📱 Platforma iqtisodiyoti: O‘zbekiston uchun yangi chaqiriq va yangi imkoniyat

Bugun Toshkentda, “Platform Economy: Competition Law and Market Power of Digital Platforms” xalqaro seminari ishtirokchisiman.

Tadbirda Xitoy, Hindiston, Braziliya, Germaniya va boshqa o‘nlab mamlakatlardan raqobatni rivojlantirish agentliklari va yetakchi mutaxassislar ishtirok etishmoqda.

Muhokamalar markazida - yirik raqamli platformalarning bozordagi ta’siri, ekotizimlarni tartibga solish va sun’iy intellektning raqobatga ta’siri.

Bugun O‘zbekiston o‘z raqamli iqtisodiyotining yangi bosqichiga kirib bormoqda. Raqamli bozorlar tez sur’atlarda kengaymoqda, xalqaro gigantlar faol kirib kelmoqda, mahalliy kompaniyalar esa o‘z ekotizimlarini yaratmoqda.

Shu sharoitda aqlli va moslashuvchan tartibga solish siyosati zarur - rivojlanish, ma’lumot va texnologiyalar jamiyat manfaatiga xizmat qilishi uchun.

Shuni ham unutmaslik kerakki, hozirda mamlakatda 6 millionga yaqin o‘zini o‘zi band qilganlar (self-employed) faoliyat yuritmoqda. Kutilishicha, kelgusi yilda bu raqam ikki baravar oshadi. Bu - platforma iqtisodiyotining real hajmi va imkoniyatlari qanchalik katta ekanining yaqqol isboti.

Bunday xalqaro maydonlar - bu faqat tajriba almashish emas, balki biznes, davlat va ekspertlar o‘rtasida umumiy til topish imkoniyati, halol raqobat va barqaror raqamli taraqqiyot yo‘lida muhim qadamlardir.

Toshkent tobora ko‘proq mintaqaviy raqamli iqtisodiyot kelajagi bo‘yicha muloqot markaziga aylanib bormoqda.

Bugun Toshkentda Yandex ML School Uzbekistan - o‘z ishini boshladi.

Bu mamlakatimizda ta’lim va texnologiyalar rivojining yangi bosqichi. 3 mingdan ortiq nomzod orasidan atigi 31 nafar eng iqtidorli talaba tanlab olindi - ular Yandex mutaxassislaridan saboq olib, sun’iy intellekt kelajagini aynan O‘zbekistonda yaratadilar.

Loyiha New Uzbekistan University hamkorligida, Raqamli texnologiyalar vazirligi hamda Maktabgacha va maktab ta’limi vazirligi ko‘magida amalga oshirilmoqda.

Bu tashabbus O‘zbekistonni sun’iy intellekt sohasida yetakchi markazlardan biriga aylantirish yo‘lidagi muhim qadamdir.

P.S. Shunchaki darajani his eting: ikkinchi suratda ko‘rib turganingiz - ML School talabasi Davlatbek, u nafaqat talaba, balki O‘zbekiston milliy jamoasining sport dasturlash bo‘yicha murabbiyi hamdir.

Dev Camp #1 (4-chi kun)

Dasturda: Vinsent Ambo’ning “Large System Design” ma’ruzasi (u talabalar yuragini zabt etdi, hatto uni sahnadan qo‘yib yuborishmadi), mahalliy xab dasturchilari bilan networking va Q&A sessiyasi, hamda “Feature’larni qanday ishlab chiqish kerak” mavzusida workshop.

Bugun 170 nafar ishtirokchi yig‘ildi - suhbatlar, g‘oyalar, energiya bilan to‘la kun bo‘ldi.

Lekin eng muhimi - bu raqamlar emas, bu muhit. Biz dasturchilar hamjamiyatini quryapmiz - tirik, ochiq va ilhomlantiruvchi jamoa!

Maqsadimiz - texnologiyalarni nafaqat kasb, balki dunyoni o‘zgartirish vositasi deb biladigan insonlarni rivojlantirish, qo‘llab-quvvatlash va birlashtirish.

Sizni hech tanimagan odam sizni ilhomlantirgan paytlaringiz bo‘lganmi? Mana shunday uchrashuvlar aynan shu tuyg‘uni beradi - o‘rganish, yaratish, harakat qilish istagini.

IT - bu doimiy rivojlanish. Bu ko‘nikma o‘zi bilan kelmaydi, uni yoshlar ongiga singdirish kerak. Yigit-qizlarning yuzlariga, ularning qanday muloqot qilayotganiga, ko‘zlaridagi chaqnashga qarang - bu kelajak, bu bizning texnologik mustaqilligimiz.

Chunki bir kun kelib, hal qiluvchi omil texnologiyalar emas, balki ular bilan ishlay oladigan insonlar bo‘ladi.

“Yandex Uzbekistan” o‘zining birinchi ESG hisobotini taqdim etdi

Biz uchun barqaror rivojlanish va jamiyat oldidagi mas’uliyat – bu shunchaki rasmiy talab yoki “galochka” emas. Bu bizning ongli tanlovimiz.

Bugun katta jamoaga aylanganimiz bilan, birinchi kunlardagi qanday ishonch va mas’uliyat bilan boshlasak, hozir ham shunday qalbimizdan harakat qilyapmiz.

Yandex nafaqat servislar, balki taraqqiyot, imkoniyat va yaxshilik uchun ishlaydi. Biz katta biznes yuki - katta mas’uliyat ekanini anglab, har bir qadamda jamiyat manfaatini o‘ylaymiz.

Yordamingiz va ishonchingiz uchun rahmat! Birga ulkan o‘zgarishlarni amalga oshiramiz.

Batafsil ma’lumot va ESG hisobot bilan quyida havola orqali tanishishingiz mumkin:
https://yandex.uz/company/uz/sustainability/highlights