💊 Sog‘liqni saqlashda yangi davr: dorixonalar raqamli ekotizimga aylanmoqda

O‘zbekistonda sog‘liqni saqlash sohasi platformaviy modelga o‘tmoqda.

IT-Med platformasi, Yagona raqamli tizim, elektron retsept - bu yangi arxitekturaning asosi.

Nega bu muhim?

🔹 Dorixonalar soni kamaymoqda - bu bozor sog‘lomlashayotganidan darak.
🔹 Savdolar tobora avtomatlashtirilmoqda - 2025 yilda 60% dan oshadi.
🔹 Shifokor, retsept, dorixona va bemor yagona tizimda ulanmoqda.

Kelajak shuni anglatadi:

📦 E-retsept + dori marketpleysi = adolat, shaffoflik va tanlov erkinligi.
👤 Bemor - analoglarni ko‘radi, ongli tanlov qiladi.
🏛 Davlat - real nazorat va dori aylanmasini tartibga soladi.

Bugun biz mamlakat tarixidagi eng chuqur dori vositalari islohoti ostonasida turibmiz.
Bozorni raqamli ekotizimga qanchalik tez integratsiya qila olsak - millionlab odamlar salomatligi va yashash sifati shunchalik tez o‘zgaradi.

🧭 Bu yo‘l - sarmoya va qat’iy islohotlarni talab qiladi.
Platformaviy tibbiyot - bu texnologik hasham emas, adolatning o‘zi.

🚁 Yandex Armenia vertolyot xizmatini ishga tushirdi!

Har bir mamlakatdagi Yandex jamoasi o‘z yo‘nalishini mustaqil belgilaydi.
Lekin bu galgi loyiha - haqiqiy premium daraja! 🔥

Endi Armanistonda foydalanuvchilar Yandex Ultima premium xizmati orqali vertolyot parvozini buyurtma qilishlari mumkin.

Parvozlar hamkorimiz Armenian Helicopters tomonidan amalga oshiriladi. Yo‘nalishlar orasida - Dilijan, Seyvan, Garni darasi, “Toshlar simfoniyasi” va boshqa go‘zal manzillar bor.

📲 Buyurtma Yandex Go ilovasida kamida 2 soat oldin beriladi.
💼 Barcha parvozlar sug‘urtalangan, yo‘lovchilar hujjat nazorati va xavfsizlik instruktajidan o‘tadi. 5 nafargacha yo‘lovchi, umumiy vazni 410 kg dan oshmasligi kerak.

Bizda, O‘zbekistonda, hali oldinda ulkan imkoniyatlar bor. 💪

📦 O‘zbekistonda e-commerce sohasida kuryerlik yetkazib berish bo‘yicha yangi tartib

2025-yil 16-may kuni O‘zbekiston Respublikasi Milliy istiqbolli loyihalar agentligi elektron tijoratda kuryerlik xizmatlarini amalga oshirish tartibi to‘g‘risidagi Nizomni tasdiqladi (3631-sonli buyruq, Adliya vazirligi tomonidan 2025-yil 18-iyunda ro‘yxatdan o‘tgan).

Eng muhim jihatlar:

✅ Operatorlar va kuryerlar uchun yagona qoidalar va standartlar belgilandi
✅ Mahsulotlarni yetkazishda sanitariya va harorat rejimi bo‘yicha talablar joriy etildi
✅ Kuryerlarga to‘lov qabul qilish va qonun buzilishi xavfi bo‘lsa, yetkazib berishdan bosh tortish huquqi berildi
✅ Buyurtmachilar huquqlari endi kuchliroq himoyalangan: javobgarlik va nazorat - operatorlar zimmasida

Bu - mamlakatda e-commerce’ni kasbiy asosda rivojlantirish va barqaror o‘sishini ta’minlash yo‘lida muhim qadamdir.

O‘zbekiston - adolatli va xavfsiz raqamli iqtisodiyot sari harakatda!

Agar siz logistika, elektron tijorat yoki huquqiy maslahatchilik sohasida ishlasangiz - yangi talablar uchun hozirdan tayyorgarlik ko‘rish vaqti keldi 💼

📌 To‘liq hujjat bilan tanishish uchun:
https://lex.uz/uz/pdfs/7587377

Президент фармони билан Президент Администрацияси тузилмасига ўзгартиришлар киритилди. Президент Администрацияси раҳбари лавозими ташкил қилинди.

