من هنا انقر
ايظا قصائد متنوعه ونعي للزهراء البتول
👆👆👆👆👆

قصيده للزهراء

لاتنسوني لاتنسوني
انه المظلومه تعرفوني
.............
انه المظلومه المهظومه
ولفراك الوالد مالومه
بالباب اضلوعي مهشومه
بس غاب الوالي ظلموني
.............

عكب الوالد ظليت انعي
عصروني واتكسر ظلعي
ياشيعه وتغير وضعي
خلوني بهمي خلوني
..............
لا تنسوني انه الزهره
لاتنسوني الضلع وكسره
اشسوا بيه بذيج العصره
ما راعوا حالي ورحموني
...............
ياشيعه ابجوا لهمي وحالي
شسووا بيه خلاف الوالي
من همي اتفطر دلالي
مالومه وبس تجري عيوني
..........
ظليت ابجي وتجري ادموعي
هظموني وكسرولي اضلوعي
واعلى المحسن زايد لوعي
ليش امن اوليدي حرموني
..............
يالهادي لو تنظر ليها
بعدك شوف اشصاير بيها
من عدها اخذوا والبها
وتنادي بويه اتولوني
............
✍️✍️شاعره اهل البيت
ام حسين الهلالي
اسالكم الدعاء لي ولوالدي وللمؤنين والمؤمنات
https://t.me/gjjyfko

◼️يـــا بـــاب فاطمـــة

يا بابَ دارِ الطُّهرِ كيفَ عَصَرتَهـا
قُل لي بربِّـــكَ عَامِـــداً تُؤذيهــا

أم أنَّ أَصحابَ السَّقيفةِ عُنــوةً
قَد أَجبَــروكَ بِعَصـــرةٍ تُدميهــا

هَشَّمتََ يا بـــابَ المنيةِ ضلعَهـا
أنتَ الذي تُرجــى بأنْ تَحميهــا

صَرَخت وَنادت يا مُحمَّدُ يا أبي
وَعلى الخُدودِ مَدامِـعٌ تُجريهــا

قُمْ يَا أبي وانظُرْ لِوَغدٍ ظالِــــمٍ
جَهراً غَــدا أضغانُــــهُ يُبديهـــا

فَهَوَت وَنادى مُحسِنٌ مِن تَحتِها
مِثلُ ابنِ مَريمَ قاصِداً يُسليهـــا

يا بَابُ بِالعصْراتِ أُسقِطَ مُحسِنٌ
والنارُ تَرمِي جَمرَهــا مِن فِيهـــا

يا بَابُ غادَرتِ البَتولُ بِشَجوِها
والضِّلــعُ مَهشُـــومٌ إلــى بَاريهـا

يا بَابَها قُلْ لي وَعَهدُكَ مِن مَتَى
بِنــتُ النَبـــيِّ مَظالــــمٌ تُبريهــا

أَجَزَاءُ أحمَــدَ تُستبــاحُ حُدودُهُ
ومُقـيِّــــدٌ بوصيِّـــةٍ حامِيـهـــــا

ويلٌ لقــومٍ لَم يُراعُــــــــوا دارَهُ
ودِرايةً قَد أيقَنــــوا مَن فِيهــــا

هَجمُوا بِنارٍ أَحرَقَت أحقادُهــــا
بابَ البَتولِ وَنارُهُــم تَكويهــــا

https://t.me/gjjyfko

هوسات نهايه المجلس


يزينب نعزيج بالطاهره ومصابها
............
يزينب نعزيج بمصيبه المظلومه
بالزهراء نواسيج وضلوعها المهشومه
بالاحزان نعينج على الجنين ويومه

عصروها كوم الارجاس طاح الطفل بعتابها

............
نعزيج بالمصاب هاليوم كلنه جينه
امن كلوبنه نناديج فكد امج اماذينه
وي ونتج يزينب ونة قهر ونينه

