❗️Бугундан банклар ва истеъмолчилар муносабатларида янги қоидалар кучга кирди

Банк хизматлари истеъмолчилари билан ўзаро муносабатларни амалга оширишда тижорат банкларининг фаолиятига қўйиладиган минимал талабларга (№3030,04.10.20218) киритилган ўзгартириш ва қўшимчалар бугундан кучга киради.

Унга кўра, эндиликда:

👉 кредит шартномаси расмийлаштирилишидан олдин истеъмолчилар кредит бўйича барча таваккалчилик ва мажбуриятлар ҳақидаги чек-листни тўлдириши шарт бўлади (чеклистни тасдиқламагунча кредит шартномасини расмийлаштиришга йўл қўйилмайди.);

👉 кредит тўловларини амалга оширишда қийинчиликларга дуч келаётган мижозлар учун шартномани ўзгартириш имконияти ва енгилликлар тақдим этилади;

👉 истеъмолчиларга кредит олиш бўйича аризасида (сўровида) кўрсатилган миқдордан ортиқча суммада кредит таклиф этиш ҳамда уни олишга ундаш йўл қўйилмайди;

👉 кредит қарздорликларини давлат томонидан фуқароларга ажратиладиган ижтимои нафақа ва ёрдам маблағлари, шу жумладан ижтимоий карта ҳисобварағига келиб тушадиган маблағлар ҳисобидан ундириш тақиқланади;

👉 банклар молиявий хизматлар кўрсатишда, жумладан масофавий хизматлар орқали кредит ажратиш жараёнида истеъмолчининг розилигини англатувчи белгиларни ёки кредит параметрларини олдиндан белгилаб қўймаслиги, барча танлов ва майдончаларни истеъмолчи томонидан мустақил равишда белгилаш имкониятини таъминлаши шарт.

@bankmijoz