🇷🇺🇺🇦 Украина 500 км масофадаги нишонга зарба берди – Зеленский

Украина Президенти Владимир Зеленский 500 километр масофадаги нишонга амалга оширилган зарба ҳақида маълум қилган. Унинг сўзларига кўра, Украина “узоқ масофали санкциялар” доирасида Россиянинг Краснодар ўлкасидаги Армавир шаҳрида жойлашган нефть саноати объектига зарба берган.

Зеленский бу ҳаракатни Украинага қарши урушга жавоб сифатида баҳолаб, узоқ масофали операциялар давом этишини таъкидлаган.

Батафсил Gorizontда...

🇺🇿🇰🇿🇰🇬🇹🇯🇹🇲 Геосиёсий инқироз Марказий Осиё учун тарихий имкониятга айланмоқда

Польшанинг Шарқий тадқиқотлар маркази (OSW) эксперти Марек Страхотанинг фикрича, 2026 йилдаги глобал беқарорлик шароитида Марказий Осиё кутилмаган даражада барқарорлик намоён этмоқда ва халқаро сиёсатда муҳим аҳамият касб этмоқда. Унинг таъкидлашича, Хитой, Европа ва АҚШнинг сиёсий эътибори минтақа давлатларига Россия соясидан чиқиб, ўзаро ҳамкорликни кучайтириш ва миллий манфаатларини фаолроқ илгари суриш имконини бермоқда.

Бунинг асосий сабабларидан бири Марказий Осиёнинг стратегик хомашё захираларидир. Минтақа нодир ер элементлари ва уран каби муҳим ресурсларга бой бўлиб, айниқса Қозоғистон бу соҳада дунё етакчиларидан ҳисобланади. Шунингдек, Россия ва Эрон орқали ўтувчи айрим йўналишлар чекланган бир пайтда, Марказий Осиё халқаро савдо учун муҳим транспорт кўпригига айланмоқда.

Батафсил Gorizontда...

🇷🇺 Россияда ароқ нархи бир йил ичида 15%га ошди

Бу эҳтимол, аҳоли энг тез ва бевосита сезадиган иқтисодий ўзгаришлардан бири бўлиб қолмоқда.

Батафсил Gorizontда...

🇺🇸🇨🇳 Пентагон раҳбари Хитойнинг ҳарбий қудрати ўсиб бораётганидан огоҳлантирди ва иттифоқчиларни мудофаа харажатларини оширишга чақирди

АҚШ мудофаа вазири Пит Хегсет Сингапурдаги Shangri-La Dialogue форумида сўзга чиқиб, Хитойнинг тез суръатларда ҳарбий кучини ошираётгани «асосли хавотир» уйғотаётганини билдирди. Унинг сўзларига кўра, минтақада кучлар мувозанатини сақлаб қолиш учун АҚШнинг Осиёдаги шериклари хавфсизлик соҳасида фаолроқ ҳаракат қилиши лозим.

Хегсет Вашингтон Осиёдаги ҳамкор давлатлар мудофаа харажатларини ЯИМнинг камида 3,5 фоизига етказишини ва ўз хавфсизлиги учун кўпроқ масъулият олишини кутмоқда. У «бой давлатлар мудофаасини АҚШ томонидан субсидиялаш даври тугади» дея таъкидлаб, «Бизга протекторатлар эмас, шериклар керак. Бепул иштирок бўлмайди», деди.

Шу билан бирга, вазир АҚШ Хитой билан кескинликни кучайтиришни истамаслигини ва Пекин билан мулоқот каналлари очиқлигича қолаётганини маълум қилди.

Батафсил Gorizontда...

🇪🇪🇷🇺 Эстония Россия билан чегарада дронларни аниқлаш ва кузатиш учун илк қурилмаларни ўрнатди.

ERR хабар беришича, чегарада учувчисиз аппаратларга қарши ҳимоя тизимини таъминлаш республикага тахминан €500 миллионга тушиши мумкин.

Батафсил Gorizontда...

🇺🇦🇮🇷 Эроннинг собиқ шаҳзодаси ва тахт вориси Ризо Паҳлавий Одессага ташриф буюрди

Уни Украина Олий Радаси депутати Алексей Гончаренко кутиб олди. Паҳлавий Қора денгиз хавфсизлик форумида иштирок этиш учун Украинага келган.

Батафсил Gorizontда...

