#Биласизми

ПЕНСИЯ ТАЙИНЛАШДА ТАЛАБ ҚИЛИНАДИГАН ҲУЖЖАТ ТУРЛАРИ ҚИСҚАРДИ

Президентнинг тегишли қарорига асосан фуқаролардан 28 турдаги маълумотномани талаб этиш тақиқланган.

▪️ Жумладан, Пенсия жамғармаси туман (шаҳар) бўлимлари томонидан қуйидаги 6 турдаги ҳужжатлар талаб қилинмайди:

🔹 Турар жойда яшовчи шахслар кўрсатилган ҳолда маълумотнома;
🔹 Оила аъзоларининг пенсионер билан у вафот этган кунигача биргаликда яшаб турганлиги ҳолатини тасдиқловчи маълумотнома;
🔹 Қарамоғида меҳнатга лаёқатсиз оила аъзолари борлигини тасдиқловчи маълумотнома;
🔹 Вафот этган боқувчининг қарамоғидаги оила аъзолари таркиби тўғрисидаги маълумотнома;
🔹 Шахсий ёрдамчи хўжалигида қорамол мавжудлиги ёки қишлоқ хўжалик маҳсулотларининг бошқа турларини етиштириш билан бандлиги тўғрисида маълумотнома;
🔹 Дафн ўтказилганлиги ҳолатини тасдиқлаш учун маълумотнома.

✅ Каналга обуна бўлинг 👉 @gulobod_tongi_gazetasi

21 октябрь дам олиш куними?

Меҳнат кодексига кўра, қуйидаги кунлар байрам (ишланмайдиган) кунлари ҳисобланади:

1 январь – Янги йил;
8 март – Хотин-қизлар куни;
21 март – Наврўз байрами;
9 май – Хотира ва қадрлаш куни;
1 сентябрь – Мустақиллик куни;
1 октябрь – Ўқитувчи ва мураббийлар куни;
8 декабрь – Конституция куни;
Рўза ҳайит (Ийд ал-Фитр) диний байрамининг биринчи куни;
Қурбон ҳайит (Ийд ал-Адҳа) диний байрамининг биринчи куни.

“Ўзбек тили байрами кунини белгилаш тўғрисида”ги Қонун (10.04.2020 йил, ЎРҚ–615-сон)га кўра, 21 октябрь Ўзбек тили байрами куни этиб белгиланган, ушбу кун дам олиш куни ҳисобланмайди.

✅ Каналга обуна бўлинг 👉 @gulobod_tongi_gazetasi

Хўроз уриштириш учун ташкил қилинган "арена" фаолияти фош бўлди

Самарқанд шаҳрида ҳуқуқни муҳофаза қилувчи органлар томонидан ўтказилган тезкор тадбирда 48 ёшли Ш.А. Минск кўчасида жойлашган уйларнинг бирида «арена» кўринишида жой қилиб, хўрозларни пул эвазига уриштириб, қимор ўйини ташкил қилганлиги аниқланган.

ИИБ ходимлари томонидан тадбир давомида 13 нафар хўроз уриштириш ва 476 нафар томоша мақсадида келган фуқаронинг шахси аниқланиб, уларнинг жиноятга алоқадорлиги текширилиб, ушбу шахсларга тегишли 132 та транспорт воситасининг ҳужжатлари кўздан кечирилган.

Ҳолат юзасидан Самарқанд шаҳри бўйича ИИО ФМБ суриштирув ишларини олиб бормоқда.

@gulobod_tongi_gazetasi

21 октябрь – Ўзбек тили байрами куни

Президент Шавкат Мирзиёев томонидан жорий йил 10 апрель куни имзоланган “Ўзбек тили кунини белгилаш тўғрисида”ги қонунга мувофиқ, 21 октябрь Ўзбек тили байрами сифатида нишонланади.

📌 1989 йил 21 октябрда “Ўзбекистон Республикасининг давлат тили тўғрисида”ги қонун қабул қилинган. Унга асосан, ўзбек тили – Ўзбекистон Республикасида ягона давлат тили сифатида тан олинган. Мазкур қонун 1995 йил 21 декабрда янги таҳрирда қабул қилинган.

👬 Бугунги кунда дунё бўйича 50 млн нафардан кўпроқ одам ўзбек тилида сўзлашади.

✅ Эслатиб ўтамиз, Маъмурий жавобгарлик тўғрисидаги кодекснинг 42-моддасига кўра, фуқароларнинг тарбия ва таълим беришда тилни эркин танлашдан иборат ҳуқуқларини бузиш, тилдан фойдаланишда тўсқинлик қилиш ва чеклаш, давлат тилини, шунингдек Ўзбекистон Республикасида яшовчи бошқа миллатлар ва элатларнинг тилларини менсимаслик базавий ҳисоблаш миқдорининг бир бараваридан икки бараваригача миқдорда жарима солишга сабаб бўлади.

@gulobod_tongi_gazetasi

Ўзбекистон халқига байрам табриги
—
Праздничное поздравление народу Узбекистана

@gulobod_tongi_gazetasi

“Hududgaz Samarqand”: Самарқанд туманидаги суюлтирилган газга мослаштирилган маҳаллаларга табиий газ етказиб бериш учун техник имконият мавжуд эмас

“Hududgaz Samarqand” газ таъминоти филиали facebook ижтимоий тармоғи фойдаланувчиси Andrew Jacksonнинг “Эшитишимча яқин орада Самарқанд тумани аҳолиси табиий газ масаласи бўйича ҳурматли Президентимизга хат ва ижтимоий тармоқлар орқали мурожаатнома жўнатармиш”, дея бошланган пост юзасидан қуйидагиларни маълум қилади...

