🇷🇺 Россия ҳарбий кемаларига дронларга қарши тўр ўрнатди

Россия барча флотларидаги ҳарбий кемалар ва сувости кемаларига Украинадан келаётган дрон ҳужумларига қарши ҳимоя сифатида анти-дрон тўрлар ўрнатгани ҳақида хабар берилган.

Маълумотларга кўра, ушбу тўрлар дрон парракларини чигаллаштириш ёки кичик портловчи юкларни зарарсизлантириш мақсадида ишлатилади. Бу чоралар арзон ва тезкор ҳимоя усули сифатида қўлланмоқда.

Батафсил Gorizontда...

🇺🇦🇷🇺 Украина Россиянинг “Адмирал Эссен” кемасига зарба берди

Украина кучлари Новороссийскдаги ҳарбий-денгиз базасида Россиянинг “Адмирал Эссен” фрегати кемасига дронлар орқали ҳужум уюштирган. Маълумотларга кўра, Калибр қанотли ракеталари ташувчи ушбу кемага ФП-1/ФП-2 туридаги дронлар ёрдамида зарба берилган.

Воқеа кемага қилинган тўртинчи ҳужум сифатида қайд этилмоқда. Тарқалган янги тасвирларда дрон кеманинг кучли ҳаво мудофаасини четлаб ўтиб, унга урилгани акс этган.

Батафсил Gorizontда...

🇷🇺🇺🇦 Украина Россиянинг икки Ту-142 самолёти ва “Искандар” тизими йўқ қилинганини билдирди

Украина ФП-1/2 зарба дронлари орқали Россиянинг Таганрог аэродромига ҳужум уюштирилганини ва оқибатда 2 дона Ту-142 ҳамда бир дона “Искандар” ракета тизими йўқ қилинганини маълум қилган.

Ҳодиса Россия ҳудудининг энг чуқур қисми – Таганрог аэродроми ҳудудида юз бергани айтилган. Аэродром ҳарбий авиация техникасига хизмат кўрсатиш инфратузилмаси билан ҳам танилган.

Батафсил Gorizontда...

🇨🇭Швейцариянинг UBS банки ўтказган тадқиқотга кўра, дунёдаги энг бой оилалар долларга боғлиқликни камайтиришни бошлаган.

Уларнинг ярми ўз активлари долларга ортиқча даражада боғланганини тан олган.

Оилавий компанияларнинг учдан икки қисми эса яқин бир йил ичида долларга бўлган ишонч, хусусан унинг жаҳон захира валютаси сифатидаги мавқеи сусайишини кутмоқда.

Батафсил Gorizontда...

🇺🇸🇮🇷 Трамп АҚШнинг Ҳормуз бўғозидаги денгиз блокадаси бекор қилинганини маълум қилди

Бўғозда «тиқилиб қолган» кемалар ҳаракатни қайта бошлаши мумкин, қолган барча денгиз миналари эса йўқ қилиниши керак.

Трамп шунингдек, Ҳормуз бўғози ҳар икки томон учун эркин навигацияга очиқ бўлиши лозимлигини, Эрон эса эҳтимолий келишув доирасида ядровий қуролга эга бўлишдан воз кечиши кераклигини таъкидлади.

Батафсил Gorizontда...

🇷🇺🇺🇦 Украина 500 км масофадаги нишонга зарба берди – Зеленский

Украина Президенти Владимир Зеленский 500 километр масофадаги нишонга амалга оширилган зарба ҳақида маълум қилган. Унинг сўзларига кўра, Украина “узоқ масофали санкциялар” доирасида Россиянинг Краснодар ўлкасидаги Армавир шаҳрида жойлашган нефть саноати объектига зарба берган.

Зеленский бу ҳаракатни Украинага қарши урушга жавоб сифатида баҳолаб, узоқ масофали операциялар давом этишини таъкидлаган.

Батафсил Gorizontда...

