انتى جربتى كل الطرق ونسيتى اهم حاجه ،وهى "النصيب والقدر " الموضوع دا اشبه بنتيجه الثانويه العامه كل واحد فينا كان عنده حلم وفيه اللى وصل للحاجه اللى كان بيفكر فيها وفيه اللى موصلش ومن اللى موصلش دا فيه اتنين واحد لحد دلوقتى لسه عايش فى اكتئاب ودايما مخنوق وزعلان مش قادر ينسى وواحد عمل اكتر حاجه ممكن تخلينا نتقبل اى وضع وهى الرضا !


كل حاجه فى حياتنا بتكون نصيب وقدر وربنا مأردش ان الموضوع دا يكمل ونتى مش لازم علشان تعيشى طبيعى انه كل حاجه تتمحى من حياتك وتتمسح نهائى. لا الموضوع مش كده انتى تعايشى مع الوضع يعنى اى ذكرى قولى مكنش ليا نصيب وربنا اراد بكده كثره ذكر الله فى الامور دى وكثره ترك الامور دى لله بيرزق الانسان مع الوقت نعمه النسيان ولكن بشرط مهم جدا وهو الرضا التام والاستسلام لقضاء الله وعدم الندب طبيعى تفكرى وطبيعى كل اللى قولتيه دا يحصل بس ممكن تفتكرى ذكرى وفى نفس الوقت تفتكرى ان الامر دا نصيب وقدر فهتكون الذكريات دى مع الوقت بالنسبالك عاديه سواء فضلت او اتنست هتكون شئ عادى!!

ركزى فى الكلام كويس وربنا يعينك على هذا الامر واستعينى بالصبر والصلاه🌸🤍