Эркин кураш баҳсларини -86 кг вазн тоифаси вакиллари бошлаб берди ва унда иштирок этган Ўзбекистон вакили Жавраил Шапиев эронлик олимпиада ва жаҳон чемпиони Ҳассан Язданийчаратийга қарши гиламга чиқиб, 11:2 ҳисобида мағлубиятга учради. Энди эронлик спортчи финалга чиққан тақдирда Шапиевда бронза учун курашиш имконият пайдо бўлади.

-57 кг вазнда эса Ғуломжон Aбдуллаев хитойлик Минг Ҳу Люга қарши гиламга чиқиб 10:2 ҳисобида ғалаба қозонди ва чорак финал йўлланмасини қўлга киритди. Чорак финалда Ғуломжон россиялик икки карра жаҳон чемпиони Завур Угуевга қарши ярим финал йўлланмаси учун беллашади.

Олимпиада ҳақидаги энг сўнгги янгиликлар👇👇
https://t.me/joinchat/AAAAAFOAMKYUdVkGv7yHwQ

Каноэда Дилноза Раҳматова аламли натижа эвазига ярим финал йўлланмасидан маҳрум бўлди.

Каноэда эшкак эшиш бўйича 200 метр масофада ярим финал йўлланмаси учун сувга чиққан Дилноза Раҳматова ярим финалга чиқиши учун сониянинг мингдан 8 улуши (0,008) етмай қолди.

Аввалига онлайн табло Раҳматова иккинчи ўринни олганини кўрсатди ва бундан хабардор бўлган Дилноза ярим финалга чиққанини нишонлашга ҳам улгурганди. Аммо такрорий лавҳалардан сўнг қарор ўзгартирилди ва Дилноза ўрнига россиялик спортчи ярим финалга йўл олгани қайд этилди.

Бошқа бир спортчимиз Нилуфар Зокирова эса ўз гуруҳида 6-ўринни эгаллаб мусобақадаги иштирокиини якунлади.

Олимпиада ҳақидаги энг сўнгги янгиликлар👇👇
https://t.me/joinchat/AAAAAFOAMKYUdVkGv7yHwQ

Ғуломжон Абдуллаев сўнгги сонияларда имкониятни бой берди. Яна бир аламли мағлубият

Эркин кураш бўйича -57 вазнда гиламга чиққан Ғуломжон Абдуллаев сўнгги сонияларда россиялик икки карра жаҳон чемпиони Завур Угуевга имкониятни бой бериб қўйди. Жанг тугашига 6 сония қолганида ҳам Ғуломжон 6:4 ҳисобида олдинда бораётганди, афсуски шу сонияда рақиб икки очко қўлга киритди ва якуний ҳисоб 6:6 натижаси билан тугади.

Эркин кураш қоидаларига кўра, дуранг қайд этилса, сўнгги бўлиб очкони қўлга киритган спортчига ғалаба берилади. Айнан шу сабаб Ғуломжон чорак финалда мағлубиятга учради.

Энди Угуев финалга чиққан тақдирда Ғуломжонда бронза медали учун курашиш имконияти бўлади.

Олимпиада ҳақидаги энг сўнгги янгиликлар👇👇
https://t.me/joinchat/AAAAAFOAMKYUdVkGv7yHwQ

Баҳодир Жалолов финалда!

Бокс бўйича +91 кг вазнда олимпиада ўйинларида иштирок этаётган Баҳодир Жалолов ярим финалда британиялик Фрейзер Кларкка қарши рингга чиқиб техник нокаут эвазига ғалаба қозонди ва олимпиада ўйинларининг финалига йўлланма олди.

Олимпиада ҳақидаги энг сўнгги янгиликлар👇👇
https://t.me/joinchat/AAAAAFOAMKYUdVkGv7yHwQ

Баҳодир Жалоловга ғалаба келтирган зарба.

Қоидага кўра, боксчи зарба натижасида жароҳат олиб жангни давом эттира олмаса, рақибга техник нокаут эвазига ғалаба тақдим этилади.

