Biz Allplay.uz ni sotib oldik.

Hozirgi kunda O‘zbekistonda madaniyat infratuzilmadan tezroq rivojlanmoqda. Toshkentdan tashqarida madaniy tadbirlarga aholining atigi 5 foizi qatnashadi. Biroq, smartfonlar hammada bor va bu o‘yin qoidalarini o‘zgartirmoqda.

Ommaviy madaniyat endi joyga bog‘liq emas. Smartfon ekrani har bir kishiga ochiq bo‘lgan shaxsiy kinoteatr, konsert maydoni va kutubxonaga aylanmoqda.

Mamlakatda o‘n minglab insonlar ijod sohalarida faoliyat yuritadi: rejissyorlar, motion dizaynerlar, musiqachilar, mustaqil studiyalar. Ularning ko‘pchiligi tizimsiz ishlaydi, ammo ijod mahsulini tomoshabinlarga tarqatishning barqaror tizimi va auditoriyaga aniq yo‘l yo‘q.

Allplay bu muammoga yechim bo‘lishi mumkin. U O‘zbekiston va undan tashqarida paydo bo‘ladigan loyihalar uchun, auditoriyaga esa ularga ommaviy kirish imkonini beradigan maydon bo‘ladi.

Bu kreativ va media iqtisodiyotning o‘sishiga: ijodkorlar uchun maydon, kichik studiyalar uchun tomoshabinga yo‘l, mamlakat uchun esa har bir tuman va uyda madaniyat bo‘lishiga yordam beradi.

Oflayn qamrovning besh foizi to‘siq emas, balki madaniyatga oson yo‘l izlayotgan millionlab odamlarning salohiyatidir.

Biz bu infratuzilmani qurishni boshladik. AllPlay Yandex Plus - yagona obunaga qo‘shiladi, unda foydalanuvchilar kino va seriallardan tashqari musiqa, kitoblar, sport translyatsiyalari va ekotizim bonuslarini olishadi.

Yil yakunlaridan bir lavha: 11 oy davomida Yandex Go haydovchilari va hamkor parklarining daromadi 6,6 trillion so‘mni tashkil etdi

Yil yakuni - xizmatda nimalar o‘zgargani va u qanday iqtisodiy natijalar keltirib chiqarganini ochiq va aniq ko‘rsatish uchun qulay payt.

Platforma xizmatlari uchun ijrochilar ekotizimning asosiy foydalanuvchilari hisoblanadi. Biz haydovchilarning daromadlari va ularning bandligi barqarorligiga bevosita bog‘liq bo‘lgan ko‘rsatkichlarni tahlil qilishga alohida e’tibor qaratamiz. Bunday ma’lumotlarning ochiqligi raqamli xizmatlarni rivojlantirish va ularning mamlakat iqtisodiyotiga qo‘shgan hissasi haqidagi muloqotning muhim qismidir.

2025-yilning 11 oyi yakunlariga ko‘ra, Yandex Go hamkor parklari va ularning haydovchilarining xizmat buyurtmalaridan olgan daromadi 6,6 trillion so‘mdan ortiqni (taxminan 525 million dollar) tashkil etdi.

Bu 2024-yilning shu davriga nisbatan 38% ko‘p degani. Yuqoridagi summa hamkor parklar va ularning haydovchilarining Yandex Go orqali qilgan safarlari uchun olgan daromadlari, xizmat haqi chegirib tashlangan holda hisoblangan.

2025-yilning yanvar-noyabr oylarida haydovchining Yandex Go'dagi safarlardan oladigan soatlik o‘rtacha daromadi o‘tgan yilning shu davriga nisbatan O‘zbekiston bo‘yicha o‘rtacha 21% oshdi.

Haydovchining Yandex Go orqali safar qilishdan olgan o‘rtacha oylik daromadi (kuniga 8 soatdan, oyiga 22 kunlik ish taqvimida) mamlakat bo‘yicha o‘rtacha 10,2 million so‘mni tashkil etdi.

Kuningiz xayrli bo‘lsin!

Bugun do‘stimning hayotida muhim kun. Akmal Primqulov, O‘zbekistondagi Wildberries CEO’si, bugun tug‘ilgan kunini nishonlayapti.

