☕ IT-nonushta: texnologiyalar, qahva va ochiq suhbatlar

Har oy bir guruh faol va qiziqqon IT-mutaxassislar bilan bir stol atrofida jam bo‘lamiz. Rasmiylik yo‘q, prezentatsiyalar yo‘q - faqat mazali nonushta, xushbo‘y qahva va jonli muloqot.

Kod, testlash, sun’iy intellekt va texnologiyalarning hayotimizdagi o‘rni - bizni har safar yangi mavzular kutadi.

Mehmonlarimiz - Yandex Uzbekistan va boshqa yetakchi IT-kompaniyalardan mutaxassislar. Har bir ishtirokchi suhbatda faol bo‘lishi mumkin - format 20 kishigacha, iliq va ochiq muhit.

Eng quvonarlisi - har gal qatnashishni istaganlar soni ortib boryapti. Demak, biz bir-birimizdan o‘rganishga, fikr almashishga tayyormiz.

🔍 Kuluar suhbatlarda esa eng qiziq mavzular ochiladi: maoshlar, imkoniyatlar, ish muhitlari, ofisdagi mevalargacha 😃

💡 Endi esa savol: viloyatlarda ham bunday nonushtalarni tashkillashtirsak-chi?

Masalan, Samarqand, Andijon, Nukuslarda? Siz qanday o‘ylaysiz - yig‘ilsak bo‘ladimi?

Bu oddiy texnologiya emas. Bu - ishonch, xavfsizlik va minglab inson hayotlari haqida…

Bugun Toshkentda yangi sahifa ochildi. Endilikda har bir fuqaro tez yordam chaqirganidan so‘ng brigadaning harakatini real vaqt rejimida xaritada kuzatishi mumkin bo‘ladi.

Bu - shunchaki qulaylik emas.
Bu - xotirjamlik.
Bu - “yordam yo‘lda” degan ishonch.
Bu - texnologiya insoniylik bilan uyg‘unlashganda yuz beradigan o‘zgarish.

Yandex uchun bu loyiha - texnik yangilik emas, balki qadriyatlarning ifodasidir. Biz ongli ravishda jamiyat hayotining muhim yo‘nalishlariga hissa qo‘shishni tanladik: ta’lim, sog‘liqni saqlash, ekologiya, sport va kreativ industriya.

Har bir yo‘nalishda biz alohida loyihalarni amalga oshirmoqdamiz - Yandex texnologiyalari asosida va mutlaqo bepul.

Chunki biz ishonamiz - kuchli texnologiyalar odamlar hayoti uchun xizmat qilishi kerak.

Mazkur loyiha Yandex Maps API asosida ishlab chiqilgan. Yaqin kunlarda tizim quyidagi imkoniyatlar bilan kengaytiriladi: tibbiy infratuzilmani vizualizatsiya qilish, navigatsiya, masofa matritsalari va optimal yo‘nalishlarni aniqlovchi algoritmlar

Bu texnologiyalarning har biri - muhim daqiqalarda vaqt yutishga xizmat qiladi. Aynan vaqt esa ko‘p hollarda inson hayotini belgilaydi.

Raqamlar ortida esa odamlar turibdi. O‘zbekiston bo‘ylab har kuni 40 minggacha chaqiruv qabul qilinadi - ulardan 60 foizi shoshilinch.

Yangi tizim esa takroriy qo‘ng‘iroqlar sonini kamaytiradi, fuqarolarga brigadani kutib olishga tayyorlanish imkonini beradi va dispetcherlar yukini sezilarli darajada kamaytiradi.

Bu - boshlanishi. Biz har doim bir narsani aytamiz: Agar texnologiyalar bilan yaxshilash imkoni bo‘lsa - biz bu imkoniyatdan foydalanamiz.

Texnologiyalar odamlarga xizmat qilishi kerak - biz esa aynan shu xizmat yo‘lida ishlayapmiz.

P.S. Ushbu loyihaning amalga oshishida o‘z bilimini, vaqtini va qalbini berganlarga chuqur minnatdorchilik bildiraman:

Respublika tez tibbiy yordam markazi jamoasiga, Be Pro kompaniyasiga, va alohida ehtirom bilan - Abduvoitjon Xusainovichga, Respublika markazi direktoriga RAHMAT!

