Украина урушни имкон қадар тезроқ якунлашга интилмоқда ва ўт очишни тўхтатишга тайёр, деб маълум қилди Президент девони раҳбари. Унинг сўзларига кўра, урушни тугатиш ёки ҳарбий ҳаракатларни тўхтатишнинг энг реал сценарийси — Украина хавфсизлик кафолатларини олган тақдирда, ҳозирги фронт чизиғи бўйлаб тўхташдир. Шу билан бирга, Украина ҳозирда Россия ишғоли остида бўлган ҳудудлардан ҳуқуқий жиҳатдан воз кечмаслиги керак.

"Биз уруш тугашига тайёрмиз ва буни истаймиз — албатта, нормал ва мақбул шартлар асосида; ултиматум кўринишида эмас: 'ҳаммасидан воз кечинг ва устига-устак бизга яна нимадир беринг тарзида эмас", — деб таъкидлади у.

Яман қуролли кучлари Рас ал-Ара ҳудудида Саудия Арабистони ёлланма кучлари тўпланган жойларга қарата 3 та баллистик ракета учирилганини маълум қилган. Ракета зарбалари мазкур ҳудуддаги Саудия Арабистони томонидан қўллаб-қувватланаётган кучларнинг тўпланиш жойларига йўналтирилган.

Сунъий интеллект соҳасида ишлайдиган АҚШ компанияси Anthropic Ямандаги ҳусийлар ўзларининг баллистик ракеталари учун йўналтириш ва бошқариш тизимларини ишлаб чиқишда Claude Code сунъий интеллектидан фойдаланганликларини маълум қилди.

Шунингдек, Ҳусийлар сўнгги тўққиз кун ичида мамлакат ғарбида Қизил денгизгача чўзилган 5400 квадрат километрлик ҳудудни назорат остига олди.