كتاب يعادل الستيب 2
للدكتور كونراد فيشر❤️

#دقيقة_من_ذهب
النفسي 😃👌

1- SSRIs
Citalopram - Escitalopram
Fluoxetine - Fluvoxamine
Sertraline - Paroxetine

2- SNRIs
Venlafaxine - Duloxetine

3- TCAs
Imipramine- Clomipramine- Trimipramine - Desipramine
Amitriptyline - Nortriptyline
amoxapine - Doxepin
Maprotiline- Trazodone هدول التنين رباعيات الحلقة

4-MAO-I
Phenelzine
Selegiline

5- Typical antipsychotics
haloperidol
thioridazine
fluphenazine
chlorpromazine (Class: Phenothiazine)

6- Atypical antipsychotics
olanzapine
quetiapine
clozapine
risperidone
aripiprazole

7- Anxiolytics: Benzodiazepines
Alprazolam Diazepam Clonazepam
من إحدى الملاحظات الهامة بخصوص النفسي
عليها اربع أسئلة وبالعادة بجي ٤ خيارات مايلي ماعدا لصنف دوائي واحد والخيار الخامس تابع لصنف مختلف وهاد بكون خطأ ومنختارو
رسالة حافظها من قرن يمكن😂
واحفظو هالرسالة رح تلزمكن بوقت الزنقة صدقاً😂😂💔
لأي سؤال ماتنسو البوت الخاص بالقناة ☺️💙
بالتوفيق 💚

ما هي البطارية القلبية ( ناظم الخطا )🔥 ومتى نحتاج لتركيبها ؟ وكيف تعمل؟ 🔥
الجواب :
يوجد في قلب الإنسان مجموعة من الخلايا تسمى العقدة الجيبية الأذينية(SAN) تطلق تنبيهات كهربائية تنتشر للقلب بواسطة مجموعة من الحزم والألياف تؤدي إلى تقلص القلب .
قد تصاب هذه الحزم والألياف بسبب التقدم بالعمر أو نقص التروية أو التهاب بعضلة القلب أو التسمم بأدوية معينة مما يؤدي إلى بطء شديد بضربات القلب أو حصار قد يكون خطيرا .
هنا قد نحتاج إلى تركيب بطارية للقلب (ناظم خطا) تعطي تنبيهات كهربائية للقلب مما يؤدي إلى تقلصه وفق عدد مرات معين نقوم بتحديده بمعايرة البطارية .
هناك نوعان من البطاريات :
١) بطارية مؤقتة تكون بحجم كف اليد تقريبا تثبت خارجيا .
٢) بطارية دائمة أصغر حجما تزرع تحت الجلد عبر شق جراحي
الي سألني عن معنى ناظم الخطا القلبي👆👆👆كلمتين بسيطات عنو 💙
لأي سؤال ماتنسو البوت الخاص بالقناة
بالتوفيق للجميع 🖤🖤

أسعد الله مسائكم شعب السوادس العظيم 🔥🔥💙💙
بوست تحفيزي بعد كثرة الأسئلة والاستفسارات عن موضوع تغيير بنوك الوطني وعن فريقنا المتشكل حديثاً وعن المصدر المريح الشامل الكامل المتكامل بعد قرارات البارح 👌🔥

بالبداية بحب انوه انو هاد القرار ناتج عن المعدلات العالية بدورتنا والي ماحصل متلها بغير سنوات....
متل ماحكا صديقي الدكتور زين... الهام رح يضل هام واللعب عالفقرات التانية إضافة لتغيير نمط السؤال المكرر...

ومتل مابتعرفو موضوع العلامة صار أولوية لازم يشتغل عليها الطالب خصوصي بعد توحيد معدل التفاضل بين الدراسات والصحة 👌💔يعني شغلك بالوطني صار ضروري لتطلع بعلامة حلوة تساعدك باختيار الاختصاص المرغوب...

التبحر في عالم المراجع والصفحات امر مربك نسبياً للبعض.... والبعض مالو مراق للتصفح.... والبعض ممكن يلاقي صعوبة باستخلاص المعلومات الهامة سواء سريريًا بالحياة العملية ام للوطني....والبعض عندو التزامات وقلة وقت 😢 والبعض بحب يفتح مصدر واحد يكون شامل كامل متكامل للوطني وللاختصاص كحفظ وفهم وشرح لجميع النقاط والاضافات الي ممكن تجي بالفحص مهما حاولو يلعبو بالأسئلة والبنوك وبنفس الوقت يضمن فيه أعلى علامة بأقل جهد ووقت وبريح راسو من الدوارة بهيك سنة حاسمة ومهمة👌💙

