#نصائح_الختام ❤❤❤
السلام عليكم دكتور في داعي نحل دورات حلب ودورات د.اسد غير دورة 2023..والأطفال خلصت مراجعتها مبارح في داعي لاعادتها بالفترة باعتبار عم ركز الداخليات
وعليك اسلام
دورة حلب جلدية بس اخر دورة
د أسد اذا معك وقت فقط حليها غير هيك لا
بتراجع أطفال مع داخلية حصرا بنفس الترتيب الي حكيتو كل يوم ٣ داخليات مع اطفال

#نصائح_الختام
هاااااام جدا 💙💙💙
تحياتي دكتور لو سمحت انا مبارح خلصت الكتلة مراجعة
كنت ناوي هل خمس ايام دورات  بيكفي! تنين كنت مفكر من هلا حل دورات كاملة ولا بحل مادة مادة منشان تتركز الفكرة
الجواب
لااااااا ابدا ابدا
رح تضيع معلومات كتير
امشي كل ٣ مواد مع اطفالن مع دوراتن باليوم
رح توصل للاربعاء والطب كلو فريش بعقلك
نصيحة اذا بدك علامة عالية 👌❤

فاصل بسيط ثم نعود 😂🔥ورح ارجع عيد الرسالة بنهاية الاسبوع
فقط لجماعة سنة رابعة حلب🔥🔥
دفعة 54 الموجودين بقناتي❤❤

هاد الفصل هو تاني محطة صعبة بعد التحضيري
سنة اولى سريريات لكن بمتعة احلى ومسؤولية اكبر لفهم للآليات المرضية وكيف بجي المريض ومعرفة الاستقصاء المناسب والعلاج الو...
عندكن مواد هامة بأول فصل ومنها الهضمية والقلبية ادسم مواد الداخلية وأساس الداخليات
لهيك ونظرا تحت رغبة بعضكم من الي حكوني سابقا مشان نعمل تعريف مفصل عن المادة ...
فيكن تنضمو للقناة الخاصة الكن والقلبية يشكل خاص للحديث عن محاور القلبية بالتفصيل
بحيث نعرف شو المهم وشو هو المهم للاختصاص وشو اهم المراجع وروابط الفيديوهات المميزة فيها
رابط القناة :
https://t.me/+8i-0Q8ZzBoQ2OTY0
بالتوفيق 🤞❤

https://t.me/+fcIrjVp71UU1OGU0
قناة لإحدى الزميلات الله يجزيها الخير
عاملة قناة مجمعة فيها شغلات بتنتسى وجداول مهمة وملاحظات
طبعا الي فيها مهم بالنسبة الها وماضروري يكون مهم للجميع بس اكيد محتواها رح يكون امتحاني كون مجمعة شغلات بصمية
للي بحب يشترك ينضم للقناة ويقلب بالمحتوى
دعواتكم لصاحبة القناة الي مابخلت بنشرها وقت طلبت منها ❤

#نصائح_الختام
المناقشات العقيمة عالاسئلة 😁😂💙
مسا الخير دكتور .. وشكرا لتعبك معنا
سؤال انا بكون دارسة وتمام
بفتح عهالقنوات بنزلوا اسئلة متوقعة ومن اسئلة الجامعات على حكين وحرفياً تعجيزية
بتنصحنا نحلن منشان ندرب حالنا عالصعب او خلص نلتزم بمراجعنا بما انو هالاسئلة مو من المرجع
الجواب
كلمة وحدة بس بهيك وقت
احذف جميع وسائل التوصل واطلع من االغروبات المقتة.....
ركزي دورات مفيدة متل دورة حلب جلدية ود أسد أطفال وحاج
ولا تناقش حدا بايا سؤال
اطلاع من الغروب بس

#نصائح_الختام
طيب دكتور بتنصحنا نسمع تسجيلات نيرد للمادة ونقلب بالصفحات معو
وبعدا نركز عفقرات يلي منخربط فيها بكل مادة ؟
قصدي عخطة مراجعة ٣ داخليات باليوم
ولا هيك بياخد وقت ما نسمع تسجيلات؟
الجواب
للأمانة ماعندي علم بالتسجيل
يشكل عام مابفضل التسجيلات ولا الفيديوهات
قراءة سريعة للفقرة أفضل من سماعها وتلقينها بهيك وقت
بالتوفيق

#نصائح_الختام
يعطيك العافية دكتور
هلق انا آخر ١٠ أيام راجعت الكتلة الأولى
اذا راجعت الاربع ايام البقيانة الدورات والشغلات الهامة متل الجداول وملاحظاتي تمام هيك؟
الجواب
لا مو تمام اذا بدك تدخل عالفحص مرتاحة بالمعلومات
اربع اايام قادرة تنسيك بغض المعلومات الصغيرة البصمية الي ممكن تحللك اربع خمس أسئلة
الاعادة مهمة هالايام هام جدا 👍💙

