🇰🇬 Қирғизистон президенти Қамчибек Ташиев хавфсизлигини таъминлашни топширди

“Президент Садир Жапаров томонидан зарур топшириқлар берилган. Қамчибек Ташиев илгари қўриқланадиган шахс бўлган ва бундан кейин ҳам белгиланган тартибда шахсий қўриқлаш чоралари таъминланади”, деди Давлат қўриқлаш хизмати раҳбари Сиргак Бердикожоев.

Батафсил Gorizontда...

🇰🇬 Қирғиз депутати Садир Жапаров ва Қамчибек Ташиевни ярашиб олишга чақирди

Депутат Умбетали Қидиралиев айнан қандай келишмовчилик ҳақида гап кетаётганини очиқламади.

“Тун бўйи юзага келган вазият ҳақида ўйладим. Ишончим комилки, улар ҳам мижжа қоқмаган. Мен улардан каттароқман, шу сабабли уларни келишмовчиликларни бартараф этишга чақиришни ўз зиммамга оламан...

Ҳар қандай ишда камчиликлар бўлади. Мен дўстларимни ислоҳотларни охиригача етказишга чақираман. Уларнинг ҳар иккиси ҳам ватанпарвар ва халқ йўлида ҳамма нарсага тайёр. Жўқорғи Кенеш уларни якдиллик билан қўллаб-қувватлаши керак.”, деди у

Депутат Садир Жапаров сайланган президент, Қамчибек Ташиев эса “Қирғизистон қаҳрамони” эканини таъкидлади. Улар ҳамкорликда чегара масалаларини ҳал этгани, иқтисодиётни ровожлантиргани, сўнгги беш йил ичида "улкан ютуқларга" эришилганини билдирди.

Батафсил Gorizontда...

🇬🇧🇷🇺🇨🇳🇺🇦 Агар Путин Хитойдан олган қўллаб-қувватлаши бўлмаганида, аллақачон ютқазган бўлар эди. Си Цзиньпин Путинни қўллаб-қувватлайди - собиқ MI6 раҳбари Ричард Мур

“Фақат декабрь ойининг ўзида, бизнинг ҳисобимизча, қарийб 30 минг россиялик ҳалок бўлган. Бу — Афғонистондаги 10 йиллик кампания давомида йўқотганлар сонига тенг. Йўқотишлар даҳшатли ва ҳатто россияликлар ҳам бундай даражадаги йўқотишларни қоплашда қийналади”, - деди Мур.

Батафсил Gorizontда...

🇮🇱🇵🇸 Яҳудий тарихчиси ва профессори Ави Шлаим:

"Нетаняху раҳбарлигида Исроил энг даҳшатли жиноятни содир этди - геноцид... Иккинчи Жаҳон уруши пайтида яҳудийлар нацистлар Германиясининг ҳимоясиз қурбонлари бўлишган ва бугунги кунда фаластинликлар давлатнинг ҳимоясиз қурбонлари..."

Ави Шлаим - ироқлик яҳудий миллатига мансуб Исроил-Британия тарихчиси, Оксфорд университетининг халқаро муносабатлар бўйича фахрий профессори ва Британия академиясининг аъзоси. У араб-Исроил можароси ва Исроил ташқи сиёсати бўйича энг таниқли олимлардан бири. У Исроилдаги "янги тарихчилар" деб аталадиганлардан бири. "Янги тарихчилар" махфийлаштирилган архивларга таяниб, сионизм тарихи, 1948 йилги уруш ва Исроилнинг араб қўшнилари ва фаластинликларга нисбатан сиёсатини танқидий, ревизионистик талқин қилишни таклиф қилувчи олимлар гуруҳи.

Батафсил Gorizontда...

🇮🇳 Ҳиндистонда Эпштейн файлларида исми чиққани боис Модига қарши намойиш ўтказилди

Ҳиндистон Ёшлар Конгресси аъзолари Ню-Деҳлида норозилик намойиши ўтказган. Бунга Нарендра Модининг Эпштейн ҳужжатлари билан боғлиқ материалларда тилга олингани ҳақидаги хабарлар сабаб бўлган. Баъзи намойишчилар тўсиқларни бузиб ўтишга уринганида, полиция аралашган.

