🇧🇾🇦🇲🇷🇺 Лукашенко Арманистонни Евросиё иттифоқи ва Европа ўртасида танлов қилишда “Украина тақдирини такрорламаслик” ҳақида огоҳлантирди

“Украинада ҳаммаси худди шундай бошланган эди. Сиз буни эслайсиз. Урушдан эндигина чиққан арманлар шу сабабли оғир вазиятга тушиб қолмаслиги керак...Бундай қадам қўйишдан олдин арман халқи жуда жиддий ўйлаб кўриши лозим. Мен уларни фақат шунга даъват этаман. Халқ ўз фикрини айтса, биз унга қўшиламиз”, деди Лукашенко.

Батафсил Gorizontда...

🇦🇲🇷🇺 Путин Пашинянни туғилган куни билан табриклади

Россия президенти ўз табригида Россия ва Арманистон ўртасидаги муносабатларни ривожлантиришдан манфаатдорлигини билдирди.

Батафсил Gorizontда...

🇮🇩 Индонезияда Иккинчи жаҳон урушидан қолган снаряд портлаб кетиши оқибатида беш киши ҳалок бўлди, яна беш киши жароҳатланди.

Батафсил Gorizontда...

🇺🇸🇮🇷 АҚШ Эрон томонидан Америка дрони уриб туширилганидан сўнг, Эрон ҳарбий объектларига зарба берди

Эрон бунга жавобан АҚШ фойдаланадиган Қувайтдаги авиабазани нишонга олди.

Батафсил Gorizontда...

🇺🇸🇮🇷 Эрон Ислом инқилоби қўриқчилари корпуси 1 июнь куни тонг саҳарда АҚШнинг MQ-1 дронини уриб туширганини маълум қилди.

Ташкилотнинг даъво қилишича, операцияда янги ҳаво ҳужумидан мудофаа тизимидан фойдаланилган.

Батафсил Gorizontда...

🇺🇸🇱🇧🇮🇷 Эрон оммавий ахборот воситаларига кўра, Ливандаги ҳарбий вазият кескинлашгани сабаб Теҳрон АҚШ билан олиб борилаётган музокараларни тўхтатган.

Шу билан бирга, Теҳрон Ҳормуз бўғозини тўлиқ ёпиш масаласини кўриб чиқмоқда ҳамда “бошқа фронтларни фаоллаштириш” эҳтимолини ҳам истисно этмаяпти. Бунинг қаторида Баб-эль-Мандеб бўғози ҳам тилга олинмоқда.

Батафсил Gorizontда...

🇺🇸🇮🇱🇱🇧 Трамп Ливан ҳақида:

“Мен Исроил бош вазири Биби Нетаняху билан телефон орқали жуда самарали суҳбат қурдим. Байрутга ҳеч қандай қўшин юборилмайди. У ерга қараб йўлга чиққан қўшинлар эса аллақачон ортига қайтарилди. Шунингдек, юқори мартабали вакиллар орқали “Ҳизбуллоҳ” билан ҳам мулоқот қилдим. Улар барча отишмаларни тўхтатишга рози бўлди. Энди Исроил ҳам уларга ҳужум қилмайди, улар ҳам Исроилга ҳужум қилмайди”.

Батафсил Gorizontда...

🇺🇸🇮🇷 “Сенинг томинг кетган. Агар мен бўлмаганимда қамоқда ўтирган бўлар эдинг. Кетингни тозалаб юрибман. Ҳозир ҳамма сени ёмон кўради. Шу сабабли ҳамма Исроилни ёмон кўради”.

Axios нашрининг ўз манбаларига таяниб ёзишича, АҚШ президенти Дональд Трамп Исроил бош вазири Бинямин Нетаняҳуга ғазаб билан қўнғироқ қилиб, ундан Ливанга ҳужумларни тўхтатишни талаб қилган. Аввалроқ, Эрон агар Исроил Ливанга ҳужумни бас қилмас экан, музокараларни бутунлай тўхтатишини билдирган эди.

Батафсил Gorizontда...

🇷🇺 Қодировнинг 18 яшар ўғли “урушга қўшган ҳиссаси” учун медалли бўлди

Адам Қодиров “Махсус ҳарбий операцияни ўтказишга қўшган ҳиссаси учун” медальи билан тақдирланди. ҳозиргача қўлга киритган мукофотлари орасида “Чеченистон Республикаси ҳимоячиси” медальи ва “Аҳмад Қодиров” ордени ҳам бор. У 16 ёшида Путин номидаги Россия махсус кучлари университети куратори бўлганди.

Батафсил Gorizontда...

🇧🇾🇰🇵 Лукашенко Ким Чен Иннинг диктатор эмас, ақлли ва истиқболли раҳбар эканини айтди

“ У ерда у (Ким Чен Ин) умуман диктатор эмас... У аслини олганда диктатор бўла олмайди. У ақлли! Ёш, истиқболли ва ҳамкорликка интиладиган инсон”, деди Беларус президенти.

Батафсил Gorizontда...