والنيران يزينب بكلوبنه لهابه
...........
بم الحسن نعزيج يزينب المحزونه
بمصابها نواسيج والمحب تجري اعيونه
والله عظيم مصابها بيه العده فجعونه

جاروا عليها العدوان بالنار حركوا بابها

............
مهظومه راحت فاطمه اهواي العده ظلموها
جمعوا على الدار الحطب وبنارهم حركوها
والباب دفعوه بحقد وام الحسن عصروها

ظلت عليله بالنزل وتلوج من اصوابها
..............
مظلومه بنت المصطفى ياشيعه ابجو عليها
ظلت عليله بالنزل وضلوعها مكسربها
واليوم مظلومه كضت بنت النبي هاديها

شالت حزينه الطاهره
للباري تشكي اتعابها

...........


ام حسين الهلالي
نسالكم الدعاء لي ولوالدّي وللمؤمنين وللمؤمنات
https://t.me/gjjyfko

فزاعيه للزهراء المظلومه

لاتشيع لم حسين
لا صايح بدفنتها
...........

شيعها علي بالليل
وعليها شيفيد الويل
مصيبتها تهد الحيل
يالماتت بعلتها

➰➰➰➰➰➰
حيدر وحده غسلها
وسط الكبر نزلها
وعليها دمعته هلها
مايحمل مصيبتها
➰➰➰➰➰➰
ام حسين شالوها
بظلام الليل دفنوها
وزينب تبجي خلوها
عليها تسيل دمعتها
............
على الزهره تهل العين
وياها الحسن وحسين
طشرهم مرار البين
امهم صعبه فركتها
............
امهم صعب فركاها
ماشبعت من اهواها
بت المصطفى طاها
الدنيا هواي اذتها
➰➰➰➰➰➰➰
اذاها الهظم والجور
ماتت والظلع مكسور
من عدهاوالكلب مقهور
و ماحضروا جنازتها
...............

خادمه اهل البيت
ام حسين الهلالي✍️✍️
اسالكم الدعاء لي لوالدّي وللمؤمنين والمؤمنات
https://t.me/gjjyfko

*رثاءُ عليًّ عليه السلام (لسان الحال)للزهراء عليها السلام بعد تكفينها*

أبكيكُ فاطمُ والبكاءُ بكاني
أتغيبُ شمسي في عُرى االأكفانِ

أرثيكِ بل يَرثي عليٌّ نفسَهُ
يا ليتهُ ثغرَ الحبيبِ رثاني

ما كانَ ظني أن أُكفِّنَ مُهجتي
وأُرقرقُ الدمعاتِ كُلَّ زماني

أوما عجِلتِ على عليٍّ بالأسى
فأراكِ ميِّتةً وكنتُ الثاني

رحَلتْ بهائجُنا وجنّةُ دارِنا
لم يبقَ في داري سوى االأشجانِ

لا روحَ لي لا عُمرَ لي لا أُنسَ لي
ذا كلُّ حُلوٍ في الديارِ جفاني

أين الهمومُ أحطُّها يا سلوتي
يا قِبلةَ المثقولِ بالأحزانِ

قد كنتُ عندَ البابِ أُلقي ثقلَها
لم يبقَ عندَ البابِ مَن يلقاني

فلمن أعودُ إذا الديارُ تصحّرتْ
وبمن ألوذ إذا الضنى أعياني

وعلى تلاوةِ مَن تطيبُ مسامعي
يا أجملَ الأصواتِ في الأكوانِ

أين الدعاءُ وأين ترنيمُ الدُّجى
يا نجمةً تدمى لها العينانِ

بالأمسِ كان لقاؤنا يا فاطمٌ
ما أسرعَ الترحالَ عن أوطاني

لهفي عليكِ وقد أتيتِ كريمةً
وغدوتِ راحلةً بجرحٍ قانِ

محزونةً مهمومةً مهشومةً
محمولةً بالنعشِ للتُربانِ

هذا وداعي من حزينٍ مُعدَمٍ
يا كلَّ عمري قد مَضتْ أزماني

https://t.me/gjjyfko

قصيده في اربعين الزهراء

الوزن تجليبه(مربعه)

