Bugun mening kasbdoshim - Uzum kompaniyasining O‘zbekistondagi GR/PR direktori Masha Skorikning tug‘ilgan kuni.

Qattiq xarakterli va yuqori professionallikka ega bo‘lgan yorqin inson. Eng murakkab vaziyatlarda ham o‘zini yo‘qotmaydigan, mas’uliyatni o‘z zimmasiga oladigan ayollardan.

Tug‘ilgan kuningiz bilan, Masha!
Sizga ichki xotirjamlik, kuchli motivatsiya va faqat zavq beradigan chaqiriqlar tilayman.

Taksi bozorida nimalar o‘zgaradi?

Birinchidan:
Endilikda taksi haydovchilari yiliga 100 million so‘mdan oshgan daromad uchun alohida byurokratik tartiblarni bajarmasdan ham faoliyatini davom ettirishi mumkin. Raqamli platformalar (agregatorlar) o‘zlari aylanmadan soliqni avtomatik ushlab qoladi va davlat byudjetiga o‘tkazadi.

Ikkinchidan:
Yo‘lovchi tashish bilan shug‘ullanish uchun endi albatta avtomobil transportida yo‘lovchi va yuk tashishga ruxsat beruvchi litsenziyaga ega bo‘lish shart. Agar haydovchining bunday litsenziyasi bo‘lmasa, u 3 ish kuni ichida o‘zini o‘zi band qilganlar reyestridan chiqariladi.

Uchinchidan:
Endi o‘zini o‘zi band qilgan maqomini olishda Face ID orqali shaxsni aniqlash tizimi joriy etiladi. Bu degani, maqomni olishdan oldin biometrik identifikatsiyadan o‘tish talab qilinadi.

Yandex Uzbekistan kuryerlar uchun maxsus ishlab chiqilgan elektovelosipedlarni taqdim etdi

Yangi elektovelosipedlar - Yandex tomonidan aynan kuryerlar ehtiyoji uchun ishlab chiqilgan. Endilikda ular Yandex Go orqali ovqat yetkazib beradigan kuryerlar uchun ijaraga beriladi. Maqsad - yetkazib berishni yanada qulay, tez va xavfsiz qilish.

Velosiped qulayliklar bilan to‘la:
📱 Telefon quvvatlash moduli;
🪑 Maxsus ergonomik o‘rindiq - uzoq masofalarda charchoq kamroq bo‘ladi;
📦 Kuryer sumkasi uchun maxsus bagajnik - turli holatda mahkamlash mumkin;
🛡 Keng qanotlar - kiyim va yuklarni loydan himoya qiladi.

Xavfsizlik ustuvor yo‘nalish:
🚦 Har bir shahardagi hududga mos tezlik cheklovini avtomatik kuzatuvchi tizim bilan jihozlangan;
🔋 Akkumulyatori xavfsizlik talablariga to‘liq javob beradi - o‘z-o‘zidan yonib ketmaydi, kuzatuv tizimi bilan himoyalangan.

Yil bo‘yi foydalanish mumkin:
Yomg‘ir, qor - muammo emas. Barcha elektronika va tormoz tizimi to‘liq germetiklangan. Agar akkumulyator o‘chsa - almashtirilib, ish davom ettiriladi.

📍 Hozircha Toshkentda 100 ta yangi elektovelosiped mavjud. Yoz oxirigacha ularning soni 500 taga yetkaziladi.

O‘zbekistondagi kuryerlarni qo‘llab-quvvatlagani uchun ovqat yetkazib berish xizmati jamoasiga rahmat!!!

Yandex Go endi Shahrisabzda

Yandex Go endi Shahrisabzda ham ishga tushdi - endilikda shahardagi harakat yanada qulay va tezkor bo‘ladi.

Xizmat Yandeksning ilg‘or texnologiyalariga asoslanadi: aniq xaritalar, aqlli buyurtma taqsimoti va yetib kelish vaqtining prognozi - barchasi yo‘lovchiga qulaylik va ishonch hissini beradi.

Shahrisabz qo‘shilishi bilan Yandex Go’ning O‘zbekistondagi qamrovi 19 ta shaharga yetdi - va kengayishda davom etmoqda. Yil oxirigacha yana bir qator shaharlar qamrab olinishi rejalashtirilgan.

🎈 Yandex Market endi Samarqandda!

Endi xarid qilish - xuddi Siyob bozorida sayr qilgandek oson va yoqimli! ☀️

🛍️ Yandex Go ilovasi orqali Samarqandliklar uchun minglab mahsulotlar: elektronika, uy-ro‘zg‘or buyumlari, kitoblar va boshqa kerakli narsalar endi bir necha bosish bilan qo‘lingizda!