#نصائح_الختام
يعطيك العافية دكتور
اسفة عالازعاج مرة تانية😅
دكتور انا حليت الدروات اول مرة بهاذ الشهر بعد كل مادة ادرسها 
وهلا عم راجعهم تصنيفات مع كل مراجعة مادة  بس لسا عم اغلط فيهم
الدورات بدن مراجعة مرة تالتة؟ انو خصصلن يوم اراجعهم اخر مرة؟
الجواب
لا طبعا مابدن ....بس اكتبي وين غلطك على ورقة جانبية وخلص...أو فيك يوم الاربعا تعيدي المؤشر بالنجمة ببيتا كافي
فقط اخر دورة أو دورتين حلين للاستذكار بس

#سوادس_الدفعة_2024
#سلسلة_التعريف_بالوطني
#داخلية_عصبية✌️🔥❤️
بوست اخر الليل لتسريع عملية تعريف المواد حسب طلبكن و مشان نبدأ بتنزيل خطة دراسية مرتبة والبدء بكورسات الوطني ان شالله 👌💙

بالنسبة للباطنة كمرجع يعتبر من أضخم المواد بالتفاصيل الاختصاصية والمشتتة ومن الصعب حدا يستوعبها او يبصمها
لهيك ركزو الشي المهم والفقرات المتكررة بالشوامل(والباقي قراءة سريعة حاج)
يعني بمعنى تاني قراءة لكلشي وثبتو وراجعو فقرات الدورات مع تلوين بعض المعلومات الغريبة الي بتشوفوها هامة😁✌️لانو ببساطة المرجع ضخم جدا نسبة لعدد أسئلتها وبدوخ الواحد 🙈😅

تحتاج ٤ ايام
عدد أسئلة ٤
بالنسبة للميدبوس العصبية ....النوطة عملتها على قسمين
🔵قسم هام وفيه فقرات الشوامل مع الشوامل مع إضافات خارجية محتمل يجي منها ومحببة من أطباء العصبية
🔵قسم اقل أهمية وشملت فيه تتمة أمراض المرجع كاملاً الي حابب يدرس كلشي
طبعا القسم التاني تفصيلي اختصاصي ومااجا منو ايا سؤال طيلة السنوات السابقة
عملتو مشان الي حابب يحرق المادة بأول وجه ...😁💙👌
طبعا بالاعادة مابنصح بهاد الشي ويكتفى بالقسم الأول الهام

