🇷🇺🇮🇱🇺🇦 Украина уруши замонавий ҳарбий доктринани ўзгартирмоқда - Исроил матбуоти

Ynet нашри ёзишича, Украина 2022 йилда фуқаролик квадрокоптерларига портловчи моддалар ўрнатишдан бошлаб, қисқа вақт ичида дрон технологиялари бўйича дунёдаги етакчи давлатлардан бирига айланди. Бугун Киев йилига 3,7 миллионгача тактик дрон ишлаб чиқармоқда. Арзон FPV-дронлар фронт чизиғида узлуксиз «йўқ қилиш ҳудуди»ни шакллантириб, йирик ҳарбий ҳужумларни деярли имконсиз қилиб қўйган.

Нашр таъкидлашича, узоқ масофали украин дронлари Россия ҳудудидаги нефть объектлари ва ҳарбий инфратузилмаларга 1750 км гача масофада зарба бериб, хавфсизлик ҳақидаги тасаввурларни ўзгартирди. Шу сабабли энди Европа давлатлари ва Форс кўрфази мамлакатлари Украина дрон технологияларига сармоя киритишга қизиқиш билдирмоқда.

Муаллифлар фикрича, бу тажриба Исроил учун ҳам муҳим сабоқдир. Чунки мамлакат шимолий чегарада «Ҳизбуллоҳ»нинг дронлардан фойдаланиш тактикасига дуч келмоқда.

Батафсил Gorizontда...

🇺🇸🇮🇱🇮🇷 Ғолибов АҚШ ва Исроил иқтисодий босим ва медиа орқали Эронга зарба бермоқчилиги айтди

“Урушнинг янги босқичида душман ўзининг ҳарбий мағлубиятининг ўрнини қоплаш ва бизни таслим бўлишга мажбур қилиш мақсадида, иқтисодий босим ҳамда медиа кампаниялари орқали парокандалик келтириб чиқаришга ва мамлакат бирдамлигини йўқ қилишга уринмоқда.

Нақадар беҳуда хомхаёл! Эроннинг буюк ва тарих яратувчи миллати бугун келажак авлодлар ҳавас қиладиган нозик ва тарихий бурилиш нуқтасида турганини яхши билади. Келгуси йиллардаги эронликлар ўз ота-оналари билан фахрланишлари учун, улар Эрон ва Исломни йўқ қилишга аҳд қилган қонхўр ҳамда қотил душманга қарши қаршилик кўрсатмоқда.

Ушбу урушда ғалаба қозонишнинг энг муҳим омили – жипслик ва бирликдир. Душманнинг ортга чекинишига сабаб бўлган нарса – жангчиларнинг ҳарбий қудрати билан бир қаторда – халқнинг матонати ва унинг шафқатсиз душманга қарши бирлигидир. Ғалабанинг ушбу сири муносиб сақланиши лозим”, деди Эрон парламенти спикери.

Батафсил Gorizontда...

🇨🇳 Хитой ёнғинларга қарши курашда дронлардан фойдаланмоқда.

Баланд бинолардаги ёнғинларга қарши махсус дронлар сув ва кўпик сепиб, ўт ўчирувчиларнинг хавфли ҳудудга кириш эҳтиёжини камайтиряпти.

Батафсил Gorizontда...

Amivantamab деб аталган саратон дориси 15 беморда ўсмаларни бутунлай йўқ қилди - The Guardian

11 давлатда ўтказилган тадқиқотда бош ва бўйин саратонига чалинган 102 бемор иштирок этган. Уларнинг барчаси аввал кимё ва иммунотерапиядан натижа олмаган оғир беморлар бўлган.

Дори ҳар уч ҳафтада тери остига укол қилинади. Тадқиқот муаллифлари натижани “мисли кўрилмаган” деб баҳоламоқда.

Батафсил Gorizontда...

🇮🇷 Ҳормуз бўғозида Эроннинг 300 килолик “Maham-3” денгиз минаси топилгани хабар қилинди.

Ҳормуз бўғози, Уммон сувларида Эронга тегишли экани гумон қилинаётган денгиз минаси аниқланган. Суратлар бу тахминан 2016 йилда ишлаб чиқарилган, 300 кг вазнга эга Эроннинг “Maham-3” минаси бўлиши мумкинлигини кўрсатмоқда.

Батафсил Gorizontда...

🇺🇦🇷🇺 Украина Россия ҳаво ҳимоя тизимидаги “тешиклар”ни топишда сунъий интеллектдан фойдаланмоқда.

Palantir компаниясининг PRISMA дастурий таъминоти Украинанинг узоқ масофали дронлар билан зарба бериш қўмондонлик пунктларида фаол ишламоқда — буни Россия ичига чуқур кириб борувчи камикадзе-дронлар ҳужумини режалаштираётган бўлинма ичида суратга олган CNN мухбири камерага муҳрлаган.

Экранларда реал вақт режимидаги хариталар, парвоз йўналишлари ва сунъий интеллект томонидан қайта ишланган маълумотлар акс этган, ниқобли қўмондон (“Вектор”) эса ҳужумни режалаштириш жараёнини жонли тарзда кўрсатиб берган.