حنينه الوالده يامحله كعدتها
مشتاكه واريد اليوم شوفتها

•••••••••••••••••••••••••

حنينه الوالده ويامحله طاريها
مشتاكه اشوفنها واحاجيها
طال اغيابها وللروح. ماذيها

وظلت تكسر. الخاطر. ابنيتها
•••••••••••••••••••••••••

طال افراكها وتنوح. البنيه
تكول امي حنينه واكطعت بيه
وهذا اليوم سوينه اربعينيه

راحت ماترد والروح مردتها
•••••••••••••••••••••••••
عزيزه الوالده. شالت وعافتنه
لا كالت بناتي مشت خلتنه
نبجي بدارها. فركاها. موتنه

تحن روحي عليها تريد طبتها

•••••••••••••••••••••••••
محتامه عليها وروحي مالومه
وكلبي من وراها زادت
اهمومه
ماكلتي ابنيتي تظل مهظومه

آ يالوالده وشعظم فركتها
•••••••••••••••••••••••••
حنينه الوالده وفركاها. ماذينه
راحت ماترد اولا تطب لينه
صار. الاربعين. وليها حنينه

ظلت بالكلب. ياناس. حركتها
•••••••••••••••••••••••••
هاي الوالده ونريد وياها
صار الاربعين وطال فركاها
ماتسوى الحياه امي بلياها

بعد ماترجع. او نسمع احجايتها

•••••••••••••••••••••••••

ام حسين الهلالي✍️
اسالكم الدعاء لي ولوالدّي
لا اجيز شرعا حذف الاسم
https://t.me/gjjyfko

🌴 *بسم اللّٰه الرحمن الرحيم*
📚 *عن النبي صلى اللّٰه عليه وآله*
*(( يا سلمان من أحب فاطمة إبنتي فهو في الجنة معي ومن أبغضها فهو في النار ، يا سلمان حب فاطمة ينفع في مائة مواطن أيسر تلك المواطن الموت والقبر والميزان والمحشر والصراط والمحاسبة فمن رضيت عنه ابنتي فاطمة رضيت عنه ومن رضيت عنه رضي الله عنه ومن غضبت عليه فاطمة غضبت عليه ومن غضبت عليه غضب الله عليه ، يا سلمان ويل لمن يظلمها ويظلم ذريتها وشيعتها ))*
📘 *البحار*
طابت جمعتكم لتنسونه من صالح دعائكم

تجليبه مربعه للقاسم ابن الامام الكاظم
...........

على القاسم نون والدمعه سجابه
يهد الحيل يومه ولوعه امصابه
.............
على القاسم دموع العين نجريها
ونعزي فاطمه الزهره او واليها
يايومه ومصابه هواي ماذيها
غريب ولا اهل لا يمه احبابه
................
من جور العده وياي خلص كلبه
ترك موطن اجداده وعاش بالغربه
ولدرب الاهل اعيونه تتربه
يايوم اليروح الموطن اترابه
.............
نزل بديار غربه وعايف اوطانه
وكلبه اعلى الاهل تلتهب نيرانه
تهمل دمعته وتزيد احزانه
لمن يذكر اهله ويذكر احبابه
.........
بالغربه يويلي جان يسجي الماي
يشوفه ودمع عينه يضل عليه هماي
فوك الغربه تتزايد همومه هواي
يذكر جده المظلوم واصحابه
............
يذكر جده ماضاكه وشرب منه
يظل ينحب عليه ويجذب الونه
وخيل الكوم لمن صدره داسنه
يبجي يصيح لجل حسين ومصابه
.................
من كربت منيته وكربت ايامه
وزادت علته وازدادت الالامه
جابوله طفلته وحطها جدامه
حاجاها اعلى اصله وشرح اسبابه
.................
ام حسين الهلالي
اسالكم الدعاء لي ولوالدي وللمؤمنين والمؤمنات
https://t.me/gjjyfko