بالتوفيق ❤️

السلام عليكم زملاء دفعة ٢٠٢٣
#التعامل_غدآ_بورقة_الامتحان_هام_جداً
البوست الأخير
المحطة الأخيرة
فاصل اقل من ٢٤ ساعة وبتخلصو هم من اكبر مرحلة حاسمة بحياتكن...ورح تكتشفو انو الوطني فقاعة ومترهلة كمان بعد الوطني 😁👌💙
هاد بوست التعامل مع ورقة الامتحان
حاولو تقرأو البوست بعدا سكرو نت لنهاية امتحان بكرا ....قللو تشتيت ولا تضيعو حالكن هلا باسئلة خارجية ....تقيدو بالشوامل وحاج
حاولو تخلصو دراسة بحدود ال ١٢ ليلا يعني بعد ست ساعات ....لا تضلو اكتر من ٢ حتى لو مالكن ملحقين....لازم عالاقل تنام ٧ ساعات تجمع فين قواك للتعامل مع ورقة الامتحان ....
الوقت مريح وطويل وبدو عقل صبور يتعامل معها بدون عبطة وسرعة كتيرة ممكن تضيعلك تعبك وعلاماتك
رووووووووقو كتير وانت ماسكين الورقة
اول شي تظليل الرقم الوطني+الاسم كاملا
شغلات تافهة بعرف بس التوتر ممكن تنسي اسمك بالغلط👌👍
لاااااااااااا تحاولو تقرأو الأسئلة تعملو اطلاع عليها ياجماعة 😅 بتحل كل سؤال بسؤالو ....💙 اصلا مافي وقت للإطلاع الا بحال الواحد كان داخل اصلا مو ببالو التقديم وقعد يتسلا
الامتحان ١٢٠ سؤال
مدة ساعتين يعني ١٢٠ دقيقة
كل دقيقة لسؤال ....مفهوم ياجماعة !!؟؟
يعني تبرك تمحص بالسؤال وتعمل حالك د هاوس وياخد السؤال منك خمس د وتفرح انك حليتو بالاخير !!! هاد قمة الخطأ
بتقرأ السؤال وخياراتو...بشوية تفكير طلع معك الحل بتحلو ماطلع معك مباشر بتأشر عليه وارجعلو بنهاية الامتحان حاول ترجع تركز فيه...تمام 👌👍
التحبير ازرق مباشر وحكينا الي مالك متأكد منو حلو برصاص واحسب حسابك تترك وقت لهدول الأسئلة بالاخير يعني اكيد مارح تكبن كلن لمجرد انك حطيت عليه علام ....ممكن بنهاية الفحص توترك يروق وعقلك ينشط اكتر وتعرف حلن بسهولة تكسب علامتن👌🔥💙
احتمال يخونك الوقت وسرعة الزمن ومايضل وقت تحبير بالاخير !!! حاولو تداركو هالموضوع قدر الامكان
بلش من بداية الورقة ....لا تقعد تدور عالقلبية والجلدية دوارة بحجة معلوماتن تازة بمخك وبدك تحل....لا يااخي هدي امورك كلشي رح تذكرو بنظرة ان شالله
رح تجي الورقة مقسمة داخلية أطفال جلدية أو بغيرو الترتيب لا حرج بس المهم تعرفو أسئلة كل مرجع لحال + كل مادة اسئلتها ورا بعضها
امشو ببداية الورقة متل ماهي ...بحال لا سمح الله شفتو أسئلة أطفال مثلا أو جلدية تقيلة فيكن تنتقلو مباشرة لاسئلة غير مرجع خصوصي اول الوقت بكون الواحد متوتر واحتمال يضيع تركيزكن أول ربع ساعة لهيك حاولو تروقو وبلشو بغير أسئلة بعدا إرجاع لاسئلة أول ورقة
ورق الفحص مخروز مع بعضو وللأسف رح تضطر كل سؤال تنتقل لأول ورقة (ورقة الإجابة )حتى تظللو الحل
تقريبا على مااذكر في شي ٧ أوراق امتحان تشمل ١٢٠ سؤال
لهيك حطو ببالكن انو الدقيقة للسؤال لازم تشمل معها التظليل لانو رح ياكل وقت خصوصي بعد تالت صفحة بصير التنقل صعب وبدو عدة ثواني لهيك برجع بكرر كل عشر دقايق قيم الوضع بحال كنت مقصر حاول تستعجل شوي وهيك

#فريق_الميدبوس بتمنالكن كل التوفيق ومنتظرين منكن البسمة بعد الامتحان والعلامات المفرحة المنتظرة 😊🔥❤
كل التوفيق ❤🤲❤

نسأل الله القدير. ، أن يفتح بصركم وبصيرتكم ، وأن يجعل هذا الامتحان سهلاً يسيرا .....
نام بشكل كافي
بشكل كافي نام
كافي بشكل نام
هذه #الدقائق للنوم فقط

كل التوفيق أخوتي وأحبائي ♥️🔥
د. ناصر جزه را
د. سعيد العبدالله

اش قصتكم مع الاكل ضربت عالوجع كني 😂😂😂😂

روقو ياجماعة
خلص انسو الكتلة الأولى وشد الهمة للتانية💙
يعني انضربنا بالأولى منكب معها التانية !!!!
بتعوضو بالتانية ان شالله
شوي وبنزل خطة الدراسة بالكتلة التانية ❤
اليوم اصطهاج ونوم مافي دراسة بالخطة😁

مرحبا ياجماعة ❤❤
عنا ١٣ يوم ابتداء من بكرا
خطة الدراسة بين الكتلتين كالتالي :
جراحة عامة يومين
بولية +عظمية يوم ونص
عينية يوم
اذنية يوم
توليد يومين ونص
نسائية يوم ونص
تتمة الجراحات يوم ونص
جميع ماسبق مع الدورات هام جدا ولاحظو انو زودت ايام بلتوليد والنسائية لانو بعرف دوراتها تقيلة بدها يوم كامل

ببقي عنكن تلاتا اربعا

التلاتا نظرة سريعة لكلشي بالاحمر توليد ونسائية مع عامة مع نص الاذنية دون دورات

الاربعا إعادة عظمية لكلشي بالاحمر مع دوراتها
دورات العينية فقط
ماتبقى من الاذنية(هيك ضمنتو إعادة المادة مع دورات العينية شملنا العيادات بيومين الامتحان)
حل كم دورة شاملات بحيث تضمن مراجعة أسئلة الجراحات الصغرى من خلالها
دراسة ملاحظاتك مع مفضلة بيتا