Akmal - o‘z yo‘lini osonlik bilan bosib o‘tmagan, ichki kurash va doimiy rivojlanish orqali shakllangan shaxs. Uning o‘tgan yo‘lidan ozgina xabardorman va aniq ayta olaman: bugungi natijalarning barchasi to‘liq ravishda mehnati va qat’iyati bilan qo‘lga kiritilgan.

Wildberries uning rahbarligi ostida bu shunchaki kompaniya emas. Bu - ombor infratuzilmasi, pochta, fintex, yangi logistika yechimlari va eng asosiysi, kuchli jamoa. Oldinda yangi yo‘nalishlar va taksi loyihasining ishga tushirilishi turibdi - bu borada muvaffaqiyat tilayman.

Tug‘ilgan kuning bilan. Har doim yoningdaman!

🚑 Tez yordamda raqamlashtirish = tezkorlik va samaradorlik

Tez yordam xizmatida raqamli texnologiyalar endi real bo‘lgan o‘zgarishlar. Joriy yilda MedData 103 elektron tizimi va Yandex Uzbekistan bilan hamkorlikda ishga tushirilgan yangi loyiha tufayli jadal o‘sish kuzatildi.

Natijalarga e’tibor bering:

📞 Chaqiruvni qabul qilish vaqti 6–8 daqiqadan 1–2 daqiqagacha qisqardi
🚑 Mashinalarni yuborish vaqti 10–20 daqiqadan 1–2 daqiqagacha tushdi
🕒 Toshkentda yordam yetib kelishi 20–30 daqiqadan 10–15 daqiqagacha yaxshilandi
⏳ Yordam kechikishi 15% dan 8–9% gacha qisqardi

Yangi funksiyalar ichida eng foydali tomoni shundaki, endilikda fuqarolar brigada qayerda ekanini va qachon kelishini onlayn ko‘ra oladi. Bu takroriy chaqiruvlar sonini 87% ga kamaytirdi va call-markaz yuklamasini ancha yengillashtirdi.

Yana bir qulaylik - Yandex Maps yordamida dispetcherlar manzilni aniq va tez yuboradi, foydalanuvchi esa SMS oladi va o‘z manzilini xaritada o‘zgartirishi mumkin.

Yaqin orada bu yechimlar butun O‘zbekiston bo‘ylab ommalashtirilishi rejalashtirilmoqda.

Texnologiya hayotni osonlashtiradi!

Manifest

Ba’zan juda kam uchraydigan, ammo haqiqatan ham qadrli bir lahza bo‘ladi. Aynan shunday lahza - bir necha soat avval O‘zbekistonda Yandex’ning yangi loyihasi g‘oyasi tug‘ilganini anglab yetgan payt.

Bu hali ishga tushirilgan servis emas. Bu - sinab ko‘rishga qaror qilingan g‘oya. Oldinda savollar, xatolar va o‘sish bor. Va bu normal holat.

Biz uning rivojlanib, bir kun kelib to‘liq ishga tushishini chin dildan tilaymiz. U minglab odamlar uchun ish o‘rinlari yaratib, mamlakatimizga haqiqiy foyda keltiradigan, ishonchli va mas’uliyatli servisga aylansin.

Shunday bo‘lsinki, uni ota-onamizga ham uyalmasdan ko‘rsatib, faxr bilan gapira olaylik.

Birth date: 23.12.2025

Sport va Olimpiya harakatini rivojlantirishga qo‘shgan hissamiz uchun berilgan mukofot - bu biz olib borayotgan ishlar va tanlagan strategik yo‘nalishimizga bo‘lgan yuqori darajadagi ishonch ifodasidir.

Biz ushbu e’tirofni muhim strategik avans sifatida qabul qilamiz. Kelgusi yilda sportni rivojlantirish yo‘nalishida amalga oshiriladigan texnologik mahsulotlar va yechimlar, Olimpiya harakatini qo‘llab-quvvatlash mexanizmlari hamda uzoq muddatli hamkorlikni tizimli asosda yo‘lga qo‘yish bo‘yicha aniq rejalarga egamiz.

Ko‘rsatilgan ishonch uchun Sport vazirligi va Olimpiya qo‘mitasiga chuqur minnatdorlik bildiraman. Ushbu ishonchni katta mas’uliyat sifatida qabul qilamiz va uni amaliy natijalar bilan to‘liq oqlaymiz.