🇺🇿🇰🇿🇰🇬🇹🇯🇹🇲 Геосиёсий инқироз Марказий Осиё учун тарихий имкониятга айланмоқда

Польшанинг Шарқий тадқиқотлар маркази (OSW) эксперти Марек Страхотанинг фикрича, 2026 йилдаги глобал беқарорлик шароитида Марказий Осиё кутилмаган даражада барқарорлик намоён этмоқда ва халқаро сиёсатда муҳим аҳамият касб этмоқда. Унинг таъкидлашича, Хитой, Европа ва АҚШнинг сиёсий эътибори минтақа давлатларига Россия соясидан чиқиб, ўзаро ҳамкорликни кучайтириш ва миллий манфаатларини фаолроқ илгари суриш имконини бермоқда.

Бунинг асосий сабабларидан бири Марказий Осиёнинг стратегик хомашё захираларидир. Минтақа нодир ер элементлари ва уран каби муҳим ресурсларга бой бўлиб, айниқса Қозоғистон бу соҳада дунё етакчиларидан ҳисобланади. Шунингдек, Россия ва Эрон орқали ўтувчи айрим йўналишлар чекланган бир пайтда, Марказий Осиё халқаро савдо учун муҳим транспорт кўпригига айланмоқда.

Батафсил Gorizontда...

🇷🇺 Россияда ароқ нархи бир йил ичида 15%га ошди

Бу эҳтимол, аҳоли энг тез ва бевосита сезадиган иқтисодий ўзгаришлардан бири бўлиб қолмоқда.

Батафсил Gorizontда...

🇺🇸🇨🇳 Пентагон раҳбари Хитойнинг ҳарбий қудрати ўсиб бораётганидан огоҳлантирди ва иттифоқчиларни мудофаа харажатларини оширишга чақирди

АҚШ мудофаа вазири Пит Хегсет Сингапурдаги Shangri-La Dialogue форумида сўзга чиқиб, Хитойнинг тез суръатларда ҳарбий кучини ошираётгани «асосли хавотир» уйғотаётганини билдирди. Унинг сўзларига кўра, минтақада кучлар мувозанатини сақлаб қолиш учун АҚШнинг Осиёдаги шериклари хавфсизлик соҳасида фаолроқ ҳаракат қилиши лозим.

Хегсет Вашингтон Осиёдаги ҳамкор давлатлар мудофаа харажатларини ЯИМнинг камида 3,5 фоизига етказишини ва ўз хавфсизлиги учун кўпроқ масъулият олишини кутмоқда. У «бой давлатлар мудофаасини АҚШ томонидан субсидиялаш даври тугади» дея таъкидлаб, «Бизга протекторатлар эмас, шериклар керак. Бепул иштирок бўлмайди», деди.

Шу билан бирга, вазир АҚШ Хитой билан кескинликни кучайтиришни истамаслигини ва Пекин билан мулоқот каналлари очиқлигича қолаётганини маълум қилди.

Батафсил Gorizontда...

🇪🇪🇷🇺 Эстония Россия билан чегарада дронларни аниқлаш ва кузатиш учун илк қурилмаларни ўрнатди.

ERR хабар беришича, чегарада учувчисиз аппаратларга қарши ҳимоя тизимини таъминлаш республикага тахминан €500 миллионга тушиши мумкин.

Батафсил Gorizontда...

🇺🇦🇮🇷 Эроннинг собиқ шаҳзодаси ва тахт вориси Ризо Паҳлавий Одессага ташриф буюрди

Уни Украина Олий Радаси депутати Алексей Гончаренко кутиб олди. Паҳлавий Қора денгиз хавфсизлик форумида иштирок этиш учун Украинага келган.

Батафсил Gorizontда...

🇷🇺 Дмитрий Медведев Ғарб етакчилари иштирокида сунъий интеллект ёрдамида тайёрланган масхараомуз видеони эълон қилди

Видеода қўрқувга тушган ҳолда тасвирланган Франция президенти Эммануэль Макрон, Германия канцлери Фридрих Мерц, Буюк Британия бош вазири Кир Стармер ҳамда Европа Комиссияси раҳбари Урсула фон дер Ляйен акс этган. Ролик давомида Медведев бир кун аввал Ғарбга нисбатан таҳдидли баёнотлар берилган ўз постини ўқиб эшиттиради.