U kishining va jamoasining sog‘liqni saqlash tizimidagi raqamli islohotlarga qo‘shayotgan hissasi - har kuni 40 ming fuqaroning hayotida aks etmoqda.

Yurakdan shuni aytaman: umid qilamanki, bir kun kelib sizlar haqida hujjatli film suratga olishga vaqt va imkon topaman. Chunki bu yerda - chinakam qahramonlar ishlayapti. Va bu haqida butun mamlakat bilishi kerak.

AI Forum CIS 2025 - ikki kunlik ilhom manbai

Samarqandda o‘tayotgan forumda sun’iy intellektning kelajagi haqida jiddiy, lekin juda samimiy muhokamalar bo‘lyapti. Muammo va imkoniyatlar, g‘oyalar va echimlar - barchasi bir joyda.

Shu doirada o‘tkazilgan panel sessiyalardan biriga moderatorlik qilish nasib etdi. Yandex - mintaqadagi sun’iy intellektni kommertsiyalash bo‘yicha yetakchi kompaniyalardan biri sifatida alohida e’tiborga loyiq.

Panelimizda sog‘liqni saqlash, ta’lim, retail, urbanistika va hatto “hardkor” sanoat (salom Huawei!) yo‘nalishlarida AI yechimlarini joriy qilayotgan kuchli integratorlar ishtirok etdi.

Forumning umumiy kayfiyati - ijobiy va ilhomlantiruvchi. Juda ko‘p foydali fikrlar va yangi tanishlar bo‘ldi.

📍 Samarqandda bo‘lsangiz - albatta ertangi forsayt-sessiyani o‘tkazib yubormang.

Bu yerda MDHning sun’iy intellekt sohasidagi eng kuchli mutaxassislari yig‘iladi. Ko‘pchilik aynan shu sessiya uchun uchib kelgan.

Qiziqsangiz, izohda ismingizni yozing - sizni ishtirokchilar ro‘yxatiga kiritishga harakat qilaman.

Nega bilmayman, lekin buni siz bilan bo‘lishish men uchun muhim bo‘lib qoldi - balki bu to‘g‘ri emasdir, ehtimol menga ijtimoiy tarmoqlardan “detoks” ham kerakdir)))

Yaqinda meni juda qiziqarli bir bobo olib ketdi – yoqimli suhbatdosh, o‘z hayotidan ibratli hikoyaga ega inson.

U o‘ziga bir ulkan maqsad qo‘ygan – hovlisi hududida (Nazarbekda) kam ta’minlanganlar uchun 20 ta uy qurish.

Taksi haydab, topgan daromadini shu qurilishga sarflaydi. Hozirga qadar uchta uy qurib bo‘libdi – to‘rtinchisini boshlagan ekan.

Ayta-a yurgan ekan, ko‘plab mijozlari bu hikoyani eshitib, xayriya qilarkan. Bir kuni hatto yo‘lovchisi bo‘lib chiqqan bir kishi unga shifer beribdi, boshqa bir safar esa yo‘lida uchragan santexnik yordam berdi. Sababchilar)))

Bu juda chiroyli va samimiy hikoya – odamda shunday katta va muhim missiya bo‘lsa, hayot ham boshqacha bo‘ladi. Ishonamanki, u o‘sha kunni ko‘radi – hamma uylar bitib, oilalar joylashgan paytni.

Va u oilalarning ko‘pi jamiyatga foyda keltiradigan, halol, mehnatkash insonlarga aylanadi.

Buni men o‘z tajribamdan bilaman – bobomiz ham urush yillarida uchta yetim bolani o‘z uyida tarbiyalagan. Qiziq, ularning barchasi keyinchalik professor bo‘lishdi. Men esa ularning farzandlikka olinganini 16 yoshimda, tasodifan bildim.

Hech o‘ylamagan edim – nega Zoyaxola ruscha ismga ega ekanligini. Mana shunday hayot – unda yaxshilik urug‘ini ekkanlar bor ekan, u albatta unib chiqadi.

Yaxshilik sizlarga hamroh bo‘lsin.