқтисодий фаолият товарлар номенклатурасидаги номлари асосида келтирилган бўлиб, уларнинг миқдори ва қиймати кўрсатилган.
✅Интерактив маълумотнинг қулайлиги шундаки, ушбу маълумотларни ҳудудлар кесимида, маълум бир вақт оралиғи бўйича ёки аниқ бир давлатлар мисолида ҳам олиш мумкин.
✅Ҳудудларнинг экспорт ва импорт салоҳиятига доир умумий рақамларни ҳам худди шу зайлда маълум бир вақт оралиғи бўйича ёки аниқ бир давлатлар мисолида олиш мумкин.
✅Ушбу маълумотлар ташқи иқтисодий фаолият иштирокчиларига бизнес ҳаракатларини тўғри йўналтиришда ва истиқболли режалар тузишда амалий ёрдам бўлиб хизмат қилади.
Маълумотдан фойдаланиш учун электрон рақамли имзо ёки сайтда рўйхатдан ўтиш талаб қилинмайди.
Интерактив маълумотдан ҳозироқ фойдаланинг ва бунга ўзингиз ҳам ишонч ҳосил қилинг!

Самарқанд вилояти божхона бошқармаси
Ахборот хизмати

Кимки бир кўнгли бузуқнинг хотирин шод айлагай,
Онча борким, Каъба вайрон бўлса обод айлагай.

© Алишер Навоий

✅ Каналга обуна бўлинг 👉 @gulobod_tongi_gazetasi

Кам таъминланган оилаларга нафақа тўлаш тартиби ва миқдорини биласизми?

Адлия вазирлиги ахборот хизмати маълумотига кўра улар қуйидагича:

Қуйидаги нафақа ва моддий ёрдам ҳар бир оила аъзосига ўртача ойлик жами даромад миқдори меҳнатга ҳақ тўлашнинг энг кам миқдорининг 52,7 фоизидан (358 007 сўмдан) ортиқ бўлмаган оилаларга тайинланади:

👉 14 ёшгача болалари бўлган оилаларга нафақа:
• 1 та болали оилага - 131 000 сўм;
• 2 та болали оилага - 217 000 сўм;
• 3 ва ундан ортиқ болали оилага - 304 000 сўм;

👉 2 ёшга тўлгунга қадар бола парвариши бўйича нафақа - 434 000 сўм;

👉 кам таъминланган оилаларга моддий ёрдам - 326 000 сўмдан 653 000 сўмгача.

Оила аъзосига тўғри келадиган ўртача ойлик жами даромад, нафақа ёки моддий ёрдам олиш учун мурожаат қилинган ойдан олдинги охирги 3 ой учун ҳисоблаб чиқилган оиланинг меҳнатга лаёқатли ҳар бир аъзосининг ўртача ойлик даромади суммасини оила таркибига киритиладиган оила аъзолари сонига бўлинган ҳолда аниқланади.

Нафақа ва моддий ёрдам ариза берувчининг ўзини ўзи бошқариш органига мурожаат қилган ойнинг кейинги ойидан бошлаб тўланади.

✅ Каналга обуна бўлинг 👉 @gulobod_tongi_gazetasi

🌎 5-октябрь – Халқаро ўқитувчилар куни

ЮНЕСКОнинг 1966 йил 5-октябрда Париж шаҳрида бўлиб ўтган 14-сессиясида Халқаро Меҳнат Ташкилоти билан ҳамкорликда Ўқитувчиларнинг мақоми тўғрисида тавсиянома қабул қилинган.

Мазкур ҳужжатда ўқитувчиларнинг ҳуқуқ ва мажбуриятлари, улар учун яратилиши зарур бўлган энг муҳим шарт-шароитлар бўйича халқаро меъёрлар белгиланган.

Шу муносабат билан, ушбу сана 1994 йилдан бери Халқаро ўқитувчилар куни сифатида нишонланиб келинади.

Ушбу кун 100 дан ортиқ давлатда кенг нишонланиб, ўқитувчиларнинг инсоният ҳаёти ва жаҳон тараққиётида тутган ўрни ва аҳамиятини, уларнинг меҳнат шароитларини яхшилаш ва ҳуқуқларини ҳимоя қилишга эътибор қаратиш лозимлигини эслатиб туради.

@gulobod_tongi_gazetasi

Вилоят ҳокимларига янги ваколат берилди

“Соғлиқни сақлаш соҳасида давлат бошқаруви тизимини янада такомиллаштириш чора-тадбирлари тўғрисида”ги Президент қарори қабул қилинди.

Қарорга кўра:
Соғлиқни сақлаш вазири ўринбосари – Тошкент шаҳар соғлиқни сақлаш бош бошқармаси бошлиғи лавозими жорий этилди;
Соғлиқни сақлаш вазири ўринбосари – Республика шошилинч тиббий ёрдам илмий маркази бош директори лавозими тугатилди.

Қарорга мувофиқ:
Қорақалпоғистон Республикаси соғлиқни сақлаш вазири ва вилоятлар соғлиқни сақлаш бошқармалари бошлиқлари соғлиқни сақлаш вазири томонидан тегишлича Қорақалпоғистон Республикаси Жўқорғи Кенгеси Раиси ва вилоят ҳокимлари билан келишилган ҳолда;
ҳудудий тиббиёт муассасалари раҳбарлари эса соғлиқни сақлаш вазири ҳамда Қорақалпоғистон Республикаси Жўқорғи Кенгеси Раиси ва вилоят ҳокимлари билан келишилган ҳолда вилоят соғлиқни сақлаш бошқармаси бошлиқлари томонидан лавозимга тайинланади.

✅ Каналга обуна бўлинг 👉 @gulobod_tongi_gazetasi