🇳🇴 iPad’лар Норвегияда болаларнинг китоб ўқишини камайтириб юборди. Энди мамлакат вазиятни тўғрилашга ҳаракат қилмоқда - The Times

Мақолада айтилишича, 2016 йилдан Норвегия мактабларида рақамли таълимга жуда катта урғу берилган. 5 ёшли болалар мактабга кирганда iPad билан таъминланган, айрим ҳолларда қурилмаларда етарли назорат ҳам бўлмаган. Шу билан бирга, синфларда қоғоз китоблардан фойдаланиш камайган. Болаларда саводхонлик даражаси жуда тушиб кетган, улар оддий матнларни ҳам ўқий олмайдиган бўлиб қолишган. Бундан ташқари, луғат бойлиги ҳам пасайиб кетган.

Ҳукумат хатосини тушуниб, бошланғич синфлардан iPad’ларни олиб қўйишди. Мактабларда смартфонлардан фойдаланиш чекланди, китоб билан ўқитишга эътибор яна кучайтирилди.

Батафсил Gorizontда...

🇺🇸🇮🇷 АҚШ бугун Ларак оролида жойлашган Эрон ракета учириш мосламаларига зарба берди - Al Jazeera

АҚШ расмийсининг сўзларига кўра, учириш мосламалари Ҳормуз бўғози томон кассетали ўқ-дорилар билан ракеталарни учиришга тайёргарлик кўраётган бўлган. Fars ахборот агентлиги АҚШнинг Ларак оролига зарбаларини тасдиқлади. Tasnim хабарига кўра, АҚШнинг Эроннинг Ларак оролига зарбаси натижасида камида икки киши ҳалок бўлди ва яна икки киши яраланди.

Батафсил Gorizontда...

🇺🇸🇮🇷 ИИҚК АҚШнинг Ларак оролига қилган ҳужуми учун қасос олишга ваъда берди.

"Террорчи душманнинг Ларак оролига қилган тажовузига жавоб берилади ва жазоланади", деб ёзган ИИҚК вакили бригада генерали Моҳебби ўзининг Х саҳифасида.

Батафсил Gorizontда...

🇺🇸🇷🇺🇺🇦 Путин, Трамп ва Зеленский ўртасидаги учрашув фақат якуний келишувларни имзолаш учун ўтказилиши мумкин - Песков.

Батафсил Gorizontда...

🇷🇺🇦🇲 Биз арманларнинг ўзларидан кўра кўпроқ арман бўла олмаймиз – Песков

Россия президенти матбуот котиби Қирғизистондаги Путин ва Пашинян ўртасидаги учрашув Арманистоннинг узоқлашишини тўхтатадими деган саволга шундай жавоб берди.

"Ҳар бир юқори даражадаги алоқа муҳим. Президент ушбу учрашувдан бизнинг далилларимизни такрорлаш учун фойдаланмоқда, лекин биз арманларнинг ўзларидан кўра кўпроқ арман бўла олмаймиз. Ва уларнинг тақдири ҳақидаги қарорни арманларнинг ўзлари қабул қилади. Биз уларга айнан шундай қилишни таклиф қилмоқдамиз - референдум ўтказиш. Евроосиё иқтисодий иттифоқи (ЕОИИ) давлат раҳбарлари ҳам уларга буни таклиф қилишди. Буларнинг барчаси муҳокама қилинади", деди Кремл вакили.

Батафсил Gorizontда...

🇨🇦🇺🇸 Канадада АҚШнинг савдо сиёсати ва Президент Дональд Трампнинг мамлакатга нисбатан муносабатига норозилик сифатида америкалик маҳсулот ва хизматларни бойкот қилиш кенгаймоқда - The Guardian

Қайд этилишича, канадаликлар АҚШда ишлаб чиқарилган озиқ-овқат, алкоголь, технология, автомобиллар ва бошқа маҳсулотларни сотиб олмасликка, шунингдек, АҚШга саёҳат қилмасликка ҳаракат қилмоқда. Айримлар Netflix, Amazon Prime, Apple TV ва Disney+ каби Америка стриминг хизматларидан, X, Facebook ва Instagram каби ижтимоий тармоқлардан ҳам воз кечган.

Бойкотга АҚШнинг Канада товарларига жорий этган тарифлари ва Трампнинг мамлакатни АҚШ таркибига қўшиб олиш ҳақидаги таҳдидлари сабаб бўлган.

Батафсил Gorizontда...

🇮🇷🇨🇳🇺🇸 АҚШ Хитойга қарши иккиламчи санкциялар қўллашдан қочмоқда

АҚШ миллий хавфсизлик бўйича собиқ расмийси Марк Пфейфлнинг билдиришича, Америка Эрон нефтини сотиб олаётгани учун Хитойга нисбатан иккиламчи санкциялар киритишдан қочишга уринмоқда.

Унинг сўзларига кўра, Вашингтон санкцияларни охирги чора сифатида сақлаб қолмоқда, чунки икки мамлакат иқтисодиёти ўзаро чамбарчас боғланганлиги сабабли Пекинга қарши кенг кўламли чораларни кўриш дипломатик жиҳатдан мураккаб вазифа ҳисобланади.

Батафсил Gorizontда...

🇺🇸🇻🇪 Венесуеллаликлар АҚШ билан тузилган энергетика келишуви ва ташқи аралашувга қарши намойиш ўтказмоқда.

Батафсил Gorizontда...