ومن هون انطلقت فكرة فريقنا.....🔥🔥
فريق متشكل من جميع المحافظات السورية.... جميعهم من الاوائل بسنوات الجامعة وبسنة الوطني.. 🔥🔥
ومن الخمسين الأولى على مستوى القطر❤️❤️❤️

الفريق رح يساعدكم بوضع ملخصات تفي بالكلام الي ذكرتو فوق.... اعتماداً على مراجع الوطني وكتب الستيب والامبوس إضافة لكلشي ممكن يجي من منهاج الشام وتشرين وغيرها 🔥🔥🔥الي هنن المكاتب الطبية الاشمل على الإطلاق بعالم الطب ❤️ ✋
بحيث ان شالله وبإذن الله الملخص كافي ووافي لكل المعلومات المحتمل ورودها دون الحاجة لأي مصدر آخر ✌️🤙💜

الانطلاقة قريبا بإحدى أهم وأصعب وأحلى الداخليات..... 👌💛والباقي رح ينزلو تباعاً 💪❤️

اسم الفريق مفاجئة رح يكون بس حلو والله 😂😂😎

الفريق معكم على مدار العام لأي سؤال واستفسار بخطر ببالكم 💙

كل التوفيق 💚💚

#هااااااااااام_يرجى_النشر
#نصائح_توعية
مرحبا ياجماعة💚
متل مامنعرف بتكتر نزلات البرد بهيك جو شتوي شي طبيعي جدا كون الفيروسات بصورة عامة بتحب البرودة وبتتكاثر فيه

الشي الهام الي بدي احكيه هو عن الخلطة السحرية الي ماشفت الها مصدر بولا مرجع بالدنيا!!!!الي بتوصفها الخلق بين بعضها وللاسف صرت شايف كذا صيدلي عاطي هيك وصفة 💔
وصفة الخلطة(٣ب١🙂) ديكلو مع ديكسا مع ابرة التهاب (صاد حيوي)
مخاطرها كتير ورح احكي شوي عنها :
انتبهو ياجماعة هدول ممكن يعملو صدمة تحسسية قاتلة
ارتفاع كبير بسكر الدم وممكن يتحول المريض لمريض سكري فعلي من تكرار حقن أبر الديكساميتازون لأي رشح بسيط وبدون وصفة طبية 👌!!! 😅
وممكن يصير أذية كلوية من تكرار الديكلو😢😢
ماعداك عن المقاومة الجرثومية بسبب أبر الصاد الحيوي التي تعطى فقط لمسبب جرثومي وليس فيروسي👌✌️

الزكام مرض فيروسي شغلتو اربع خمس أيام والشفاء عفوي.... ممكن ناخد سيتامول وفيتامين سي ونستنشق بخار الماء ونكتر مشروبات ساخنة هي التدابير بأبسط شكلها ✌️💛

حبيت نوه عن هالفكرة كون لاحظت تكرار هالحالة عند شريحة جيدة من الناس ونحن بدورنا نحذر من هالظاهرة

يرجى أخذ الحذر أخواتي 💙

بالتوفيق 💙

الكلام مافي اكتر منه وصراحة هاد عم يسبب تشتت للطالب وخوف كبير.
الطالب يلي عم يدرس صح بفهم صح واسلوب صح وبوقت كافي قادر يحل اي سؤال
والاسئلة الصعبة دائما بتكون القلة القليلة وهي حلوة لتميز الطالب الفهمان ويلي تعبان ع حاله.

ف نصيحة لكل طالب سادسة لا تلتفتوا للكلام المحبط واشتغلوا ع معلوماتكن، معكن وقت كافي جدا جدا

وهالسنة ابنوا معلوماتكن ورمموا النقص مافي امتع من الشغلة اذا نفهمت واذا حاولت فيها وقدرت تربط وتحلل.

وقبل بشهرين ركزوا على الحفظ وشوفوا كيف ما بتنالوا غير علامة ترضيكم❤❤

وفي حال فعلا اجت اسئلة صعبة ف رح تكون صعبة على الطلاب كلها وبالتالي معدلات اقل ومفاضلة علاماتها اقل.

وكتير ناس بالدفعة الماضية درست دورات بسس وجابت علامات عالية فهالشي كمان مو منطقي ومو شي منيح ابدا

فما في هلأ اي سبب للخوف بس اعملوا يلي بتقدروا عليه والله يفتحها على الجميع🙏🙏

د. شهلا شماع الأولى على حلب ( تتحدث عن الكلام حول تحديث البنوك )
ونحن مع رأيها لاتقلق لاتخاف اجتهد فقط

مرحبا ياأبطال 🔥🔥
أجاني عدة اسئلة عن موضوع #الفحص_السريري وكيف منطلع من السادسة والستاجات بأقصى استفادة ✌️💚