Олимпиада ҳақидаги энг сўнгги янгиликлар👇👇
https://t.me/joinchat/AAAAAFOAMKYUdVkGv7yHwQ

Баҳодир Жалолов 8 август куни финалда америкалик Ричард Торресга қарши рингга чиқади. Екатеринбургда ўтган жаҳон чемпионатида Баҳодир рақибини чуқур нокаут ҳолатига тушириб, ғалаба қозонганди.

Бугун Торрес Баҳодирнинг азалий рақиби Камшибек Кўнкабаевни нокдаун ҳолатига тушириб мағлубиятга учратди.

Ўша машҳур жанг видеоси
https://www.youtube.com/watch?v=fqpZnfKA0_s

Олимпиада ҳақидаги энг сўнгги янгиликлар👇👇
https://t.me/joinchat/AAAAAFOAMKYUdVkGv7yHwQ

Уч ой орқага қайтамиз. Акбар Жўраев ва Руслан Нуриддинов ўртасидаги ажойиб кураш. Жаҳон чемпионатию олимпиадаларни безаши мумкин бўлган беллашув Тошкентдаги Осиё чемпионатида кузатилганди.

2016 йилги олимпиада чемпиони Руслан Нуриддинов апрелда Тошкентда бўлиб ўтаётган оғир атлетика бўйича Осиё чемпионатида катта спортга қайтишини фантастик ғалаба билан нишонлаганди.

Допинг можаролари туфайли етарли рейтинг балларини йиға олмаган Нуриддинов олимпиадада иштирок эта олмади. Аммо Акбар унга муносиб ўринбосар эканини исботлади. Акбар айнан мана шундай курашларда чиниқиб олимпиада чемпионлигигача етиб кела олди.

Олимпиада ҳақидаги энг сўнгги янгиликлар👇👇
https://t.me/joinchat/AAAAAFOAMKYUdVkGv7yHwQ

Баҳодир Жалоловни финалга олиб чиққан жангнинг тўлиқ видеоси.

Олимпиада ҳақидаги энг сўнгги янгиликлар👇👇
https://t.me/joinchat/AAAAAFOAMKYUdVkGv7yHwQ

Ғуломжон Абдуллаев эртага бронза учун курашни давом эттиради

Эркин кураш бўйича -57 кг вазн тоифасида ярим финал жанглари бўлиб ўтди. Унда Россия вакилли Завур Угуев эронлик рақибини мағлуб этиб финал йўлланмасини қўлга киритди. Бу натижаси ўзбекистонлик Ғуломжон Абдуллаевга бронза медал учун курашиш имкониятни тақдим этди.

Энди эртага Ғуломжон Абдуллаев бронза учун ўтиш баҳсида америкалик Томас Патрик Гилманга қарши гиламга чиқади. Ғалаба қозонган спортчи бронза медали учун эронлик Ризо Атринағарчи билан беллашади.

Олимпиада ҳақидаги энг сўнгги янгиликлар👇👇
https://t.me/joinchat/AAAAAFOAMKYUdVkGv7yHwQ

Жавраил Шапиев ҳам бронза учун курашади

Эркин кураш бўйича -86 кг вазн тоифасида иштирок этаётган Жавраил Шапиев эртага бронза медали учун курашиш имкониятига эга бўлди.

У нимчорак финалда мағлуб бўлган эронлик Ҳассан Язданичарати ярим финалда россиялик Артур Наифоновни мағлубиятга учратиб финалга йўлланма олди ва бу орқали Жавраил Шапиевга бронза учун курашиш имкониятини тақдим этди.

Энди эртага Жавраил Шапиев бронза учун ўтиш баҳсида швейцариялик Стефан Райхмутга қарши гиламга чиқади. Ғалаба қозонган спортчи бронза медали учун россиялик Артур Наифонов билан беллашади.

Олимпиада ҳақидаги энг сўнгги янгиликлар👇👇
https://t.me/joinchat/AAAAAFOAMKYUdVkGv7yHwQ

Инсониятнинг куч имконияти чегараланган деган фикрга ҳеч ким ишонгим келмайди. Айниқса Лаша Талахадзе оғир атлетика супачасига чиққанида бу фикрим янаям мустаҳкамланади.