Ўзбекистон Республикаси Президентининг фармони билан Саида Шавкатовна Мирзиёева Ўзбекистон Республикаси Президенти Администрацияси раҳбари лавозимига тайинланди.

Xizmatlar - bu endi shunchaki qulaylik emas, balki yangi yashash uslubi. Ilhom manbai.

O‘zbekistonda so‘nggi yillarda xizmatlar bozori portlayotgandek tuyuladi. Eng qizig‘i - bu servislar nafaqat qulay, balki chinakamiga mahalliy ruhta, o‘zimizcha.

🚗 Endi benzin quyish uchun men AYoQSHga bormaydigan bo’ldim - benzinli mashina o‘zi keladi.
🧽 Mashina yuvish, shinalarni almashtirish, hattoki ularni saqlash - barchasi onlayn servos orqali.
🍽 Mini tandirda pishirilgan issiq somsachi? Uyga yetkazib berishadi - hali ham issiq, tandirdan.
🧊 Yana bittasi: muzli mini basseyn olib keladigan servis. Sportchilarning mashg‘ulotdan keyin tiklanishi uchun. Biohacking, lekin toshkentchasiga.

Go‘yo kelajakda yashayotgandekmiz - lekin o‘zimizga xos, o‘zbekona uslubda.

Qiziq: Qaysi xizmat turlari O‘zbekistonda hali yo‘q?
Yangi qulayliklar va yechimlar qayerda tug‘ilishi mumkin?

Fikringiz bilan o‘rtoqlashing - aynan mana shunday g‘oyalar orqali biz o‘zimizni va atrofimizni o‘zgartiramiz.

O‘zbekistonda GR (Government Relations) sohasi juda tez rivoqlanmoqda. Tobora ko‘proq kompaniyalar davlat bilan tizimli va ochiq muloqot qilish qanchalik muhim ekanini tushunib yetmoqda.

GR bu tanish-bilish emas.
Bu - mazmun. Bu - eshita olish, tushuntira olish va kelishib ishlay olish qobiliyati. Aynan shu kasb yaqin yillarda eng zarur sohalardan biriga aylanadi - ayniqsa davlat va biznes birgalikda o‘sishga harakat qilayotgan davrda.

Shaxsan men bu yo‘nalishga juda ishonaman va uni targ‘ib qilishga harakat qilaman. Oxirgi vaqtlarda ko‘plab tashkilotlar mendan GR mutaxassislarini topishda yordam so‘rayapti - bu soha bo‘yicha ehtiyoj kundan-kunga ortib boryapti degani.

Shu sababli, vaqti-vaqti bilan ushbu yo‘nalishda ochilgan vakansiyalar bilan bo‘lishib boraman. Ish beruvchi sifatida emas, balki shu sohaga qiziqqan va kuchli mutaxassislar jamiyatini shakllantirishni istagan inson sifatida.

Agar sizda GRga qiziqish bo‘lsa - aynan hozir boshlashga eng qulay payt.

TBC Bank
https://clck.ru/3Mp2Z9

Japan Tobacco International (JTI)
https://clck.ru/3Mp2eH

Yangi kuch izlayapman!

Loyihalar ko‘paymoqda. Yangi yo‘nalishlar, katta islohotlar va ilgari tasavvur qilinmagan imkoniyatlar paydo bo‘lmoqda. Odatda jamoamga xodim qidirayotganim haqida yozmayman, lekin bu safar boshqacha - bu chinakam imkoniyat.

📌 Government Relations (GR) yo‘nalishida ishlashni istagan odamni izlayapman.

Agar siz davlat bilan qanday ishlashni, qonunchilik qanday yaratilishini, texnologiyalar va biznes uchun qanday sharoitlar yaratilishini chuqur tushunishni xohlasangiz - demak, bu aynan siz uchun.

Biz o‘rganishga ochiq, mas’uliyatni o‘z zimmasiga oladigan, o‘sishni va ijobiy ta’sir ko‘rsatishni istaydigan odamni izlayapmiz.

💡 GR - bu nafaqat qiziqarli, balki real o‘zgarishlarga ta’sir qiladigan sohaga kirish uchun zo‘r imkoniyat. Jamoamiz kuchli, loyihalar esa juda mas’uliyatli va dolzarb.

