🇺🇿 Ўзбекистонда ўтган даврда 8,5 миллиондан зиёд аҳоли камбағалликдан чиқарилди

“Асосий мақсадимиз – одамларимизни доимий даромадли қилишдан иборат. Пули бор одам яхши кийиниш ва овқатланишга, сифатли таълим ва малакали тиббий хизматдан фойдаланишга, мазмунли дам олишга, бир сўз билан айтганда, фаровон яшашга интилади”, — деди президент.

Батафсил Gorizontда...

🇺🇿 Ўзбекистонда 2030-йилгача олтин ишлаб чиқариш ҳажми 175 тоннага етказилади

Президент Шавкат Мирзиёев Олий Мажлис ва Ўзбекистон халқига мурожаатномасида келгуси йилнинг ўзида 14 млрд долларлик 228 та янги йирик қувватлар ишга туширилишини маълум қилди. Масалан, Навоийдаги олтин конларида маъдан қазиб олиш бўйича 320 млн долларлик лойиҳа ишга туширилиб, қўшимча 2 млн тонна маъдан қайта ишланади.

Шунингдек, “Мурунтов” конини ўзлаштиришнинг навбатдаги босқичи ҳамда кумуш конлари бўйича 2 млрд 300 млн долларлик йирик лойиҳалар амалга оширилади. “Натижада йилига 18 млн тонна маъданни қайта ишлаш қуввати барпо этилиб, 2030-йилгача олтин ишлаб чиқариш ҳажми 175 тоннага етказилади”, — деди давлат раҳбари.

Батафсил Gorizontда...

🇺🇿 Мустақил Ўзбекистон тарихида илк бор сунъий йўлдошни фазога учирамиз — президент Шавкат Мирзиёев

Айни вақтда бўлиб ўтаётган мурожаатнома давомида Ўзбекистон президенти сунъий интеллект билан ёнма-ён юрадиган космик соҳадаги тадқиқотларни ривожлантириш, йўлдошли алоқа технологияларини жорий этиш борасида катта қадамлар ташланаётганини маълум қилди.

2028-йилда Самарқандда “Халқаро астронавтика конгресси” ўтказилишига пухта тайёргарлик кўрилмоқда.

“Бугун сизларга яна бир муҳим янгиликни айтмоқчиман. Мустақил Ўзбекистон тарихида илк бор космик соҳада сунъий йўлдош ва мамлакатимиз фуқароси бўлган биринчи ўзбек космонавтини фазога учириш бўйича ишларни бошладик.

Бу – Янги Ўзбекистоннинг илмий ва технологик ривожланишига, умуман, миллий тараққиётимизни янги босқичга олиб чиқишга катта туртки беради, деб ишонаман”,
– деди давлат раҳбари.

Батафсил Gorizontда...

🇺🇿 “Беш йил олдин аҳолимиз йилига 210 мингта квартира, 600 мингта автомобил харид қилган бўлса, бу йил 270 мингта уй, 1 миллионта машина сотиб олди. Агар аҳолининг даромади, харид қобилияти ошмаганида, биргина кўчмас мулк ва автомобил бозори 20 миллиард долларга етарми-ди?” — президент Шавкат Мирзиёев.

Ўтказилган сўровлар ҳам, халқаро экспертлар таҳлиллари ҳам 75 фоиз аҳолининг молиявий ҳолати кескин яхшиланганини тасдиқламоқда.

2026-йилда уй-жой ипотекасига 23 трлн сўм ресурс ажратилади. Уй-жой сотиб олишда бошланғич тўлов ва фоиз тўловларининг бир қисмини қоплаш учун 2 трлн 700 млрд сўм субсидия берилади. Шунингдек, битта квартира учун ажратиладиган имтиёзли ипотека кредити миқдори 15 фоизга оширилади.

Батафсил Gorizontда...

🇺🇿 Эски машинасини алмаштираман деганларга, автокредит фоизининг бир қисми қоплаб берилади

Президент Шавкат Мирзиёев катта миқдорда зарарли моддалар чиқарадиган автомашиналарнинг пойтахт ва вилоят марказлари ҳамда шаҳарларга кириши чекланишини маълум қилди.

“Бундай транспорт воситаларини янгисига алмаштириш ёки уларга фильтр ўрнатиш учун давлат томонидан қўллаб-қувватлаш чоралари кўрилади”, — деди давлат раҳбари.

