🇾🇪🇮🇷🇺🇸 Reuters агентлигининг хабар беришича, агар АҚШ Эрон электр станцияларига зарба берса, Эрон ҳусийларга Баб ал-Мандеб бўғозини ёпишни буюрди.

Агентлик маълумотларига кўра, ҳусийлар аллақачон Баб ал-Мандеб бўғози яқинида ракеталар ва дронларни жойлаштирган ва буйруқ кутмоқда.

Батафсил Gorizontда...

🇰🇿 Қозоғистонда янги конституция шарафига фуқароларнинг $47 млнлик жарималаридан воз кечилди

Мамлакат ИИВга кўра, бу каби маъмурий амнистия мустақил Қозоғистон тарихида илк бор эълон қилинган. Натижада 590 мингга яқин фуқарога нисбатан очилган 1,3 млндан ортиқ маъмурий иш тугатилган.

Батафсил Gorizontда...

🇲🇲 Мянма қирғоқларида бортида 500 нафар йўловчи бўлган иккита қайиқ чўкиб кетди

БМТ агентликларининг тахминига кўра, мамлакатдаги уруш ва оғир шароитдан қочиб, яхши ҳаёт излаб йўлга чиққан қочқинлар ҳалок бўлган бўлиши мумкин. Қайиқлар июн ойи охирида Мянманинг Рахайн штатидан йўлга чиққанди.

Батафсил Gorizontда...

🇷🇺🇺🇦 Россия баллистик ракеталари бугун эрталаб Киевга зарба берди

Ҳужум оқибатида икки киши ҳалок бўлган ва олти киши, жумладан, бир ўсмир жароҳатланган. Ҳужум омборхоналарда ёнғинларни келтириб чиқарган ва бу Россиянинг жорий ойда Киевга берган олтинчи ракета зарбаси бўлди.

Батафсил Gorizontда...

🇺🇿🏳️ Биродар Ўзбекистон бўйича позициямиз аниқ — Кобул Ўзбекистон ҳақидаги хабарларни рад этди

Афғонистон вазири Ўзбекистонда Исломнинг фақат номи қолганини айтгани ҳақида хабарлар тарқалганди. 16-июль куни Фазилатларни тарғиб қилиш ва ёмонликларнинг олдини олиш вазирлигидан элчихонага расмий раддия келиб тушган.

Унда айрим оммавий ахборот воситалари ва бошқа доиралар икки қардош давлат ўртасидаги ишонч ва яхши қўшничилик муносабатларига путур етказиш мақсадида фактларни бузиб талқин қилаётгани таъкидланган.

“Биродар Ўзбекистон бўйича позициямиз аниқ. Ушбу юрт Ислом умматининг кўплаб буюк уламолари, жумладан, Имом Бухорийнинг муқаддас Ватанидир. Афғонистон ва Ўзбекистон ўртасида чуқур диний, тарихий, маданий ва халқлар муштараклиги мавжуд. Биз ушбу муносабатлар ва ўхшашликларни алоҳида қадрлаймиз.

Шу боис айрим оммавий ахборот воситалари ва ижтимоий тармоқларда Ўзбекистон деб салбий талқин қилинган баёнот ва чиқишлар ҳақиқатга мутлақо тўғри келмайди. Биз бундай даъволарни қатъиян рад этамиз ва уларни фактларни бузиш, деб атаймиз”

дейилади вазирлик хабарида.

Батафсил Gorizontда...

🇺🇸🇮🇷 ИИҚК матбуот хизматининг маълумотларига кўра, Эрон Трампнинг Яқин Шарқдаги мулкларини зарбалар учун қонуний нишон сифатида белгилаган.

Бу АҚШ президентининг БАА ва Саудия Арабистонидаги гольф клублари ва осмонўпар бинолари, жумладан, Дубайдаги Trump International Hotel & Tower, Жиддадаги Trump Plaza ва Ар-Риёддаги Trump Tower ҳақида.

Батафсил Gorizontда...

🏴󠁧󠁢󠁥󠁮󠁧󠁿🇦🇷 Аргентиналик футболчилар Англия устидан қозонилган ғалабадан сўнг сиёсий баннер намойиш этди - DW

DW'нинг ёзишича, жаҳон чемпионати ярим финалидан сўнг Аргентина терма жамоаси футболчилари майдонда "LAS MALVINAS SON ARGENTINAS" ("Мальвин ороллари — аргентиналикларники") деган ёзув туширилган баннерни олиб чиқишди. Аргентинада Фолкленд оролларини Мальвин ороллари деб аташади, бу Буюк Британиянинг денгиз ортидаги ҳудуди бўлиб, Буэнос-Айрес унинг мақоми бўйича даъвосини давом эттирмоқда.

