🇨🇳 Хитой собиқ мудофаа вазири Ли Шангфу пора олиш ва пора беришда айбдор деб топилиб, ўлим жазосига ҳукм қилинди

Жазо икки йил кечиктирилади, бу муддат ичида жазо умрбод қамоқ жазосига алмаштирилиши мумкин. Собиқ амалдорнинг барча ҳарбий ва сиёсий унвонлари бекор қилинди, мол-мулки давлат фойдасига мусодара қилинди.

Батафсил Gorizontда...

🇺🇸 BAE Systems компанияси Trident II D5 стратегик ракета дастури учун 45.5 млн долларлик янги шартномани қўлга киритди

Дастур АҚШ ва Британия ядровий тийиб туриш тизими учун муҳим бўлиб, Ohio ва Vanguard, шунингдек келгусида хизматга кирадиган Columbia ҳамда Dreadnought сувости кемаларини қамраб олади.

Батафсил Gorizontда...

🇯🇵 Balikatan 2026 машқлари доирасида Япониянинг 88-тоифали кемаларга қарши ракетасининг биринчи салво учирилиши амалга оширилди.

Батафсил Gorizontда...

🇸🇻 Салвадор президенти Найиб Букеле мактаб ўқувчиларига бепул ноутбук, ўқув қуроллари ва мактаб формаларини тарқатди ва шундай деди:

"Давлатда ҳеч ким ўғирлик қилмаса, маблағлар ҳаммага ва ҳамма нарсага етади."

Батафсил Gorizontда...

🇨🇳 Хитой пиёда аскарларининг янги тактикалари

Хитой армияси қуруқликдаги кучларининг модернизация қилиниши давом этаётган бир пайтда, шаҳар ва нотекис ерларда ҳужум бўлинмаларидан фойдаланишга янгича ёндашув тобора кўпроқ намоён бўлмоқда. Марказий қўмондонликнинг 83-армияси бригадаси томонидан ўтказилган маневрлар давомида ҳужум гуруҳи нотекис ерларда ҳаракатланиш ва дастлабки ҳужум зонасига етиб бориш учун электр скейтбордлардан фойдаланаётгани кузатилди. Асосий эътибор жимгина ишлашга қаратилган. Зулматда бу яқин алоқа масофасидаги нишонга аниқланмасдан яширинча яқинлашиш имконини беради.

Батафсил Gorizontда...

🇰🇿 Қозоғистондаги вазият – Starlink ишга туширилиши туфайли даштнинг ўртасида интернет тезлиги секундига 340 мегабитга етди.

Батафсил Gorizontда...

🇷🇺🇺🇦 Россия Мудофаа вазирлиги оташкесим 8 майдан 10 майгача амал қилишини таькидлади.

Шунингдек, агар Украина парад вақти ҳужум қилса, Киев марказига ракеталар учирилишидан яна огоҳлантирди.

Батафсил Gorizontда...

🇺🇿🇯🇵 Ўзбекистонлик 18–35 ёшли хотин-қизлар Японияда қарияларни парваришлаш соҳасига ишга жалб этилмоқда.

Дастур доирасида номзодлар 6 ой давомида Тошкентда бепул япон тили ва касбий тайёргарлик курсларида ўқитилади.

Ўқиш ва сафар харажатлари компания томонидан қопланади. Oйлик маош 1 600–1 700 доллар этиб белгиланган.

Батафсил Gorizontда...

🇮🇱🇱🇧 Ҳизбуллоҳ Ливан жанубида Исроил аскарларига қарши операциялари акс этган тарғибот видеосини эълон қилди:

“Биз сизни овлаймиз”

Батафсил Gorizontда...

🇺🇦🇷🇺 Россия телевидениеси Украина Москвадаги парадга ҳужум қилган тақдирда, Киевнинг жавоб зарбасига учрайдиган нуқталарини намойиш қилди

Пропагандачи Олга Скабеева томонидан тақдим этилган схемага кўра, Киевнинг бутун ҳукумат квартали нишонга олинади. Жумладан, Олий Рада биноси, Вазирлар маҳкамаси, Президент администратсияси ва Украина Хавфсизлик хизмати (СБУ) бинолари эҳтимолий нишонлар рўйхатида бўлади.

Шунингдек, Арманистон, Латвия ва Япония каби давлатлар элчихоналари ҳам тахминий зарба ҳудудлари қаторига киритилган. Скабеева, бундан ташқари, АҚШ, Буюк Британия, Германия ва Франция элчихоналари ҳақида ҳам гапириб, улар Киевнинг аҳоли зич яшайдиган ҳудудларида жойлашганини таъкидлаган.

Батафсил Gorizontда...

🇺🇦🇷🇺 Украина бошқа давлат вакилларига 9 май куни Москвада бўлишни тавсия этмайди - Зеленский

"Россияликлар йилига бир марта бир соатга Қизил майдонга хавфсиз чиқиш учун Украинадан ўз парадларини ўтказишга рухсат сўрашмоқда, шундан сўнг улар яна одамларимизни ўлдиришда ва урушишда давом этишмоқчи. Россияликлар аллақачон 9 майдан кейинги зарбалар ҳақида гапиришмоқда. Россия раҳбариятининг мантиғи ғалати ва мутлақо ноадекват.

Шунингдек, Россияга яқин айрим давлатлардан уларнинг вакиллари Москвада бўлиш ниятида эканлиги ҳақида мурожаатлар бор. Бу ғалати истак. Биз буни тавсия этмаймиз", - деди Украина президенти.

