المريضة داخله من الطوارئ
اثناء التور جانت حرارتها 39 وفاقدة الوعي
وبالاگزام جان اكو neck stiffness

فـ سحبلها الدكتور CSF وهاي النتيجة

تروح وي الViral meningitis …

WBC: 250 cells/µL
Lymphocytes: 68%
Glucose: 52 mg/dL (normal)
Protein: 162 mg/dL (higher than typical viral meningitis; consider TB meningitis as well)

اثناء التور جان اكو مريض داخل
هو شاب ياخذ مسكنات هواي NSAID وبعدين اجه للطوارئ داخل ب renal failure

فـ اخر يوم لمن قرر الدكتور يخرجه للبيت لان تحسن
الاهل گالوا شو جاي يتدرر هواي !
فـ الدكتور گالهم بالعكس هاي من العلامات الزينة ،،
المسكنات سببت ischemia ودخلت المريض بـ AKI بعد العلاج المريض راح يدخل بالrecovery stage وهنا الي يميزها يصير diuresis نفس الي صار عد مريضنا

المرضى الي يدخلون بالعناية سواء الICU او الCCU وحتى الي يدخلون ردهات وعدهم مثلا نزف او جفاف يوميا يندزون RFT وكذلك عدهم چارتات للurine output
لان ذوله يا اما تلگاه عنده جفاف او ياخذ ادوية تأثر على الكلى او احتاجه للمتابعة

المهم ، اكيد المريض من يطلع التحليل يجيبه الك وينصدم مرات اليوريا صاعدة وهالشي مرعب عدهم
ويگلك مثلا شو قبل جان زين ، شنو صار عنده عجز ؟ لازم يغسل ؟
شلون تجاوبه وتگله المشكلة بسبب الdehydration او لا فعلاً المريض صاير CKD ولازم يغسل

ك شي عملي وسريع اباوع للurea والكرياتنين
ونقسم او نطلع نسبة الBUN/ Cr
اذا طلعت اكثر من 20 هنا يروح وي الجفاف dehydration او نسميه prerenal AKI
التفسير كالاتي :

بالprerenal الكلية صح ماجاي يوصلها دم بس الtubule جاي تشتغل وتگدر ترجع الصوديوم وكذلك تسحب الماي وياهن تسحب اليوريا
فـ تزيد اليوريا بالجسم
بس الكرياتين عادي يطلع وتتخلص منه الكلية باعتباره شي ضار

بالنتيجة راح يصير عندي اليوريا صاعدة هواي والكرياتين قريب من الطبيعي
فـ من اقسمهم تطلع نسبة اليوريا ع الكرياتين اكثر من 20:1

بينما اذا صاير عندي tubular injury مثل الATN هنا ماراح يصير امتصاص لا للصوديوم ولا للماي والكلية ماتگدر تتخلص من الكرياتينين
لذلك الگاهم الاثنين مرتفعات
ك ملخص اذا شفت بس اليوريا مرتفعة اگله هنا السبب جفاف وان شاء الله نعوض سوائل وتنحل

بس اذا الUrea + Cr مرتفعات هنا المريض داخل بـ ATN او السبب بالكلية نفسها

يومياً يواجهكم هذا الموضوع بالمستشفى…

يگلك اذا الكالسيوم جان فوگ ال13 دور على malignancy
ذاك اليوم مريضة جانت داخله والكالسيوم جان 14
بس للاسف مالحگوا يشخصونها،، بس هو اكيد جان اكو malignancy …

هاي الميكانزم
الشي المميز هنا الPTH يكون low عكس المتوقع لان جاي يصيرله suppression

وكذلك Vit D ماراح يتأثر لان الرسبتر ماتتأثر بالPTHrP …

هسة شنو
والجو حلو
إسبانيا والأرجنتين نشجعهم اثنينهم

الصبح عندي تور وكول طوارئ مورنگ
لازم اگعد بالخمسة
شوكت تجي الكهرباء وين نناشد

امس بداية الكول اجت فيميل فاقدة الوعي (confused )
سالنه الاهل شنو صار؟
بس گالوا جانت گاعده وفجأة فقدت
قسنه السكر جان الRBS 34

انطينه hypertonic وجان اكيد ماجك رسبونس ورجع الوعي
الخطوة البعدها لازم اسوي ابروچ للhypoglycemia
وشلون افرق انو هي ماخذة انسولين جرعة عالية لو ماخذة حبوب مثل ال Sulfonylurea
ندز تحليل نشوف الinsulin والc- peptide

اذا اثنينهم high يعني ماخذه الSulfonylurea

اذا الinsulin عالي والc-peptide low يعني ماخذة جرعة انسولين زايدة

قبل فترة همين اجه رجال وتخيلوا مرتين جاي للطوارئ فاقد بسبب الhypoglycemia
المشكلة انو ادوية الSulfonylurea تحفز البنكرياس يفرز انسولين بغض النظر عن مستوى السكر
يعني سواء الشخص ماكل او لا راح ينفرز الانسولين
وتخيلوا انو هو مثلا شخص كبير بالعمر او ماياكل هنا راح يدخل بrecurrent hypoglycemia

شلون نتعامل وياهم بالمستشفى؟
ندخلهم للردهات ويبقون مراقبة 72 ساعة وننطي octreotide

Sulfonylurea overdose → prolonged insulin release → recurrent hypoglycemia → observe 72 h.

…