Toshkent shahridagi Islom Karimov nomidagi xalqaro aeroportda Yandex Taxi haydovchilari yo‘lovchilarni kelish terminali chiqish qismidan to‘g‘ridan to‘g‘ri olib ketishlari mumkin bo‘ladi.

Birinchi qatnov yo‘lagida buyurtma olgan haydovchilar ajratilgan hududga bepul kirib, yo‘lovchini 20 daqiqagacha kutishlari mumkin. Yo‘lovchilarga qulaylik yaratish uchun aeroport hududida taksiga chiqish joylarini ko‘rsatuvchi maxsus yo‘naltiruvchi belgilar joylashtirilgan.

Aeroportdan chiqishda bombila taksichilarning yo‘lovchilarga yopishib olishi jiddiy bezovta qiladi. Rostini aytganda, bu juda yoqimsiz holat. Ayniqsa, sayyohlar uchun qanday taassurot qoldirishini o‘ylasak, vaziyat yanada achinarli ko‘rinadi.

Ustoz otangdan ulug’

Biz tez-tez buyuk kelajak haqida gapiramiz, ammo kelajak o‘z-o‘zidan paydo bo‘lmaydi. U bugungi kunda qabul qilinayotgan qarorlar, ayniqsa ta’lim tizimi orqali shakllanadi.

Eski O‘zbekistonning xatolari va nomutanosib islohotlari mamlakatimiz inson salohiyatining yetarlicha baholanmasligi va to‘liq ro‘yobga chiqmasligiga olib keldi.

Oqibatda biz ziyolilar, sportchilar va mutafakkirlar millati emas, balki koʻproq arzon ishchi kuchi manbai sifatida qabul qilinadigan boʻldik.

Bu og‘riqli, biroq tushunish muhim: gap kimningdir shaxsiy aybi haqida emas.

Chekka hududlarda dastlab boshqacha boshlang‘ich sharoitlar mavjud edi. O‘n yillar mobaynida maktablarning, o‘qituvchilarning yetishmasligi va sifatli ta’lim olish imkoniyatining cheklanganligi shaharlar va hududlar o‘rtasidagi tizimli farqni yuzaga keltirdi.

Aniqki, Qashqadaryo viloyati va Qoraqalpog‘iston Respublikasining olisdagi tumanlariga yuborilgan 40 nafar o‘qituvchi bir zumda butun mamlakat miqyosida vaziyatni o‘zgartira olmaydi.

Biroq, ta’lim ta’siri nafaqat ko‘lami, balki chuqurligi bilan ham o‘lchanadi.

6 ming bola uchun bu o‘qituvchilar tayanch nuqtasi bo‘ladi: ular bolalarga o‘z imkoniyatlariga ishonishga, o‘ziga hurmat va bilimga qiziqish uyg‘otishga yordam beradi. Uzoq muddatli taraqqiyot aynan shunday qadamlardan boshlanadi.

Keyingi avlod, tabiiyki, o‘zidan oldingi avlodga nisbatan kuchliroq, bilimdonroq va raqobatbardoshroq bo‘lishi lozim. Aks holda, ijtimoiy va iqtisodiy muammolar yanada kuchayadi.

Shu bois bunday tashabbuslar qo‘llab-quvvatlanishi va e’tirofga sazovor.

Teach for Uzbekistan rasman Yandex Uzbekistan tomonidan qo‘llab-quvvatlandi. Butun jamoamiz tizimli va chindan ham muhim o‘zgarishlarning bir qismi bo‘lish imkoniyati bilan faxrlanadi.

Bu video “Teach for Uzbekistan” loyiha ruhini va undagi hissiyotlarni juda aniq aks ettiradi.

Albatta ko‘rib chiqing!

1-yanvardan boshlab taksi haydovchilari qancha miqdorda soliq to‘laydi?

2026-yil 1-yanvardan O‘zbekistonda o‘zini o‘zi band qilgan taksi haydovchilari aylanmadan olinadigan soliqni pasaytirilgan stavkada – 1% miqdorida to‘laydi.

Masalan, oʻzini oʻzi band qilgan taksi haydovchisi bir oyda 2 mln soʻm daromad topsa, u toʻlashi lozim boʻlgan soliq miqdori atigi 20 ming soʻmni tashkil etadi.

Agar yoʻlovchilarni tashish faoliyati onlayn-agregatorlar orqali amalga oshirilsa, soliqni ushlab qolish taksi agregatorlari tomonidan haydovchilarga daromadlarni oʻtkazish chogʻida avtomatik tarzda amalga oshiriladi.

