لاتشتكي من بعض الأصحاب وتبوح
كـلـن يبيّن بـ آخـــر الـوقـت أصله

أحـدن يجيلك لأجل حاجات ويروح
واحــدن لو انه راح ! ماغـاب وصله

من رافق الطيب نجا
بالمرجله وجلبابها
ومن رافق الهافي هفا
بين العرب اصبح ردي .

يقول ماجاني العطش من ورى الصوم
أنا مــع العـالم مـن الفـجـر صـاايم

كيف العطش بيجيك يا راعي النوم
وإنت الـذي مـن الفـجر للعـصر نايـم

لا تحسبن الصوم ياصاحبي نوم
الصوم طاعه واحتساب وغنايم

يمضي عليك اليوم ما كنه اليوم
وشلون تبغى الفايده وانت نايم...

‏ياطول صبري على قل الحظوظ
‏ويا قصر حظي وانا صبري طويل....

يالله برزقً .. يجيب الخير مندوبه
‏الوضع دقر وسبحانه ... يدبرها

‏حظوظنا تالي الايام ... مقلوبه
‏جانا عجاجً قرون الوقت غبرها .

‏عمر الرخا مايكشف الناس للناس
‏مايكشف الرجال ،، غير الشدايد

‏ناسٍ تشوف الصعب وتقول لا باس
‏وناسٍ تشوف السهل وتقول كايد .

‏لا تشغل النفس بالدنيا يامال الغناه
‏الا على الموجبه والسيره الفالحه
‏ٰ
‏اكبر مكاسبك ب شتى دروب الحياه
‏دينك والاخلاق والذريه الصالحه .

‏رضينا على دنيا الفنا والصدور اوجاع
‏وجحدنا بلاويها وقلنا العوض ياتي .

‏هنوفٍ لها بين العربّ ملِح و قبووُل
‏يتباشرون بأسمها لا قبلت ولاحضرت .

‏لا حداني وقتي الغلاب وانا راهـي
‏قلت من راسٍ فطين و مدرك و متربّي

‏جعلني ما اطيح فـ اللي ما يقدر جاهي
‏وجعل راسي مايطيح إلا لـ رحمة ربي.."☝🏻

‏يميز الإنسان عقله و ثقله
‏و أنا عمري ما تصنعت ثقلي
‏ㅤㅤ
‏أخاطب الجاهل على قد عقله
‏و أخاطب العاقل على قد عقليّ.."

‏صديق الرخا لو نحسبه حسبة الغالين
‏ظلمنا الكريم اللي وقف ساعة الشدة

‏حاول تفرق بيض الأيام والسود
‏ياقلب ما كل الحبايب .. حبايب .

‏العوض على الله و الجروح تطيبها الأيام
‏والذكرى تنمسح مع كل شمسٍ طليعه .

‏قوّ قلبك لو ظروفك لك عليها ولا تقود الودّ للنفس المغلّه ‏الحياه أقصر من التفكير فيها خلّها تمشي و ممشاها على الله

‏عامل الناس بالحسنى ولين الجناب
‏لاجل ترضى عليك وتكسب قلوبها

‏وقبل تفتح لذكر عيوب الأجواد باب
‏لد عينك لـ نفسك , واصلح عيوبها .

‏عسانا لاغبنا مع الوقت وظروفه
‏يبقى ذكرنا عند النشاما يجملنا .

‏وان شحوا الناس ربك يعطي الجنّه
‏مايـغني إلا كـريم الـوجه سبحانه .

‏يعوضني رب السموات والارض
‏بالحاجة اللي ما اتمنى عوضها .