مو حي الله چَوية وباچر تطيّب
أنا خلاف وجهك صاير رماد !

الدُنيا كلها تشوفك انسان
عادي وانتَ عندي الدُنيا كلها .

بسّك تمرني
بحِلم طالبني بطلابه
مُو كتلي كلشي انتهى ومنا وَحدك
كَمِل الدَرب ماريدك تحبني
ولُمن شفتني ردت غيرك أعاشر بَشر
تِرجع تِعاتبني وتكلي جنه وجنت
ما غزرت عِشرتي ، هوا انة هَسه مِنو
كاعد تِحاسبني

ما اجيك ،
موتت بيه مَشاعر وتريدني هسه أعَتنيك!
هَذا عِيد الله أجه وسَوده ألليالي ،
وكوه الزم كلبي بيدي وما أخلي يمشي ليك ،
بعد لا عيد أليَلمنا !
ولا صلح يجمعني بيك .

كَون تدري شگد احَبك چا بچَيت .

:

بيني وبين
نفسي شكد أفَكر بيك واگول
شمعَنى انتَ
الشاغِل ظنوني ؟
مو أول عِشگ خاطر تشل الحال
ولا أول جمال
تشوفك عَيوني ، شچاها الروح
ذَبت يمك الأسرار
وليش أرجف
عَليك وينخُطف لوني .

ناسِي ونسيت الناسّ
بس ما نسَيتك بس غبت
عن العين بالدّم لگيتك

لـ مُلْهَم 🌺