中國代表隨即提出反對，就話中文嘅國際標準只係有普通話就夠，因為普通話先係中國嘅官方語言。於是其後各國代表討論有關方案。香港代表解釋，廣東話同普通話即使用類似嘅漢字，但其實互不相通，所以係兩種唔同嘅語言，應該有唔同嘅標準。

https://gongjyuhok.hk/articles/5159

台灣總統蔡英文：「有許多講粵語的朋友，過去一年，謝謝大家繼續關注我的臉書，我也請你們相信，民主制度也許不完美，但依然是目前為止人類社會最好的制度。請大家抱持信念，不要放棄，也跟大家說一聲，『新年平安』。」
https://gongjyuhok.hk/articles/5170

今日政府終於逼市民用佢哋發明嘅「安心出行」（LeaveHomeSafe）電話程式，規定出門口去唔到地方就要打卡。一直以來大家又係覺得好奇怪嘅點，點解有廣東話「出門」唔用，要用「出行」？係咪好似叫地帶做「小區」咁，夾硬跟大陸用詞？

跟大陸就梗喇，但其實大陸個「出行」，亦都唔係林鄭個「出行」咁解。

首先，呢個詞語喺大陸都唔算常用，因為其實大陸都係講開「出門」嘅，因為出字同行字本身都可以解太多意思，所以反而口語都好少用。

人總係望文生義嘅。「出門」令人生動咁諗到離開屋企，「出行」又會聯想到遠行、旅行，所以呢兩個詞語自古以來都已經分開咗兩個唔同嘅意思，用咗千幾年都唔會混淆。

例子——

《論語》：「子曰：『出門如見大賓，使民如承大祭。』」

《論語注疏》: 「孔曰：『子路反至其家，丈人出行不在。』」

（可以舉嘅例子太多，不能盡錄。但就真係兩隻字併埋咁簡單，好難混淆。）

咁林鄭點樣創造呢個歷史「新語」（newspeak）呢？我估計，好可能佢哋睇到啲大陸call車程式「滴ｘ出行」咁熱門，就有樣學樣，貪現成執個好啲嘅名。

政府以為跟晒大陸用語，方便大陸人就最好，殊不知大陸抄風盛行，成千上百叫做「ｘｘ出行」嘅Call Apps出現，真係搵着個大陸人嚟睇，佢都好可能會以為「安心出行」係一個Call車App，返唔到酒店開嚟「打的」；或者會以為係出入境嗰種「出行」先要打卡。

為咗緊貼呢個「新語」，政府而家喺新聞公布都記者會都改口，將一切「出門」都叫做「出行」。就如童話入面一個國王唔着衫就出門，周圍同人講自己着咗新衫咁荒謬——唔係指鹿為馬嘅機心詭計，只係做咗國王嗰個人，本身真係好戇鳩。

現實好荒謬，但喺語文角度睇，呢單嘢只係一個小學雞級數嘅笑話。

文／陳樂行

－－－－－－－－－－－－－－－

訂閱港語學文化頻道，每個月只需$38＋，持續支持語言調查報告及文學活動，用行動捍衛廣東話：https://www.penana.com/user/80736/

為咗拍好條片，各國領事仲特登學咗好多廣東話！一齊睇下佢哋講廣東話講成點啦！
https://gongjyuhok.hk/articles/5187

文章可唔可以由機械人寫成？透過人工智能同深度學習，一種被研究人員稱為「語言模型（language model）」嘅技術已經逐漸成熟，開始同人類嘅文章真假難辨，甚至研究人員都以論文警告需要盡快設立規矩，以免呢啲技術被利用做製造假新聞，「學壞晒」講啲歧視同傷人嘅言語。https://gongjyuhok.hk/articles/5226

中国：「請尊重我國節日名稱！」
日韓星馬泰越柬：「大家咁話。」
https://gongjyuhok.hk/articles/5245

港語學主席陳樂行認為，光榮冰室當時嘅告示十分之有禮貌，唔明白如何構成歧視。「香港人母語係廣東話，唔識其他語言都唔出奇啫，咁都犯法？浸大要本地學生普通話過門檻先可以畢業，但大陸學生就乜嘢語言要求都唔使，投訴咗三年，平機會有冇理過？」https://gongjyuhok.hk/articles/5266

今日（18號）喺政府放寬限聚令下，電影院都終於開返，備受注目嘅本地電影《狂舞派3》久候多時都喺今日首映。製片商高先電影總經理陳靜透露，今次電影係有個有趣設定：「我哋會全用廣東話字幕。」
https://gongjyuhok.hk/articles/5302

近日孔子學院就被踢爆，同教職員簽嘅合約竟然要脅話「教學研究違反中国法律或損害中國形象可被解僱」 ，被議員炮轟違反學術自由。荷蘭教育部揚言定必跟進，「不容討價還價」。
https://gongjyuhok.hk/articles/5306

