ក្រសួងព័ត៌មាន ណែនាំអ្នកប្រើបណ្ដាញសង្គម ត្រូវបញ្ចេញមតិ ប្រកបដោយសុជីវធម៌ មិនបង្កការញុះញង់ មិនបញ្ឆេះកំហឹង

ផលិតដោយ៖  អគ្គនាយកដ្ឋានវិទ្យុជាតិកម្ពុជា

តាមប្រភពច្បាស់ការណ៍មួយ “ថៃហាក់ភ័យខ្លួនខ្លាំង ពេលដែលកម្ពុជាអូសចូលតុចរចា ត្រីភាគី ដែលជាគំនិតផ្ដួចផ្ដើមរបស់ ដូណាល់ត្រាំ ដែលរៀបចំឡើង ដោយប្រធានអាស៊ាន នៅម៉ាឡេស៊ី។ មិនតែប៉ុណ្ណោះ “យក្សអាស៊ី ពោលគឺ ចិន” ជាអ្នកអង្គុយស្ដាប់”។ ការទូតនេះ គឺកម្ពុជាចំណេញណាស់ពីព្រោះថា “គ្មានកិច្ចបញ្ចប់សង្រ្គាមឈ្លានពានណាដែលមិនមានភាគីទី៣ជាសាក្សីឡើយ” ដ្បិតកម្ពុជាបានអូសថៃចូល “តុចរចា” ដោយមាន ភាគីសំខាន់ៗ មាំៗ ក្នុងការចរចានេះ ហើយអ្វីដែលយើងទៅចោទថា ថៃឈ្លានពានយើង គឺមានភស្តុតាងគ្រប់គ្រាន់។ តើថៃអាចនឹងក្រឡិចក្រឡុចទៀតទេ? ចម្លើយគឺ នៅតែអាចដដែល ព្រោះសន្តាននេះ កែលែងឡើង ហើយកុំអស់លោកណាទៅកែ។ ប៉ុន្តែអ្វីដែលគួរឱ្យកត់សម្គាល់គឺ បើហ៊ានតែក្រឡិចក្រឡុចទៀត អាស៊ានលែងគាំទ្រ និងទុកចិត្តថៃ អាមេរិកនឹងខឹង ចិនអាចនឹងនៅមិនស្ងៀមឡើយ។ ប៉ុន្តែទោះជាយ៉ាងណា “ជំហរយើង គឺបញ្ចប់សង្រ្គាម និងសន្តិភាព” ប៉ុណ្ណោះ។ តុចរចានេះ អាចជាតុដែលថៃផឹកតែអ៊ូឡុងក្ដៅ!

ងាកមកសភាពការណព៍ព្រំដែនទ័ពខ្មែរមាំដដែល ហើយកាន់តែស្គាល់ពីការឈ្លានពានថៃ ដោយប្រើប្រាស់សារធាតុគីមីមកលើទ័ពខ្មែរ និងពលរដ្ឋ ប៉ុន្តែមានប្រភពខ្លះថា ផ្សែងនោះ ត្រូវបានភ្លៀងបន្សាប និងខ្យល់បក់ទៅដីថៃវិញ។ ថៃកាន់តែ Toxic ហើយដូចអ្វីដែលខ្ញុំអាចនិយាយដែរ កាលពីអត្ថបទម្សិលមិញគឺ “ថៃវឹកវរផ្ទៃក្នុង រហូតដល់មានការបាញ់គ្នាឯង និងអាចបារតុកម្ម នៃការក្រុមប្រឆាំងនឹងការធ្វើសង្រ្គាមរបស់ថៃមកលើកម្ពុជា”។

ខ្ញុំអាចនិយាយថាត្រឹមថា “ការរក្សាទឹកចិត្តប្រជាជនបាន ក្នុងស្ថានការណ៍សង្រ្គាមគឺជារឿងសំខាន់ ហើយការគ្រប់គ្រងព័ត៌មានរបស់ខ្លួនបាន តែមួយប្រភពក៏ជាកត្តាសំខាន់ ដ្បិតសង្រ្គាមខ្លះទ័ពក្រោយ បាក់មុនទ័ពស្រួច” តែអ្វីដែលគួរឱ្យសង្កត់ធ្ងន់ត្រង់ចំណុចនេះ “ខ្មែរស្រុះដៃគ្នាណាស់” មិនបាក់ស្រុត មិនញញើត មិនប្រមាថ និងរក្សាទឹកចិត្តបានល្អ។” ខ្ញុំជឿជាក់មាំថា “ចប់សង្រ្គាម ខ្មែរនឹងបើកទំព័ររបស់ខ្លួនថ្មីនៅអាស៊ី”! ខ្មែរខ្លាំង!

ប្រភព: ឡាំ ឡាយ​ Lam Lay