Ислом ТВ

ДАҲАИ АВВАЛИ МОҲИ ЗУЛ-ҲИҶҶАРО ЧИГУНА БОЯД ИСТИҚБОЛ ГИРИФТ?

Барои ҳар як мусалмон истиқбол гирифтани мавсимҳои тоат омматан,
лозим ва зарурист ва яке аз ин мавсимҳо, ки даҳаи аввали моҳи Зул-ҳиҷҷа аст, мо бояд онро ба амалҳои зерин пешвоз гирем:

1) Тавбаи содиқона
2) Бо ҷиддӣ азму қасд кардан бар ғанимат гирифтани ин даҳ рӯз бо тоату ибодат
3) Дурӣ ҷустан аз гуноҳову маъсиятҳо

《ФАЗИЛАТҲОИ ДАҲАИ АВВАЛИ ЗУЛ-ҲИҶҶА》

1) Аллоҳ Таъоло ба ин даҳ рӯз қасам ёд кардааст.( вақте ки Аллоҳ Таъоло ба ягон чизе қасам ёд мекунад, ин далолат бар фазилату манзалати он чиз мекунад)
2) Даҳ рӯзҳои маълум ва муайяне, ки дар он зикри Аллоҳ машрӯъ аст, ин даҳаи аввали Зул-ҳиҷҷа аст.
3) Паёмбар саллаллоҳу ъалайҳи васаллам шаҳодат додаанд, ки ин даҳ рӯз беҳтарин рӯзҳои дунёст.
4) Дар нӯҳум рӯзи моҳи Зул-ҳиҷҷа рӯзи Арафа вуҷуд дорад ва рӯзи Арафа рӯзи ҳаҷҷи акбар ва рӯзи бахшида шудани гуноҳон аст.
5) Дар даҳум рӯзи моҳи Зул-ҳиҷҷа рӯзи қурбонӣ вуҷуд дорад.
6) Ҷамъшавии ибодатҳои бузург дар ин даҳ рӯз, ба монанди: намоз, рӯза, садақа ва ҳаҷ, ки дар дигар рӯзҳо ин ибодатҳои бузург якҷоя ҷамъ намеояд.

《ФАЗИЛАТИ АМАЛ КАРДАН ДАР ДАҲАИ АВВАЛИ ЗУЛ-ҲИҶҶА》

Аз Абдуллоҳ ибни Аббос радияллоҳу ъанҳумо ривоят шуда, ки расули акрам саллаллоҳу ъалайҳи васаллам фармудаанд: " Ягон рӯзе нест, ки дар он амалҳои солеҳ ба сӯи Аллоҳ Таъоло аз ин даҳаи аввали моҳи Зул-ҳиҷҷа дида дӯстдоштатар бошад, пас саҳобагон гуфтанд: Эй расули Аллоҳ! ва на ҷиҳод дар роҳи Аллоҳ?! пас паёмбар саллаллоҳу ъалайҳи васаллам гуфтанд: " ва на ҷиҳод дар роҳи Аллоҳ, магар он марде, ки аз хонааш бо молу ҷонаш ба ҷиҳод меравад ва дар роҳи Аллоҳ шаҳид мешавад".
( ривояти Имом Бухорӣ)

( яъне: ягона амале, ки ба сӯи Аллоҳ Таъоло аз амалҳои даҳаи аввали моҳи Зул-ҳиҷҷа дида дӯстдоштатар аст, ин шаҳид шудан дар роҳи Аллоҳ Таъолост).

《ЯКЧАНД АМАЛҲОИ СУННАТ ДАР ДАҲАИ АВВАЛИ ЗУЛ-ҲИҶҶА》

1) Адо намудани ҳаҷ ва умра.
2) Рӯза доштан.
3) Намозҳои нафлро бисёр анҷом додан.
4) Тасбиҳу таҳмид ва таҳлилу такбирро бисёр гуфтан.
Тасбиҳ - Субҳоналлоҳ гуфтан.
Таҳмид - Алҳамдулиллоҳ гуфтан
Таҳлил- Ло илоҳа иллАллоҳ гуфтан
Такбир - Аллоҳу Акбар гуфтан
5) Садақа кардан.

БОЗ ЯКЧАНД АМАЛҲОЕ, КИ БИСЁР АНҶОМ ДОДАНИ ОН УМУМАН МУСТАҲАБ АСТ, ХОССАТАН ДАР ДАҲАИ АВВАЛИ ЗУЛ-ҲИҶҶА, КИ ОН АМАЛҲОРО АЗ БОБИ ЁДОВАРӢ ЗИКР МЕКУНЕМ:

1) Қироъати Қуръон ва таълим гирифтани он.
2) Истиғфор
3) Некӯӣ бар падару модар
4) Алоқаи хешу табориро ба ҷо овардан.
5) Паҳн кардани салом ва додани таом бар мӯҳтоҷон.
6) Оштӣ андохтан байни мардум.
7) Амру маъруф ва наҳй аз мункар кардан.
8) Нигоҳ доштани забон ва шармгоҳ аз амалҳои ҳаром.
9) Некӯӣ бар ҳамсояҳо.
10) Иззату эҳтиром кардани меҳмон.
11) Нафақа кардан дар роҳи Аллоҳ
12) Дур кардани чизҳои зараровар аз роҳи мусалмонон.
13) Нафақа кардар бар аҳлу оила.
14) Парастории ятимон.
15) Салавот бар паёмбар саллаллоҳу ъалайҳи васаллам.
16) Зиёрати беморон.
17) Баровардани эҳтиёҷотҳои бечорагон.
18) Озор надодани мусалмонон.
19) Дуои ғоибона дар ҳаққи бародарон.
20) Рафту омад кардан бар ёру дӯстони падару модар.
21) Адо намудани амонат ва ба аҳд вафо намудан.
22) Чашмро аз ҳаром кардаи Аллоҳ нигоҳ доштан.
23) Намозро дар ҷамоъат адо намудан.
24) Ҳарис будан барои ба даст овардани касби ҳалол.
25) Дохил кардани хурсандӣ дар дили мусалмонон.
26) Раҳму шафқат бар заифон.
27) Нисбати ягон мусалмони ҳақиқӣ дар дил бӯғзу адоват надоштан.
28) Фарзандонро таълиму тарбияи исломӣ додан.
29) Ба ҳамдигар дасти ёрӣ дароз кардан барои пешрави Ислом ва мусалмонон ва ғайраҳо аз амалҳои солеҳ.

Савол: оё дар шабҳои даҳаи аввали моҳи Зул-ҳиҷҷа қиёмул лайл ҷоиз аст?
Ҷавоб: бале, ҷоиз аст, зеро ки қиёмул лайл аз амалҳои солеҳ ҳисобида мешавад.

https://t.me/Zanoni_Pokdomann

103 views20:56