🇷🇺🇺🇦 Тармоқларда Россия қўшинлари Пакровск марказида юргани айтилмоқда

Батафсил Gorizontда...

🇨🇩 ДР Конгодаги мис конида катта ер қисми ўпирилгани ҳақида маҳаллий ОАВ хабар берди.

Турли манбаларга кўра, 30 дан 50 гача киши ҳалок бўлган, яна ўнлаб кончилар вайрона остида қолган.
Қутқарув ишлари давом этмоқда, жабрланувчилар сони ошиши мумкинлиги айтилмоқда.

Батафсил Gorizontда...

❗️Олимлар қаришни тезлаштирувчи кутилмаган омилни аниқлашди

Тадқиқот муаллифи профессор Жозеф Алленнинг сўзларига кўра, ота билан зиддият ўсмирларда стрессни кучайтиради ҳамда юрак-қон томир ва иммун тизимларига салбий таъсир кўрсатади.

Шунингдек, дўстлари билан жанжаллашиш ҳам инсон қарилигини тезлаштириб юбориши мумкин. 17 йил давом этган таҳлиллар шуни кўрсатибдики, агар ўсмирлик чоғида инсон тенгдошлари билан доимий жанжаллашаверса 30 ёшга кирганидаёқ шу инсонда тезкор қарилик аломатлари пайдо бўлади.

Батафсил Gorizontда...

🇺🇸🇻🇪 АҚШ Ҳарбий-денгиз кучларининг USS Gerald R. Ford авиация зарба гуруҳи Кариб денгизига кирди

Авиаташувчи кеманинг бортида 4 мингдан ортиқ ҳарбий хизматчи, шунингдек, ўнлаб жанговар қирувчи самолётлар ва ҳарбий вертолётлар жойлашган.

Байроқдорнинг ёзишича, бу авиаташувчи кема наркокортелларнинг ясама қайиқларини мажақлашдан кўпроқ ишга қодир. Ё Трамп максимал босим ўтказиб, Мадурони ўз ихтиёри билан ҳокимиятни топширишга мажбур қилади, ё Венесуэла президентига ҳам Башар Асад ва Янукович турган бинодан квартира ажратишга тўғри келади.

Батафсил Gorizontда...

🇰🇿 Қозоғистоннинг Олмаота шаҳрида ҳам ҳаво сифати жуда ёмон эканлиги айтилмоқда.

Айни пайтда Тошкентда ҳам ҳаво сифати жуда зарарли даражага чиққан. IQAir маълумотларига кўра, ҳаво ифлосланиши фақат Тошкентда эмас — деярли бутун Ўзбекистон бўйлаб кузатилмоқда.

“Ўзгидромет” юзага келган ҳаво ифлосланишини ҳароратнинг кескин ўзгариши сабаб юзага келган атмосфера инверсияси билан боғламоқда — бу жараён майда заррачаларнинг ер сатҳида тўпланишига олиб келади. Мутахассисларга кўра, бу ҳолат яна бир неча кун давом этади.

Маска тақинг!

Батафсил Gorizontда...

🇨🇭🇺🇸 Швейцария "катталари" АҚШ божларини тушириш учун қимматбаҳо совғалар ва хушомадга мурожаат қилган бўлиши мумкин

Axios нашрининг ёзишича, Швейцариянинг йирик тадбиркорларидан иборат делегатсия Оқ Уйга қимматбаҳо совғалар билан келган. Улар орасида 130 минг долларлик олтин қуймаси ва Rolex стол соати ҳам бор. Делегация Трампни мақтаб, Қўшма Штатларга инвестиция киритишга ваъда берган.

Олтин, ҳашамат ва мақтовларни ёқтириши билан танилган Трамп бундай ёндашувни илиқ қабул қилган. Орадан бир неча кун ўтиб эса АҚШ Швейцария маҳсулотларига қўйилган божларни 39 фоиздан 15 фоизга туширган.

Батафсил Gorizontда...

🇺🇿🇰🇿🇰🇬🇹🇲🇹🇯🇦🇿 "Бизнинг кучимиз – бирликда, муваффақият сари йўлимиз – дўстлик ва ҳамкорликда. Фақат ҳамжиҳат бўлиб, ўзаро ҳурмат, бирдамлик ва стратегик ёндашувларга таяниб, эзгу мақсадларимизга эришишимиз мумкин" — президент Шавкат Мирзиёев

Батафсил Gorizontда...