Agar bu sizni qiziqtirsa - yozing. Muloqot qilishdan mamnun bo‘laman.

https://www.linkedin.com/jobs/view/4256770376

https://hh.ru/vacancy/122155487?hhtmFrom=main

🎙 Prezident va yoshlar: kelajak haqida ochiq suhbat

30-iyun - O‘zbekistonda Yoshlar kuni.
Bu yil Prezident Shavkat Mirziyoyev yoshlar bilan samimiy va mazmunli uchrashuv o‘tkazdi. Bu shunchaki bayram tabrigi emas edi - bu kelajak haqida katta va ochiq muloqot bo‘ldi. Aniq, ishonchli va natijaga yo‘naltirilgan.

📌 Muhim fikrlar - qisqacha:

🔹 O‘zbekiston Markaziy Osiyoda TOP-500 oliy o‘quv yurtlariga kirgan talabalar soni bo‘yicha yetakchi. 30 nafar yoshlarimiz hozirda dunyoning TOP-10 universitetlarida o‘qimoqda.

Ularni ichida mening ukam - Azizbek ham bor. Fahrlanaman. Shukronaman.

🔹 Sun’iy intellekt - ustuvor yo‘nalish: milliy AI modeli, AI Study, “1 million AI lideri” dasturi ishga tushmoqda. MIT bilan hamkorlikda yangi ta’lim dasturi boshlanadi.

🔹 Startaplar uchun $145 mln venchur investitsiya jalb qilingan. Maqsad - $1 milliard. Maktabdan boshlab grantlar, tanlovlar, “Startup Expo” orqali qo‘llab-quvvatlanmoqda.

🔹 Bu yilning o‘zida 292 mingta ish o‘rni yaratiladi. “Yashil iqtisodiyot”, bioinjiniring, raqamli geologiya - yoshlar aynan shu yo‘nalishlarda ish boshlaydi.

🔹 19 500 nafar informatika o‘qituvchisi MIT dasturi asosida qayta tayyorlanadi. 5 yil ichida har bir maktab bitiruvchisi sun’iy intellektni biladigan bo‘ladi. Shaxsan meni eng ko‘p quvontirgan yangilik!

🔹 Yosh kadrlar ulushi 65% ga yetdi. “Kelajak liderlari” dasturi orqali har yili 100 nafar salohiyatli yosh yetishtiriladi. Ular rahbarlarga biriktiriladi va xorijda tajriba orttiradi.

💬 “Tarix estafetani yosh avlodga topshiryapti. Sizlar - yangi sahifa yaratadigan oltin avlodsiz”, - dedi Prezidentimiz!

Men ushbu uchrashuvda ishtirok etdim. Va ko‘rdim: bu sahifani yoshlar allaqachon yozishni boshlagan. Ishonch bilan, kreativ fikr bilan, qat’iy niyat bilan. Eng muhimi - ular his qiladi: ularga ishoniladi.

👏 Alisher Sadullayev boshchiligidagi Yoshlar agentligi jamoasiga chuqur minnatdorchilik bildiraman. Sizlarning harakatlaringiz, energiyangiz va qat’iyatingiz biz - hamfikrlar, hamkorlar uchun katta ilhom manbai bo‘lib xizmat qilmoqda.

Har kimning o‘z orzusi bor

Kimdir “Uzbekistan Dream” - katta mashina va sakkiz sotixli, bog‘i bor hovli haqida orzu qiladi.

Boshqalar borki, ularning orzusi - raqamli servislarni ishga tushirish, yuzlab jarayonlarni soddalashtirish va yaxshilash, millionlab yangi ishchi o’rinlarni yaratish.

Ko‘rinadi, shunday “katta bolalar”dan biri uchun bugun bayram)))

Davlat soliq qo‘mitasi “Soliq agenti” tizimini ishga tushirdi - bu juda juda katta qadam. Endi daromadi belgilangan chegaraidan oshib ketgan haydovchilar millionlab qog‘ozbozlik va jarayonlar bilan azob chekmaydi.

Bunday haydovchilar, kuryerlar allaqachon ko‘paygan, va yana ko‘payadi - chunki iqtisodiyot o‘smoqda, daromadlar ortib bormoqda.