Батафсил 👉 https://bit.ly/3m4WlPV

🔰 Facebook: https://www.facebook.com/gulobodtong

✅ Каналга обуна бўлинг 👉 @gulobod_tongi_gazetasi

Самарқанд туманида ҳам "Ҳуқуқбузарликларга қарши курашиш ва хизмат фаолиятини такомиллаштириш" ойлиги доирасида бир қатор тадбирлар ўтказилмоқда

✅ Каналга обуна бўлинг 👉 @gulobod_tongi_gazetasi

Самарқанд тумани Оҳалик халқа йўлида (собиқ Паррандачилик фабрикаси) йирик савдо маркази ўз фаолиятини бошлайди.

2020 йилнинг 1 ноябридан вилоятимиз аҳли учун "Гулобод саҳовати агрологистика" комплексида қишлоқ хўжалиги маҳсулотлари савдоси йўлга қўйилмоқда.

Вилоятимиз аҳли ушбу савдо мажмуасига ташриф буюриб, арзон нархларда озиқ-овқат маҳсулотларини харид қилиши мумкин.

Туман ҳокимлиги ахборот хизмати

@gulobod_tongi_gazetasi

Хотира пасайишига қандай омиллар сабаб бўлади?

Шифокор-валеолог Бахтинисо Азимбоева:

📌Хотира пасайишининг 3 хил сабаби бор:

🔸Физиологик ҳолат. Танада сувнинг етишмаслиги, кунлик овқатланиш рационида керакли B витамини ёки ёд элементининг етарли эмаслиги сабаб бўлади. Шунингдек, ичакда гижжалар борлиги ҳам хотира пасайишига сабаб бўлади.

🔸Психологик ҳолат. Руҳий зўриқишлар, жумладан, яқинларини йўқотганда, оилавий можароларда, ишда ўзаро келишмовчиликлар ва бошқалар.

🔸Неврологик ҳолат. Мия иш фаолияти бузилишига олиб келадиган факторлар, яъни қон томирлар торайиши, бош қисмидаги жароҳатлар, ишемик инсульт оқибатида юзага келадиган ўзгаришлар хотира пасайишига олиб келади. Қандли диабетда, қон босими паст-баланд бўлганда ҳам хотира сусайиши кузатилиши мумкин.

Манба: "Ойдин ҳаёт LIVE" дастури. Ўзбекистон телеканали.

✅ Каналга обуна бўлинг 👉 @gulobod_tongi_gazetasi

Самарқанд шаҳридаги иккита кўчага Ўктам Барноев ва Аъзамхон Баҳромов номи берилади

Халқ депутатлари Самарқанд вилояти Кенгашининг айни пайтда ўтказилаётган сессиясида депутатлар томонидан шундай таклиф билдирилди.

Аъзамхон Баҳромов ва Ўктам Барноев турли йилларда Самарқанд вилоятига раҳбарлик қилган. А.Баҳромов 2017 йилдан буён Каттақўрғон тумани ҳокими эди.

✅ Каналга обуна бўлинг 👉 @gulobod_tongi_gazetasi

“Гулобод тонги” газетасининг 2020 йил 23 октябрь, 40-сонини онлайн форматда ўқинг
👉🏻 ОНЛАЙН ЎҚИШ 👈🏻

Бизни ижтимоий тармоқларда кузатиб боринг:
Веб-сайт: www.gulobodtongi.uz
Телеграм: @gulobod_tongi_gazetasi
Facebook: www.facebook.com/gulobodtong

Коррупцияга қарши курашамиз

Коррупциянинг олдини олиш ҳамда унга қарши кескин курашиш, шунингдек давлат ва жамиятнинг барча соҳаларида коррупция омилларига чек қўйиш бугунги куннинг энг долзарб масалаларидан биридир.

Давлат божхона қўмитаси ҳамда унинг ҳудудий божхона бошқармалари томонидан мунтазам равишда коррупция иллатига қарши кескин чоралар кўрилмоқда.

Давлатимиз раҳбарининг “Божхона маъмуриятчилигини ислоҳ этиш ва Ўзбекистон Республикаси давлат божхона хизмати органлари фаолиятини такомиллаштириш тўғрисида”ги ПФ-6005-сон Фармонига асосан, божхона тизимида коррупция, ноқонуний валюта операциялари ҳамда божхона тўловларини тўлашдан бўйин товлашга қарши курашишда божхона маъмуриятчилигининг замонавий усулларини қўллаш белгиланган...

Батафсил 👉 http://gulobodtongi.uz/siyosat/korruptsiyaga-qarshi-kurashamiz

🔰 Facebook: https://www.facebook.com/gulobodtong

✅ Каналга обуна бўлинг 👉 @gulobod_tongi_gazetasi

Машинада ёлғиз ҳаракатланаётганда тиббий ниқоб тақиш шартми?

Наргиза Нуруллаева, Коронавирусга қарши курашиш штаби аъзоси:

❗️- Агар сиз шахсий автомобилингизда ёлғиз ҳаракатланаётган бўлсангиз ва йўловчи ташиш билан шуғулланмасангиз ниқоб тақишингиз шарт эмас.

АОКАда ўтказилган брифингдан

✅ Каналга обуна бўлинг 👉 @gulobod_tongi_gazetasi