🇺🇸🇮🇱 Қўшма Штатларнинг USS Delbert D. эсминеци Исроилнинг Эйлат портига кириб келди

Кема ҳаво мудофаа тизимлари, жумладан баллистик ракеталарни тутиб олиш учун SM-6 зенит ракеталарига эга.

Батафсил Gorizontда...

🇺🇸 АҚШда катта ички сиёсий жанжал бошланиш арафасида: Эпштейн ҳужжатларининг янги саҳифалари интернетда тарқатилди.

Эпштейн файлларининг янги тўпламида Трампга қарши 13 ёшли қизни зўрлашда айбловлар мавжуд. Жабрланувчининг кўрсатмаларига кўра, у уни оғиз ва анал жинсий алоқа қилишга мажбурлаган.

Янги файлларда Трамп минглаб марта тилга олинган.

Бир нечта хабарларда Эпштейн гўёки бой меҳмонларга болаларни ким ошди савдоси учун етказиб берган Мар-а-Лаго қароргоҳидаги "календарь қиз" зиёфатлари ҳақида сўз боради.

АҚШ Адлия вазирлиги веб-сайти катта трафик туфайли бир неча дақиқа давомида ишламай қолди, аммо ҳужжатлар энди веб-сайтда мавжуд эмас. Улар аллақачон ўчирилтирилган. Скриншотларда Адлия вазирлиги томонидан олиб ташланган файл кўрсатилган.

Кўплаб халқаро сайтлар АҚШ ҳукумати яқин соатларда жамоатчилик фикрини Эпштейн файлларидан чалғитиш учун бошқа мавзуга, масалан, АҚШнинг Эронга қарши ҳарбий операциясига қаратади деб тахмин қилишмоқда.

Батафсил Gorizontда...

🇺🇸 The Telegraph нашрининг АҚШ Адлия вазирлигининг янги ҳужжатларига таяниб хабар беришича, Эпштейн собиқ Ёрк герцоги учун Ирина исмли рус аёл билан кечки овқат уюштирган.

Ёзишмаларида Эпштейн шаҳзода Эндрюга аёл 26 ёшда эканлигини айтиб, уни "рус, ақлли, гўзал ва ишончли" деб таърифлаган. У учрашувга очиқ эканлигини айтган.

Нашр қилинган ҳужжатлар орасида 2010 йил ноябрь ойида Эпштейн ёрдамчидан герцоги учун "косметик муолажалар"ни ташкил қилишни сўраган ёзув ҳам бор.

Бундан ташқари, ўша йили Эндрю Эпштейнни аёллар билан бирга Букингем саройига таклиф қилган ва унга тўлиқ махфийликни ваъда қилган, деб хабар беради Sky News. The Telegraph таъкидлаганидек, хатлардан бирида шаҳзода Афғонистондаги вазият бўйича махфий материалларни молиячи билан ҳам баҳам кўрган.

Батафсил Gorizontда...

🇺🇸 Эпшиейннинг янги ҳужжатларида Билл Гейц рус аёллари билан жинсий алоқада бўлганидан кейин жинсий йўл билан юқадиган касалликка чалинганлиги ҳам таъкидланган.

2013 йилги электрон почта хабарларида Эпшиейн Microsoft асосчиси "рус аёллари" билан жинсий алоқада бўлганидан кейин жинсий йўл билан юқадиган касалликка чалинганини даъво қилган ва The Telegraph нашрининг хабар беришича, Мелинда Гейцга яширинча антибиотиклар беришни сўраган.

Гейцнинг ўзи илгари Эпшиейн билан яқин алоқада бўлганини ёки бирон бир қонунбузарлик қилганини рад этган.

Батафсил Gorizontда...

🇺🇸 Факт: Байден Америка сиёсий элитасининг Эпштейннинг ҳужжатларида кўринмаган ягона вакили.

Батафсил Gorizontда...