Батафсил Gorizontда...

🇺🇸🇮🇷 Агар Эрон халқи режимни ағдаришни истаса, бу Эрон халқининг ўзига боғлиқ. Ҳозирда бизнинг диққатимиз Эроннинг ядровий қуролга эга бўлмаслигини таъминлашга қаратилган - АҚШ вице-президенти Ж.Д. Венс

АҚШ Эронда режимни ўзгартиришни режалаштиряптими ёки йўқми деган саволга жавобан Венс "бу Эрон халқига боғлиқ" деб айтди. Агар Эрон билан келишув муваффақиятсиз бўлса, Трамп "бошқа вариант"га мурожаат қилади, деди Венс.

Батафсил Gorizontда...

Худога ишонмайдиган бир атеист  мусулмонга савол бериб, уни мот қилмоқчи бўлди:

– Тақдир, тақдир дейсизлар. Ҳамма нарса олдиндан ёзилган бўлса, сизлар мисоли қўғирчоқ бўлсангиз, унда нега амалларингиз натижаси учун сизлар жавоб берасизлар?

Бу савол мусулмон одамнинг жаҳлини чиқарди ва ҳалига одамга мушт туширди. Калтак еган атеист қозига арз қилди.

Маҳкамада мушт кўтарган одам шундай бир далил келтирдики, қозикалон мусулмон одамни айбсиз деб ҳукм чиқарди. Қизиқ томони, бу ҳукмга атеист ҳам рози бўлишга мажбур бўлди.

Мусулмон одам айтган далил сизни ҳам ҳайрон қолдиради. У шундай деганди...

🇨🇳 Хитойда энди стримерлар камера олдида шунчаки жим туришибди — уларнинг нутқи, оҳанглари ва ҳатто юз ифодаларини нейротармоқ генерация қилмоқда.

Инсонни тўлиқ алмаштириш мумкин эмас, чунки платформалар кадрда ҳақиқий одамнинг бўлишини талаб қилади. Агар эфирда фақат виртуал аватар бўлса, алгоритмлар қамровни қисқартиради ёки трансляцияни бутунлай тақиқлайди.

Батафсил Gorizontда...

🇺🇸 Мен Ҳиндистон ва Покистон ўртасидаги ядровий урушнинг олдини олиш орқали камида 10 миллион одамнинг ҳаётини сақлаб қолдим - Трамп

Трампнинг бошқа баёнотлари:

- Ҳиндистон Россиядан нефт импорт қилишда давом этмоқда. Энди улар жуда кам нефт сотиб олишади. Улар сезиларли даражада камайтирдилар;

- Трамп Исроилнинг Ғарбий Соҳилни аннексия қилишини қўллаб-қувватламайди;

- Мен саккизта урушни ҳал қилдим. Уларнинг камида олтитаси савда тарифлари туфайли тўхтатилди. Мен: "Агар сиз бу урушни тўхтатмасангиз, мен тарифларни жорий қиламан - чунки мен одамларнинг ўлишини кўришни истамайман", дедим;

- Эрон ядровий қурол ёки ракеталарга эга бўлмайди;

- Исроил Бош вазири Нетаняху Эрон билан яхши келишувга эришишни хоҳламоқда.

Батафсил Gorizontда...

🇺🇸🇨🇭Трамп Швейцария раҳбарининг овоз оҳанги ёқмаганлиги туфайли унга божларни 39% гача оширганини маьлум қилди.

"Мен Швейцарияга 30% тариф жорий қилдим. Кейин мамлакат бош вазири менга қўнғироқ қилди ва овозини баландлатиб гапирди. Унинг гапириш услуби менга ёқмади, шунинг учун мен тарифни 39% гача оширдим", - деди Трамп.

Батафсил Gorizontда...

🇺🇿 Кўринишидан хитойлик бўлган шахс Ўзбекистондаги далада автомат ишлатди

Ушбу ҳолат Тошкент вилоятининг Қибрай туманида содир бўлгани айтилмоқда. Вилоят ИИБ текширув бошлади.

Батафсил Gorizontда...