Raqamli kelajakni barpo etayotgan Soliq qo‘mitasi jamoasiga tashakkur!

Men chin qalbimdan ishonamanki, bir kun kelib biz hisobotlar, deklaratsiyalar va buxgalteriyaning o‘zi yo‘q bo‘lgan mamlakatda uyg‘onamiz. Big data borku)))

Shunda odamlar faqat daromad olish bilan shug‘ullanadi, byurokratiya bilan emas. Va O‘zbekiston bu yo‘nalishda dunyoda birinchi bo‘ladi!

https://t.me/soliqnews/15738

🚖 Yandex Go haydovchilari va kuryerlari O‘zbekistonda 2024-yilda 530 million dollar daromad qilishdi

Yandex Go’ning O‘zbekistondagi haydovchilari, kuryerlari va hamkorlari 2024-yilda umumiy hisobda 530 million dollar daromad topishdi.

2025-yilning birinchi yarmida esa ularning daromadi 340 million dollarga yetdi - bu o‘tgan yilning shu davriga nisbatan +50 foiz.

Bu raqamlar Taksi, Yetkazib berish, Yandex Eda va Lavka yo‘nalishlaridagi buyurtmalar bo‘yicha, kompaniya komissiyasiz sof daromadni aks ettiradi.

2025-yil iyun holatiga ko‘ra, Yandex Go ekotizimida 179 ming haydovchi va 49 ming kuryer faoliyat yuritmoqda. Kompaniya kundalik faol bo‘lgan, ya’ni kuniga 7-8 soat ishlaydigan ijrochilar soni ortib borayotganini ta’kidladi.

Bundan tashqari, 2-iyuldan boshlab O‘zbekistonda onlayn agregatorlar o‘zini o‘zi band qilgan haydovchi va kuryerlarning yillik daromadi 100 million so‘mdan oshsa, ularning soliqlarini avtomatik ushlab qolishga majbur.

Yandex Uzbekistan mamlakatda ushbu jarayonni birinchi bo‘lib avtomatlashtirgan kompaniya bo‘ldi va Soliq qo‘mitasi bilan integratsiyani yakunladi.

🚀 Yandex yangi pilot loyiha boshladi - backend dasturchilar uchun kasbiy maslahatlar!

Bu loyiha orqali Yandex’dagi ishga qabul jarayonini yaxshiroq tushunish va to‘g‘ridan-to‘g‘ri rekruterlardan foydali tavsiyalar olish mumkin.

Nima kutadi:
- Ishga qabul bosqichlari va tayyorgarlik bo‘yicha maslahatlar
- Sizga mos bo‘lgan ish o‘rinlarni aniqlash
- Kasbiy o‘sish bo‘yicha tavsiyalar va CVni yaxshilash bo‘yicha takliflar
- To‘g‘ridan-to‘g‘ri rekruterlardan ochiq va aniq maslahatlar

Jarayon qanday:
1️⃣ Ariza yuborasiz - 3-5 ish kuni ichida ko‘rib chiqamiz va TG orqali aloqaga chiqamiz
2️⃣ Qulay sana va vaqtni tanlaysiz
3️⃣ Uchrashuvda rekruter maqsadlaringizni aniqlashtirib beradi, rezyume yoki LinkedIn profilingizni tahlil qiladi va savollaringizga javob beradi
4️⃣ Agar tavsiyalar mos kelsa, bu maslahat ishga qabul qilishning birinchi bosqichi bo‘lishi mumkin
5️⃣ Suhbatga tayyorgarlik bo‘yicha aniq yo‘nalishlar olasiz - bu suhbat emas, aksincha, bilimlaringizni qanday to‘g‘ri ko‘rsatish bo‘yicha maslahat

Kimlar uchun:
- Java yoki Python bo‘yicha mustahkam bilimga ega backend dasturchilar
- Kamida 3 yil tajribaga ega bo‘lganlar
- Middle darajasidan yuqori mutaxassislar

Bu maslahatlar bilim sinovi emas - bu qo‘llab-quvvatlash va yangi imkoniyatlarga yo‘l ochish uchun.

👉 Batafsil ma’lumot va ariza uchun havolani bosing!
https://yandex.ru/jobs/pages/career-consultations