🇺🇸 АҚШ Адлия вазирлиги Жеффри Эпштейн иши бўйича очиқлаган ҳужжатлар ҳажми 3 миллион саҳифадан ошади

Эълон қилинган материаллар орасида 2 мингдан ортиқ видеоёзув ва тахминан 180 мингта тасвир бор. Маълумотларнинг катта қисми таҳрирланган. Айрим жойлар эса давом этаётган тергов ва шахсий маълумотларни ҳимоя қилиш сабабли очиқланмаган.

Батафсил Gorizontда...

🇺🇸🇮🇷 Пентагон ва Оқ уй Трампга Эронга ҳужум қилишнинг мумкин бўлган вариантларини тақдим этишди - Wall Street Journal

Улар орасида АҚШнинг режим ва ИРГК нишонларига йирик бомбардимон кампаниясида зарба беришни талаб қиладиган "буюк режа" ҳам бор. Чекланган вариантлар қаторига рамзий режим нишонларига зарбалар киради, бу эса Эрон Трамп қабул қиладиган келишувга рози бўлмаса, вазиятни кескинлаштириш учун имконият қолдиради.

Эроннинг хавфсизлиги ва географияси яхшилангани сабабли Хуманаини қўлга олиш Мадурога қарши операциядан анча қийинроқ бўлади. Трамп АҚШнинг стратегик мақсадлари ва ҳарбий режаларини сир сақлаш учун атайлаб ноаниқ тилдан фойдаланмоқда.

Батафсил Gorizontда...

🇺🇸🇮🇷🇸🇦 Саудия Арабистони АҚШнинг Эронга зарба бериш эҳтимолини яширин равишда қўллаб-қувватлаган — Axios

Axios манбаларига кўра, Саудия Арабистони мудофаа вазири шаҳзода Холид бин Салмон жума куни Вашингтондаги ёпиқ брифингда агар Доналд Трамп Эронга қарши таҳдидларини амалга оширмаса, “Оятуллоҳ режими” кучайиши мумкинлигини билдирган.

"Жамоатчилик олдида Саудия Арабистони минтақадаги кескинлашувдан эҳтиёт бўлишни огоҳлантириб келади. Уч ҳафта олдин эса валиаҳд шаҳзода Муҳаммад бин Салмон Трамп билан Эронга зарба бериш бўйича ўз хавотирини бўлишган эди. Айнан шу огоҳлантириш Трампни зарбани кечиктиришга ундаган", деб ёзмоқда Axios.

Маълум қилинишича, валиаҳд шаҳзоданинг укаси шаҳзода Холид бин Салман Эрон бўйича учрашувлар учун Вашингтонга келган. Пайшанба куни у Оқ уйда АҚШ давлат котиби Марко Рубио, Мудофаа вазири Пит Ҳегсет, Трампнинг махсус вакили Стив Уиткофф ва Қўшма штаблар раиси Ден Кейн билан учрашган.

Axios манбасига кўра, учрашувнинг асосий мавзуси АҚШнинг Эронга зарба бериш имконияти бўлган. Шу билан бирга, чоршанба куни валиаҳд шаҳзода Эрон президенти билан телефон орқали суҳбатда Саудия Арабистони АҚШга Эронга ҳужум қилиш учун ҳаво ҳудудидан фойдаланишга рухсат бермаслигини билдирган.

Батафсил Gorizontда...

🇭🇺🇷🇺🇺🇦🇪🇺 Виктор Орбан Украинани Европа Иттифоқи ва НАТОга қабул қилиш Россия билан урушга олиб келишини айтди

“Бундай қадам хавфсизликни мустаҳкамламайди. Аксинча, Европа Иттифоқи ва НАТО хавфсизлигини заифлаштиради”, деган Венгрия бош вазири.

Батафсил Gorizontда...

❗️Европадаги инфляция ҳақида.

Ушбу инфографика Европа давлатларидаги инфляция даражасини кўрсатиб беради. Ҳолат қуйидагича:

Энг юқори:
1. Туркия — 30.89% (мутлақ рекордчи)
2. Руминия — 9.69%
3. Украина — 8%

Энг паст (барқарор):
1. Швейцария — 0.1%
2. Финляндия — 0.2%
3. Швеция — 0.3%

Манфий кўрсаткич (дефляция):
* Кипр — -0.5% (нархлар пасаймоқда!)