Bunda agregator soliqni faqat oʻz platformasi orqali olingan daromadlardan ushlab qoladi.

Agregatordan tashqarida shakllangan daromadlar ushbu mexanizm asosida soliqqa tortilmaydi.

Oʻzini oʻzi band qilgan shaxslar ham QR-koddan foydalanishi shartmi?

Maʼlumki, 2026-yil 1-yanvardan boshlab yakka tartibdagi tadbirkorlar va oʻzini oʻzi band qilgan shaxslar uchun raqamli platformalarda shakllantirilgan elektron toʻlovlarni qabul qilish maqsadida maxsus QR-kodga ega boʻlish majburiy talab sifatida joriy etiladi.

‼️Ushbu talab soliq organlarining axborot tizimlari bilan integratsiya qilingan elektron platformalarga ega agregatorlar orqali yoʻlovchilarni tashish va buyurtma asosida tovarlarni yetkazib berish xizmatlarini koʻrsatuvchi oʻzini oʻzi band qilgan shaxslarga tatbiq etilmaydi.

👉PQ-247 8-band 12.08.2025-y.

Yaʼni, soliq tizimlariga ulangan rasmiy agregatorlar orqali faoliyat yurituvchi taksi haydovchilari va kuryerlarga alohida QR-kod oʻrnatish shart emas.

Kirib kelayotgan 2026 yil Siz uchun ulkan rejalar va ezgu maqsadlar ro‘yobga chiqadigan, har bir yangilanish esa taraqqiyot va bunyodkorlikka xizmat qiladigan barakali davr bo‘lsin.

Muvaffaqiyatlar sari intilish jarayonida qalbiy xotirjamlik, hayotning sodda, ammo bebaho quvonchlari uchun hamisha vaqt topishingizni tilayman. Hayot yo‘lingizda salohiyatingizga munosib yangi ufqlar ochilib, bu yutuqlarni samimiyat bilan baham ko‘radigan ishonchli insonlar doimo yoningizda bo‘lsin.

Hurmat bilan,
Sardor Qodirov

Biz «Erta aniqlа - hayotni saqla» kabi keng ko‘lamli kampaniyaning hamkorlaridan bo‘lganimizdan chin dildan faxrlanamiz.

Ushbu loyiha O‘zbekistonda ko‘krak bezi saratoniga qarshi kurashda kuchlarni birlashtirdi. Yuzlab ayollar ko‘krak bezi salomatligini bepul tekshirtirish, professional mutaxassislardan maslahat olish va erta diagnostikaning hayotni saqlab qolishda qanchalik muhimligini bilib olish imkoniga ega bo‘lishdi.

Biz uchun ayniqsa ilhom baxsh etgan damlar - jasur va kuchli ayollar bilan uchrashuvlar bo‘ldi.

Ularning samimiyligi, hayotga mehr-muhabbati va ochiqligi kelajak uchun umid uyg‘otadi. Ana shunday lahzalar har bir kasallik ustidan g‘alabaning ortida, aynan yaqinlarning qo‘llab-quvvatlashi, g‘amxo‘rligi va e’tibori yotganini yana bir bor ko‘rsatadi.

Chin yurakdan minnatdorchilik bildiramiz: shifokorlarga, volontyorlarga, tashkilotchilarga va, albatta, o‘z hissiyotlari bilan o‘rtoqlashgan ayollarga. Erta aniqlash yo‘lidagi har bir qadam - millat salomatligiga katta hissa.

Birgalikda biz yana-da katta natijalarga erishamiz! Loyihani qo‘llab-quvvatlashda davom etamiz va ishonamiz: xushyorlik, profilaktika va o‘zaro yordam - xavfsiz va sog‘lom hayotning kalitidir.

Suratda - loyiha muallifasi va ilhomlantiruvchisi, katta yurakli va energiyaga ega Aziza Umarova.

Ishonchingiz uchun katta rahmat!

Juda ham muhim, ammo hozircha ko‘pchilik e’tibor qaratmagan me’yoriy hujjat e’lon qilindi - 2025-yil 6-oktyabrdagi PQ-296-sonli "Iste’molchilar huquqlarini samarali himoya qilishni tashkil etish chora-tadbirlari to‘g‘risida"gi Qarori

Nimalar o‘zgarmoqda?