المسا أو بكرا بإذن الله رح انشر اسماء اربع كتب للفحص السريري نصحني فين زميل أكبر مني وهلا مختص بتركيا الله يجزيه الخير ولاقيت الفرق عليهن كتيييير💚💚

مع شوية فيديوهات الفحص السريري وتطبيقها بالمشفى شوي شوي بتكتسبو خبرة لا بأس فيها خلال هالسنة 💙

شير لزميلك المهتم بالسريريات 😂😂🌷

تابعونا 😉💙

جمعة مباركة عالجميع أصدقائي 🔥🔥💙💙

بالنسبة لكتب الفحص السريري ✌️
ماكلاود العربي يعتبر انطلاقة جيدة ليلي بدو يتعلم الفحص ويعرف شو بسأل المريض وشو يستخلص منو معلومات....
جداول الأسئلة فيه كتير مهم نعرفها ونبصمها حتى لنعرف ناخد من المريض مايلزم 👌🔥
ماكلاود الخوارزميات هاد حلاوتو بالخوارزميات الي فيه بخطوات حلوة بوجهك للتشخيص
ت ت لدار القدس بجي مرتبة تالتة وبتقعد تنفي كل خيار من الخيارات الموجودة فيه حسب ماسحبت وفهمت من كلام المريض 👌💙
الكتاب الرابع للأسف مافي منو PDF َهو دليل بيتيس (موجود بدار القدس) وكمان مهم وبفضل تمشيه مع الكتاب الأول بحيث الناقص من هاد يتكمل بهاد يعني يكملو بعض كمعلومات وفحص ☺️💃

هي رابط فيديوهات ماكلاود
https://m.youtube.com/playlist?list=PLGESeMFkgqnxC3Yvkgq7_sdfUszaRvlpr
وفيديوهات للامبوس حلوين كمان
https://m.youtube.com/playlist?list=PLkv9qVBSWseFD_Eae4AyPbPHmzxDEQgL9
بالتوفيق 💚💚

مرحبا يا قوم 🔥🔥

خليكن معي بكرا رح انزل ملفين من أفخم مايكون لكل مين حابب يبدأ بقراءة المراجع الطبية ✌️🤗

عبارة عن مصطلحات طبية الالمام فيها بتكسر فيه حاجز الخوف تجاه ايا مصدر طبي اجنبي

طبعا عادي واحد مايعرف بعض الكلمات.... شوي شوي بتزيد ذخيرتك الطبية وبصير الوضع روتيني عندك وما بجيك شعور الخوف الموجود مسبقا 👌💚

موعدنا بكرا..... وشو تأخر بكرا 😊💙

بالتوفيق ✌️💙

الكتابين الي وعدتكم فيهم.... 🌹
إن شالله تشوفو فيهم الفائدة
كتب تانية رح انزلها قريبا لعشاق الخرائط الطبية ✌️😎🔥🔥🔥

بالتوفيق يارب💙💙

⭕️ صدور موعد امتحان دورة اذار 2023

الخميس 3/9 للكتلة الأولى
الخميس 3/23 للكتلة الثانية

جماعة آذار بتحبو انزل خطة دراسية اسعافية خلال هالمدة المتبقية؟؟

مرحبا يا جماعة 💙💙
خطة سريعة اسعافية لزملائنا الي بدن يقدمو بآذار بعد مانزلو موعد الامتحان المفاجئ..... 🔥🔥
اول شي بالنسبة لمصدر الدراسة....
نصيحة إذا ملخص بأيدك ادروس من محل مادرست ولا تضيع حالك.....
إذا مالك مشتغل بموضوع التلخيص فبدك تنقي ملخص سريع بهيك وقت ضيق..... متل سلسلة دار القدس أو عموري تعتبر خيار جيد وفيها الفقرات المهمة اللازمة للامتحان
تاني شي البداية رح تكون من تاريخ ٢٠ /١
يعني عنا حوالي ٤٧ يوم كون شباط ٢٨ يوم ورح نقسمها بين الكتلتين....

منبدأ بالكتلة التانية بتاخد ٢٢ يوم موزعة كالتالي :
٨ توليد ونسائية (٣ توليد ١ /٢ توليد ٢ /٣ نسائية)
٦ اذنية عينية (٣ب٣)
٨ جراحات
(٣ عامة /٢ عظمية/٢بولية/يوم واحد للباقي وفقط دورات)

منجي عالكتلة الأولى حوالي ٢٥ يوم حتى بداية الامتحان ب٣/٩ موزعة كالتالي:
الباطنة
قلبية ٣
هضمية ٢
صدرية ٢
دم + رثوية ٣ ايام
كلية + غدية ٣ ايام
عصبية إنتانية كبد نفسي يوم واحد وفقط دورات وبنوك.....
جلدية ٣ ايام
أطفال( ١) يوم واحد
أطفال( ٢) ٧ ايام.... كالتالي
يوم قلبية
يوم هضمية
يوم صدرية
يوم دم ورثوية
يوم كلية
يوم إنتانية
يوم عصبية غدية
اهم فصول الأطفال منذكر فيها هي هضمية صدرية دم كلية إنتانية عصبية