Грузиянинг тенги йўқ полвони, дунёнинг энг кучли атлети Лаша Талахадзе бугун яна бир марта сайёрамизда тенги йўқлигини исботламоқда.

У даст кўтаришда ўзи ўрнатган 222 кг рекордни янгилади. Ортиқча қийинчиликсиз, захира билан. Кўринишидан у 230 кгниям кўтарадигандек. Король

Олимпиада ҳақидаги энг сўнгги янгиликлар👇👇
https://t.me/joinchat/AAAAAFOAMKYUdVkGv7yHwQ

Даст кўтаришда 223 кг — рекорд!
Силтаб кўтаришда 265 кг — рекорд!
Икки курашда 488 кг — рекорд!

Фақат битта савол бор: Лаша Талахадзе ҳақиқатдан ҳам одамми йўқми? Буни текшириб кўриш керак (ҳазил албатта).

Ҳақиқий труимфатор!

Олимпиада ҳақидаги энг сўнгги янгиликлар👇👇
https://t.me/joinchat/AAAAAFOAMKYUdVkGv7yHwQ

Еттикураш баҳсларида иштирок этаётган Екатерина Воронина тўртта чиқишни амалга оширди ва дастурлар давомида у 100 метрга тўсиқлар оша югуриш ва 200 метрга югуриш дастурларида ўз шахсий рекордини янгилашга муваффақ бўлди. Қуйида Воронинанинг бугунги дастурларда қайд этган натижаси ва тўплаган очколари билан таништирамиз:

100 метр, тўсиқлар оша: 14.19 сония (952 очко);
Баландликка сакраш: 1.77 метр (941 очко);
Ядро улоқтириш: 13.76 метр (778 очко):
200 метр: 24.67 сония (917 очко);
Жами: 3588

Ҳозирда Воронина 3588 очко билан 20-ўринда бормоқда. Баҳслар эртага давом эттирилади.

Олимпиада ҳақидаги энг сўнгги янгиликлар👇👇
https://t.me/joinchat/AAAAAFOAMKYUdVkGv7yHwQ

5 август. Токио-2020 Олимпиадасида иштирок этаётган Ўзбекистон терма жамоаси спортчилари тақвими.

5:10. Енгил атлетика. Баландликка сакраш. A саралаш гуруҳи. Сафина Садуллаева, B саралаш гуруҳи
5:10. Енгил атлетика. Баландликка сакраш. B саралаш гуруҳи Светлана Радзивил.

5:40. Енгил атлетика. Еттикураш. Узунликка сакраш. Екатерина Воронина.
9:40. Енгил атлетика. Еттикураш. Найза улоқтириш. Екатерина Воронина.

7:00. Эркин кураш. -57 кг. Ғуломжон Aбдуллаев бронза медал учун ўтиш баҳсида AҚШлик Томас Гилманга қарши.
7:20. Эркин кураш. -86 кг вазнда Жавраил Шапиев бронза медал учун ўтиш баҳсида швейцариялик Стефан Райхмутга қарши.
8:10.Эркин кураш. -74 кг. Бекзод Aбдураҳмонов нимчорак финалда пуэрто риколик Франклин Гомесга қарши.

9:00. Замонавий бешкураш. Қиличбозлик йўналиши. Аёллар. Aлисе Фахрутдинова
12:30. Замонавий бешкураш. Қиличбозлик йўналиши. Эркаклар. Aлександр Савкин.

Олимпиада ҳақидаги энг сўнгги янгиликлар👇👇
https://t.me/joinchat/AAAAAFOAMKYUdVkGv7yHwQ

Екатерина Воронина узунликка сакраш бўйича учинчи бўлди.

Еттикураш баҳсларида иштирок этаётган Екатерина, ўзининг севимли дастурларидан бири бўлган мазкур йўналишда 6.11 метр натижа қайд этиб, ўз гуруҳида учинчи кўрсаткичга эга бўлди. Бу натижа унга 883 очко тақдим этди. Ҳозирча Воронина 4471 очко билан 19-поғонада бормоқда.