🇸🇦🇮🇱🇵🇸 Саудия Исроилдан Фаластинни тан олишни талаб қилмоқда

Фаластин расмийларининг айтишича, Саудия Арабистони уларга Нетаняху – айниқса ўта ўнг қанот вазирлари Смотрич ва Бен-Гвир – ҳокимиятда турган пайтда Исроил билан муносабатларни нормаллаштирмаслигини билдирган.

Риёд муносабатларни нормаллаштириш учун Фаластин давлати тузилишини аниқ режалаштирувчи режани сўрамоқда.

Батафсил Gorizontда...

🇸🇦🇮🇳 Саудияда умрачилар автобуси ёниб кетиши оқибатида 40 дан ортиқ зиёратчи ҳалок бўлди

Ҳиндистонлик умра зиёратчиларини олиб кетаётган автобус Маккадан Мадинага кетаётганида йўлда ёқилғи цистернаси билан тўқнашган ва тўқнашув оқибатида автобус ёниб кетган. Ҳодисада 42 нафар зиёратчи ҳалок бўлган ва фақат бир киши тирик қолган.

Батафсил Gorizontда...

🇮🇷 Эрон қурғоқчилик сабаб “булут экиш” технологиясидан фойдалана бошлади

Эрон расмийлари мамлакатда сўнгги ўн йилларнинг энг оғир қурғоқчилиги кузатилаётган бир вақтда сунъий ёғин ёғдириш учун ҳаракат бошлади. Норасмий доираларда “булут экиш”, дея номланадиган амалиёт ҳақида давлатга тегишли IRNA ахборот агентлиги хабар берди.

Батафсил Gorizontда...

🇺🇦🇫🇷 Президент Зеленский Францияга ташриф буюрди.

Зеленский ва Макрон Украинани мустаҳкамлашга қаратилган стратегик келишувни имзоладилар. Бунга жанговар авиация, ҳаво мудофааси ва бошқа мудофаа имкониятларини мустаҳкамлаш бўйича йирик келишув киради.

Келишувга кўра, Украина Rafale ҳарбий самолётлари, SAMP/Т ҳаво мудофааси тизимлари ва бошқа мудофаа ускуналарини олади. Президент Зеленскийнинг сўзларига кўра, Украина Франциядан 100 та Rafale қирувчи самолётларига буюртма беради.

Батафсил Gorizontда...

🇩🇪🇷🇺 Германия мудофаа вазири Писториуснинг сўзларига кўра, НАТО ва Россия ўртасидаги уруш 2029-йилдан олдин бошланиши мумкин.

Унинг сўзларига кўра, дастлаб қуролли можаро 2029-йилда бошланиши кутилган эди, аммо ҳозирда баъзи ҳарбий мутахассислар бу 2028-йилда содир бўлиши мумкин деб ҳисоблашади. "Баъзи ҳарбий тарихчилар ҳатто биз тинчликнинг сўнгги ёзини ўтказдик деб ҳисоблашади", деб таъкидлади у.

Батафсил Gorizontда...

🇫🇮🇷🇺 Финляндия президенти Александр Стубб:

«Иккинчи жаҳон урушида Сталин тўрт йилда Берлингача етди. Ҳозирги урушга ҳам деярли тўрт йил бўлди — Россия ҳали Киевга яқин ҳам кела олмади. Ва кела олмайди ҳам».

Батафсил Gorizontда...

🇫🇮🇷🇺 Финляндия Россия чегарасидан 100 км узоқликда артиллерия машқларини бошлади.

Лапландиядаги Роважарви ўқув полигонида 2000 дан ортиқ аскар ва 500 та техника жойлаштирилган.

Батафсил Gorizontда...

🇧🇩 Бангладешда ўтган йили ҳукуматга қарши талабалар норозилик намойишлари бостирилиши пайтида минглаб одамларнинг ўлими учун жавобгарликда айбланган собиқ бош вазир Шайх Ҳасина ўлим жазосига ҳукм қилинди.

Шайх Ҳасина инсониятга қарши жиноятларда айбланмоқда. У 2024-йилда талабалар келтириб чиқарган қўзғолонни шафқатсизлик ва зўравонлик билан бостириши оқибатида ҳокимиятдан кетган эди. БМТ ҳисоб-китобларига кўра, ўша воқеаларда 1 400 га яқин одам ҳалок бўлган, уларнинг аксарияти хавфсизлик кучлари ўқидан жон берган.

Батафсил Gorizontда...

🇧🇾 Лукашенко маҳаллий ишлаб чиқариш корхонасига ташриф буюрди.

Лекин, Белоруссияда ишлаб чиқарилган маҳсулотнинг деярли барча қисмлари Хитойники эканлиги маьлум бўлганда унинг жаҳли чиқди.

Батафсил Gorizontда...