فيكم تدرسو كل باطنة وراها أطفالها اسرع واسلس

طبعا جميع ماسبق يدرس مع بيتا
🔥 وفي حال التقصير ببعض المواد أو الايام بتقرؤو فقرات دورات المادة قراءة بعدها بتروحو عبيتا وبتكملو عادي ولا تلخبطو برنامجكن مشانها 🔥

ااذا انزنقتو كتير كتير كتير وانتهت حلول الدراسة فعليكم ببيتا وعفا الله عما مضى 😂😂😁✌️👌

تاغ لرفيقك المزنوق خلي يعرف يزبط برنامجو 🤗✌️🌷

لأي سؤال ممكن تكتبو بالتعليقات أو عن طريق بوت القناة بوصف القناة ✌️🌹

بالتوفيق يارب بأعلى العلامات 🔥🔥💚

السلام عليكم 💚💚
#نصائح
#ماقبل_السريريات

بوست مخصص لجماعة السنوات الأولى
مرحلة التأسيس الطبي ماقبل السريريات✌️🔥

ايام الجامعة وبحكم اني جديد بعالم الطب (مافي حدا من طرفي بالكلية ابدا) كنت دوما اسأل الي اكبر مني شو هي المواد الي بتهمني لبعدين؟؟؟ شو هنن أساسيات الطب؟؟
اكيد حوالي٤٠ مادة اول ٣ سنين مو كلن مهمين لدرجة اهتم بالجميع بنفس الدرجة بالاخير مااعرف شو هو المهم والي ممكن يلزمني فيما بعد!!!

سألت كتير كتير حتى وصلت للزبدة الحمدلله ✌️💚

مواد الطب الأساسية اللازمة للسريريات هي الفيزيو👈 باثو 👈أدوية
هدول ال٣ ااذ درستن منيح رح تطلع باني قاعدة طبية بعقلك بشكل كتير كبير ومهم 😁👌💙
وتدرس بنفس الترتيب 👍✌️يعني الي بدو يرمم يبلش فيزيو بعدها ينتقل باثو وهكذا 👌🤝

منجي عالمراجع 💪
الفيزيو عندكن العملاق غايتون والأفضل كوستانزو طبعا 🔥🔥والي بدو مختصر اكتر كتاب BRS

بالنسبة للباثو في الباثوما المعروف عند الاغلب..... وفي Rubbins أوسع واشمل

بالنسبة للمداواة(علة المعظم😂💔)
الاهم مرجع لبينكوت.... البديل Katzung وفي عندكن الكابلان فارما....

منحكي عن باقي المواد.... تشريح نسج كيميا حيوية احياء دقيقة طبعا مواد حلوة ومهمة وبتجي درجة تانية بالاهمية حسب رأيي كل الي سألتن الأكبر مني ✌️

بالنسبة للتشريح ادرسو الشي المطلوب منكم والمكرر.... بتحبو تتوسعو لا حرج بس لا تغوصو فيه.... بكرا الي بدو بدخل جراحة ويتوسع بشو مابدو.... شأد مادرست التشريح رح ينتسى بدون ممارسة صدقاً وبحكم الجميع 😅، بتحبو التوسع توسعو بس ركزو بالاخير الشي المطلوب منكم + فقرات محببة للدكتور
مراجع التشريح سنل، غرايز....

النسج مادة حلوة وبدخلك بجو الطب والأعضاء وهيك.... افضل مرجع على الإطلاق جانكويرا بدون منازع ✌️🔥

الباقي ادرسو من مقرراتكم + فقرات مهمة كافي برأيي وخدو الزبدة من كل مادة

بالاخير رح تطلعو ومعكم الأساسيات من كل مادة شأد مادرستوها والاستبحار بكون بعالم الاختصاص فيما بعد ✌️🔥💙

بتمنى تلاقو الفائدة والخلاصة الشافية من هالبوست.... ولأي سؤال جاهز ان شالله 🤗✌️💙

#ركزو🔥🔥🔥
جماعة الروابع والخوامس والسوادس الي بدن يرممو فيزيو باثو أدوية..... استنوني ببوست قريب عن ٣ مراجع مختصرة #ذهبية تفي بالغرض بحكم مواد السريريات الضخمة بهالسنين 😉😎

اغلب المراجع الي ذكرتها بتشوفوها هون
https://t.me/Syrian_Arab_Republic_Library/801

بالتوفيق يارب واذكرونا بدعوة ☺️💙🤗