Импортда "нақд" тўлов — Фойда солиғига "тузоқ"!
Солиқ инспектори ва бухгалтер ўртасидаги қисқа ва кескин суҳбат:

👮‍♂️Инспектор: Таак, кўришим бўйича шартномангиз EXW ёки FCA. Юкни сотувчининг омборидан олиб чиққансиз, лекин ҳисоб-китобда транспорт харажати кўринмаяпти. Йўл ҳақини ким тўлади?
👨‍💻 Бухгалтер: Ҳайдовчига нақд бериб юборганмиз, арзонроқ тушди-да...

👮‍♂️Инспектор: Барака топинг! Демак, бу корхона учун текин хизмат. Бу суммани даромадга қўшамиз ва Фойда солиғини ҳисоблаймиз.
👨‍💻 Бухгалтер: Тўхтанг, биз нақд тўлаганимизни қаердан билдингиз?

👮‍♂️Инспектор: Солиқ базаси божхона билан интеграция бўлган. Шартномадаги етказиш шартини кўриш бизга муаммо эмас. Агар транспортга ЭҲФ, далолатнома ва банк тўлови бўлмаса — демак, тўлов "кўчада" бўлган.
👨‍💻 Бухгалтер: Шунчаки транспортни айтяпсизми ёки бошқа харажатларни ҳам?

👮‍♂️Инспектор: Фарқи йўқ! Учинчи шахс томонидан тўланган ҳар қандай харажат корхонанинг фойдасини оширади. Импортда "нақд" ишлаш — солиқни ўз қўлингиз билан кўпайтириш дегани!

⚡ Хулоса: Инкотермс шартларига (EXW, FCA) ҳушёр бўлинг. Ҳар бир харажатнинг банк орқали изи ва ҳужжати бўлиши шарт.

@buxgalterpro_uz

"BUXGALTERPRO" МЧЖ - бухгалтерия ҳисоби бўйича бухгалтерлар учун мониторинг хизматини таклиф этади.

🖥 Импорт қилинганда транспортга нақд тўланса солиқни ҳисоблаш

Импорт қилинганда транспортга нақд тўланса солиқни ҳисоблаш

FOB (Free On Board): Сотувчи товарни кўрсатилган портда кемага юклаб қўйгач, барча харажатлар ва хавф-хатарлар (йўл кира, суғурта) харидорнинг зиммасига ўтади. Яъни эгалик хуқуқи сотиб олувчига ўтади.

840 — бу валюта коди бўлиб, ҳисоб-китоблар АҚШ долларида амалга оширилаётганини англатади.

42. Фактурная стоимость товара (Товарнинг фактура қиймати). Бу товарнинг инвойс (ҳисоб-фактура)даги қиймати.

46. Статистическая стоимость (Статистик қиймат) — бу товарнинг божхона чегарасигача етиб келган умумий қиймати. Табиийки нақдга олиб келинганда фирмада ташиш хужжатлари бўлмайди. Бундай ҳолатда божхона Статистик қиймат ўз базасидаги 'энг хавфсиз ва баланд' деб ҳисобланган ўртача нархлар асосида шакллантиради.

Фойда солиқни ҳисоблаш:
1) 7468 - 5000 = 2468 доллар х курс 12979,13 = 32 032 492,84 сум
2) 32 032 492,84 сум х ставка 15% = 4 804 873,93 сум

🤲 Постни қилишда катта ёрдам берган Zaxiriddin Raximov @owner9808 га канал номидан миннатдорчилигимизни билдириб қоламиз.

ВЭД ишини ҳам "қизиқишга" қиладиган бухгалтерлар учун инфо

Экспорт ГТД расмийлаштирилган санадан бошлаб, юк божхонадан:

🚗 Автотранспортда: 10 кун ичида;
🚂 Бошқа транспорт турларида: 20 кун ичида олиб чиқилиши шарт.

Акс ҳолда ўша ГТДни:
✔ёки ўзгартириш;
✔ёки қайта расмийлаштириш;
✔ёки бекор қилиш/қайтариб олиш керак бўлади.

Манба: № 3220 l 10.02.2020 божхона қўмитасининг қарори

БҲМС 6: Ижара ҳисоби бўйича қўлланма

🖥 Ушбу материалда:

1. Умумий қоидалар
2. Ижарага оид энг керакли атамалар изоҳи
3. Молиявий ижара ва лизинг фарқи
4. Оператив ижара ҳисоби қисқача
5. Ижарачи (олувчи)да оператив ижара ҳисоби
6. Ижарага берувчида оператив ижара ҳисоби
7. Ижарачи (олувчи)да лизинг ижара ҳисоби
8. Ижарага берувчида лизинг ижара ҳисоби
9. Молиявий ижарани тўлиқ тушуниб олиш учун мисол (+проводкаси)

🔵 Ўқиш


🎓 Бухгалтерия ва солиқ бўйича содда тилда қўлланмалар

ҚҚС сиз счет фактура

ҚҚС сиз счет фактура юбориш учун имтиёзга Му3СоликУз сайти орқали ариза юбориш зарур. У ерда қуйидагилар шу битта ПДФ файлда бўлиши лозим.