Шунингдек, эски машинасини алмаштираман деганларга, автокредит фоизининг бир қисми қоплаб берилади. Фильтр ўрнатиб, зарарни камайтиришга тайёр бўлган ҳайдовчилар учун харажатларининг бир қисми бўйича субсидия ажратилади.

Дунё тажрибасидан келиб чиқиб, автомобиллар чиқараётган зарарли моддалар даражасига қараб, экологик ст́икерлар тизими жорий этилади.

Батафсил Gorizontда...

🇺🇿 Давлат кафолати остида ташқи қарз олиш масаласини маъқуллашни парламент ваколатига ўтказиш таклиф қилинди

“Кўплаб ишлаб чиқарувчилар ва тадбиркорлар фикрини ўрганиб, 2026-йил 1-январдан давлат харидларида барча учун очиқ, шаффоф ва адолатли тизим яратаяпмиз”, — деди давлат раҳбари.

Маълумот учун, 2023-йилдан буён ташқи қарз миқдорини парламент белгилаб келмоқда.

Батафсил Gorizontда...

🇺🇿 Шавкат Мирзиёев сўз ва матбуот эркинлигини таъминлаш устувор вазифа бўлиб қолишини таъкидлади.

Батафсил Gorizontда...

🇺🇿 Россия, Хитой ва АҚШ билан тенг муносабатда бўлинади! Биттасига устуворлик берилмайди. Ўзбекистон Ғарб ва Шарқ ўртасида кўприк бўлади - президент Шавкат Мирзиёев.

Жаҳонда мураккаб геосиёсий ва иқтисодий муаммолар тобора авж олиб бормоқда. Бундай мураккаб вазиятда барча давлатлар билан тенг ҳуқуқли ва конструктив муносабатларни янада мустаҳкамлаш, мутаносиб очиқ ташқи сиёсат олиб боришга қаратилган фаолият давом эттирилади.

Батафсил Gorizontда...

🇺🇿🇰🇿🇰🇬🇹🇯🇹🇲 Яқин қўшниларимиз билан кўп асрлик дўстлик, яхши қўшничилик, стратегик шериклик ва ўзаро ишонч руҳидаги алоқаларимизни янада ривожлантиришга устувор аҳамият қаратилади - президент Шавкат Мирзиёев.

Бу жараёнда минтақамиз давлатлари ўртасидаги савдо-иқтисодий, транспорт-логистика, энергетика, сув, экология, хавфсизлик, маданият ва таълим соҳаларидаги ҳамкорлик янада чуқурлаштирилади.

Афғонистон билан савдо-иқтисодий ҳамкорликни кенгайтириш, уни минтақадаги иқтисодий жараёнларга кенг жалб қилиш асосий мақсадларимиздан бири бўлиб қолади.

Батафсил Gorizontда...

🇺🇿 Асосий хорижий шерикларимиз ҳисобланган Россия, Хитой, Америка Қўшма Штатлари, Туркия, Германия, Франция, Италия, Буюк Британия, Жанубий Корея, Япония, Саудия Арабистони, Бирлашган Араб Амирликлари, Қатар, Иордания, Кувайт, Ўмон, Ҳиндистон, Покистон ва бошқа давлатлар билан кўп қиррали ва ўзаро манфаатли алоқаларни янада кенгайтириш бундан кейин ҳам эътибор марказида бўлади.

Шунингдек, Жануби-Шарқий Осиё, Яқин Шарқ, Африка, Лотин Америкаси мамлакатлари билан янги ва истиқболли йўналишларда манфаатли ҳамкорликни мустаҳкамлаш, Жанубий Кавказ ва Жанубий Осиё мамлакатлари билан муносабатларни кенгайтириш стратегик йўналишлардан бири бўлади.

Батафсил Gorizontда...

🇺🇸🇺🇦 Зеленский яқин кунларда Трамп билан учрашади

Президентлар урушни тугатиш масаласини муҳокама қилади. “Бир кунимизни ҳам бой бермаймиз. Президент Трамп билан яқин орада учрашишга келишиб олдик. Янги йилгача кўп нарса ҳал бўлиши мумкин”, деди Украина раҳбари.

Батафсил Gorizontда...

🇺🇿 Анъанага кўра, 1997 йилдан бошлаб Президент келгуси йил номини эълон қилиб, жамиятни янада ривожлантиришнинг устувор йўналишларини белгилаб беради.