السلام عليكم نعزي سيدنا ومولانا الامام الحجة اامنتظر عج الله فرجه ومراجعنا العظام
باستشهاد سيدنا ومولانا القاسم بن موسى الكاظم بن جعفر الصادق(عليهم السلام).
أُمّه
جارية اسمها تُكتم، وتُكنّى بأُمّ البنين.
ولادته
لم تُحدّد لنا المصادر تاريخ ولادته ومكانها، إلّا أنّه كان من أعلام القرن الثاني الهجري.
مكانته عند أبيه
كان الإمام الكاظم(ع) يُحبّه حبّاً شديداً، حتّى أنّه أدخله في وصاياه، وقال في حقّه لأبي عُمارة: «أُخْبِرُكَ يَا أَبَا عُمَارَةَ، إِنِّي خَرَجْتُ مِنْ مَنْزِلِي فَأَوْصَيْتُ إِلَى ابْنِي فُلَانٍ ـ أي الإمام الرضا ـ، وَأَشْرَكْتُ مَعَهُ بَنِيَّ فِي الظَّاهِرِ، وَأَوْصَيْتُهُ فِي الْبَاطِنِ، فَأَفْرَدْتُهُ وَحْدَهُ، وَلَوْ كَانَ الْأَمْرُ إِلَيَّ لَجَعَلْتُهُ فِي الْقَاسِمِ ابْنِي لِحُبِّي إِيَّاهُ، وَرَأْفَتِي عَلَيْهِ،
و لمّا استُشهد الإمام الكاظم(ع) في سجن هارون الرشيد توارى القاسم عن أعين السلطة العبّاسية، واختفى في منطقة سورا، وتُعرف اليوم بمدينة القاسم، فعاش هناك زمناً متخفّياً متنكّراً لا يُعرف نسبه، حتّى أباح بتعريف نفسه عند مرضه فقال لما أشتدّ غضب الرشيد جعل يقطع الأيدي من أولاد فاطمة، ويسمل في الأعين، وبنى في الأسطوانات حتّى شرّدهم في البلدان، ومن جملتهم القاسم ابن الإمام موسى بن جعفر، أخذ جانب الشرق لعلمه أنّ هناك جدّه أمير المؤمنين(ع)، جعل يتمشّى على شاطئ الفرات وإذا هو ببنتين تلعبان في التراب، إحديهما تقول للأُخرى: لا وحقّ الأمير صاحب بيعة يوم الغدير ما كان الأمر كذا وكذا، وتعتذر من الأُخرى، فلمّا رأى عذوبة منطقها قال لها: مَن تعنين بهذا الكلام؟
قالت: أعني الضارب بالسيفين والطاعن بالرمحين أبا الحسن والحسين علي بن أبي طالب(ع). قال لها: يا بُنية، هل لكِ أن تُرشديني إلى رئيس هذا الحي؟
حتّى أتت إلى بيتهم، فبقي القاسم ثلاثة أيّام بعزّ واحترام، فلمّا كان اليوم الرابع دنا القاسم من الشيخ وقال له: يا شيخ، أنا سمعت ممّن سمع من رسول الله أنّ الضيف ثلاثة، وما زاد على ذلك يأكل صدقة، وإنّي أكره أن آكل الصدقة، وإنّي أُريد أن تختار لي عملاً اشتغل فيه لئلّا يكون ما آكله صدقة.
فقال الشيخ: إختر لك عملاً. فقال له القاسم: اجعلني أسقي الماء في مجلسك. فبقي القاسم على هذا إلى إن كانت ذات ليلة خرج الشيخ في نصف الليل في قضاء حاجة له، فرأى القاسم صافّاً قدميه ما بين قائمٍ وقاعد وراكع وساجد، فعظم في نفسه وجعل الله محبّة القاسم في قلب الشيخ، فلمّا أصبح الصباح جمع عشيرته وقال لهم: أُريد أن أُزوّج ابنتي من هذا العبد الصالح فما تقولون؟
قالوا: نِعم ما رأيت. فزوّجه من ابنته، فبقي القاسم عندهم مدّة من الزمان حتّى رزقه الله منها ابنة، وصار لها من العمر ثلاث سنين، ومرض القاسم مرضاً شديداً حتّى دنا أجله وتصرّمت أيّامه، جلس الشيخ عند رأسه يسأله عن نسبه وقال: ولدي لعلّك هاشمي؟
قال له: نعم، أنا ابن الإمام موسى بن جعفر(عليهما السلام). جعل الشيخ يلطم على رأسه وهو يقول: وا حيائي من أبيك موسى بن جعفر.
قال يا عم، فإذا أنا متّ فغسّلني وحنّطني وكفّني وأدفنّي، وإذا صار وقت الموسم حجّ أنت وابنتك وابنتي هذه، فإذا فرغت من مناسك الحج إجعل طريقك على المدينة، فإذا أتيت المدينة أنزل ابنتي على بابها، فستدرج وتمشي، فامش أنت وزوجتي خلفها حتّى تقف على باب دارٍ عالية، فتلك الدار دارنا
[٢٧/‏١٢ ١٢:٤٥ ص] ام حيدر: والشيخ يمشي خلفها إلى أن وصلت إلى باب الدار، فدخلت فبقي الشيخ وابنته واقفين خلف الباب، وخرجن النساء إليها واجتمعن حولها، وقلن مَن تكونين؟ وابنة مَن؟ فلمّا قلن لها النساء: ابنة مَن تكونين؟ فلم تجبهم إلّا بالبكاء والنحيب، فعند ذلك خرجت أُمّ القاسم، فلمّا نظرت إلى شمائلها جعلت تبكي وتنادي: وا ولداه، وا قاسماه، والله هذه يتيمة ولدي القاسم، فقلن لها: من أين تعرفينها أنّها ابنة القاسم؟