🇮🇷 Ислом инқилоби қўриқчилари корпуси денгиз кучлари Ҳормуз бўғозидаги тезкор катерлар патрульи акс этган видеони эълон қилди ва бу операциялар сутка давомида олиб бориладиган одатий навбатчилик эканини маълум қилди.

Батафсил Gorizontда...

🇷🇺🇦🇲 Россия билан муносабатларимиз ўзгариш арафасида – Пашинян

“Россия билан муносабатларимиз трансформатсия босқичида ва мен бу трансформатсияни ижобий деб ҳисоблайман. Россия билан муносабатларимиз очиқ ва самимий. Биз бу муносабатларда ҳеч қандай қоронғи бурчакларни қолдирмадик.

Европа Иттифоқи ва Евроосиё иқтисодий иттифоқи ўртасидаги танлов муқаррар бўлиб қоладиган лаҳзагача биз Евроосиё иқтисодий иттифоқида фаолиятимизни давом эттирамиз.

Бу қарор, табиийки, референдумда Арманистон халқи томонидан қабул қилиниши керак”, деди Арманистон Бош вазири Никол Пашинян.

Батафсил Gorizontда...

🇯🇵 «Японча юриш» озиш дунё бўйлаб оммалашмоқда — бу усул кунига бор-йўғи 30 дақиқа вақт олади ва ойига 10 кг гача вазн ташлашга ёрдам беради.

​Схемаси жуда оддий: 3 дақиқа тез қадамлар билан, кейин 3 дақиқа оддий суръатда юрилади. Шу тариқа кетма-кет 5 та цикл (айлана) бажарилади.

Бунда калориялар югуришга қараганда 40% самаралироқ ёқилади.

​Шунингдек, ушбу методика қон босимини туширишга ёрдам беради, чидамлиликни оширади ҳамда юрак ва қон томирларини 5-10 йилга ёшартиради.

​Энг муҳими — кунига ўша машҳур 7000 қадам орқасидан қувиш шарт эмас, бор-йўғи 30 дақиқа кифоя қилади.

Батафсил Gorizontда...

🇺🇸🇮🇷 Эрон ташқи ишлар вазири:

“Музокаралар ва хабарлар алмашинуви давом этмоқда. Муайян натижага эришилмагунча улар ҳақида бирор хулоса чиқаришнинг имкони йўқ.

Ҳозир айтилаётган ҳар қандай гап тахмин ва фаразлардан иборат бўлиб, уларга жиддий аҳамият қаратмаслик керак", деган Аббос Ароқчи.

Батафсил Gorizontда...

🇺🇸🇺🇦 Зеленский Патриот тизими ракеталарини ишлаб чиқариш учун АҚШдан лицензия сўради

“Биз Қўшма Штатларда ракета ишлаб чиқариш ҳажми етарли эмаслигини кўряпмиз. Ишлаб чиқаришни ошириш керак. Мен АҚШдаги барча йирик компанияларни, буюк компанияларни биламан. Бироқ ойига 60–65 та ракета каби ҳажмни фақат АҚШ ишлаб чиқара олади. Ҳозирги таҳдидлар фонида эса бу ҳеч нарса эмас.

Россия ҳам буни билади. Бу махфий маълумот эмас. Ишлаб чиқариш кўламини кенгайтиришимиз керак. Мен аввалги маъмуриятдан ҳам, бугунги маъмуриятдан ҳам сўрадим: Украинага лицензияларни беринг.

Биз Патриот ракеталарини ишлаб чиқариш ҳажмини оширамиз. Бу биз учун жуда катта ёрдам бўлади. Бу Яқин Шарқ учун ҳам, АҚШ ёрдам беришни лозим кўрадиган барча давлатлар учун ҳам жуда фойдали бўлади”, деган Украина раҳбари.

Батафсил Gorizontда...

🇮🇱🇮🇷 Ризо Паҳлавий:

“Исроилни дунё харитасидан ўчириб ташлашни истайдиган ушбу режимдан фарқли ўлароқ, биз яҳудий давлатини ҳақиқий стратегик ҳамкор сифатида кўрамиз. Биз исроиллик дўстларимизнинг Эрон дуч келаётган кўплаб муаммоларни ҳал этишда ёрдам беришини мамнуният билан қабул қиламиз. Бизнинг Исроилга нисбатан ҳеч қандай адоватимиз йўқ.”

Батафсил Gorizontда...

🇫🇷🇮🇱 Франция Исроилга мудофаа кўргазмасида қатнашишни тақиқлади

Исроил миллий павильон ташкил эта олмайди ва тадбирга ҳукумат вакилларини юбормайди. Франция ҳукумати Исроил мудофаа компанияларига фақат ҳаво ҳужумидан мудофаа тизимларини намойиш этишга рухсат берган. Ҳужумкор қурол тизимларини намойиш этиш эса тақиқланмоқда. Исроил Мудофаа вазирлиги буни “шармандали қарор” деб қоралади.

Батафсил Gorizontда...