Сунъий интеллект минглаб параметрларни, энг муҳими, Россия ҳаво ҳужумининг мудофаа (ҲҲМ) тизимлари дронларни айнан қаерда уриб тушираётганини таҳлил қилади ва кейинги тўлқин дронлари ушбу тирқишлардан ўтиб кетиши учун энг мақбул йўналишларни ҳисоблайди. Бу, моҳиятан, Россия ҲҲМ тизимидаги заиф нуқталарни реал вақт режимида ўрганиш демакдир.

Батафсил Gorizontда...

🇧🇾🇺🇦 Лукашенко Украина Беларус билан урушга киришолмаслигини айтди

“Украина ҳарбийлари Беларус билан ҳеч қандай урушни хоҳламайди. Буни аниқ биламан, чунки улар бу яна қўшимча 1000 километрлик фронт чизиғи, яъни чегара эканини тушунишади. Беларус ва Украина ўртасидаги чегара эса осон чегара эмас. Бу уларга керакми? Йўқ”, деган Беларус президенти.

Батафсил Gorizontда...

🇷🇺🇺🇦🇧🇾 Украина ҳудудида Беларус аскарлари бўлмаган ва бўлмайди — Лукашенко

"​Бироқ, агар бирор-бир ҳудуддан Беларусга қарши ҳарбий ҳужум уюштирилса, Украина ҳудудидаги уруш бутунлай бошқача тус олади", — дея қўшимча қилди Беларус президенти.

Батафсил Gorizontда...

🇫🇷🇵🇸 ПСЖ мухлислари Чемпионлар лигасида кетма-кет иккинчи марта ғолибликка эришгач, Эйфел минораси пойида Фаластин байроғини кўтаришди

Мухлислар жамоасининг ғалабасини нишонлаш мақсадида Франциянинг пойтахти Париж кўчаларига оқиб келган. Байрам тантаналари вақтида Парижда 400 га яқин киши қўлга олинган.

Батафсил Gorizontда...

🇺🇸🇷🇺🇺🇦🇪🇺 Кремл Киев ва Европа АҚШга Украина бўйича “тинчлик келишуви”ни тузишга йўл қўймаётганини маълум қилди

Россия Федерацияси президенти ёрдамчиси Юрий Ушаковнинг сўзларига кўра, Европанинг қўллаб-қувватлаши сабабли Украина ҳукумати Анкориж келишувларини бажаришни истамаяпти, чунки Европа Иттифоқига таяниш уларга “кўпроқ қайсарлик” бағишламоқда.

“Америкаликлар ушбу англашувларнинг ўзларига тегишли қисмини бажаришга ваъда беришганди, бироқ, мен тушунишимча, бир қатор қийинчиликларга дуч келди, булар биринчи навбатда Киевнинг хатти-ҳаракатларига боғлиқдир”, деди Ушаков.

Батафсил Gorizontда...

🇧🇾🇦🇲🇷🇺 Лукашенко Арманистонни Евросиё иттифоқи ва Европа ўртасида танлов қилишда “Украина тақдирини такрорламаслик” ҳақида огоҳлантирди

“Украинада ҳаммаси худди шундай бошланган эди. Сиз буни эслайсиз. Урушдан эндигина чиққан арманлар шу сабабли оғир вазиятга тушиб қолмаслиги керак...Бундай қадам қўйишдан олдин арман халқи жуда жиддий ўйлаб кўриши лозим. Мен уларни фақат шунга даъват этаман. Халқ ўз фикрини айтса, биз унга қўшиламиз”, деди Лукашенко.

Батафсил Gorizontда...

🇦🇲🇷🇺 Путин Пашинянни туғилган куни билан табриклади

Россия президенти ўз табригида Россия ва Арманистон ўртасидаги муносабатларни ривожлантиришдан манфаатдорлигини билдирди.

Батафсил Gorizontда...

🇮🇩 Индонезияда Иккинчи жаҳон урушидан қолган снаряд портлаб кетиши оқибатида беш киши ҳалок бўлди, яна беш киши жароҳатланди.

Батафсил Gorizontда...

🇺🇸🇮🇷 АҚШ Эрон томонидан Америка дрони уриб туширилганидан сўнг, Эрон ҳарбий объектларига зарба берди

Эрон бунга жавобан АҚШ фойдаланадиган Қувайтдаги авиабазани нишонга олди.

Батафсил Gorizontда...

🇺🇸🇮🇷 Эрон Ислом инқилоби қўриқчилари корпуси 1 июнь куни тонг саҳарда АҚШнинг MQ-1 дронини уриб туширганини маълум қилди.

Ташкилотнинг даъво қилишича, операцияда янги ҳаво ҳужумидан мудофаа тизимидан фойдаланилган.

Батафсил Gorizontда...

🇺🇸🇱🇧🇮🇷 Эрон оммавий ахборот воситаларига кўра, Ливандаги ҳарбий вазият кескинлашгани сабаб Теҳрон АҚШ билан олиб борилаётган музокараларни тўхтатган.

Шу билан бирга, Теҳрон Ҳормуз бўғозини тўлиқ ёпиш масаласини кўриб чиқмоқда ҳамда “бошқа фронтларни фаоллаштириш” эҳтимолини ҳам истисно этмаяпти. Бунинг қаторида Баб-эль-Мандеб бўғози ҳам тилга олинмоқда.

Батафсил Gorizontда...