1. Лойиҳани амалга ошириш бўйича қабул қилинган норматив ҳужжат;
2. 2020 йил 1 июлдан кейин маъқулланган халқаро шартнома нусхаси;
3. Лойихани амалга ошириш гуруҳи билан бош пудратчи ўртасида тузилган шартнома нусхаси;
4. Лойихани амалга ошириш гуруҳи (ГРП) давлат рўйҳатидан ўтганлиги тўғрисидаги гувохномаси.
5. Мурожаат юбораётган корхона томонидан тузилган шартнома нусхаси.

📌 Унутманг! Сиз ва клиент ўртасидаги шартномада имтиёз тақдим этилган қонун ҳужжат аниқ қилиб ёзиб қўйилиши лозим. Масалан🔽:

Ўзбекистон Республикаси Президентининг 2024 йил 28 мартдаги ПҚ-141-сонли Қарорига ҳамда Ўзбекистон Республикаси Солиқ кодексининг 483-моддасига асосан, ушбу лойиҳа доирасидаги товарларни реализация қилиш айланмаси қўшилган қиймат солиғидан (ҚҚС) озод этилади.

Сотиб олинаётган товарлар Ислом тараққиёт банки (ИТБ) маблағлари ҳисобидан молиялаштириладиган «ITB-2, Шаҳрисабз тумани Янгиқишлоқ МФЙ 7 км Марказий ва ички кўчаларда энергия тежовчи тунги ёритиш чироқлари ўрнатиш ва 1 км пиёдалар йўлакчаси қуриш ва энергия тежовчи тунги ёритиш чироқлари билан жиҳозлаш» инвестиция лойиҳаси доирасида фойдаланилади

Бундан ташқари клиент сизга қуйидагиларни аниқ қилиб ёзиб берсин. Бу Аризани тўлдиришда жуда керак бўлади:
🔍Лойиҳа номери:
🔍Лойиҳа санаси:
🔍Лойиҳа номи:

@buxgalterpro_uz - без НДС эсф льгота имтиёз

🌟 Имтиёз ва тушунтириш

✔ Кластерлар, тўқимачилик ва тикув-трикотаж саноати корхоналарига ижтимоий солиқ ставкаси 1 фоиз ставка белгиланган.

Менинг корхонам саноат корхона бўлармикин? Ахир 4 тагина тикувчиси бор корхона бўлса:
Ҳа, сиз имтиёздан фойдалана оласиз. Иқтисодий термин сифатида "саноат" (индустрия) маҳсулотни хом ашёдан тайёр ҳолга келтирувчи ишлаб чиқариш соҳасини англатади. Иқтисодий термин сифатида "саноат" (индустрия) маҳсулотни хом ашёдан тайёр ҳолга келтирувчи ишлаб чиқариш соҳасини англатади.

✈️ Натижа

Бу имтиёз сизга ишчилар учун тўланадиган солиқ юкини 12 бараварга камайтириш имконини беради. Масалан, агар ходимингизга 5 млн сўм ойлик ёзсангиз, илгари 600 минг сўм ижтимоий солиқ тўлаган бўлсангиз, энди бор-йўғи 50 минг сўм тўлайсиз.

Манба: ПҚ-290 l 19.09.2025 @buxgalterPRO_uz тег: тикувчилик имтиёз

🎓 Бухгалтерия ва солиқ бўйича содда тилда қўлланмалар

🔍 Оддий магазинлар бухгалтерияси бор бўлган бухгалтерлар диққатига

💡 Энди отчет жўнатишдан олдин картага ташлаб бериш орқали қилинган савдо суммасини ҳам билишингиз ва ҳисоботда кўрсатишингиз керак!

⚙️ У қандай бўлади?
Янги тартибга кўра картадан картага ўтказмаларда тўлов мақсадини танлаш мажбурий бўлади. Унда харидор томонидан сотувчининг картасига тўлов қилганда “олган товарим учун” деган мақсадни танлайди.
Сотувчи эса буни “касса аппарат” орқали кирим қилиши шарт.

❓ Қилмаса нима бўлади?
Даромад манбаини текшириш жараёнида аниқланган P2Pдан ноқонуний айланган пулнинг 20% миқдорида тадбиркорга жарима қўлланилади.

