بَعض التنسيقات للعباءةَ 🤎 🤏🏻 !
ꨄ︎
اول شي العباءةَ الزينبيه مو مجرد قماش .
اسود ونلبسهَ هيَ مدرسةَ بحد ذاتهـا .
وهي امتداد لخط الطهر والعفاف اللي .
رسمتهَ فاطمةَ الزهراء عليها السَلام .
العبايهَ الزينبيه تجمع بين الحشمةَ .
والوقار وبين الجمال والبساطهَ .
لهذا السبب نحتاج دائماً نعرف .
شَلون ننسقها بطريقةَ مرتبهَ .
مع الحفاظ على روحها الساترةَ .
والعبايهَ للحشمهَ مو للكشخهَ .
بس ضروري البنات يعرفن شَلون .
يلبسنها وبطريقةَ صحيحةَ .
ꨄ︎
الحَجاب :
الاسود السادةَ يبقه احلا وارتب بس تگدرين .
تختارين الوان غامقةَ وهادئهَ مثل الكحلي .
او الداكن اذا تحبين تنوعين بس بدون رسمات .
لان الرسمات تصير هوسهَ فـ اختاري نقشه .
بسيطةَ او سادةَ ، اما بالنسبةَ لنوعيةَ الحَجاب .
فـ اني افضل الربطات كلش حلوه ويا العبايهَ .
ومرتبه وانيقةَ كذلك الشالات الجرجيت .
الاصلي الي مايزلي قماشته كلش حلوهَ .
وثابته والربطات اختاري نوعيةَ القماش .
ريش الحمام ، الجرجيب ، والي يعطيج🤎 .
ꨄ︎
اللبَس :
البسي الي يعجبج جوا اهم شي يكون .
ساتر لان ممكن العبايه تطير او شي .
والبسي مثل قماش العبايهَ حتى ماتلزك .
واللبس المرتب ويا العباءةَ هوَ الكيلوت .
او السوتات كذلك كلش حلوه مرتبهَ وياها .
او قميص وكيلوت والقميص يكون طويل .
كذلك اكو فساتين مرتبه وناعمه بس اكو بنات .
مايسيطرن عليهن فـ الافضل تتركون الفساتين .
ꨄ︎
العباءةَ حافظي عليها واكويها واغسليها .
بغسول خاص بيها وخليها تكون واسعهَ .
ومريحه بالحركه لان هي للسَتر وحتى أنتِ .
متتضايقين هي وكل ماچنتي بسيطةَ وانيقهَ .
بنفس الوقت راح تتركين أثر حَلو ومحترم .
بكل مكان تروحين اله وبالتوفيق 🤎 .

ان شالله راح تستفادو حبيباتي. 🩶

شلون تثبت على صَلاتك بدون ما تمل ؟

الصلاةَ مو بس عباده يوميةَ هي مدرسةَ
تربـي النفس ودواء يطَبب القلوب وجَسر
بين العَبد وربّه الامَام عَلي عليه السَلام :
" الصلاةَ عمود الدين ان قُبِلت قُبِل ما
سواها . وإن رُدت رُدّ ما سواها " .
الصلاةَ مهمه لأن هيَ صله بينك وبين
رَب العَالمين كل ركعةَ هيَ حديث مباشر
ويا اللّٰه سبحانه وتعالىٰ ومابيه موعد شوكت
ماكبرت تكبيرةَ الاحرام صرت واقف بين
يديه سبحانه وتعالىٰ !

الإنسان من يثگل قلبه بالهموم ويتعب راح
يلگه بالصلاةَ متنفس لان بيها سجود ودعاء
وخضوع ، كذلك الصلاةَ تنظم حياتَك لان
وقتها محدود تعلمك النظام وتخلي يومك
موزع على فترات من الراحهَ الروحيةَ ،
تحميك من الـذنوب وتنهي عن الفحشاء
والمنكر يعني تخلي قلبك يصير حساس
للذَنب ومايرضى بيه
شَلون نلتزم بيها ؟
حدد اوقات الصلاةَ بدقه نزل تطبيق حقيبةَ
المؤمن وخلي حسب محافظتك ، او سوي
منبه بالموبايل وخلي عندك جدول ثابت
مثلاً الصلاةَ ساعةَ 12:00 انتَ قبلها ب10
دقائق توضى وهيئ نفسك واگعد اقرا قرآن
والادعيهَ والتسبيحات من ياذن صَلي ، خصص
مكان مريح ونظيف مكان الصلاةَ يأثر عليك
جرب تخلي زاويه صغيرةَ بالبَيت وافرش
سجادةَ ورتب المكان حتى تعيش جو
الخشوع اكثر !

مو عَيب اذا قصرت وضعفت بيوم العَيب
أن تترك الصلاةَ للأبد گول استغفر اللّٰه
وارجع لصلاتك اقوا ، اربط حياتك بالصلاةَ
مثلاً صلِ ركعتين قبل ماتبدي دراسةَ او قبل
لاتروح لمكان او قبل لاتنام راح تحس حياتك
كلها مُباركةَ ، الصلاةَ راحةَ ولقاء يومي ويا رَب
العَالمين مو ثگل مثل مايحس البعَض !

موعد الليالي الفاطمية المقدسة
2025/10/1 الرواية الاولى
- (8ربيع الاخر)
2025/11/5 الرواية الثانية
- (13 جمادى الأول)
2025/11/25 الرواية الثالثة
- (3 جمادى الأخرة)

اللهمَّ أعِنَّا عَلى ذِكْرِكَ
وشُكْرِكَ وَحُسنِ عِبادَتِكَ

وفي يوم الاربعاء 🤍
اللّهُمَّ اجْعَلْ أَوَّلَ يَوْمِي هذا صَلاحاً .

الحمدلله علىٰ أيامٍ مليئة بلطف الله 💛

الصلاة ياراغبين الجنة🤍🌱

قـال امـير المـؤمنين ؏ـلي"عليه السلام"

الاستغفار يزيد في الرزق

📚 بحار الأنوار - ج ٩٠ - ص ٢٧٧