🏃🥳☀️
Улуус дьаһалтатын саалатыгар Бэрдьигэстээх нэһилиэгин сайдыытын саҕар маастар-былааны торумнуурга төгүрүк остуол ыытылынна.

Көрсүһүү үөрүүлээх түгэнинэн буолла нэһилиэк баһылыга Алексей Григорьевич Аргунов Бэрдьигэстээх нэһилиэгин сайдыытыгар кылаатын иһин улуус баһылыгар Никита Викторовичка, Бочуотунай грамоталары баһылыгы солбуйааччы Күннэй Васильевна Тарасоваҕа, улуус экономическай сайдыытын начальнигар Сахая Петровна Филипповаҕа туттарыыта.

Мустубут дьон, ыалдьыттар нэһилиэк сайдыытыгар туох саҥа баараҕай тутуулар, эбийиэктэр тутуллуохтарын, өрөмүөннэр барыахтарын сөбүн тула кэпсэтии, ырытыһыы буолла, ыраахтан-чугастан кэлбит ыалдьыттар куорат уонна регион сайдыытын экспертэ Ирина Дмитриевна Алексеева, LETO Киин начальнигын солбуйааччы Александра Фроловна Улинова, "Зодчий" архитектурнай-монументальнай мастарыскыай салайааччыта Степан Алексеевич Андросов, "Зодчий" архитектурнай-монументальнай мастарыскыай сүрүн архитектора Элена Михайловна Романова сүбэлэрин истэн, ыыппыт үлэлэрин кытта билсэн, улахан былааннаммыт үлэ үтүө түмүктээх буолуо диэн санааҕа кэллилэр.

📱@gorny_admin

📸📸📸📸
Урбаан сылыгар улууспутугар өссө биир үөрүүлээх түгэн тосхойдо!

Улууспут килбэйэр киинигэр Бэрдьигэстээххэ "Эйэ" скверигэр "Бэйэ дьоно" саҥа кафе арылынна.

Кафе хаһаайыттара, эдэр урбаанньыт ыал Анастасия, Вячеслав Васильевтар кэлбит дьоҥҥо махтал тылларын эттилэр. Олоххо киирбит дьыалалара ситиһиилээх, сайдыылаах буоллун диэн эҕэрдэ тыл этилиннэ, сиэр-туом ыытылынна, алгыс ананна.

Күндү дьоммутун, улууспут олохтоохторун күн ахсын "Бэйэ дьоно" минньигэс астаах кафеҕа күүтэбит, дьиэ кэргэнинэн бириэмэҕитин умнуллубаттык атаарарга ыҥырабыт!

📱@gorny_admin