FIFA эса бунинг эвазига Аргентина футболчиларига 2026-йилги Жаҳон чемпионати тугагунига қадар санкциялар қўлламасликка қарор қилди. FIFA ушбу воқеа муносабати билан интизомий иш қўзғатади. Иш бўйича қарор 19-июль куни Аргентина ва Испания ўртасидаги Жаҳон чемпионати финалидан кейин қабул қилинади.

Маълумот учун, архипелаг 1833 йилда Британия ҳудудига айланган. 1982 йилда Аргентина Фолкленд ороллари ҳудудини эгаллашга уринди, бунга жавобан Буюк Британия ўз қўшинларини киритди ва уруш бошланди. 1000 га яқин аскар ҳалок бўлди, уларнинг қарийб учдан икки қисми аргентиналиклар эди. Уруш 74 кундан сўнг Аргентина таслим бўлиши билан якунланди.

Аргентиналик футболчиларнинг ҳаракатлари FIFA томонидан жазоланиши мумкин. 2014 йилда Аргентина футбол ассоциацияси айнан шундай ёзувли плакат намойиш қилгани учун жаримага тортилган эди.

Аргентина терма жамоаси бош мураббийи Лионел Скалони Англияга қарши ўйин олдидан можарони спорт билан аралаштирмасликка чақирган эди.

"Биз аргентиналиклар, урушда ҳалок бўлган одамлар ҳақида ўйлаймиз. Аммо биз буни ўйиндан ажратиб олишимиз керак", – деган у.

Шунингдек, Аргентина вице-президенти Виктория Вильярруэл ярим финал ўйини олдидан инглизларни "қароқчилар" деб атади ва сиёсий тўғриликка амал қилмоқчи эмаслигини таъкидлади.

"Биз бизга тегишли нарсани охирги нафасимизгача талаб қиламиз", — деб ёзди у Х ижтимоий тармоғида.

Вильярруэлнинг отаси Фолкленд уруши пайтида Аргентина томонида жанг қилган, дейилади хабарларда.

Батафсил Gorizontда...

🇺🇸🇮🇷 Эрон армияси вакили, бригада генерали Муҳаммад Акроминя Теҳрон “охиригача қаршилик кўрсатиши” ва АҚШнинг минтақадаги ҳарбий иштирокини йўққа чиқаришини маълум қилди.

Унинг сўзларига кўра, Ҳормуз бўғозини очишнинг ягона шарти – АҚШ июн ойида имзоланган 14 банддан иборат ўзаро англашув меморандум қоидаларини бажариши, шунингдек, Эрон томонидан белгиланган кемачилик қоидаларига риоя қилиши ҳисобланади.

Батафсил Gorizontда...

🇦🇪 Дубай марказида портлаш овозлари эшитилди - Reuters

Батафсил Gorizontда...

🇮🇷🇺🇸 Эроннинг Бандар Ҳамир-Бандар Аббос автомагистралидаги асосий кўпригига ҳужум қилинди

Меҳр агентлигининг хабар беришича, Бандар Ҳамирдан Бандар Аббосгача бўлган йўналишдаги асосий кўприклардан бирига ҳаво ҳужумлари уюштирилган. Хабарларга кўра, ҳужум пайтида кўприкда фуқаролик транспорт воситалари бўлган. Кўприкка зарба берилганда транспорт воситаси ичидаги бир киши ҳалок бўлган.

Бандар Ҳамир-Бандар Аббос автомагистрали Эрон жанубидаги асосий транспорт артериясидир. Бундай нишонларга қарши ҳужумлар Ҳормуз бўғозидаги Эрон портларига логистика, қўшинлар ҳаракати ва таъминотни бузишга қаратилган.

Батафсил Gorizontда...

🇺🇸 Трампнинг боши учун 10 миллион доллар мукофот таклиф қилинди.

Ироқ Исломий Қаршилиги Доналд Трампни ўлдирган ҳар бир кишига 10 миллион доллар мукофот беришини айтди.

Батафсил Gorizontда...

🇺🇸 АҚШ Green Card олиш шартларини янада қатъийлаштирмоқда.

18 сентябрдан бошлаб:

— Аризачининг давлат ёрдамидан фойдалангани ҳам ҳисобга олинади;
— ёши, соғлиғи ва оилавий ҳолати баҳоланади;
— даромади, мол-мулки ва молиявий имкониятлари текширилади;
— маълумоти, касби ва иш кўникмалари инобатга олинади;
— келажакда давлат ёрдамига қарам бўлиб қолиш эҳтимоли юқори деб топилса, Green Card рад этилиши мумкин.

Батафсил Gorizontда...