Дмитрий Медведев 2008–2012 йилларда Россия президенти бўлган ва ҳозирда Россия Хавфсизлик кенгаши раиси ўринбосари лавозимида фаолият юритади. Сўнгги йилларда у кескин ва провокацион чиқишлари билан тез-тез халқаро ОАВ эътиборига тушиб келмоқда.

Батафсил Gorizontда...

🇷🇺🇦🇲 Арманистоннинг Европа Иттифоқи билан яқинлашуви, шунингдек, Арманистоннинг ЕОИИдаги келажаги ҳақидаги муҳокамалар кучайган бир пайтда Россия Арманистондаги элчисини Москвага чақириб олди.

Батафсил Gorizontда...

🇮🇷 Эрон Ислом инқилоби қўриқчилари корпуси 27 Ражаб деб номланган, ракеталар билан жиҳозланган янги тезюрар ҳарбий қайиқни намойиш этди.

Ушбу ихчам ва паст профилли қайиқ (катамаран ёки тримаран типидаги корпусга эга) 700 километер масофага учадиган иккита қанотли ракетани таший олиши айтилмоқда. Шунингдек, у 3 метрлик тўлқинларга бардош бера олади.

Батафсил Gorizontда...

🇵🇰🇮🇱 Покистон «Авраам келишувлари»га қўшилиш ҳақидаги миш-мишларни рад этди.

Исломободга кўра Исроил билан муносабатларнинг нормаллашуви фақат 1967 йил чегараларида мустақил Фаластин давлати тузилган ва Қуддус унинг пойтахти бўлган тақдирдагина мумкин.

Шу вақтгача ташқи сиёсатда ҳеч қандай ўзгариш бўлмайди.

Батафсил Gorizontда...

Марказий Африкада Эбола вируси кенг тарқалмоқда, деб ёзмоқда оммавий ахборот воситалари.

Касаллар сони ортиб бораётгани сабабли тиббиёт ходимлари янги ҳолатларни ўз вақтида аниқлаш ва изоляция қилишга улгурмаяпти. Тарқалиш фонида бир қатор давлатлар чегараларда санитар назоратни кучайтирмоқда.

Батафсил Gorizontда...

🇺🇳🇺🇸🇨🇳 АҚШ ва Хитойдан келаётган маблағлар билан боғлиқ муаммолар сабаб БМТ молиявий инқироз ёқасига келиб қолди — The Wall Street Journal.

Батафсил Gorizontда...

🇺🇦🇷🇺 Россия дронларни чалғитиш учун юк машиналарини “зебра” усулида бўямоқда

Россияликлар Украинанинг сунъий интеллект орқали нишонга олувчи дронларини чалғитиш учун юк машиналарини Биринчи жаҳон уруши услубидаги кўзга ташланадиган қора-оқ “ниқобловчи” (dazzle) чизиқлар билан бўяшмоқда.

Украина дронлари эса машинали кўриш ҳамда термал/инфрақизил тасвирлаш тизимларидан фойдаланади – булар геометрик бўёқ нақшларига алданиб қолмайдиган мутлақо бошқача тизимлардир.

Батафсил Gorizontда...

Вай ғаламис! Бу шляпанинг тарғиб қилаётган нарсини қаранг! Болаларни ҳозирданоқ қурол-яроққа ўргатмоқчи. Биз ўғил болаларни ҳезалаклаштирмоқчи бўлиб юрган бир пайтда бу бизга қарши равишда эркакликка тарғиб қилмоқчи. Ҳар доимгидек бу боланинг ҳаракатига чек қўйиш керак!

Ўғлим эркак бўлсин деганлар учун: https://Sugo.uz/link/zvNit8Q1