Батафсил Gorizontда...

🇺🇸🇮🇷 ABC News хабар беришича, Трамп АҚШ-Эрон ҳаво ҳужумларини "енгил шапалоқ" деб атади ва сулҳ кучда қолишини айтди.

Батафсил Gorizontда...

🇺🇸🇮🇷 Кеча тунда нима бўлди:

- АҚШ ҳарбийлари Эрон нефть танкерига ҳужум қилишди. Эрон бунга жавобан Ҳормуз бўғозида Америка кемасига ракета отди. Хабарларга кўра, бу АҚШ ҳарбийларининг Эрон нефть танкерига ҳужумига жавобан бўлган.

- Fox News телеканалининг юқори лавозимли АҚШ амалдорига таяниб хабар беришича, АҚШ Эрон ҳудудига ҳужум қилди, аммо бу урушнинг қайта бошланишини англатмайди.

- Эрон Қуролли Кучлари Марказий штаб-квартираси маълумотларига кўра, Эрон АҚШни сулҳни бузганликда ва мамлакат жанубида ҳужумлар уюштирганликда айблади.

- АҚШ Марказий қўмондонлиги маълумотларига кўра, АҚШ ўз эсминецларига қилинган ҳужумга жавобан Эрон ҳарбий иншоотларига ҳужум қилган.

Мана шу кичик тўқнашувни Трамп “Енгил шапалоқ” деб атади ва сулҳ ўз кучида қолишини маълум қилди.

Батафсил Gorizontда...

🇷🇺🇺🇦 Путин яратган “боболарга сиғиниш сиёсати” энди унга қарши ишламоқда — WSJ

The Wall Street Journal’га кўра, Владимир Путин йиллар давомида 9 май ва Иккинчи жаҳон уруши ғалабасини Россияда деярли “давлат дини” даражасига чиқарди. Аммо Украина уруши чўзилиб кетгани Кремль учун психологик ва сиёсий муаммога айланмоқда.

Нашр ёзишича, Украинага қарши уруш энди давомийлиги бўйича СССРнинг 1941–1945 йиллардаги Германияга қарши уруши муддатидан ҳам ошиб кетган. Бу эса жамиятда “боболар Берлингача етиб борган, биз эса ҳали ҳам натижага эриша олмаяпмиз” деган кайфиятни кучайтирмоқда.

WSJ маълумотларига кўра, фронтдаги оғир йўқотишлар, иқтисодий босим ва Россия ҳудудига дрон ҳамда ракета ҳужумлари ортиши мамлакат ичида норозиликни кучайтирган. Ҳатто урушни қўллаб-қувватловчи миллийчи доираларда ҳам қаттиқ танқидлар пайдо бўлмоқда.

Сиёсатшунос Аббас Галлямовнинг айтишича, “Путин боболар хотираси атрофида сиғиниш сиёсати яратди ва энди айнан шу нарса унга қарши ишлаяпти”.

Батафсил Gorizontда...

🇺🇸🇮🇷 The Times газетаси Дональд Трампнинг “Эронга қарши урушда ғалаба қозондик” деган даъвоси ҳақида карикатура чоп этди.

Карикатурада Трампнинг Эрон билан боғлиқ баёнотлари ва Вашингтоннинг уруш натижалари ҳақидаги позицияси ҳазиломуз тарзда тасвирланган.

Батафсил Gorizontда...

🇺🇸🇮🇷 Эроннинг ҳарбий амалиётига сарфланган харажатлар оқланади – АҚШнинг НАТОдаги доимий вакили

Журналист: Пентагоннинг юқори мартабали мулозими Эрондаги ҳарбий амалиётларимиз ҳозирга қадар тахминан 25 миллиард долларга тушганини айтмоқда. Бундай нархдан норози бўлиши мумкин бўлган сайловчиларга нима дейсиз?

Меттю Уитакер: Эронда ядро қуроли бўлиши анча қимматга тушган бўларди. Агар улар ядровий салоҳиятга эга бўлишса, дунёни ва Қўшма Штатларни қандай шантаж қилишини тасаввур қилинг... Биз бунинг олдини олиш учун ҳар қандай нархни тўлаган бўлардик. Шунинг учун ҳам, биласизки, биз армиямизга жуда кўп маблағ сарфлаймиз.

Батафсил Gorizontда...

🇸🇦🇰🇼 Саудия Арабистони ва Кувайт АҚШ ҳарбийларига ўз базалари ва ҳаво ҳудудидан фойдаланиш бўйича чекловларни бекор қилди, — Wall Street Journal

Батафсил Gorizontда...

🇺🇸 Трамп дунёдаги урушлар давомийлигини таққословчи графикни эълон қилди

Унда турли урушлар ҳафталар ҳисобида таққосланган:

- Афғонистон уруши – 543 ҳафта;
- Ироқ уруши – 457 ҳафта;
- Ветнам уруши – 439 ҳафта;
- АҚШ фуқаролар уруши – 209 ҳафта;
- Иккинчи жаҳон уруши – 196 ҳафта;
- Корея уруши – 161 ҳафта;
- 1812 йил уруши – 139 ҳафта.

Графикда “Эронга қисқа сафар 6 ҳафта” деган ёзув ҳам келтирилган бўлиб, у бошқа урушларга нисбатан жуда қисқа давр сифатида кўрсатилган.

Батафсил Gorizontда...