السلام عليكِ يافاطمة الزهراء

زياره الامام جعفر الصادق عليه السلام 😔

السيد يوضح ٢ نقاط جداً مُهمات في إنتظار الظهور :
ميصير تبسط اديك وحدة علا وحدة وتگعد وتسكت ودگول اني انتظر المهدي ومن يطلع هو اني اطالب بالحق وياه وراح يخلصنا من هاي الحرب والفساد، لا،  هذا مجرد إدّعاء، هيچ انت ابداً مو منتظِر للإمام ولا تفيده ولا راح تنصر دولته من يظهر واكيد راح تتأثر بفتنة السفياني .. والاول والتالي يتيه عليك .

المُنتظِر الحقيقي مو بس كلام، الإنتظار قول وفعل، يخدم الدولة المهدوية من الآن قبل ظهور الإمام 🍀، لأن أيّ دولة بالعالم مستحيل تنبني بدون أساس وأساس الدولة المهدوية همة جنود الإمام وانصاره بالعلم والدين والقرآن والعمل قبل الظهور حتى من يظهر الإمام ينطلق من هاي القاعدة مو يبدي من الصفر، وأيضاً هذا المثال بحقه .. : الإمام هو ضيف الارض وراح يجي بيومه الموعود، اليوم اللي احنه نجهل تاريخه، فـ احنه لازم نبقى دائماً على أهبة الإستعداد لهذا الضيف قَلباً وقالِباً ونبقى متهيئين لإستقباله بافضل حال وشكل .

‏اللهم أرزقنا شعور هذه الآية :
{وَجَاءَتْهُ الْبُشْرَىٰ}." 💙

لكن قلبي يشتاق إليك 💔
وسط اليوم ..
في زحام العمل
في منتصف الطريق
وفي نصف الليل .
هل تعلم؟ في الحقيقة.. ليس قلبي فقط ،
(( كُـلّ روحِــي تشـتاقُ إليْك ❤️‍🩹 ))

لا تتزوج منها بس لأنها جميلة، بيتك المستقبلي ونصف دينك الباقي وحياتك الزوجية ما تتطلب مظهر و جمال،
الحياة الزوجية الصحيحة تتطلب زوجة صالحة مستورة، فاهمة مثقفة عالمة متدينة حليمة واعية ذات اخلاق حسنة، هاي زوجة راقية، الحياة بيها ظروف مختلفة وصعبة أي إنسان يتعرض الها وذيچ الساعة مراح يحتاج مظهر زوجته وجمالهة، راح يحتاج جوهرها وصفاتها الحسِنة الصالحة تعينه علا وضعيته، وكذلك بالنسبة للنساء .

بس الزوجة الصالحة مو معناها تصير موظفة بخدمتك يلا تعتبرها زوجة صالحة، هذا ظلم، ميصير تفرض عليها شي هو مو مفروض عليها لا شرعاً ولا قانوناً ولا إله اساس اصلاً، بس هذا شي مترسخ بدماغك لان من وعيت تسمع بإن الزوجة تخدم زوجها وهو ما عليه بس الشغل والتكاليف الحياتية فـ انّقشت هاي الفكرة بعقلك مع إنها غلط .


حتى نكون مُنصِفين؛ مو بس الرجال .
بعض النساء هم، هم يظلمون ازواجهم بهاي العادات والافكار الغلط، مثلاً تطلب منه كلساع لأهلها لو كلساع ملابس جدد ، هدايا وطلعات، او اشياء ما الها داعي، كل فترة تغير الديكور والاثاث وهذا هم غلط، خصوصاً اذا چام ما متمكّن، واحد ما لازمه إلا يمشي وي الموضة، راح يخرب حياته بإيده لان الموضة علا طول تتغير وما تتوقف علا فد موديل معين

من الأخير /
كل طرف يشوف الدين بشنو يأمره من ناحية الواجب والمستحب ويبني حياته علا هذا الأساس .
المرضي للّٰـه لا نقاش فيه.