قالت: نظرت إلى شمائلها لأنّها تشبه شمائل ولدي القاسم. ثمّ أخبرتهم البنت بوقوف جدّها وأُمّها على الباب، وقيل: إنّها مرضت لمّا علمت بموت ولدها، فلم تمكث إلّا ثلاثة أيّام حتّى ماتت»(2).

عظم الله لكم الاجر
نعزي النبي واله الطاهرين وامام العصر والزمان والمؤمنين والمؤمنات وشيعه امير المؤمنين بأستشهاد القاسم ابن الامام الكاظم عليه السلام
نسال الله بحق القاسم الغريب المظلوم ان يعجل بالفرج عن امام زماننا ويجعلنا من اللائذين به والمستشهدين بين يديه
انا لله وانا اليه راجعون

🏴🏴القاسم ابن الامام موسى ابن جعفر
............
نذكر مصاب القاسم ونبجي لشبابه
مظلوم فارك دنيته
وفارك احبابه
..................................
مظلوم فارك دنيته ابن الايمه
بديار غربه لا اهل واحباب يمه
ماكو عشيره تعتني وتشيل همه
ماله معين وعن هله طول غيابه
...........
نذكر مصاب القاسم وننحب بهاليوم
مظلوم فارك دنيته ياشيعه مظلوم
كلبي خلص بين الغرب من كثر الهموم
ويلاه على القاسم وياويلي لمصابه