📦 Tez, qulay va kafolatlangan yetkazib berish - bu endi afsona emas, bu Yandex Market!

🚀 Samarqand

💊 Sog‘liqni saqlashda yangi davr: dorixonalar raqamli ekotizimga aylanmoqda

O‘zbekistonda sog‘liqni saqlash sohasi platformaviy modelga o‘tmoqda.

IT-Med platformasi, Yagona raqamli tizim, elektron retsept - bu yangi arxitekturaning asosi.

Nega bu muhim?

🔹 Dorixonalar soni kamaymoqda - bu bozor sog‘lomlashayotganidan darak.
🔹 Savdolar tobora avtomatlashtirilmoqda - 2025 yilda 60% dan oshadi.
🔹 Shifokor, retsept, dorixona va bemor yagona tizimda ulanmoqda.

Kelajak shuni anglatadi:

📦 E-retsept + dori marketpleysi = adolat, shaffoflik va tanlov erkinligi.
👤 Bemor - analoglarni ko‘radi, ongli tanlov qiladi.
🏛 Davlat - real nazorat va dori aylanmasini tartibga soladi.

Bugun biz mamlakat tarixidagi eng chuqur dori vositalari islohoti ostonasida turibmiz.
Bozorni raqamli ekotizimga qanchalik tez integratsiya qila olsak - millionlab odamlar salomatligi va yashash sifati shunchalik tez o‘zgaradi.

🧭 Bu yo‘l - sarmoya va qat’iy islohotlarni talab qiladi.
Platformaviy tibbiyot - bu texnologik hasham emas, adolatning o‘zi.

🚁 Yandex Armenia vertolyot xizmatini ishga tushirdi!

Har bir mamlakatdagi Yandex jamoasi o‘z yo‘nalishini mustaqil belgilaydi.
Lekin bu galgi loyiha - haqiqiy premium daraja! 🔥

Endi Armanistonda foydalanuvchilar Yandex Ultima premium xizmati orqali vertolyot parvozini buyurtma qilishlari mumkin.

Parvozlar hamkorimiz Armenian Helicopters tomonidan amalga oshiriladi. Yo‘nalishlar orasida - Dilijan, Seyvan, Garni darasi, “Toshlar simfoniyasi” va boshqa go‘zal manzillar bor.

📲 Buyurtma Yandex Go ilovasida kamida 2 soat oldin beriladi.
💼 Barcha parvozlar sug‘urtalangan, yo‘lovchilar hujjat nazorati va xavfsizlik instruktajidan o‘tadi. 5 nafargacha yo‘lovchi, umumiy vazni 410 kg dan oshmasligi kerak.

Bizda, O‘zbekistonda, hali oldinda ulkan imkoniyatlar bor. 💪

📦 O‘zbekistonda e-commerce sohasida kuryerlik yetkazib berish bo‘yicha yangi tartib

2025-yil 16-may kuni O‘zbekiston Respublikasi Milliy istiqbolli loyihalar agentligi elektron tijoratda kuryerlik xizmatlarini amalga oshirish tartibi to‘g‘risidagi Nizomni tasdiqladi (3631-sonli buyruq, Adliya vazirligi tomonidan 2025-yil 18-iyunda ro‘yxatdan o‘tgan).

Eng muhim jihatlar:

✅ Operatorlar va kuryerlar uchun yagona qoidalar va standartlar belgilandi
✅ Mahsulotlarni yetkazishda sanitariya va harorat rejimi bo‘yicha talablar joriy etildi
✅ Kuryerlarga to‘lov qabul qilish va qonun buzilishi xavfi bo‘lsa, yetkazib berishdan bosh tortish huquqi berildi
✅ Buyurtmachilar huquqlari endi kuchliroq himoyalangan: javobgarlik va nazorat - operatorlar zimmasida

Bu - mamlakatda e-commerce’ni kasbiy asosda rivojlantirish va barqaror o‘sishini ta’minlash yo‘lida muhim qadamdir.

O‘zbekiston - adolatli va xavfsiz raqamli iqtisodiyot sari harakatda!

Agar siz logistika, elektron tijorat yoki huquqiy maslahatchilik sohasida ishlasangiz - yangi talablar uchun hozirdan tayyorgarlik ko‘rish vaqti keldi 💼

📌 To‘liq hujjat bilan tanishish uchun:
https://lex.uz/uz/pdfs/7587377

Президент фармони билан Президент Администрацияси тузилмасига ўзгартиришлар киритилди. Президент Администрацияси раҳбари лавозими ташкил қилинди.