طبعا هي خطة تقريبية وفيكن تعدلو عليها كيف بدكن
كل التوفيق ❤❤

#نصائح_الختام
جمعة مباركة للجميع
السلام عليكم دكتور
شكرا كتير لتعبك معنا وإنك عم تتابعنا والله يأكرمك بما تتمناه .. بكفي الدعم  يلي عم تقدمه لالنا بهيك وقت

عندي سؤال بخصوص الكتلة ٢ لوسمحت
ببلش بالمادة يلي متمكنة منها ولا بالعكس ببلش من شي مو متمكنة منه وبراجعه آخر شي؟
يعني انا شوي مقصرة توليد ونسائية
فعم فكر بلش فيها وارجع امرق عليها بسرعة الثلاثاء يلي قبل الكتلة
ولا خليها لآخر شي مشان مراجعتها ما تاخد معي وقت؟
الحواب
وعليك السلام دكتورة
العفو ولو الله يكرمك
براي بلشي جراحات افضل
بلنص عيادات
للأخير توليد بتكون قريبة من التلاتا

كلمتين اضافيات
هاد الكلام لا ينطبق عالجميع....نزلت تقسيم المواد بترتيب معين وهاد برأيي الأفضل والاضمن
الي بحب يعدل ويبلش توليد جراحات عيادات اكييييييد لا حرج وكلو بصير ....المهم تبلشو دراسة الييييوم😊❤

رح خلص العامة والبولية والعظمية اليوم مارح نام طاول 🤭🔥❤
أحدهم أو احداهن بعد صفحتين عامة 😁😂

#سوادس_الدفعة_2024
#سلسلة_التعريف_بالوطني
#الاطفال بالتفصيل
القلبية
تفاصيلها كتيرة بالأطفال لهيك احفظوه الأساسيات ولا تتعمقو كتير فيها وأهم شي فيها الامراض الخلقية ثم قصور قلب
الهضمية
مهم بكل امراضو
صدرية
مهم جدا متل الهضمية
دموية
ترمم وتدرس بالتوازي مع الداخلية خاصة بمواضيع التلاسيميا والمنجلي
كلية
مهم وحلو كاهمية وسط
رثوية
حرام يندرس المرجع كتييييييير مفصل وامراضو غير مهمة وبدوخ الطالب ولهيك بكفي تدرسو نقاط المادة المهمة منها
انتانية
هااااامة جدا ويدرس كاملة وبتدرسو معها انتانية الداخلية مشان تترمم المعلومات منيح وعلمو الشي للخلافي بيناتن
الاعتماد بالمادة على الأطفال كون مفصلة اكتر وفيها الزبدة مع كم موضوع داخلية انتانية بتخلصو من المادتين وهنن تيفية مالطية سفلس سيلان اي كولاي وايدز وداء المبيضات
العصبية
هام ويدرس كاملة والي بدو اهم الفقرات فهنن الاختلاج الحروري وجدول الاختلاجات والصرع والشقيقة وأعراض ICP واستسقاء الدماغ و SMA التهاب سحايا شلل أطفال غيلان باريه حثل دوشين😁😁 طيعا في فقرات تانية بس اقل أهمية
الغدية
سهل وحبو وأهم فقراتو قصور درق ولادي وفرط درقية وفرط تنسج قشر الكظر ونقص سكر الدم والسكري
الجلدية تدمج مع الداخلية مافي فرق بيناتن ابدا

أطفال ١
مادة حوالي ٣٠٠ صفحة فيها من المعلومات بحر وثقافة خير الله
تلخصيو عذاب وضياع للوقت مقابل أسئلة قليل حوالي ١٠ وأقل
فيكن تنقو ملخص وتعتمدو غليه واشمل ملخص موحود هو ملخص الميدبوس حوالي ١٤٠ صفحة وأهم فصولها هنن ٤ + ١٠ + ١١
بالنسبة لعدد الأسئلة
٨ ل١٠ أطفال ١
٢٦ أطفال ٢
أهمية فصول أطفال ٢ بالترتيب
انتانية صدرية هضمية
دموية عصبية
كلية غدية
قلبية
رثوية
نوط فريق الميدبوس اشتغلت حتى تكون الرقم واحد خاصة بالأطفال....عبارة عن مرجع + إضافات خارجية هامة لابد منها
واشتغلت ملخص ميني بوس أطفال ٢ فيو ماهو هام مم فقرات الشوامل فقط مع كم معلومة خارجية هامة
فيكن تستعينو بااميني حتى تعرفو كيف تدرسو ااميدبوس وتلخصوه منيح وتحذفو للغير هام .
النوط المحدثة رح تنزل قريبآ ان شالله

لأي سؤال فيكن تتواصلو على حسابي الشخصي
بالتوفيق ❤❤