...........
بالغربه ظل اسنين عايف ديره اهله
يبجي اعلى فركاهم دمع عينه يهله
ياويل كلبي وماينام الليل كله
والاهل عنه ابعاد ماجاهم اعتابه
..............
يتذكر احبابه وهله وتفيض عينه
بالغربه صار اسنين اهله مفاركينه
وصه البنيه تروح بعده للمدينه
تخبرهم بحاله وبلوعاته ومصابه
...............
مدد على القبله وينادي يامسلمين
انه امن اهل بيت النبوه وجدي حسين
مذبوح مات بكربله دامي الوريدين
ويمه ضحايا اعلى الترب اهله واصحابه
............
ويلي على القاسم جرع ضيم واذيه
كلما يشوف الماي دمعاته جريه
ويكول جدي مات ماظاك الميه
عطشان ذبحوه العده وظل عالترابه
............
اتمدد على القبله و يون
مخطوف لونه
وصه ببنيته توصل للامه الحنونه
ياويل كلبي وبينهم غمضت اعيونه
وظلت الناس تصيح عالماله كرابه
..................
شاعرة اهل البيت
ام حسين الهلالي
نسالكم الدعاء لي ولوالدي وللمؤمنين والمؤمنات
https://t.me/gjjyfko
.............................

فزاعيه
............

نعزي الكاظم بهاليوم
على ابنه المات بالغربه
..............
نعزي الكاظم بأبنه
بلوعتنه او مأاتمنه
وعلى مصابه تألمنه
وعلينه بعد دربه

...........

صيحن حيل لمصابه
ونار الگلب لهابه
وصبوا ادموع سجابه
على المحد وصل كربه
.............
اليوم القاسم اذكرناه
مصابه صعب ماننساه
بالغربه غفت عيناه
وعينه لهله تتربه
...............
اهل ابعاد مو يمه
لا اخوته او ولد عمه
المن يشتكي همه
على اهله دمعه يصبه
..............
فاضت دمعته بعينه
بغربه خلصت اسنينه
وبته تبجي لونينه
وتگله فركتك صعبه
.............
تون وتصيح حاجيني
اگعد واسمع اونيني
يبويه لا تخليني
عليه من يحن گلبه
.............
شاعرة اهل البيت
ام حسين الهلالي
اسالكم الدعاء لي ولوالدي وللمؤمنين والمؤمنات
https://t.me/gjjyfko

تجليبه (مربعة )الى سبع الدجيل سيد محمد


العدها حاجه صعبه تعتني بهمة
يم سبع الدجيل وتنتخي بسمه
**************
العدها حاجه صعبه ليه تتعنه
هذا باب المراد او كفو منه
حاشه مايردها خايبه الضنه
والمهموم عنده ينجلي همه
***************
هذا صاحب الشاره ونسل هاشم
بشاراته العجيبه تشهد الوادم
ماخاب الكصدله مايرد نادم
ماخاب اليندبه او ينتحب يمه
**************
ماخاب اليندبه ضنوه السادة
اريدانخاه واكله بحرمة اجدادة
كلمن يعتنيله يفرح افاده
يقضي حاجته ويزيل كل همه
**************
خل ينخاه كلمن طايح بحيره
هذا ابن الأيمة او مالنه غيره
هداته عظيمه وشارته جبيره
سيدمحمد وسبع الدجيل
اسمه
***************
شاراته عجيبه هواي مشهوده
كل الناس تحجي تسولف بزودة
هذا ابن الايمه وطاهره اجدوده
ماخاب اللزم شباجه اوشمه
************
لشاعرة اهل البيت ام حسين الهلالي🙏🏻
اسالكم الدعاء لي ولوالدي
لا اجيز شرعا حذف الاسم
https://t.me/gjjyfko

(فزاعية) نصف بحر طويل

يا سبع الدجيل انخاك.
اريد مراد تنطيني
* ** ***
حاجات البكلبي اهواي. اجيت انخاك يا مولاي
وانت غايتي ورجواي.
اجيتك يابعد عيني
* *** ***
هذا ضنوة الساده. اليندبه. ياخذ. مراده
نخيت الطاهره اجداده.
دخيلك لا تخليني
* ** **
اجيت الراعي النخوه ..
واطلب هدته الحلوه
هذا الراعي المروه