🇩🇪🇺🇿🇰🇿🇰🇬🇹🇯🇹🇲 Германия ташқи ишлар вазири Йоханн Вадефуль Ўзбекистон, Қозоғистон, Қирғизистон, Тожикистон ва Туркманистон ташқи ишлар вазирлари билан музокара ўтказди.

У Марказий Осиё давлатларини Россияга қарши санкцияларни четлаб ўтиш ҳолатларига қарши курашни кучайтиришга чақирди. Германия ташқи ишлар вазирининг айтишича, санкцияларни айланиб ўтиш Россиянинг Украинадаги урушига ёрдам беради ва ЕИ хавфсизлигига таҳдид солади.

Батафсил Gorizontда...

🇺🇸🇮🇷 АҚШ Яқин Шарққа иккинчи авиаташувчи кемани жўнатишга тайёрланмоқда - The Wall Street Journal

АҚШ денгиз флотининг ядровий двигателли USS George H.W. Bush авиаташувчи кемаси бошчилигидаги зарба берувчи гуруҳ Эронга қарши мисли кўрилмаган кучларни жалб қилиш доирасида Яқин Шарққа жўнатишга тайёрланмоқда.

Трамп ҳали уларни юбориш буйруғини бермаган, аммо агар Теҳрон билан музокаралар муваффақиятсиз якунланса, режалар ўзгариши мумкин, деб ёзади The Wall Street Journal.

Батафсил Gorizontда...

🇺🇸🇮🇷 Эрон минтақада иккинчи Америка авиаташувчи кемасининг жойлаштирилишини давом этаётган музокараларга путур етказадиган "урушга қадам" сифатида кўради - Эрон расмийлари

Эрон Олий Миллий Хавфсизлик Кенгаши котиби Али Ларижонийнинг сўзларига кўра, Эрон Уммонда АҚШ билан музокаралар чоғида уранни бойитишни тўлиқ тўхтатишни муҳокама қилмаяпти.

Батафсил Gorizontда...

🇰🇵 Ким Чен Ин ўз ворисини эълон қилиши мумкин

Корея Халқ Демократик Республикаси разведка маълумотларида Президент Ким Чен Ин ўз вориси сифатида қизи Ким Чжу Эни тайинлаши мумкинлиги кўрсатилгани айтилган. Агар бу тасдиқланса, у Республика тарихидаги илк аёл раҳбар бўлади.

Миллий разведка хизмати вакилларининг айтишича, Ким Чжу Е давлат тадбирларида мунтазам қатнашиб, сиёсий масалалар бўйича фикр билдиргани сабабли ворис сифатида кўрилмоқда.

Батафсил Gorizontда...

🇺🇸🇷🇺🇺🇦 Украинадаги уруш якунлангач, Қўшма Штатлар Россия нефтига нисбатан жорий этилган санкцияларни бекор қилишни режалаштирмоқда — АҚШ молия вазири Скотт Бессент

“Тинчлик келишувлари туфайли, менимча, нефт нархларининг сезиларли даражада пасайишини кўришимиз мумкин. Агар Венесуэла, Эрон, шунингдек Россия ва Украина билан боғлиқ масалалар ҳал этилса, Молия вазирлиги санкциялари остидаги жуда катта ҳажмдаги нефт чекловлардан чиқарилиб, бозорга кириб келади”, — деди Бессент.

Батафсил Gorizontда...

🇺🇸🇨🇦 АҚШ Конгресси Вакиллар палатаси Канадага нисбатан бож жорий қилинишига қарши овоз берди - Fox News

Маълум қилинишича, қарорни 219 конгрессмен қўллаб-қувватлаган ва 211 нафари қарши чиққан. Шу билан бирга олти нафар республикачи демократларга қўшилган.

Хабарга кўра, қонун лойиҳаси Сенатга юборилган. Бироқ Трамп унга вето қўйиши кутилмоқда.

Батафсил Gorizontда...

🇪🇺 Муҳаммад исми Европа давлатларида янги туғилган чақалоқлар орасида энг оммабоп исмга айланган — World of Statistics

Сўнгги йилларда айрим Европа мамлакатларида бу исм биринчи ўринга чиққан. Бу ҳолат аҳоли таркиби ўзгараётгани ва миграция жараёнлари билан боғлиқ экани айтилмоқда.

Батафсил Gorizontда...