Xalq Bank Surkhon Yarim Marafoni муваффақиятли якунланди

14 декабрь куни Термиз шаҳрида катта спорт байрами – Xalq Bank Surkhon Yarim Marafoni бўлиб ўтди. Xalq Banki бош ҳомийлигида, Термиз шаҳар ҳокимлиги, Ўзбекистон Республикаси Спорт вазирлиги, Экология ва иқлим ўзгариши миллий қўмитаси кўмагида, шунингдек, ProRun жамоаси томонидан ташкил этилган ушбу тадбирда 1500 нафардан зиёд иштирокчи қатнашди.

Марафон доирасида 5 ва 10 километр масофаларга ҳам югуриш мусобақалари ўтказилди. Мусобақанинг умумий соврин жамғармаси 40 миллион сўмни ташкил этди. Ҳар бир иштирокчи фирмали лонгслив, маррада эса эсдалик медали билан тақдирланди.

Ярим марафон ғолиби Ўзбекистон рекордчиси, Олимпия ўйинлари ва енгил атлетика бўйича учта жаҳон чемпионати иштирокчиси, шунингдек, марафон масофасида Осиёда учинчи энг яхши натижани қайд этган Шохрух Давлатов бўлди.

Югуриш мусобақасидан сўнг қатнашчилар DJ Chars ва халқ артисти Маҳмуд Намозов иштирокидаги мусиқий дастурдан баҳраманд бўлдилар.

🇦🇺🇮🇱 Сиднейдаги пляжда Ханука байрами вақтида содир бўлган отишмада раввин ҳалок бўлди

Сиднейнинг Бондей пляжида яҳудийларнинг Ханука байрамига бағишланган тадбир вақтида камида 12 та ўқ овози эшитилди, деб хабар бермоқда Guardian Australia ва The Jerusalem Post.

Пляжда яҳудий жамоасининг 2 мингга яқин аъзоси бўлган. Ҳужум натижасида ХАБАД ҳаракати элчиси, раввин Эли Шленгер ўлдирилди. Полиция ҳужумнинг учинчи эҳтимолий иштирокчисини ҳибсга олди, у ҳуқуқ-тартибот идораларига ўз хоҳиши билан таслим бўлган.

ХАБАД (Chabad) — яҳудийликдаги йирик диний ҳаракат бўлиб, бутун дунё бўйлаб ўз элчилари ва марказларига эга. Эли Шленгер ушбу ҳаракатнинг Австралиядаги фаол вакилларидан бири бўлган.

Батафсил Gorizontда...

🇦🇺🇮🇱 Сиднейдаги пляжда ўт очганлардан бири Сидней жануби-ғарбидаги Бонниригг туманида яшовчи Навид Акрам бўлган — ABC ҳуқуқ-тартибот идораларидаги манбасига таяниб хабар бермоқда.

Баъзим манбалар унинг келиб чиқиши покистонлик эканини ёзмоқда.

Батафсил Gorizontда...

🇵🇸 Ғазо секторида тошқинларда одамлар ҳалок бўлди - CNN

CNNнинг маьлум қилишича, сув тошқинлари қарийб 72 соатлик кучли ёғингарчиликдан кейин юзага келган.

⁠ҲАМАС матбуот хизмати баёнотида 27 мингдан ортиқ чодирлар сув остида қолгани айтилган. Қайд этилишича, “мураккаб гуманитар фалокат” камида 250 000 кишига таъсир кўрсатган.

Батафсил Gorizontда...

🇺🇿 Ўзбекистон пара спортчилари ёшлар Пара Осиё ўйинларида умумжамоа ҳисобида 1-ўринни эгаллади

Дубайда бўлиб ўтган V ёшлар Пара Осиё ўйинларида ўзбекистонлик пара спортчилар жами 197 та - 99 та олтин, 57 та кумуш ва 41 та бронза медалларини қўлга киритди.

Батафсил Gorizontда...