Батафсил Gorizontда...

🇮🇷🇺🇸🇮🇱 АҚШ ҳужум қилса, Эрон Исроилга зарба беради - Шамханий

Эрон Олий раҳбари маслаҳатчиси Али Шамханийнинг айтишича, агар АҚШ томонидан ҳужум бўлса, Эрон Исроилга зарба беришни ўз ичига олган жавоб чораларини кўради.

Унинг сўзларига кўра, рақиб томонидан душманона ниятларни кўрсатувчи ҳар қандай қадамга самарали ва тийиб турувчи жавоб берилади, жумладан Исроил ҳудудининг ичкарисига ҳам зарбалар берилиши мумкин.

Шамханий Эрон рақибнинг оператив режасини аниқлаганини, вазиятни тўлиқ назорат қилаётганини ва режани издан чиқарадиган нуқталарга мос вақтда зарба беришини таъкидлади.

У, шунингдек, Эрон қарама-қаршиликни фақат денгиз билан чекламаслигини ва кенгроқ ҳамда мураккаб сценарийларга тайёр эканини билдирди.

Батафсил Gorizontда...

🇺🇸🇮🇷 Эрон АҚШ билан музокараларни қайта бошлашга тайёр, бироқ бу жараён адолатли бўлиши ва мамлакатнинг мудофаа салоҳиятига тааллуқли масалаларни ўз ичига олмаслиги керак - Ароқчи

"АҚШ таҳдидларни бас қилиши лозим. Биз ўзаро тенг ҳуқуқли, ядровий қурол бўлмаслигини таъминлайдиган, Эронга қарши санкциялар олиб ташланадиган ва адолатли ядровий келишувда иштирок этамиз", - деди Эрон ташқи ишлар вазири.

Шунингдек, Ароқчи Эрон минтақа давлатлари билан тинчлик ва барқарорликни ҳимоя қилиш учун ҳамкорлик қилишга тайёрлигини таъкидлади.

Батафсил Gorizontда...

🏳️🇹🇯 Тожикистон–Афғонистон чегарасида яна қуролли тўқнашув юз берди

Бу 2025 йил ноябрь ойидан бери ушбу давлатлар чегарасида юз берган тўртинчи йирик қуролли тўқнашув ҳисобланади.

Манба

Батафсил Gorizontда...

❗️10 та энг қудратли ракета

1) РС-28 «Сармат» (Россия). Россиянинг энг оғир қитъалараро баллистик ракетаси — РС-28 «Сармат» эскираётган Р-36М ўрнини босиш учун ишлаб чиқилган. Старт массаси 200 тоннадан ошиқ ва учиш масофаси тахминан 18 000 километр бўлган бу ракета Ер юзидаги деярли исталган нишонни ура олади.

2) DF-41 (Хитой). Хитойнинг DF-41 ракета тизими юқори универсалликка эга: уни шахталардан, мобил ишга тушириш қурилмаларидан ва эҳтимол, темирйўл платформаларидан ҳам учириш мумкин. Учиш масофаси 12 000 дан 15 000 километргача.

3) Trident II D5 (АҚШ/Буюк Британия). Trident II D5 — дунёда энг кўп синовдан ўтган ракета тизимларидан бири. АҚШнинг Ohio тоифасидаги ва Буюк Британиянинг Vanguard тоифасидаги сувости кемаларида жойлаштирилган бу ракета 12 000 километргача учиш масофасига эга ва эксплуатацион ишончлилиги юқори.

4) «Авангард» (Россия) — стратегик ракета мажмуаси бўлиб, у гипертовушли планерловчи (қанотли манёвр) жанговар блоки билан жиҳозланган қитъалараро баллистик ракетага таянади. Жуда катта кинетик энергияга эга бўлган «Авангард» вайронкор зарба беради.