1. Murojaatlarni ko‘rib chiqishning yangi modeli

Bundan buyon iste’molchilarning barcha shikoyatlari dastlab Monopoliya qo‘mitasining raqamli platformasi orqali to‘g‘ridan-to‘g‘ri tadbirkorga yuboriladi.

Tadbirkor ko‘rib chiqish va javob berish uchun 10 kun muddatga ega - butun jarayon shaffof bo‘lib, tizimda to‘liq nazorat qilinadi.

Agar tadbirkorning javobi iste’molchini qanoatlantirmasa yoki muammo hal etilmagan bo‘lsa, murojaat arizachining xohishiga ko‘ra yo Monopoliya qo‘mitasiga, yo nodavlat notijorat tashkilotiga (NNT) yuboriladi. Ular majburiy ko‘rsatma berishi, ishni sudga yuborishi yoki nizoda kim haqligini tushuntirishi mumkin.

2. Muddati o‘tgan tovarni sotishni avtomatik bloklash

2026-yil 1-martdan boshlab markirovka qilinishi shart bo‘lgan barcha toifadagi tovarlar (shu jumladan dori-darmonlar) bo‘yicha yaroqlilik muddati o‘tgan mahsulotni sotish texnik jihatdan imkonsiz bo‘ladi - tizim bunday sotuvni avtomatik ravishda bloklaydi va kassa cheki ham chop etilmaydi.

Bu uzoq kutilgan yangilik muddati o‘tgan yoki xavfli tovarlarni xarid qilish xavfini minimal darajaga tushiradi. Bu, ayniqsa, farmatsevtika bozori uchun muhimdir.

3. NNT rolini kuchaytirish va "sirli xaridor" amaliyotini joriy etish

2027-yilgacha bo‘lgan sinov muddatida nodavlat notijorat tashkilotlariga iste’molchilar murojaatlarini ko‘rib chiqish, shuningdek, "sirli xaridor" tamoyili asosida nazorat xaridlari va tekshiruvlar o‘tkazish vakolati beriladi.

Bu yo‘nalishlarda ishlash uchun ularning xodimlari maxsus ta’lim olib, sertifikatlanadi. Davlat esa o‘z navbatida bozorda jamoatchilik nazoratini amalga oshirish uchun mablag‘ ajratadi.

Xulosa: Yangi qaror O‘zbekistonda iste’molchilar huquqlarini himoya qilishning zamonaviy, amalda ishlaydigan tizimini yaratish yo‘lidagi jiddiy qadamdir. Bu tashabbuslarning amaliyotda qanday joriy etilishini kuzatib boramiz. Bunday chora, shubhasiz, bozorni yaxshilaydi va umid qilamanki, iste’molchilarning huquq hamda imkoniyatlarini kengaytirishga xizmat qiladi.

https://lex.uz/uz/docs/7757479

Yango Awards g‘olibi bo‘ldik

Bu juda kamdan-kam uchraydigan va g‘oyat kuchli his-tuyg‘u - o‘ylagan narsa haqiqatga aylanayotganini ko‘rish. O‘n kishilik jamoa butun bozordagi o‘yin qoidalarini o‘zgartirishga qodir ekanini kuzatish.

Biz birinchilardan bo‘lib raqamli kompaniyalarni rivojlantirish, kuchli brend yaratish, aniq pozitsiyalash va jamoaga eng yaxshi mutaxassislarni jalb qilish uchun DevRel’ga tizimli ravishda sarmoya kiritish zarurligini ko‘rsatdik.

Bu qaror ortida do‘stlar orttirgan, yangi bilimlar egallagan, ijobiy hissiyotlar va kasbiy o‘sishga erishgan yuzlab tadbirlar va minglab dasturchilar turibdi. Bu hali boshlanishi, xolos. 2026 yildan boshlab hamma narsa yanada keng ko‘lamli, yorqinroq va kuchliroq bo‘ladi.

Dasturchilar hamjamiyati o‘sishda davom etadi, tadbirlar ko‘payadi va har kim o‘z qiziqishi va darajasiga mos keluvchi tadbirlarni topa oladi.

Bugun esa natijani qayd etish ayniqsa yoqimli: biz Yango Awards g‘olibi bo‘ldik. Loyihamiz 36 ta ishtirokchi mamlakat orasida eng yaxshi deb tan olindi.