ក្រុមប្រឹក្សាស្រុកបាកាន បានដំណើរការរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាស្រុកបាកាន អាណត្តិទី៤ ឆ្នាំ២០២៤ នៅឃុំបឹងបត់កណ្តោល ស្រុកបាកាន ខេត្តពោធិ៍សាត់ ក្នុងគោលបំណង៖
១.ផ្ដល់ពត៌មានដល់ប្រជាពលរដ្ឋនូវសមិទ្ធិផល ដែលក្រុមប្រឹក្សាសម្រេចបានកន្លងមក និងបញ្ហា ប្រឈមនានា
២.ផ្ដល់ពត៌មានដល់ប្រជាពលរដ្ឋ អំពីអាទិភាពនៃការងារអភិវឌ្ឍន៍ របស់ក្រុមប្រឹក្សាសម្រាប់ឆ្នាំខាងមុខ
៣.ផ្ដល់ឱកាសដល់ប្រជាពលរដ្ឋ ក្នុងការពិភាក្សាលើរបាយការណ៍របស់ក្រុមប្រឹក្សា
៤.ទទួលយកអនុសាសន៍ និងសំណូមពររបស់ប្រជាពលរដ្ឋ ដើម្បីពិភាក្សា និងឆ្លើយតប។

វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាស្រុកបាកាន អាណត្តិទី៤ ឆ្នាំ២០២៤ នាថ្ងៃនេះប្រារព្ធឡើងក្នុងបរិវេណសាលាឃុំបឹងបត់កណ្តោល ក្រោមអធិបតីភាព លោក ខៀវ ចែ ប្រធានក្រុមប្រឹក្សាស្រុក លោក ឆាយ គឹមម៉ុង អភិបាលនៃគណៈភិបាលស្រុកបាកាន។
https://www.facebook.com/share/p/4K5uJiHaSrdUSwkT/?mibextid=qi2Omg
ព្រឹកថ្ងៃទី១៣ ខែកញ្ញា ឆ្នាំ២០២៤

ឯកឧត្តម ឈុន សុង សមាជិកគណៈប្រចាំការ គណៈអចិន្ត្រៃយ៍គណៈកម្មាធិការគណបក្សខេត្ត និងជាប្រធានគណៈចាត់តាំងខេត្តពោធិ៍សាត់ ឯកឧត្តម ញ៉ឹក សារ៉េត អនុប្រធានគណៈចាត់តាំងខេត្តពោធិ៍សាត់ បានអញ្ជើញដឹកនាំកិច្ចប្រជុំពិភាក្សា និងណែនាំអំពីការរៀបចំរចនាសម្ព័ន្ធអង្គការចាត់តាំងគណបក្សនៅថ្នាក់ក្រុង ស្រុក និងថ្នាក់ឃុំ សង្កាត់ ជាមួយគណ:ចាត់តាំងស្រុកបាកាន គណៈកម្មាធិការគណបក្សឃុំទាំង៩នៃស្រុកបាកាន អនុប្រធានគណៈកម្មាធិការគណបក្សឃុំ ទទួលការងារចាត់តាំង និងកសាងគណបក្សឃុំ ប្រធានស្នាក់ការគណបក្សឃុំ និងមន្ត្រីទទួលបន្ទុក IT ថ្នាក់ស្រុក និងថ្នាក់ឃុំ។
https://www.facebook.com/share/p/Zc6cSat57NwGkpBo/?mibextid=qi2Omg
ព្រឹកថ្ងៃទី១៦ ខែកញ្ញា ឆ្នាំ២០២៤
#ស្នាក់ការគណបក្សប្រជាជនកម្ពុជាស្រុកបាកាន

លោក ឆាយ គឹមម៉ុង អភិបាល នៃគណៈអភិបាលស្រុកបាកាន បានដឹកនាំក្រុមការងារសម្ព័ន្ធមេត្រីភាពរដ្ឋបាលស្រុក ចុះសាកសួរសុខទុក្ខ អតីតយុទ្ធជន និងគ្រួសារអតីតយុទ្ធជន ចំនួន ៩គ្រួសារ នៅភូមិប៊ុនរ៉ានីសែនជ័យដំណាក់ត្រយឹង ឃុំព្រងឹល ស្រុកភ្នំក្រវាញ ដោយនាំយកគ្រឿងឧបភោគបរិភោគ សម្រាប់គ្រួសារនីមួយៗ រួមមាន៖ អង្ករ ២០គីឡូ មីសៀម ១កេះ ទឹកស៊ីវអុីវ ១យួ ទឹកត្រី ១យួរ ត្រីខ ១យួរ និងថវិកា ២ម៉ឺនរៀល បានឧបត្ត្ថម្ភ លើកទឹកចិត្ត ដល់កងកំលាំង សរុបចំនួន ១៥ម៉ឺនរៀល។
https://www.facebook.com/share/p/75KikrRFcmx69TR1/?mibextid=qi2Omg
ព្រឹកថ្ងៃទី២៤ ខែកញ្ញា ឆ្នាំ២០២៤
#ស្រុកបាកាន #ខេត្តពោធិ៍សាត់