5) DF-17 (Хитой) — дунёда биринчи бўлиб серияли тарзда ишлаб чиқарилган ракета тизими бўлиб, у дастлабдан гипертовушли блок учун мўлжалланган. У ўрта масофали баллистик тезлаштирувчи модулни манёврли глайдер билан уйғунлаштиради; глайдер 2 500 километргача масофада барқарор гипертовушли парвозни сақлай олади.

6) «Кинжал» (Россия) — гипертовушли авиация ракета мажмуаси бўлиб, асосан модернизация қилинган МиГ-31 қирувчиларида қўлланади. «Кинжал» гипертовушли тезликка чиқади ва учириш шароитига қараб 2 000 километргача масофага ета олади. Ўта юқори тезлик рақибнинг жавоб бериш вақтини кескин қисқартиради, бу эса «Кинжал»ни яхши ҳимояланган нишонларга қарши айниқса хавфли қуролга айлантиради.

7) «Циркон» (Россия). Аввал бошда кемаларга қарши ракета сифатида ишлаб чиқилган «Циркон»нинг қуруқликдаги нишонларга зарба бериш вариантлари ҳам мавжуд. Тезлиги ва парвоз профили тутиб қолиш эҳтимолини кескин пасайтиради, бу эса устидаги кемалар ва авиаташувчи зарба гуруҳлари учун тўғридан тўғри таҳдид туғдиради.

8) Long-Range Hypersonic Weapon — LRHW (Dark Eagle, АҚШ). LRHW, яъни Dark Eagle номи билан машҳур бўлган тизим — АҚШнинг биринчи синовдан ўтган ерусти гипертовушли мажмуасидир. У ракетали тезлаштиргич орқали учириладиган универсал гипертовушли блокдан фойдаланади ва 2 700 километрдан ортиқ масофага оддий (ядровий эмас) зарба бериш учун мўлжалланган.

9) AGM-183A ARRW (АҚШ). AGM-183A — стратегик бомбардимончилар учун ишлаб чиқилаётган авиация гипертовушли ракетасидир. У гипертовушли жанг қисмини душманнинг ҲҲМ ҳудудларидан ташқарида туриб ишга тушириш имконини беради. Синовлар гипертовушли тезликка чиқишни ва тахминан 1 600 километрлик масофани тасдиқлаган.

10) «Орешник» (Россия) — худди шу номдаги ўрта масофали баллистик ракетага эга мобил ракета мажмуасидир, у ажралиб чиқувчи жанговар қисмга эга. Ракета ҳам ядровий, ҳам ядровий бўлмаган жанговар каллак билан жиҳозланиши мумкин.

Батафсил Gorizontда...

🇮🇱🇵🇸 Исроилнинг Ғазога берган бир қатор авиазарбалари оқибатида 21 нафар фаластинлик фуқаро ҳалок бўлди.

Батафсил Gorizontда...

🇮🇷🇺🇸 Эрон АҚШ кемалари яқинида ҳарбий машғулотлар ўтказади

Ҳормуз бўғозида бугундан бошлаб икки кунлик ҳарбий-денгиз машғулотлари бўлиб ўтади. АҚШ марказий қўмондонлиги (CENTCOM) Эрон армиясини бундан огоҳлантириб, Эрон тезюрар катерларининг АҚШ кемалари билан тўқнашув даражасида яқинлашишига тоқат қилмаслигини таъкидлади.

Батафсил Gorizontда...

🇸🇦🇺🇸🇮🇷 Саудия Арабистони АҚШга Эронга қарши ҳужум уюштириш учун ўз ҳарбий базалари ёки ҳаво ҳудудидан фойдаланишга рухсат бермайди — Fox News

Батафсил Gorizontда...

🇮🇷 Ароқчи Эронда режим алмашиши ҳақидаги гапларни хаёлот деб атади

“Режим алмашиши – бу шунчаки фантазия, холос. Айрим одамлар бу хомхаёлга берилиб кетган. Бизнинг тизимимиз шу қадар чуқур илдиз отган ва шунчалик мустаҳкам асосга эгаки, айрим шахсларнинг келиши ёки кетиши мутлақо аҳамиятга эга эмас”, деган Эрон Ташқи ишлар вазири.

Батафсил Gorizontда...