Илгари мамлакатда йил номлари қуйидагича бўлган:

1997 йил — Инсон манфаатлари йили;
1998 йил — Мустаҳкам оила йили;
1999 йил — Аёллар йили;
2000 йил — Соғлом авлод йили;
2001 йил — Она ва бола йили;
2002 йил — Кекса авлод манфаатларини ҳимоя қилиш йили;
2003 йил — Маҳалла йили;
2004 йил — Меҳрибонлик ва мурувват йили;
2005 йил — Саломатлик йили;
2006 йил — “Меҳрибонлик ва тиббиёт ходимлари йили”;
2007 йил — Ижтимоий ҳимоя йили;
2008 йил — Ёшлар йили;
2009 йил — Қишлоқни ривожлантириш ва ободонлаштириш йили;
2010 йил — Баркамол авлод йили;
2011 йил — Кичик бизнес ва хусусий тадбиркорлик йили;
2012 йил — Мустаҳкам оила йили;
2013 йил — Ободлик ва фаровонлик йили;
2014 йил — Соғлом бола йили;
2015 йил — кекса авлодга эътибор ва ғамхўрлик йили;
2016 йил — Соғлом она ва бола йили;
2017 йил — Халқ билан мулоқот ва инсон манфаатлари йили;
2018 йил — Фаол тадбиркорлик, инновацион ғоялар ва технологияларни қўллаб-қувватлаш йили;
2019 йил — Фаол инвестициялар ва ижтимоий ривожланиш йили;
2020 йил — Илм-фан, таълим ва рақамли иқтисодиётни ривожлантириш йили.
2021 йил — Ёшларни қўллаб-қувватлаш ва аҳоли саломатлигини мустаҳкамлаш йили;
2022 йил —Инсон манфаатларини таъминлаш ва маҳаллаларни мустаҳкамлаш йили;
2023 йил — Инсонга ғамхўрлик ва сифатли таълим йили;
2024 йил — Ёшлар ва бизнесни қўллаб-қувватлаш йили;
2025 йил — Атроф-муҳитни асраш ва “яшил” иқтисодиёт йили.

Батафсил Gorizontда...

🇨🇳 Хитой ҳарбийлари DF-27A гипертовушли ракетасини муваффақиятли синовдан ўтказди

Хитой ҳарбий кучлари DF-27A номли янги гипертовушли ракетанинг муваффақиятли синови ўтказилганини маълум қилди. Ракетанинг учиш масофаси 8000 километргача етади, тезлиги эса 8,6 Махни ташкил қилади.

Синов давомида ракета 2100 километр масофани атиги 12 дақиқада босиб ўтган. Бу кўрсаткич Хитойнинг гипертовушли технологиялар соҳасидаги имкониятлари жуда юқори эканини намоён қилади. Таҳлилчиларга кўра, DF-27A Хитойнинг стратегик тийиб туриш салоҳиятини янада кучайтириб, глобал ҳарбий мувозанатга таъсир кўрсатиши мумкин.

Батафсил Gorizontда...

🛰 Орбитадан қуёш ботишининг Франция, Италия, Шимолий Африка, Миср ва Судан устидан кўриниши.

Охирги кадрларда Нил дарёсининг Искандариядаги оғзидан Хартумгача бўлган қисми кўрсатилган.

Батафсил Gorizontда...

🇺🇸🇷🇺🇺🇦 Янги йилгача кўп нарса ҳал бўлиши мумкин — Зеленский

Axios нашрига кўра, АҚШ ва Украина келишувнинг деярли барча шартлари, жумладан хавфсизлик кафолатлари бўйича келишиб олган. Украинанинг юқори мартабали расмийсига кўра, АҚШ президенти Доналд Трамп якшанба куни Флорида штатидаги Мар-а-Лаго қароргоҳида Украина президенти Владимир Зеленский билан учрашади. Ушбу учрашувнинг ўтказилиши Трампнинг тинчлик режаси бўйича музокараларда сезиларли тараққиётга эришилганидан далолат беради.

Батафсил Gorizontда...

🇸🇦 Саудия Арабистонида Рождество ва Янги йил байрамларини нишонлашга расман рухсат берилди.

Батафсил Gorizontда...

🇷🇺🇺🇦 Украина камикадзе дрони рус отлиқ аскарига қарши

Батафсил Gorizontда...