.ويدري الدهر ماذيني
** ** *
اجيت اطلب طلب منه. يسهل كل حوايجنه
او يجبرنه اويفرحنه.
واكله ادخيلك حاميني
** *** ***
هذا. المات بالغربه.
وبالسم كطّعوا كلبه
عنده جاه عد ربه
مصابه اهواي ماذيني
** *** ***
هذا المرتفع شأنه
هذا الجود عنوانه
وجده داحي بيبانه
بكل شده ينجيني
**********
لشاعرة اهل البيت
ام حسين الهلالي 🏴
اسالكم الدعاء لي ولوالدي
لا اجيز شرعاً حذف الاسم
https://t.me/gjjyfko

نعي لسيد محمد سبع الدجيل

اه اه
نبجي على ضنوه الساده
راعي العلم راعي العباده
مرار الدهر ذوب افاده
---------
كل الاسف عالحيد مفكود
سبع الدجيل ومنهل الجود
بعيد البله رايح وميعود
---------
ابن الايمه سامينه
شباب و كظت زهره اسنينه
غريب وهله مو حاضرينه
...............
غريب وكظه مابين الاجناب
جاوين جده داحي الباب
امن السم يعالج والجبد. ذاب
.............
مسموم شال ابن الايمه
منو حاضره ومن معد يمه
موت الاسد ياناس زحمه
.................
ابن الاُيمه امن البلد غاب
وعليه نهل الدمع سجاب
ونعزي جده داحي الباب
---------
دار العلم وحشه او حزينه
ابن الاُيمه فاكدينه
وكلمن يحبه تهل عينه
--------
ابن الاُيمه انشال نعشه
والناس تتصارخ بدهشه
وداره بقت مظلمه اوحشه
---------
تعمه على الغريب عيني


ام حسين الهلالي
اسالكم الدعاء لي ولوالدي
لا اجيز حذف الاسم

https://t.me/gjjyfko

قصيده لوفاة السيد محمد سبع الدجيل الوزن بحر طويل

بحزن وهموم اجينه اليوم
يوالينه يوالينه
...............
اجينه والحزن بينه
نحيي مصابك بلوعه
حضرت شيعتك تنعاك
هذا اليوم مفجوعه
ماذينه المصاب الصار
عليك الكل جرى دموعه
نون ونوح بكلب مجروح
يوالينه يوالينه
...............
نظل ننعاك يامظلوم
وحزنك بالكلب وجر
وننصبلك تعازينه
يبن المرتضى حيدر
ونذكر لوعتك مولاي
وعليك الدمع حدر
نهل ادموع بكلب موجوع
يوالينه يوالينه
................
ياسبع الدجيل اعليك
هاي الناس حزنانه
تنصب ماتم وتنعه
على مصابك يمولانه
فكدك صعب عالاسلام
فكدك هدّم اركانه
بحزن ننعاك صعب فركاك
يوالينه يوالينه
................
ننصب ماتمك هاليوم
اجينه والدمع يجره
نجدد هالعهد وياك
يبن الطاهره الزهره
ننعه بحسره وبلوعه
ويوم مصابك نذكره
الك جينه بتعازينه
يوالينه يوالينه
.............
نجدد كل سنه ذكراك
وننعاك بمنابرنه
اجينه اليوم يم كبرك
بلوعه وحسره وبونه
ياسبع الدجيل انريد
تگظي كل حوايجنه
يمولانه لتنسانه
يوالينه يوالينه
.............
ام حسين الهلالي
اسالكم الدعاء لي ولوالدّي
لا اجيز شرعا حذف الاسم

https://t.me/gjjyfko