被問到顧客如果唔用安心出行，改為登記資料，係咪一定要用中文名；陳肇始話，如果姓名冇中文，只要係合適嘅語文都可。
https://gongjyuhok.hk/articles/5329

今日2月21號係聯合國教科文組織所定嘅「國際母語日」，提倡要尊重國民學習同使用母語，全球各國都有響應嘅活動。台灣隆重其事，年年都揀喺母語日前後舉行「原住民族語言發展會議」；而大陸就冇乜官方嘅活動，只有中央電台呼籲話「語言有戰略意義」，要「寫對中国字」。
https://gongjyuhok.hk/articles/5347

突發：香港中文大學校方不滿當選學生會幹事會內閣「朔夜」嘅政綱，喺當選後翌日即今日（25號）突然發表聲明，反對內閣參選嘅宣言同言論，亦對大學有失實指控，因此決定暫停對學生會一切嘅支援，包括代收會費同場地支援，暫停相關學生喺唔同委員會嘅職務，要求學生會獨立註冊、自行承擔法律責任，並且揚言會採取進一步措施。
https://gongjyuhok.hk/articles/5518

尋日中文大學聲明反對內閣參選嘅宣言同言論，指責學生會對大學有失實指控。今日中文大學學生會幹事會候任內閣「朔夜」就發起聯署回應，指出中大係全面與學生會割蓆，剝奪學生會多項基本權利，無疑表達咗校方選擇背棄學生嘅立場，「創校五十多年來的風骨、基石，毀於今日」。

佢哋發起聯署，呼籲在校同學、校友、教職員等聯名支持幹事會職務，反對校方剝削學生會基本權利，以政治壓倒學生權益，並要求校方收回相關決定。
https://gongjyuhok.hk/articles/5534

捩橫折曲！唔正視語言真正含有嘅歧視意義，先係最大嘅歧視
https://gongjyuhok.hk/articles/5660

美國太空總署 NASA 最近開展免費嘅「射你個名上火星 (send your name to mars)」活動，只要將自己個名登記喺活動官網，NASA就會將你個名字刻喺矽晶片，然後名單會放喺 2026 年太空船，直接射上火星！

個名會儲存喺邊呢？根據 NASA 官網資料顯示，喺「把自己名字送上火星」活動終止後，會將全球所有登記姓名，刻晒喺好似指甲咁大嘅晶上（如圖)，每塊可以儲到1,100萬個名，然後釘死喺火星探測器船尾橫樑上，隨太空船航和登陸火星後，都會隨火星探測器一起探索遨遊外太空同火星。

Click入我哋港語學 https://gongjyuhok.hk/articles/5782 個bio，我哋教你登記啦！

#nasa #美國太空總署 #上火星 #火星 #火星留名 #留名 #港語學

律政司指反對普通話教中文科為顛覆國家政權行為 反對鍾瀚林保釋
https://gongjyuhok.hk/articles/5891

【港語學回應檢控官將反對「普教中」列為危害國安行為】

鍾翰林同學早前被控違反國安法，今日喺區域法院受審。鍾翰林表示將不會認罪並申請保釋，但檢控官舉出鍾翰林反對普通話教授中文科（「普教中」）嘅言論，認為係鍾同學會「繼續實施危害國安行為」嘅證據。法官胡雅文拒絕佢嘅申請。

我哋唔認同檢控官將反對「普教中」列為「危害國家安全嘅行為」，理由如下：

一、「普教中」並非政府制訂政策

根據教育局指引，以「普教中」長久以來只係課程發展議會建議所列出嘅一個「遠程目標」。現時學校有權以「校本自決」嘅形式，因應校情決定是否用普通話做教學語言。因此，反對「普教中」原則上並非反對政府現行政策，唔應該計入鍾翰林控罪「改變在香港的依法制訂的事項」。

二、反對「普教中」建基於學術理據

根據教育局多次委託大學及專家研究，仍未搵到證據證明「普教中」比廣東話教學好，甚至多個研究指出「普教中」學生表現更差。鍾翰林由始至終提出過反對「普教中」嘅原因，都係學生福祉同埋廣東話文化嘅傳承，更加與「分裂國家」嘅罪名無關。

三、要求以母語學習係基本人權

本港簽定嘅《兒童權利公約》具有法律約束力。《公約》定明不得剝奪本地兒童使用自己語言嘅權利。香港有九成人口以廣東話為母語，亦都一直依法將廣東話定為多數課堂嘅授課語言。將鍾翰林同學提出保留廣東話學習嘅言論視為非法，係侵犯香港人嘅言論自由同語言權利。

因此，我哋認為檢控官將反對「普教中」列為「危害國家安全」，係建基於對政策性質同反對原因嘅理解錯誤。我哋就鍾翰林因此不獲保釋感到遺憾。

另外，港語學由2013年起，將反對以普通話教授中文科列為機構嘅目標，至今仍然唔會改變。

港語學

二零二一年三月二十五日