🇷🇺 Дмитрий Медведев Ғарб етакчилари иштирокида сунъий интеллект ёрдамида тайёрланган масхараомуз видеони эълон қилди

Видеода қўрқувга тушган ҳолда тасвирланган Франция президенти Эммануэль Макрон, Германия канцлери Фридрих Мерц, Буюк Британия бош вазири Кир Стармер ҳамда Европа Комиссияси раҳбари Урсула фон дер Ляйен акс этган. Ролик давомида Медведев бир кун аввал Ғарбга нисбатан таҳдидли баёнотлар берилган ўз постини ўқиб эшиттиради.

Дмитрий Медведев 2008–2012 йилларда Россия президенти бўлган ва ҳозирда Россия Хавфсизлик кенгаши раиси ўринбосари лавозимида фаолият юритади. Сўнгги йилларда у кескин ва провокацион чиқишлари билан тез-тез халқаро ОАВ эътиборига тушиб келмоқда.

Батафсил Gorizontда...

🇷🇺🇦🇲 Арманистоннинг Европа Иттифоқи билан яқинлашуви, шунингдек, Арманистоннинг ЕОИИдаги келажаги ҳақидаги муҳокамалар кучайган бир пайтда Россия Арманистондаги элчисини Москвага чақириб олди.

Батафсил Gorizontда...

🇮🇷 Эрон Ислом инқилоби қўриқчилари корпуси 27 Ражаб деб номланган, ракеталар билан жиҳозланган янги тезюрар ҳарбий қайиқни намойиш этди.

Ушбу ихчам ва паст профилли қайиқ (катамаран ёки тримаран типидаги корпусга эга) 700 километер масофага учадиган иккита қанотли ракетани таший олиши айтилмоқда. Шунингдек, у 3 метрлик тўлқинларга бардош бера олади.

Батафсил Gorizontда...

🇵🇰🇮🇱 Покистон «Авраам келишувлари»га қўшилиш ҳақидаги миш-мишларни рад этди.

Исломободга кўра Исроил билан муносабатларнинг нормаллашуви фақат 1967 йил чегараларида мустақил Фаластин давлати тузилган ва Қуддус унинг пойтахти бўлган тақдирдагина мумкин.

Шу вақтгача ташқи сиёсатда ҳеч қандай ўзгариш бўлмайди.

Батафсил Gorizontда...

Марказий Африкада Эбола вируси кенг тарқалмоқда, деб ёзмоқда оммавий ахборот воситалари.

Касаллар сони ортиб бораётгани сабабли тиббиёт ходимлари янги ҳолатларни ўз вақтида аниқлаш ва изоляция қилишга улгурмаяпти. Тарқалиш фонида бир қатор давлатлар чегараларда санитар назоратни кучайтирмоқда.

Батафсил Gorizontда...

🇺🇳🇺🇸🇨🇳 АҚШ ва Хитойдан келаётган маблағлар билан боғлиқ муаммолар сабаб БМТ молиявий инқироз ёқасига келиб қолди — The Wall Street Journal.

Батафсил Gorizontда...

🇺🇦🇷🇺 Россия дронларни чалғитиш учун юк машиналарини “зебра” усулида бўямоқда

Россияликлар Украинанинг сунъий интеллект орқали нишонга олувчи дронларини чалғитиш учун юк машиналарини Биринчи жаҳон уруши услубидаги кўзга ташланадиган қора-оқ “ниқобловчи” (dazzle) чизиқлар билан бўяшмоқда.

Украина дронлари эса машинали кўриш ҳамда термал/инфрақизил тасвирлаш тизимларидан фойдаланади – булар геометрик бўёқ нақшларига алданиб қолмайдиган мутлақо бошқача тизимлардир.

Батафсил Gorizontда...

Вай ғаламис! Бу шляпанинг тарғиб қилаётган нарсини қаранг! Болаларни ҳозирданоқ қурол-яроққа ўргатмоқчи. Биз ўғил болаларни ҳезалаклаштирмоқчи бўлиб юрган бир пайтда бу бизга қарши равишда эркакликка тарғиб қилмоқчи. Ҳар доимгидек бу боланинг ҳаракатига чек қўйиш керак!

Ўғлим эркак бўлсин деганлар учун: https://Sugo.uz/link/zvNit8Q1

🇺🇸🇮🇷 АҚШ келишув барбод бўлган тақдирда Эронга қарши зарбаларни қайта бошлаш билан таҳдид қилди - Reuters

Пентагон раҳбари Пит Хегсетнинг маълум қилишича, агар томонлар можарони тартибга солиш бўйича келишувга эриша олмаса, Вашингтон Эронга қарши яна зарбалар беришга тайёр. Унинг сўзларига кўра, АҚШ бундай ҳаракатлар учун етарли миқдорда қурол-яроғ захирасига эга.