@buxgalterPRO_uz

✅Вакансия
Лавозим: Бош бухгалтер ёрдамчиси
Жинси: 👩Аёл киши 20-30 ёш;
Иш: 6/1, 09:00-18:00 гача;
Ойлик: 7,5 млн сум;
Ориентир: Тошкент ш., Safia дархон;
Контакт: 903269199

90 кунлик дебиторлик қарздорлиги хақида

⚡ Кўпчилик бухгалтерлар аҳамият бермайдиган ПФ-1154 l 12.05.1995 фармон бўлиб, у қуйидагилардан иборат:

🔍Товар юклангани ёки хизмат кўрсатилганидан сўнг 90 кун ичида пул тушмаса — бу муддати ўтган дебиторлик қарзи ҳисобланади (қонунчиликда белгиланган ҳоллар бундан мустасно*).
🔍Айниқса, давлат улуши 50% дан юқори бўлган корхоналарда бундай қарзлар учун раҳбар ва бош бухгалтерга маъмурий, моддий жавобгарликдан ташқари хаттоки жиноий жавобгарлик ҳам белгиланади.
🔍Тўлов қобилиятига эга бўлмаган истеъмолчиларга маҳсулот/иш/хизмат етказиб бераётган мансабдор шахсларни эса прокуратура жавобгарликка, шу жумладан жиноий жавобгарликка тортиши мумкин.

Нега бунга аҳамият берилмайди?
↗️ шартномада тўлов муддати ёки ҳисоб-китоб тартиби аниқ кўрсатилганлиги, тарафларнинг буни натижасида шикоят бермаётганлиги;
↗️ Кўпчилик бухгалтерлар хусусий секторда ишлашади (м: хусусий секторда мен 10 йил+ тажрибамда бирор марта бундай жазони учратмадим);
↗️ Бу давлатнинг кўрсатган мехрибончилиги деб ҳисоблайман. Агар истаса шу қонунга асосан жавобгарликка тортишга хаққи бор.

❗️ "Пулингизни бермаётган бўлса, жиноий иш очишга ариза бераман" деб, шу қоидани бандларини кўрсатсангиз хатингиз қўрқинчлироқ чиқади ☺️.

✈️ Қонунчиликда белгиланган ҳоллар бундан мустасно* жумласига изоҳ:
* Ташқи савдо операциялари (Экспорт-Импорт) - 180 кун+;
* Қурилиш соҳасидаги шартномаларда;
* Лизинг ва муддатли тўловларда;
* Давлат стратегик захираси ва махсус топшириқлар;
* Суд жараёнидаги қарздорликлар

🤲 Постга идея берган @Abu_by га ўзи миннатдорчилигимизни билдирамиз.

2026 йил иш вақт/соатлари

2026-йил иш кунлари ва соатлари тақвим-баланси қулай ва чиройли анимацион функциялар билан.

🔍 Хафтада 5/6 кун иш режими устига босинг, кун/ соатлар автоматик ўзгаради.

🖥 Компьютер/ноутбукдан очишни тавсия қиламиз.

Реклама харажатларини сиз қиласиз, давлат пулини тўлаб беради

✈️ 2026 йил 1 январдан бошлаб маҳаллий саноат корхоналарига улар томонидан ишлаб чиқарилган маҳсулотларни Ўзбекистондаги телевидение, радио, газета ва журналлар, онлайн реклама, билбордда ва интернет тармоғидаги хорижий ахборот ресурсларида, шу жумладан, ижтимоий тармоқлар, савдо майдончалари ва мобил иловаларда жойлаштириш) орқали тарғибот ва ташвиқот қилиш харажатларининг 50% дан 100% гача (йилига 250 млн сўмгача) қисми давлат томонидан қоплаб берилади.
❗ Имтиёздан фойдаланиш учун корхонанинг барқарорлик рейтинги AAA–B бўлиши ва йиллик савдо ҳажми 2 млрд сўмдан ошиши лозим. Ариза юбориш subsidiya.epauzb.uz.

@buxgalterPRO_uz Манба: ПҚ-365 l 01.12.2025

✈️ Қўшимча инфо: изоҳда ...

🤩🤩🤩 дан янги қўлланма:
📌 Хизматлар экспорти ва унинг солиқ оқибатлари

1. Асосий тушунчалар
2. Хизматлар экспорти турлари: Ташқи ва ички экспорт
3. Ўзбекистон ҳудудидан ташқарига хизматлар экспортига солиқ оқибатлари
4. Ўзбекистон ҳудуди ичидаги хизматлар экспортига солиқ оқибатлари
5. Кўрсатилган экспорт хизматлари учун счет-фактура
6. Бухгалтерия проводкалари ва жуда муҳим қоида

🔍 2026 йилда янги тадбиркорлик субъекти очилганида йиллик 1 млрд сумлик лимитни ҳисоблаш калькулятори

1) тадбиркорлик субъектини рўйхатдан ўткан санасини киритинг
2) рўйхатдан ўткан санасидан шу кунгача қилган айланма суммасини ёзинг (✔тўлдириш ихтиёрий)

📌Натижани автоматик равишда ҳисоблаб беради.

Масалан: ЯТТ 02.02.2026 да очилган ва 11.03.2026 гача 104 500 000 сумлик жами даромади бор дейлик. Натижа ЯТТ аллақачон 11% лимитни бажариб бўлганини ва 31.12.2026 гача қолган лимити 807,8 млн сўмни ташкил қилишини кўришимиз мумкин.

🔗 Линк: https://buxgalterpro.uz/tools/qqs-calculator-2026.html