Хитой Ташқи ишлар вазирлиги вакили сунъий интеллектни ривожлантириш бутун инсоният фаровонлигига дахлдор масала ҳисобланишини айтган. Унинг сўзларига кўра, барча томонлар сунъий интеллектнинг эзгулик ва ҳамма учун очиқ ҳамда инклюзив ривожланишини биргаликда рағбатлантириши керак.

Шунингдек, Хитой расмийси қўрқув тарқатиш, қарама-қаршилик ва шафқатсиз рақобат глобал сунъий интеллект бошқаруви жараёнини фақат издан чиқаришини, бу эса ҳеч кимнинг манфаатига хизмат қилмаслигини таъкидлаган.

АҚШ президенти СИ компанияларини назорат қилиш ва жавобгарликка тортиш учун барча имкониятлар етарлилигини айтди. У ўзини кучли ва ақлли раҳбар сифатида таърифлаб, СИга керак бўлган ягона тўсиқ шу эканини билдирди. У СИ ривожланишига шубҳа билдириш фақатгина Хитойга фойда келтиришини қўшимча қилди.

"Биз СИ соҳасида Хитойдан олдиндамиз. Мамлакатимиз дунёдаги энг технологик ривожланган давлат. Ростини айтсам, мен бу мавқе сақланиб қолишини хоҳлайман. Чунки СИ пойгасида ғолиб чиққан тараф якунда ғалаба қозонади", - деди у.

- Эрон билан уруш фонида АҚШ стратегик захирасидаги нефт захиралари 1982 йилдан бери энг паст даражага камайиб кетди. Ўтган ҳафтада захирада 285 млн баррел нефт қолган эди - Reuters.

- Францияда бензин нархи янги рекорд даражага етди - Le Figaro. Литри учун ўртача нарх 2,11 еврога кўтарилди — бу ҳукумат 1985-йилда бундай статистикани юритишни бошлаганидан бери энг юқори кўрсаткич. Дизел ёқилғиси литри учун тахминан 2,31 еврога кўтарилди.

- Осиё нефтни қайта ишлаш заводлари жума куни Саудия Арабистонига содир бўлган ҳужумдан кейин таъминотнинг қисқариши ва нордон хом нефт нархининг кўтарилишига тайёрланмоқда - Reuters.

- Reuters агентлигининг хабар беришича, Сурияда Ассад ағдарилганидан бери энг йирик норозилик намойишлари ёқилғи нархларининг ошиши туфайли бўлиб ўтди.

- Финляндиянинг ягона нефтни қайта ишлаш заводи саккиз ҳафтага ёпилди, ёқилғи нархи энди литри учун 2,50 еврогача кўтарилди.

- Трамп Эрон билан можаро якунланганидан сўнг нефт нархлари кескин тушиб кетишини ва бу яқин келажакда юз беришини маълум қилди.

- 2026 йил август ойида Ўзбекистон бўйича бензин ўртача 1,9% қимматлаган, йиллик ўсиш 20,2% бўлган. АИ-92 августда 1,1%, АИ-95 эса 4,9% ошган. Йиллик ўсиш эса 20,2% бўлгани қайд этилган.

Саудия Арабистонининг Шарқ-Ғарб нефт қувурига берилган зарба, ҳусийларнинг Қизил денгизга чиқиши ва Ҳормўз бўғозининг яқин кунларда очилмаслигини ҳисобга олсак нефть нархи янада ошиши мумкин.