Батафсил Gorizontда...

🇰🇿 Қозоғистонда полицияга робот-кучуклар ёрдам бермоқда.

Остона, Олмаота ва Ақтауда ишга туширилган роботлар кўчаларни патрул қилиб, шубҳали буюмлар, тутун ва ёнғинларни аниқлай олади.

Батафсил Gorizontда...

🇷🇺🇮🇱🇺🇦 Украина уруши замонавий ҳарбий доктринани ўзгартирмоқда - Исроил матбуоти

Ynet нашри ёзишича, Украина 2022 йилда фуқаролик квадрокоптерларига портловчи моддалар ўрнатишдан бошлаб, қисқа вақт ичида дрон технологиялари бўйича дунёдаги етакчи давлатлардан бирига айланди. Бугун Киев йилига 3,7 миллионгача тактик дрон ишлаб чиқармоқда. Арзон FPV-дронлар фронт чизиғида узлуксиз «йўқ қилиш ҳудуди»ни шакллантириб, йирик ҳарбий ҳужумларни деярли имконсиз қилиб қўйган.

Нашр таъкидлашича, узоқ масофали украин дронлари Россия ҳудудидаги нефть объектлари ва ҳарбий инфратузилмаларга 1750 км гача масофада зарба бериб, хавфсизлик ҳақидаги тасаввурларни ўзгартирди. Шу сабабли энди Европа давлатлари ва Форс кўрфази мамлакатлари Украина дрон технологияларига сармоя киритишга қизиқиш билдирмоқда.

Муаллифлар фикрича, бу тажриба Исроил учун ҳам муҳим сабоқдир. Чунки мамлакат шимолий чегарада «Ҳизбуллоҳ»нинг дронлардан фойдаланиш тактикасига дуч келмоқда.

Батафсил Gorizontда...

🇺🇸🇮🇱🇮🇷 Ғолибов АҚШ ва Исроил иқтисодий босим ва медиа орқали Эронга зарба бермоқчилиги айтди

“Урушнинг янги босқичида душман ўзининг ҳарбий мағлубиятининг ўрнини қоплаш ва бизни таслим бўлишга мажбур қилиш мақсадида, иқтисодий босим ҳамда медиа кампаниялари орқали парокандалик келтириб чиқаришга ва мамлакат бирдамлигини йўқ қилишга уринмоқда.

Нақадар беҳуда хомхаёл! Эроннинг буюк ва тарих яратувчи миллати бугун келажак авлодлар ҳавас қиладиган нозик ва тарихий бурилиш нуқтасида турганини яхши билади. Келгуси йиллардаги эронликлар ўз ота-оналари билан фахрланишлари учун, улар Эрон ва Исломни йўқ қилишга аҳд қилган қонхўр ҳамда қотил душманга қарши қаршилик кўрсатмоқда.

Ушбу урушда ғалаба қозонишнинг энг муҳим омили – жипслик ва бирликдир. Душманнинг ортга чекинишига сабаб бўлган нарса – жангчиларнинг ҳарбий қудрати билан бир қаторда – халқнинг матонати ва унинг шафқатсиз душманга қарши бирлигидир. Ғалабанинг ушбу сири муносиб сақланиши лозим”, деди Эрон парламенти спикери.

Батафсил Gorizontда...

🇨🇳 Хитой ёнғинларга қарши курашда дронлардан фойдаланмоқда.

Баланд бинолардаги ёнғинларга қарши махсус дронлар сув ва кўпик сепиб, ўт ўчирувчиларнинг хавфли ҳудудга кириш эҳтиёжини камайтиряпти.

Батафсил Gorizontда...

Amivantamab деб аталган саратон дориси 15 беморда ўсмаларни бутунлай йўқ қилди - The Guardian

11 давлатда ўтказилган тадқиқотда бош ва бўйин саратонига чалинган 102 бемор иштирок этган. Уларнинг барчаси аввал кимё ва иммунотерапиядан натижа олмаган оғир беморлар бўлган.

Дори ҳар уч ҳафтада тери остига укол қилинади. Тадқиқот муаллифлари натижани “мисли кўрилмаган” деб баҳоламоқда.

Батафсил Gorizontда...