فضائل شهر ذو القعدة :
اِعلم أنّ هذا الشّهر هو أَوّل الأشهر الحرم التي ذكرها الله في كتابه المجيد ، وروى السّيد ابن طاووس في حديث أنّ شهر ذي القعدة موقع إجابة الدّعاء عند الشّدة ، وروي عن رسول الله ـ صلى الله عليه وآله وسلم ـ صلاة في اليوم الأحد من هذا الشّهر ذات فضل كثير ، وفضلها مُلخّصاً أنّ من صلّاها قُبلت توبته ، وغفرت ذنوبه ، ورُضِيَ عنه خصماؤه يوم القيامة ومات على الإيمان وما سُلب منه الدّين ، ويفسح في قبره ، وينوّر فيه ، ويرضى عنه أبواهُ ، ويُغفر لأبويهِ ولذرّيّته ، ويُوسَّع في رزقه ، ويَرفُق به ملك الموت عند موته ، ويُخرِج الرّوح من جسده بيُسر وسهولة ،

وصِفـــتهـا :
أن يغتسل في اليوم الأحد ويتوضّأ ويصلّي أربع ركعات يقرأ في كلّ منها الحمد مرّة و(قُلْ هُوَ اللهُ اَحَدٌ) ثلاث مرّات والمعوّذتين مرّة ثمّ يستغفر سبعين مرّة ثمّ يختم بكلمة ( لا حَوْلَ وَلا قُوَّةَ إلاّ بِاللهِ الْعَليِّ الْعَظيمِ )
ثمّ يقول:
( يا عَزيزُ يا غَفّارُ اغْفِرْ لِي ذُنُوبي وَذُنُوبَ جَميعِ المؤمِنينَ وَالْمُؤمِناتِ فَإِنَّهُ لا يَغْفِرُ الذُّنُوبَ إلّا أنْتَ ).
هذا الاستغفار والدّعاء الّذي ورد بعده يُؤدَّى بعد الصّلاة ، و في الحديث أنّ من صام من شهر حرام ثلاثة أيّام ؛ الخميس والجُمعة والسّبت كتب له عِبادة تسعمائة سنة ،

وقال الشّيخ الأجلّ عليّ بن إبراهيم القمّي:
إنّ السيّئات تضاعف في الأشهر الحرم وكذلك الحسنات .

ليش بعض البنات ينشرون نفسهم بالعباية ؟

الهدف المعروف من لبس العباية هو الستر والعفة وعدم لفت النظر، حلو، اذا انتي تجين تنشرين نفسچ بالعباية وين الستر والعفة بالموضوع، راح تخربين الاول والتالي
عمي انتي جوهرة لازم نحافظ عليچ باحسن طريقة، مثل منحافظ عالجوهرة والألماسة الحقيقية النادرة، اللي انتي اهم منها بعد، لذلك لازم تلبسين عباية، العباية هي افضل رداء ممكن نلبسچياه، انتي شي غالي والغالي لازم نخفيه عن الانظار ومو أي احد يشوفه، مو بس هيچ لا لازم ولا واحد يشوفه، فـ اول شي لازم تعرفين مفهوم الستر والهدف منه ومو معناها هو تقييد وتعقيد هاي كلاوات لتصدگين بيها يريدون يخلوچ عملة كلها تتعامل بيها وهذا موضوع أوّلي، طيب، خل اگلچياها، العباية، هي إرث فاطمة بنت محمّد (صلوات اللّٰه عليهم) ، متخيلة شگد الإرث اللي انتي لابستة غالي وثمين؟ طولچ الحلو لا تخلينه يبين بالصور، خليچ غالية مو شلون ما چان، مو ياهي الچان يشوفه لطولچ، واللي اريد اگوله مو بس لا تنشرين نفسچ بالعباية، الاظفر مال إيدچ لتخليه يبين بالصور، ولا إيدچ ولا اي شي، حته سواد عبايتچ لتخليهم يشوفوه، حته الظل مالتچ اليصير من توگفين بالشمس لا تنشريه، انشري بس المنظر الرايدة تصوريه اي شي يخصچ لا تخليه يبين

إنتي غالية، انتي جوهرة، اكيد سامعين بموقف السيدة فاطمة والرجل اللي دخل مع الرسول للبيت وهو رجل اعمى ميشوف وشلون السيدة فاطمة تحجبت گدامه وهو اعمى، فمن هذا الموقف وقيسي، واعرفي نفسچ شگد غالية شگد لازم الواحد يحافظ عليچ

فـ نعيد ونكرر اي صورة الچ مهما كان وجودچ قليل بيها لا تنشريها بالمواقع، حته لو مغوشة وجهچ لابسة عباية مستورة نقاب غيره، هذا الشي غلط حته لو مو حرام الواحد لازم يدور احسن شي لنفسه ويسويه .