1. Стратегик шериклик ўрнатилди. Икки давлат стратегик шериклик муносабатларини ўрнатиш тўғрисида қўшма декларация имзолади.

2. Эркин савдо ҳудуди бўйича музокаралар бошланади. Томонлар Эркин савдо тўғрисидаги битим бўйича музокараларни бошлаш учун ишчи гуруҳ тузишга келишди. Бу Ўзбекистон маҳсулотларининг Сербия ва орқали Европа бозорларига чиқиши учун муҳим қадам бўлиши мумкин.

3. Ўзбекистонликлар Сербияда ишлаши учун янги имкониятлар очилади. Меҳнат миграцияси ва мобиллик тўғрисида келишув қабул қилинди. Бу уюшган ҳолда Ўзбекистон фуқароларининг Сербияда ишлаши, меҳнат ҳуқуқлари ва миграция жараёнларини тартибга солишга хизмат қилади.

4. Транспорт ва «Ўрта йўлак» бўйича ҳамкорлик. Икки давлат Middle Corridor — Ўрта йўлакни ривожлантириш, темирйўл инфратузилмаси ва халқаро автомобиль ташувлари бўйича келишувларга эришди. Бу Ўзбекистоннинг Марказий Осиёдан Европа томон транспорт йўналишларини диверсификация қилишида аҳамиятли.

5. Саноат, фармацевтика ва юқори технологияларга инвестиция. 2026–2028 йилларга мўлжалланган саноат ҳамкорлиги режаси қабул қилинди. Автомобиль қисмлари, электротехника, электроника, фармацевтика, қишлоқ хўжалиги ва рақамли иқтисодиётда қўшма лойиҳалар амалга оширилиши режалаштирилган. Фармацевтика ва биотехнология бўйича ҳам алоҳида меморандум имзоланди.

ҲАМАСнинг ўша пайтдаги етакчиси Яҳё Синвар Исроилга қарши кенг қамровли қуролли амалиёт режалаштираётгани ҳақида БАА президенти ҳужумдан 10 кун олдин Нетаняҳуга маълум қилган. Муҳаммад бин Зоид бу ҳолат қон тўкилишига олиб келиши, минтақани беқарорлаштириши ҳамда “Иброҳим келишувлари”га зарар етказишини айтган.

Бироқ Нетаняҳу бу маълумотга хотиржам муносабат билдирган. У БАА президентига Исроил ҳар қандай вазиятга тайёрлигини ва эҳтимолий ҳужум кўпроқ Ғазо секторидан эмас, босиб олинган Ғарбий соҳилдан бўлишини айтган.

Нетаняҳу идораси ушбу хабарни мутлақо ёлғон деб атади. Исроил бош вазири идораси Нетаняҳу БАА раҳбари билан кўрсатилган даврда гаплашмагани ва ундан ҳеч қандай огоҳлантириш олмаганини билдирди. БАА Ташқи ишлар вазирлиги эса раҳбарлар ўртасидаги суҳбатларга изоҳ бермаслигини маълум қилди.

Нетаняҳу 7 октябр воқеалари бўйича расмий давлат текшируви ўтказилишини рад этиб келмоқда. Шу йилнинг октябр ойида Исроилда парламент сайловлари бўлиб ўтади. 7 октябр воқеалари сайлов кампаниясининг асосий мавзусига айланган. Нетаняҳунинг асосий рақиби, собиқ генерал Гади Эйзенкот бош вазирни ҲАМАС ҳужуми ҳақида ўнлаб огоҳлантиришларни эътиборсиз қолдирганликда айблади ва уни вазифасига нолойиқ деб атади. Бошқа бир рақиб Нафтали Беннет эса минглаб исроилликларнинг ўлимига олиб келган муваффақиятсизлик учун жавобгарлик Нетаняҳунинг зиммасида эканини билдирди.

2023 йил 7 октябр куни ҲАМАС томонидан амалга оширилган ҳужумида 1200 га яқин одамни ўлдирилган ва 251 киши гаровга олинган. Ғазо Соғлиқни сақлаш вазирлиги маълумотларига кўра, Исроилнинг Ғазодаги ҳарбий амалиётлари оқибатида шу кунгача 73 650 дан ортиқ фаластинлик ҳалок бўлган.