🇺🇿🇧🇾 Лукашенко ўзбек оилаларини Беларусга таклиф қилди

“Бизда баъзан ишчи кучи етишмайди. Шундай экан айнан ўзбеклар оиласи билан Беларусга келишини, бу ерга жойлашишини, зарур бўлса, соғлиқни сақлаш, таълим соҳасида ёрдам олишини ва ривожланишини истардик. Беларус ерлари бўшаб қолмаслиги учун бу бизга жуда зарур. Келинг, бирга ишлаймиз. Беларуслар ўзбекларга жуда яхши муносабатда, жуда яхши. Худди Ўзбекистон фуқаролари беларусларга бўлганидек. Бундан фойдаланиш керак. Келинг, бир-биримиз томон ҳаракатланайлик. Президентларнинг иродаси, қўллаб-қувватлаши бор, ҳаракат қилиш керак. Тез ҳаракат қилмасак, кеч қолсак, бошқаси келади”, деди Беларус раҳбари.

Батафсил Gorizontда...

🇩🇪🇺🇸 Германия АҚШ билан "Tomahawk" қанотли ракеталарини сотиб олиш бўйича келишувга эришди

​"Анқарадаги учрашув доирасида Вашингтон маъмурияти билан Германия томонидан АҚШнинг "Tomahawk" ракеталари сотиб олиниши ва мамлакатимизда жойлаштирилиши бўйича келишиб олдик. Шу тариқа биз мудофаамиздаги муҳим стратегик бўшлиқни ёпамиз. Шу билан бир вақтда, ўзимизнинг Европа тизимларимизни ишлаб чиқиш ва уларни Европада жойлаштириш устида иш олиб борамиз" - деб баёнот берди Германия канцлери Фридрих Мерц.

Батафсил Gorizontда...

🇮🇱🇮🇷 Нетаняху Эрондаги уруш ҳақида:

“Уруш ҳали тугагани йўқ. Эски муаммолар қаторида янгилари ҳам пайдо бўлмоқда. Биз бу жараёнларни диққат билан кузатиб боряпмиз. Ҳар қандай вазиятга тайёрмиз ва бир нарсани аниқ биламиз: биз ҳар доим душманларимиздан кучлироқ бўлишимиз керак”.

Батафсил Gorizontда...

🇮🇱🇹🇷 НАТО Исроил билан уруш бўлган тақдирда Туркияни қўллаб-қувватлайдими?

Журналист: Агар Туркия ва Исроил ўртасида, масалан, Сурияда можаро келиб чиқса, 5-модда фаоллаштириладими?

НАТО Бош котиби Рутте: Президент Эрдоған ниҳоятда доно президент. У бу лавозимни кўп йиллар давомида эгаллаб келган ва назоратдан чиқиб кетиши мумкин бўлган вазиятдан қочишга ҳаракат қилади.

Журналист: Агар Нетаняху можарони муқаррар қилса-чи?

Рутте: Нима бўлиши мумкинлиги ҳақида тахмин қилмайлик. 2023-йил 7-октабрни унутмайлик. Ҳамаснинг Исроилга қилган даҳшатли ҳужумини эсимиздан чиқармайлик.

Батафсил Gorizontда...

🇺🇦🇷🇺🇨🇳 Хитой Россия оммавий ахборот воситаларида ядровий қуролдан фойдаланиш эҳтимоли ҳақидаги хабарларга қаттиқ ва кучли қаршилик билан жавоб берди – Зеленский

"Президент Трамп билан мен Хитой, унинг бу урушдаги роли, иштироки ёки потенциал иштироки ва имкониятларини муҳокама қилдик. Лекин, барча ҳурмат билан, мен ушбу суҳбат тафсилотлари мен ва АҚШ президенти ўртасида қолишини истардим. Умуман олганда, ушбу саммитда биз Украина, Яқин Шарқ ва Хитойни батафсил муҳокама қилдик. Бундан ташқари, мен бир нечта Европа етакчилари билан учрашдим ва биз Хитойнинг бу урушни тугатишдаги ролини муҳокама қилдик.

Бу ерда вазият бироз ўзгарди. Бир нечта Европа етакчилари менга Хитой вакиллари билан гаплашганликларини айтишди. Уларнинг сўзларига кўра, Хитой Россия оммавий ахборот воситаларида ядровий қуролдан фойдаланиш эҳтимоли ҳақидаги даъволарга жуда жиддий, қаттиққўл ва аниқ жавоб берди. Менимча, сиз Россия оммавий ахборот воситаларида ҳам шунга ўхшаш баёнотларни эшитгансиз - Россия гўёки Украина зарбаларига ядровий қурол билан жавоб бериши мумкин.

Шуни таъкидлаш керакки, нафақат Европа мамлакатлари ва АҚШ, балки Хитой ҳам бу позицияни эгаллаган. "Ва, менга ўхшайдики, Пекин биринчи марта бу қадар аниқ жавоб берди... куч билан. Европа раҳбарлари менга айтганидек, Хитой томони Россия томонига ядровий қуролдан фойдаланиш ҳақида гап бўлиши мумкин эмаслиги ҳақида ултиматум қўйган", деди Украина президенти Владимир Зеленский НВ радиосининг Хитой АҚШ президенти Доналд Трамп билан музокаралар жараёнига таъсир қилувчи омил сифатида муҳокама қилинганми ёки йўқми деган саволига жавобан.

Батафсил Gorizontда...

🇪🇬🇦🇷 Миср терма жамоасининг Аргентинага қарши ўйинидан кейин Lay’s брендининг Мисрдаги дистрибюторлари Месси сурати туширилган чипсларни ишлаб чиқаришни ва етказиб беришни тўхтатди.

Lay’s бренди Жаҳон чемпионатининг расмий ҳамкори ҳисобланади.

Батафсил Gorizontда...