Олимпиада ҳақидаги энг сўнгги янгиликлар👇👇
https://t.me/joinchat/AAAAAFOAMKYUdVkGv7yHwQ

Светлана Радзивил 190 см натижа билан ўз гуруҳида 10-ўринни эгаллади.

Баландликка сакраш мусобақаларида иштирок этаётган Светлана Радзивил 193 см баландликни учта уринишда ҳам забт эта олмади ва мусобақани ўз гуруҳида 10-поғонада якунлади. Радзивилнинг умумий барча қатнашчилар ичидаги ўрни 20-поғона бўлди.

Сафина Садуллаева эса ҳозирча 193 смни забт этган ва курашни давом эттирмоқда. Кейинги баландлик 195 бўлади. Айнан мана шу баландлик саралашдан финал йўлланмасига ўтиш имкониятини беради.

Олимпиада ҳақидаги энг сўнгги янгиликлар👇👇
https://t.me/joinchat/AAAAAFOAMKYUdVkGv7yHwQ

Сафина Садуллаева баландликка сакраш баҳсларида иккинчи уринишда 195 см баландликни забт этиб финалга йўлланма олди. Ҳозирча у ўз гуруҳида 2-ўринда бормоқда.

Олимпиада ҳақидаги энг сўнгги янгиликлар👇👇
https://t.me/joinchat/AAAAAFOAMKYUdVkGv7yHwQ

Жавраил Шапиев бронза учун курашади. Ғулом Абдуллаев мусобақани 7-ўринда якунлади.

Эркин кураш бўйича -86 кг вазнда Жавраил Шапиев бронза учун ўтиш баҳсида швейцариялик Стефан Райхмутга қарши гиламга чиқиб 5:2 ҳисобида ғалаба қозонди ва бронза учун курашадиган бўлди. Бу беллашувда унга россиялик Артур Наифонов рақиблик қилади.

Чорак финалда аламли мағлубиятга учраган Ғулом Абдуллаев эса бу сафар америкалик Томас Гилманга қаршилик кўрсата олмади ва 3 дақиқадан камроқ вақт ичида 1:11 ҳисобида имкониятни бой бериб қўйди.

Олимпиада ҳақидаги энг сўнгги янгиликлар👇👇
https://t.me/joinchat/AAAAAFOAMKYUdVkGv7yHwQ

Эркин кураш бўйича -74 кг вазн тоифасида иштирок этаётган Бекзод Aбдураҳмонов нимчорак финалда пуэрто риколик Франклин Гомесга қарши гиламга чиқиб 5:41 сонияда 10:0 ҳисобида ғалаба қозонди чорак финалга йўлланма олди.

Чорак финалда Бекзод россиялик икки карра жаҳон чемпиони Заурбек Сидаковга қарши ярим финал йўлланмаси учун беллашади.

Олимпиада ҳақидаги энг сўнгги янгиликлар👇👇
https://t.me/joinchat/AAAAAFOAMKYUdVkGv7yHwQ

Эркин кураш бўйича -74 кг вазн тоифасида чорак финалда Бекзод Абдураҳмонов россиялик икки карра жаҳон чемпиони Заурбек Сидаковга қарши ярим финал йўлланмаси учун беллашди. Муросасиз кечган беллашувда россиялик спортчи 13:6 ҳисобида ғалаба қозониб ярим финалга йўлланма олди.

Энди Сидаков финалга чиққан тақдирда Абдураҳмонов бронза медаллари учун курашиш имкониятига эга бўлади.

Олимпиада ҳақидаги энг сўнгги янгиликлар👇👇
https://t.me/joinchat/AAAAAFOAMKYUdVkGv7yHwQ

Еттикурашнинг найза улоқтириш беллашувларида иштирок этган Екатерина Воронина ушбу йўналишда 49.88 метр кўрсаткич билан 858 очко қўлга киритди. Ушбу натижадан сўнг Воронина 5329 очко тўплаган ҳолда, 19-ўриндан 12-поғонага кўтарилди.

Энди спортчилар сўнгги мусобақа 800 метрга югуриш баҳсларида иштирок этишади.

Олимпиада ҳақидаги энг сўнгги янгиликлар👇👇
https://t.me/joinchat/AAAAAFOAMKYUdVkGv7yHwQ