Ўзбекистон Республикаси Президентининг фармони билан Саида Шавкатовна Мирзиёева Ўзбекистон Республикаси Президенти Администрацияси раҳбари лавозимига тайинланди.

Xizmatlar - bu endi shunchaki qulaylik emas, balki yangi yashash uslubi. Ilhom manbai.

O‘zbekistonda so‘nggi yillarda xizmatlar bozori portlayotgandek tuyuladi. Eng qizig‘i - bu servislar nafaqat qulay, balki chinakamiga mahalliy ruhta, o‘zimizcha.

🚗 Endi benzin quyish uchun men AYoQSHga bormaydigan bo’ldim - benzinli mashina o‘zi keladi.
🧽 Mashina yuvish, shinalarni almashtirish, hattoki ularni saqlash - barchasi onlayn servos orqali.
🍽 Mini tandirda pishirilgan issiq somsachi? Uyga yetkazib berishadi - hali ham issiq, tandirdan.
🧊 Yana bittasi: muzli mini basseyn olib keladigan servis. Sportchilarning mashg‘ulotdan keyin tiklanishi uchun. Biohacking, lekin toshkentchasiga.

Go‘yo kelajakda yashayotgandekmiz - lekin o‘zimizga xos, o‘zbekona uslubda.

Qiziq: Qaysi xizmat turlari O‘zbekistonda hali yo‘q?
Yangi qulayliklar va yechimlar qayerda tug‘ilishi mumkin?

Fikringiz bilan o‘rtoqlashing - aynan mana shunday g‘oyalar orqali biz o‘zimizni va atrofimizni o‘zgartiramiz.

O‘zbekistonda GR (Government Relations) sohasi juda tez rivoqlanmoqda. Tobora ko‘proq kompaniyalar davlat bilan tizimli va ochiq muloqot qilish qanchalik muhim ekanini tushunib yetmoqda.

GR bu tanish-bilish emas.
Bu - mazmun. Bu - eshita olish, tushuntira olish va kelishib ishlay olish qobiliyati. Aynan shu kasb yaqin yillarda eng zarur sohalardan biriga aylanadi - ayniqsa davlat va biznes birgalikda o‘sishga harakat qilayotgan davrda.

Shaxsan men bu yo‘nalishga juda ishonaman va uni targ‘ib qilishga harakat qilaman. Oxirgi vaqtlarda ko‘plab tashkilotlar mendan GR mutaxassislarini topishda yordam so‘rayapti - bu soha bo‘yicha ehtiyoj kundan-kunga ortib boryapti degani.

Shu sababli, vaqti-vaqti bilan ushbu yo‘nalishda ochilgan vakansiyalar bilan bo‘lishib boraman. Ish beruvchi sifatida emas, balki shu sohaga qiziqqan va kuchli mutaxassislar jamiyatini shakllantirishni istagan inson sifatida.

Agar sizda GRga qiziqish bo‘lsa - aynan hozir boshlashga eng qulay payt.

TBC Bank
https://clck.ru/3Mp2Z9

Japan Tobacco International (JTI)
https://clck.ru/3Mp2eH

Yangi kuch izlayapman!

Loyihalar ko‘paymoqda. Yangi yo‘nalishlar, katta islohotlar va ilgari tasavvur qilinmagan imkoniyatlar paydo bo‘lmoqda. Odatda jamoamga xodim qidirayotganim haqida yozmayman, lekin bu safar boshqacha - bu chinakam imkoniyat.

📌 Government Relations (GR) yo‘nalishida ishlashni istagan odamni izlayapman.

Agar siz davlat bilan qanday ishlashni, qonunchilik qanday yaratilishini, texnologiyalar va biznes uchun qanday sharoitlar yaratilishini chuqur tushunishni xohlasangiz - demak, bu aynan siz uchun.

Biz o‘rganishga ochiq, mas’uliyatni o‘z zimmasiga oladigan, o‘sishni va ijobiy ta’sir ko‘rsatishni istaydigan odamni izlayapmiz.

💡 GR - bu nafaqat qiziqarli, balki real o‘zgarishlarga ta’sir qiladigan sohaga kirish uchun zo‘r imkoniyat. Jamoamiz kuchli, loyihalar esa juda mas’uliyatli va dolzarb.

Agar bu sizni qiziqtirsa - yozing. Muloqot qilishdan mamnun bo‘laman.

https://www.linkedin.com/jobs/view/4256770376

https://hh.ru/vacancy/122155487?hhtmFrom=main