فضَل قول ياصَاحب الزمان ادركني 🤍 ؟
⭑.
من الكلمات الي بيها راحةَ وامان هواي
يغفلون عن هالكلمةَ لكن هي باب من ابواب
الفرج خصوصاً القلوب المتعبه والي ماعندها
احد تفضفض اله غير رَب العَالمين واهل البَيت
عليهـم السَلام ، تدرون ليش نگول ياصَاحب
الزمان ادركني ؟ لان نداء الامَام المهدي مو
مجرد كلمات تنگال هوَ استغاثه بروح تحب
المؤمنين وتدور عليهم وروح رحيمةَ ماتنسى
احد وتشوف كل احزانهم وهمومهم حتى
لو احنا مانشوفهَ 🤍 !
⭑.
اهل البَيت يقولون :
لو لا الحُجةَ لساخت الارض باهلها .
يعني وجود الامَام هوَ الأمان والبركةَ والاطمئنان ، تعرفون شنوَ يصير بالقلب
من تگولوها ؟ تهدأ النفس لان النداء يحمل
طاقةَ ارتباط بانسان معصوم مايترك احد
يلجأ له ، وتنفتح ابواب الفرج لان الإستغاثةَ
بالمهدي المنتظر عجل اللّٰه فرجهَ مثل
الإستغاثةَ بجده الحُسَين ماتنرد ان شاء اللّٰه 🤍 !
⭑.
تكسر كل طاقةَ سلبيه خصوصاً بوقت الضيق
او الخوف والمشاكل العائليه ، يصير عندكم
يقين انُ مو وحدكم لأن الامَام حاضر ، يشوف ،
يسمع ، ويرد الدعاء دائماً كرروها نداء الامَام
هو التجاء من الروح للروح وقبل النوم گولوها
حتى تنامون مطمأنون وقت الحاجةَ ، الرزق ،
او انتظار خبر مهم او ايشي تردونةَ 🤍 !

أعمال مُستحبةَ تقربنا للّٰه 💚 !
⭑.
صلاةَ ركعتين لوجه اللّٰه تعالئ .
مرات اليوم يمر كله علينا سيئ هم وتعب
ومانلگي مكان نستند عليه غير رَب العَالمين
فـ تصلي ركعتين وتغير كلشي مـو المهم طول
الصلاةَ المهم القلب وقتها شلون يكون اذا
صليت ركعتين قبل النـوم او حتى بوقت
محدد انتَ تحبه خلي نيتك يارب هذا الوقت
الك وحدك واطلب من رَب العَالمين يهدي
قلبك ويهون عليك الأيام الجايةَ 💚 !
⭑.
قراءةَ صفحه من القرآن يومياً :
مو شرط تقرون جزء كامل ولا تگعدون
ساعه صفحه وحده تكفي حتى لو قبل
لاتنامون او بفترةَ استراحه بسيطه القرآن
يدخل على القلب مثل النسمةَ ينضف التعب
والحزن ، اذا ثبتوا كليوم تقرون رَب العَالمين
راح يبارك بوقتكم كا صفحه تقروها تقربكم
للّٰه 💚 !
⭑.
الاستغفار تنظيف يومي للروح :
استغفر اللّٰه العظيم واتوب اليه هاي مو
بس كلمات هاي باب ينفتح الكم من كل
ضيق خلي الاستغفار جزء من يومك وانتَ
تركض بين الدراسه والشغل استغفر ، كل
استغفار ينزل من السماء راحةَ ويفتح رزق
ويبدل اقدار ثگيله ، الاستغفار يجلب حتى
الذريةَ لاتنهون يومكم بدون استغفار
خلوا المسبحه بيدكم 💚 !
⭑.
الصدقةَ ولو بشي بسيط جداً :
مو لازم فلوس هوايَ ولا مساعدات ضخمه
مرات صدقةَ بسيطه مثلاً خبزه تنطوها
لفقير او مَي للطيور ، مساعدهَ صغيره
لاحد محتاج هاي الصدقةَ تكبر عند رَب
العَالمين اكثر من ماتتخيلون فـ انطوا
صدقةَ كلشي تردون وكل صدقةَ تدفع
عنكم البلاء واكو هوايَ ناس تغيرت
حياتها بصدقةَ قليله فقط 💚 !
⭑.
التسبيحات اليوميةَ علاج للروح :
التسبيح بعد الصلاةَ هوَ علاج بعد كل صلاةَ
33 مرةَ سبحان اللّٰه » تنظف الروح .
33 مرةَ الحمد للّٰه » تزيد النعم .
34 مرةَ اللّٰه اكبر » تخفف الهم وتريح
القلب 💚 !